EJEKIEL 13:9 - Bibəl ta Sar̄

⁹ Ngé koō ta gə̄ ń a ənīn̄ gotə yá̰á̰ kə́ ka̰ā̰ kə́ rɔ̄kum aĺ gə̄ ō, yá̰a̰ gə̄ ń nin̄ ədan̄ na a rāā yá̰á̰ á i yá̰á̰ kə́ rɔ̄kum aĺ gə̄ ō ní, m-ā m-ɔ́jə́ tɔ́gə́ḿ dɔdə́ tə́. Nin̄ i dan ngé kán̄ naā gə̄ yā gír deē yāḿ gə̄ tə́ aĺ ō, a ndangən̄ rīdə́ dan rī ngán Israel gə̄ tə́ aĺ ō, nin̄ a télən̄ yā reē gogə́ dɔ nang yādə́ tə́ aĺ ō. I tītə̄ ń noō n nin̄ a ger̄nəń kadə̄ Kɔ́ɔ̄ɓē Nə́ɓā i mā ní.

Bible sar

⁹ *Ngé koō ta gə̄ ń a ənīn̄ gotə yá̰á̰ kə́ ka̰ā̰ kə́ rɔ̄kum aĺ gə̄ ō, yá̰a̰ gə̄ ń nin̄ ədan̄ na a rāā yá̰á̰ á i yá̰á̰ kə́ rɔ̄kum aĺ gə̄ ō ní, m-ā m-ɔ́jə́ tɔ́gə́ḿ dɔdə́ tə́. Nin̄ i dan ngé kán̄ naā gə̄ yā gír deē yāḿ gə̄ tə́ aĺ ō, a ndangən̄ rīdə́ dan rī ngán *Israel gə̄ tə́ aĺ ō, nin̄ a télən̄ yā reē gogə́ dɔ nang yādə́ tə́ aĺ ō. I tītə̄ ń noō n nin̄ a ger̄nəń kadə̄ Kɔ́ɔ̄ɓē Nə́ɓā i mā ní.

EJEKIEL 13:9 Referans Kwoze

EJEKIEL 20:38

Ngé gə̄ ń rāān̄ dɔ ngan̄g ba mbātə́n̄ taḿ ní, m-ā m̄-tə̄ɓādə́ kɔ̄ɔ́ dɔ dáńsí tə́. M-ā m̄-teē sedə́ kɔ̄ɔ́ kem ɓē gə̄ ń ndin̄ tū tə́ ní tə́, banī nin̄ a udən̄ dɔ nang kə́ Israel tə́ alé. I beé n ā ī-gerīiń kadə̄ Kɔ́ɔ̄ɓē i mā ní.

PĀ GƏ̄ 87:6

Kɔ́ɔ̄ɓē ndang kem makətūbə̄ yā gír de gə̄ tə́ na: Deē ń toō ojənən̄ i loo ń toō tə́,

PĀ GƏ̄ 69:28

Yá̰á̰ kə́ gōtə́ aĺ gə̄ malang ń nin̄ rāān̄ ní ī-ndang ō, ī-ndigədə́ nin̄ aĺ ō.

DANIEL 12:1

Dan ngeé noō tə́ ní Misel i ngār yā de kə́ dɔ rā̰ tə́ gə̄ ō, i nge rɔ̄ɔ̄ dɔ gír deē yāí gə̄ tə́ ō ní, a teē hɔy. I dan kə́ deē a sōlə̄n̄ tə́. Ndɔ̄ ń nápar de gə̄ əlan̄neé gír ndi dɔ nang tə́, bátə́ ugə̄ń kum mbang ngeé ń noō tə́ ní, sōĺ kə́ tītə̄ ń noō gətóó ɓáý. Loo ń noō tə́ de gə̄ malang kə́ dan gír deē yāí gə̄ tə́ ń rīdə́ i kə́ ndang kem makətūbə̄ ndi kə kumuú tə́ ní a ajən̄.

ESDRAS 2:59

De gə̄ ń ɔyn̄də́ aw̄n̄ sedə́ Tel Mela ō Tel Harsa ō Kerub ō Adan ō Imer ō, ɓəlo tə́ á tél reēn̄ ba asən̄ kəda najə̄ kə́ dɔ gír kojə yā kaadə́ gə̄ tə́ yā kɔjəń kə̄ kadə̄ nin̄ i Israel gə̄ aĺ ní

JEJU TEĒ KUM JA̰A̰ 20:15

Ba deē ń əngen̄ rīn kem makətūbə̄ ndi kə kumuú tə́ aĺ ní, a ənīnən̄ kum bundūm̄ hor tə́.

