EJEKIEL 13:8 - Bibəl ta Sar̄

⁸ Adə̄ yá̰á̰ kə́ rɔ̄kum ń mā Kɔ́ɔ̄ɓē Nə́ɓā m-ə́dásí ní n toó: Dan ń i sḭḭ̄ kɔ́ gə̄ n ə́daī najə̄ kə́ reē dɔsí tə́ ō, yá̰a̰ gə̄ ń á̰a̰ī ní i yá̰á̰ kə́ rɔ̄kum aĺ gə̄ ō ní, m-ā m̄-rāā yá̰á̰ kə́ tōr̄ sesí. Najə̄ ń Kɔ́ɔ̄ɓē Nə́ɓā əda ní n noó.

Bible sar

⁸ Adə̄ yá̰á̰ kə́ rɔ̄kum ń mā Kɔ́ɔ̄ɓē Nə́ɓā m-ə́dásí ní n toó: Dan ń i sḭḭ̄ kɔ́ gə̄ n ə́daī najə̄ kə́ reē dɔsí tə́ ō, yá̰a̰ gə̄ ń á̰a̰ī ní i yá̰á̰ kə́ rɔ̄kum aĺ gə̄ ō ní, m-ā m̄-rāā yá̰á̰ kə́ tōr̄ sesí. Najə̄ ń Kɔ́ɔ̄ɓē Nə́ɓā əda ní n noó.

EJEKIEL 13:8 Referans Kwoze

EJEKIEL 21:3

Ə̄ndā gúu dɔdə́ tə́ ādə̄ oōn̄ najə̄ gə̄ ń mā Kɔ́ɔ̄ɓē Nə́ɓā m-ɔ̄r̄ kə ku kāgə̄ gə̄ kə́ dām̄ mbɔ́r ɓē kə́ geleé tə́ ní: M-ā m-ə́la hor kógə̄ḿ dɔ kāgə̄ yāí kə́ to mbōl̄ gə̄ tə́ ō, dɔ kāgə̄ yāí kə́ tutə gə̄ tə́ ō, kadə̄ o̰o̰də́ malang. Hor ní a oy aĺ ō, a o̰o̰ de gə̄ malang ō. A əla gír i dām̄ mbɔ́r ɓē kə́ geleé tə́ bátə́ dām̄ mbɔ́r ɓē kə́ ko̰ó̰ tə́.

EJEKIEL 5:8

I tām̄ najə̄ ń noō tə́ n Kɔ́ɔ̄ɓē Nə́ɓā ɔr̄ najə̄ tītə̄ ń toō beé əda na: Sḭḭ̄ de kə́ Jerusalem gə̄, m-ā m-ə́ndásí. M-ā m-ún sarya gāngə̄ḿ yā rāań yá̰a̰ kem ɓēé ta kum nápar de gə̄ tə́.

NAHUM 2:13

Ni əhɔ dā̰ ō, rə́yā̰ dā̰ ní naā tə́ ō tām̄ yā kó̰o̰ ɓɔl tə́ ō, ngánən gə̄ tə́ ō. Dā̰ gə̄ ń ni ndo̰o̰də́ ō, rə́yā̰də́ naā tə́ ō ní, kán̄ dā̰də́ kem bəlo yān gə̄ tə́ adə̄ rosə.

EJEKIEL 35:3

Ə́dádə́ na najə̄ ń Kɔ́ɔ̄ɓē Nə́ɓā əda ní n toó: M-ā m̄-rāā yá̰á̰ kə́ tōr̄ sesí! Ḭ̄ Edom, m-ā m-ɔ́jə́ tɔ́gə́ḿ dɔí tə́. M-ā m̄-nujiī kɔ̄ɔ́ ō, m-ā m̄-rāāī kadə̄ ā ī-tél dəla loo ō.

EJEKIEL 28:22

Ā ə́dan na: Najə̄ ń Kɔ́ɔ̄ɓē Nə́ɓā ɔr̄ ní n toó: Ḭ̄ ɓē kə́ Sidon, m-ā m̄-rāā yá̰á̰ kə́ tōr̄ seí! I tītə̄ ń noō n m-ā m̄-rāań kadə̄ de gə̄ a̰a̰n̄ kɔsə gɔn yāḿ kem ɓēé ní. M-ā m̄-rāāī yá̰á̰ ń m̄-sāā rāā seí ní. Loo ń noō tə́ de gə̄ malang a gerə̄n̄ kadə̄ Kɔ́ɔ̄ɓē i mā. I tītə̄ ń noō n m-ā m-ɔ́jəń kadə̄ Nə́ɓā kə́ táĺ i mā ní.

EJEKIEL 26:3

Tām̄ najə̄ ń noō tə́ ní, Kɔ́ɔ̄ɓē Nə́ɓā əda na: Ɓē kə́ Tir, m-ā m̄-rāā yá̰á̰ kə́ tōr̄ seí. M-ā m̄-rāā kadə̄ nápar de kə́ ngá̰ý gə̄ a ḭḭn̄ seí yā rɔ̄ɔ̄ī, tītə̄ ń bā bo rāań adə̄ bəngálən gə̄ ḭḭn̄ ní.

