EJEKIEL 14:10 - Bibəl ta Sar̄

¹⁰ Nge koō ta ń noō ō, nge dəjen najə̄ ń noō ō ní, yá̰á̰ kə́ gōtə́ aĺ kə́ kógə̄ḿ beē nəkɔ́ ń toō ní, najə̄n i dɔdə́ tə́ mbak.

Bible sar

¹⁰ *Nge koō ta ń noō ō, nge dəjen najə̄ ń noō ō ní, yá̰á̰ kə́ gōtə́ aĺ kə́ kógə̄ḿ beē nəkɔ́ ń toō ní, najə̄n i dɔdə́ tə́ mbak.

EJEKIEL 14:10 Referans Kwoze

EJEKIEL 23:49

Ohola ō, Oholiba ō, yá̰a̰ rāāsí kə́ majaĺ gə̄ ní, najə̄n i dɔsí sḭḭ̄ kɔ́ gə̄ tə́. Ī-ndíbī horən, i tām̄ sḭḭ̄ ī-rɔyī nə́ɓā kə́ rɔ̄kum aĺ gə̄. Loo ń noō tə́ ā ī-gerī kadə̄ Kɔ́ɔ̄ɓē Nə́ɓā i mā.

GALATƏ 6:5

Tɔdɔ̄ náā nəkɔ́ a ətō yá̰á̰ kə́ kɔȳ yān nəkɔ́.

MISE 7:9

Majə kadə̄ jə-tə́gā tají, dan ń Kɔ́ɔ̄ɓē a rāāń wōn̄g tə́ ní. Tɔdɔ̄ jə-mān̄ dɔ ndūn. Banī ndɔ̄ a reē noó, kadə̄ ni a rɔ̄ɔ̄ dɔjí tə́ ō, ni a gān̄g sarya kə́ gōtə́ yā kadə̄jí ō. Ni a ɔrjí ta róbə yā kaw̄ sejí kum loo kə́ unjə̄ kow tə́ ō, a rāā majə sejí yā kutə̄ń gidəjí ō.

EJEKIEL 14:4

I beé ní, ə́dádə́ yá̰á̰ ń mā Kɔ́ɔ̄ɓē Nə́ɓā m-ə́dádə́ ní: Tītə̄ ń toō ré deē kógə̄ḿ kə́ Israel tə́ əhɔ gō ɓesə̄ yān gə̄ ō, gḛy yá̰á̰ ń a rāān adə̄ a tə́sō kum majaĺ tə́ ní ngá̰ý ō, ba reē koō najə̄ kə́ ta nge koō ta kógə̄ḿ tə́ anī, i mā Kɔ́ɔ̄ɓē n m-ā tūrə̄n najə̄ tə́ ní. Ba m-ā m̄-rā i dɔ ɓesə̄ yān kə́ ngá̰ý gə̄ ń ni a rɔȳdə́ tə́ ní yā tūrəń najə̄ kədan.

JEREMI 14:15

I tām̄ ń toō tə́ n Kɔ́ɔ̄ɓē ɔr̄ najə̄ tītə̄ ń toō beé ní: Yá̰á̰ kə́ sɔɔ̄ dɔ ngé koō ta gə̄ ń unən̄ rīḿ ɔrə̄n̄neé najə̄ banī m-ə́ládə́ aĺ ní n toó. Ká ré nin̄ gírə̄n̄ kadə̄ kaskar ō, ɓō ō, a gətóon̄ kem ɓē ń toō tə́ gə̄gē anī, ngé koō ta gə̄ ń noō a oyn̄ i yo kaskar ō, yo ɓō ō.

TƏ́DA 5:31

Loo ń noō tə́ najə̄ a gətóo dɔ ngaa dəyá̰ ní tə́. Banī dəyá̰ ń najə̄ i dɔn tə́ ní, yá̰á̰ kə́ tōr̄ tām̄ majaĺ yān tə́ a rāān i nəkɔ́.

TA KƏLA 4:13

Kain əda Kɔ́ɔ̄ɓē na: Ndéý ń ə́ndam̄ ní tɔȳ tɔ́gə́ḿ, adə̄ m-ásə́ tə́gā taḿ gírí alé.

EJEKIEL 14:9

Yá̰á̰ kə́ rang ń asə rāā yá̰á̰ ɓáý to̰ ní n toó: Ré nge koō ta kógə̄ḿ ndúm̄, adə̄ i nəkɔ́ n tūr̄ najə̄ əda anī, kumən na i mə̄kɔ́ Kɔ́ɔ̄ɓē n m-ə́ya̰n adə̄ rāā yá̰á̰ ń noō ní. Ɓá tā ba m-ā m-ɔ́jə́ tɔ́gə́ḿ dɔn tə́ ō, m-ā m-ɔ̄rən kə̄ gogə́ kɔ̄ɔ́ dan Israel gə̄ ń i gír deē yāḿ gə̄ ní tə́ ō.

EJEKIEL 14:11

I beé n ngán Israel gə̄ a əya̰mə̄n̄neé kɔ̄ɔ́ yā kaw̄ sa̰y yā kaw̄ tḭ̄ḭ̄ń ta rɔ̄də́ kɔ̄ɔ́ aĺ ní. Nin̄ a télən̄ de kə́ yḛr gə̄ sɔɔ̄ń yá̰a̰ rāādə́ kə́ gōtə́ aĺ gə̄ kə́ i ngá̰ý tə́ to̰ alé. Banī nin̄ a télən̄ gír deē yāḿ gə̄ ō, mā m-ā m̄-téĺ Nə́ɓā yādə́ ō. Najə̄ ń mā Kɔ́ɔ̄ɓē Nə́ɓā m-āwń yā kəda ní n noó.

OJEE 9:7

Kum mbang ń Kɔ́ɔ̄ɓē a rɔ̄ɔ̄ńsí ní n toó. A̰á̰ā̰, i kum mbang kə́ yā kadə̄ deē ɔjəń gíŕ yá̰a̰ rāān gə̄, majə kadə̄ Israel ger̄ nge ń noō. Sḭḭ̄ ə́daī na nge koō ta ń toō dɔn na ndi gōtə́ alé, ə́daī na nge kəda yá̰á̰ kə́ reē dɔn tə́ toō na a ɔr̄ i najə̄ kə̄ noó. I beé ɓá ní, ré dɔḿ ndi gōtə́ aĺ anī, i najə̄ yá̰a̰ rāāsí kə́ majaĺ ngá̰ý gə̄ kə́ i ngá̰ý tə́, i najə̄ kənī kə́ ə̄nīmī rɔ̄ɔ̄ kə ngangá ngá̰ý tə́.