JEJU TEĒ KUM JA̰A̰ 20:12

Anī m-á̰á̰ de kə́ koy gə̄, kə́ tɔgə gə̄ ō, kə́ dūú gə̄ ō, ran̄ kə njadə́ dɔɔ́ ta kōr̄ kāgə̄ mbang ní tə́. Teēn̄ kem makətūbə̄ gə̄, banī makətūbə̄ kə́ rang ń i makətūbə̄ ndi kə kumuú ní, i kə́ teē kem ō. Ba gāngə̄n̄ sarya dɔ de kə́ koy gə̄ tə́ sɔɔ̄ń kəla rāādə́ gə̄, kə gō yá̰a̰ gə̄ ń ndangən̄ kem makətūbə̄ gə̄ tə́ ní.

JEJU TEĒ KUM JA̰A̰ 19:20

Əhɔn̄ dā̰ ní ō, nge koō ta kə́ rɔ̄kum aĺ ní ō. Kété ní, nge koō ta kə́ rɔ̄kum aĺ ngeé ń toō rāā yá̰á̰ kə́ yáā gə̄ ta kum dā̰ ní tə́, góləń ngé gə̄ ń əndān̄ tə́ré yá̰a̰ yā dā̰ rɔ̄də́ tə́ ō, rɔȳn̄ ndíĺ yá̰á̰ kə́ tɔ́sə̄ kum gotə dā̰ ní ō ní. Dā̰ ní ō, nge koō ta kə́ rɔ̄kum aĺ ní ō ní, tə́nīn̄də́ kə kumdə́ kum bundūm̄ hor bursu kə́ a o̰o̰ tə́.

JEJU TEĒ KUM JA̰A̰ 13:8

Ngōn̄ batə̄ ń əjan̄ míndən ní, de kə́ dɔ nang tə́ gə̄ malang ń kété ta kəla gír kəndā dɔ rā̰ ō dɔ nang ō tə́ ɓáa rīdə́ i kə́ ndang kem makətūbə̄ ndi kə kumuú yān tə́ aĺ ní, a rɔȳnən̄.

HEBƏRO 12:23

Sḭḭ̄ ī-ndɔ́tī i kə̄ rɔ̄ ngé kán̄ naā gə̄ ń i ngáń hágə gə̄ yā Nə́ɓā, kə́ ndangən̄ rīdə́ dɔ rā̰ tə́. Sḭḭ̄ ī-ndɔ́tī i kə̄ rɔ̄ Nə́ɓā nge ngān̄g sarya yā de gə̄ malang tə́ ō, kə̄ rɔ̄ ndíl de kə́ súmūú gə̄ n télən̄ kə́ majə ɔtə̄ kə taá gə̄ tə́ ō.

PILIPƏ 4:3

Ba ḭ̄ madə́ḿ kə́ rɔ̄kum, m̄-dəjeī kadə̄ ī-rāā sedə́, tɔdɔ̄ nin̄-rɔ̄ɔ̄n̄ naā tə́ seḿ dɔ Najə̄ kə́ Majə tə́, naā tə́ kə Kəlema ō, madə̄ kəlaḿ kə́ rang gə̄ ō, nin̄ ń rīdə́ i kə́ ndang kem makətūbə̄ ndi kə kumuú tə́ ní.

Najə̄ kə́ Majə yā Jeju ń Luk ndang ní 10:20

Ī-lōōī rāā rɔ̄nel̄ tām̄ koō kə́ ndíĺ kə́ majaĺ gə̄ oōn̄ tasí tə́, banī ī-rāāī rɔ̄nel̄ tām̄ yā rīsí gə̄ ń i kə́ ndang kɔ̄ɔ́ dɔ rā̰ tə́ ní.

OJEE 9:3

Epəraim gə̄ a asən̄ ndi dɔ nang yā Kɔ́ɔ̄ɓē tə́ alé. Nin̄ a télən̄ yā kaw̄ gogə́ dɔ nang kə́ Ejiptə tə́, aĺ ɓáa a aw̄n̄ Asiri. Nin̄ a əsan̄ yá̰á̰ kə́ yḛr loo ń noō tə́.

EJEKIEL 12:20

De kə́ kem ɓēé gə̄ a gətóon̄ kɔ̄ɔ́ ō, ɓē a tél dəla loo ō. Loo ń noō tə́ ā ī-gerī kadə̄ Kɔ́ɔ̄ɓē i mā.

EJEKIEL 11:10

Loo ń noō tə́ ā ī-gerī kadə̄ Kɔ́ɔ̄ɓē i mā. M-ā m̄-gān̄g sarya dɔsí tə́ i gō nang kə́ Israel tə́, adə̄ m-ā m̄-rāā kadə̄ ā óyiī ta rɔ̄ɔ̄ tə́.

JEREMI 23:20

Wōn̄g yā Kɔ́ɔ̄ɓē a tetə alé, bátə́ kadə̄ rāań yá̰á̰ ń núm̄ ní adə̄ udə gírí majə. Ndɔ̄ń tə́ anī ā ī-gerī kum yá̰á̰ ní ɓáý.

JEREMI 17:13

Kɔ́ɔ̄ɓē, ḭ̄ ń Israel gə̄ əndān̄ kemdə́ dɔí tə́ ní, de gə̄ malang ń əya̰nī kɔ̄ɔ́ ní rɔ̄də́ sɔl̄də́ ngá̰ý. Ngé gə̄ ń ɔrə̄n̄ rɔ̄də́ rɔ̄ḿ tə́ kɔ̄ɔ́ ní tadə́ a tḭ̄ḭ̄, tɔdɔ̄ nin̄ əya̰n̄ Kɔ́ɔ̄ɓē ń i ngəra kajə ní kɔ̄ɔ́.

IJAI 4:3

Loo ń noō tə́ ngé gə̄ ń a ndin̄ Jerusalem ní, ngé gə̄ ń a ndin̄ kə kumdə́ ɓáý kem ɓē kə́ Siyo̰ tə́ ní, a ɓārə́n̄də́ na i ngé kə́ ɔrə̄n̄ kam̄də́ tām̄ yā Kɔ́ɔ̄ɓē tə́ gə̄. Kem ɓē kə́ Jerusalem tə́ ɓáa i de gə̄ malang ń Kɔ́ɔ̄ɓē ndang rīdə́ kem makətūbə̄ yān tə́ kadə̄ əngen̄ ndi kə kumuú ní.

PĀ GƏ̄ 101:7

De kə́ nge gól̄ loo kə kum kedēé ngá̰ý a ndi kem kújə yāḿ tə́ alé. De kə́ nge kɔr̄ najə̄ kə́ sor̄ gə̄ a ra ta kumḿ tə́ alé.

PĀ GƏ̄ 69:5

Ngé gə̄ ń imə̄mə̄n̄ kanjə̄ kumən ní kutədə́ i ngá̰ý tɔȳ kutə nənga dɔḿ. Ngé nujə loo gə̄ kə́ ngé kəhɔm̄ kemdə́ tə́ kanjə̄ kumən gə̄ ń noō tɔ́gə́də́ i ngá̰ý. Yá̰á̰ ń m-ún aĺ ní gə̄gē a kə m̄-téləń kə m-ādə̄ gogə́!

NEHEMI 7:64

De gə̄ ní sāān̄ makətūbə̄ ń ndangən̄ rī kaadə́ gə̄ tū tə́ ní sétə́ əngen̄ alé, adə̄ de gə̄ rāān̄də́ i de kə́ yḛr gə̄ tə́ ō, ɔgə̄n̄də́ rāā kəla tun̄ yá̰a̰ kɔ̄ɔ́ ō.

NEHEMI 7:62

i ngán kaa Delaya gə̄ ō Tobia gə̄ ō Nekoda gə̄ ō. Nin̄ malang i deē ɓú mehḛ́ kə kutə sɔ́ kə kalən kə́ jōó.

1 MBAN̄G GƏ̄ 13:18

Banī nge koō ta kə́ tɔgə ní əda na: Mā i nge koō ta madí, adə̄ de kə́ dɔ rā̰ tə́ kógə̄ḿ ədam̄ na Kɔ́ɔ̄ɓē əda na kə m̄-tél kə m-āw̄ seí ɓēé looḿ kadə̄ ə́sá yá̰a̰ ō, ā̰ȳ man̄ ō. Nge koō ta kə́ tɔgə ní gólə̄n i mbée.

JEREMI 4:9

Ndɔ̄ nəkɔ́ ń noō tə́ ní tɔ́gə mban̄g ō, tɔ́gə de kə́ bo yān gə̄ ō a ɔr̄ kɔ̄ɔ́. Najə̄ ń Kɔ́ɔ̄ɓē əda ní n noó. Ngé tun̄ yá̰a̰ gə̄ ndin̄ tadə́ mbóó kóńg, ángal ngé koō ta gə̄ nujə sák sák.

EJEKIEL 13:14

Ndogə̄ mbal̄ ń ī-rāāī hō̰rō̰ gidə tə́ ní, m-ā m̄-mbəren yā kənīn nang tə́ kɔ̄ɔ́. M-ā m̄-bótīyōn dɔɔ́ bátə́ kadə̄ ugə̄ nang tə́, adə̄ de gə̄ a a̰a̰n̄ gírən ń əndān̄ ní. Ndogə̄ mbal̄ ní a əsō ō, mbal̄ kə́ tū tə́ gə̄ a rējə̄n̄sí ō. Loo ń noō tə́ ā ī-gerī kadə̄ Kɔ́ɔ̄ɓē i mā.

EJEKIEL 13:23

I beé ní, yá̰á̰ kə́ rɔ̄kum aĺ gə̄ ń ā á̰a̰ī ō, najə̄ kə́ rɔ̄kum aĺ gə̄ ń ā ə́daī ō ní, gíŕdə́ gān̄g. M-ā m̄-taā gír deē yāḿ gə̄ jīsí tə́ yā kəya̰də́ dɔɔ́ ō, ā ī-gerī kadə̄ Kɔ́ɔ̄ɓē i mā ō.

PĀ GƏ̄ 95:11

Adə̄ dan ń wōn̄g rāām̄ ní, m̄-túbə́ m-ə́da na: Nin̄ a udən̄ loo kɔr̄ koō yāḿ tə́ aĺ bátə́!

JEREMI 14:15

I tām̄ ń toō tə́ n Kɔ́ɔ̄ɓē ɔr̄ najə̄ tītə̄ ń toō beé ní: Yá̰á̰ kə́ sɔɔ̄ dɔ ngé koō ta gə̄ ń unən̄ rīḿ ɔrə̄n̄neé najə̄ banī m-ə́ládə́ aĺ ní n toó. Ká ré nin̄ gírə̄n̄ kadə̄ kaskar ō, ɓō ō, a gətóon̄ kem ɓē ń toō tə́ gə̄gē anī, ngé koō ta gə̄ ń noō a oyn̄ i yo kaskar ō, yo ɓō ō.

OJEE 4:5

Ā ī-bḭ́ḭ̄ dɔ róbə́ tə́ dan kadə ndaá ō, ndɔ̄ɔ́ anī, ngé koō ta gə̄ a bḭ́ḭ̄n̄ dɔ róbə́ tə́ tītə̄ yāsí ō. M-ā m̄-rāā kadə̄ kó̰ó̰sí Israel a ndi kə tan kə́ mbóó ō.

MISE 3:5

Najə̄ ń Kɔ́ɔ̄ɓē əda dɔ ngé koō ta gə̄ kə́ ngé ngól̄ gír deē yāḿ gə̄ tə́ ní n toó: Ré deē ul̄də́ majanī, nin̄-ənīn̄ mbēr̄ lɔm. Ba ngé kəla yá̰a̰ tadə́ tə́ aĺ gə̄ ɓáa nin̄ rɔ̄ɔ̄n̄də́.

MISE 3:6

I tām̄ najə̄ ń noō tə́ n tām̄ yāsí sḭḭ̄ ngé koō ta gə̄ ɓáa, loo ndɔ̄ kɔ̄ɔ́ ní. Sḭḭ̄ ā á̰a̰ī yá̰á̰ kógə̄ḿ to̰ alé. Tām̄ yāsí sḭḭ̄ tə́ ɓáa, loo risə til nding. Dɔsí a ədasí yá̰á̰ kógə̄ḿ to̰ alé. Mbang a udə kɔ̄ɔ́ tām̄ yāsí tə́, loo kə kadaá a risə til.