1 PIYER 3:12

Tɔdɔ̄ kum Kɔ́ɔ̄ɓē i dɔ de kə́ ngé rāā yá̰a̰ gō tə́ gə̄ tə́ ō, ni nēl̄ mbīn yā koōń ndɔ̄ȳ yādə́ ō. Banī ni-mbātə́ najə̄ gō ngé rāā yá̰a̰ majaĺ gə̄ tə́.

1 TIMOTE 4:8

Tɔdɔ̄ ndóō kənī gambəla i yá̰á̰ kə́ majə, ba i tām̄ yā yá̰á̰ kə́ ngá̰ý aĺ tə́. Banī ndóō rāā yá̰a̰ kə gō ń Nə́ɓā ndigə ní, i yá̰á̰ kə́ majə tām̄ yā yá̰a̰ gə̄ tə́ malang. Tɔdɔ̄ Nə́ɓā ənī míndən tāmən tə́. Ba míndən ń ənī ní, i tām̄ yā ndi kə kumuú kə́ ngɔr ń toō tə́ ō, kə́ ndɔ̄ń tə́ ō.

1 TIMOTE 4:1

Banī Ndíl əda wáńg na ta ngóy ndɔ̄ gə̄ tə́ anī, de kə́rēý gə̄ a əya̰n̄ taā kem kɔ̄ɔ́, yā kəhɔń gō ndíĺ kə́ ngé gól̄ de gə̄ ō, gō yá̰á̰ ndóō yā ndíĺ kə́ majaĺ gə̄ ō.

EJEKIEL 39:1

Kɔ́ɔ̄ɓē ədam̄ na: Ḭ̄ ngōn̄ deē, ɔ̄r̄ najə̄ kə Gog ādə̄m̄, ī-rɔ̄ɔń seneé ə́dan na: Najə̄ ń Kɔ́ɔ̄ɓē Nə́ɓā əda ní n toó: Ḭ̄ Gog, ḭ̄ ń i ngār kə́ bo yā gír de gə̄ kə́ Mesek ō, Tubal ō ní, m-ā m̄-rāā yá̰á̰ kə́ tōr̄ seí.

EJEKIEL 29:10

Tām̄ najə̄ ń noō tə́ ní m-ā m̄-rɔ̄ɔ̄sí sḭḭ̄ kə bā yāí. M-ā m̄-rāā ɓē kə́ Ejiptə kadə̄ tél kūbə̄rū mbal̄ kə́ ra dɔ naā tə́ bing. Ɓē a tél dəla loo, a əla gír i Migədol bátə́ ɓē kə́ Asuwan tə́ ō, dɔ nin̄ ɓē kə́ Etiopi tə́ ō.

JEREMI 51:25

Mbal̄ kə́ nge nujə loo gə̄, ḭ̄ ń ī-nujə dɔ nang kə taá malang ní, m-ə́hɔī ɓōólaā tā! M-ə́la jīḿ kə̄ dɔí tə́, m̄-rāāī adə̄ ī-ndūbə̄rū dɔ mbal̄ gə̄ tə́ ī-teē ə̄sō ō, m̄-rāāī adə̄ ī-tél dūbə̄ yā̰l̄ hor kə́ ajə ying ō. Najə̄ ń Kɔ́ɔ̄ɓē əda ní n noó.

1 MBAN̄G GƏ̄ 13:18

Banī nge koō ta kə́ tɔgə ní əda na: Mā i nge koō ta madí, adə̄ de kə́ dɔ rā̰ tə́ kógə̄ḿ ədam̄ na Kɔ́ɔ̄ɓē əda na kə m̄-tél kə m-āw̄ seí ɓēé looḿ kadə̄ ə́sá yá̰a̰ ō, ā̰ȳ man̄ ō. Nge koō ta kə́ tɔgə ní gólə̄n i mbée.

JEREMI 21:13

Ḭ̄ ń ī-ndi wól loo tə́, dɔ mbal̄ tə́ ndágə looó ní, jḭḭ seí jōó ɓōólaā. Sḭḭ̄ ə́daī na deē na asə jə̄ngā kənīsí rɔ̄ɔ̄ aĺ ō, na a asə kudə loo tosí tə́ aĺ ō. Najə̄ ń Kɔ́ɔ̄ɓē əda ní n noó.

JEREMI 23:30

Adə̄ m-ā m-ə́ndá ngé koō ta gə̄ ń ɓogən̄ najə̄ yāḿ gír naā tə́ ní. Najə̄ ń Kɔ́ɔ̄ɓē əda ní n noó.

JEREMI 29:31

Ə́la kəla ə́da de gə̄ malang ń əhɔn̄də́ aw̄n̄ sedə́ ní na: Kɔ́ɔ̄ɓē ɔr̄ najə̄ dɔ Semaya kə́ Nehelam tə́ i tītə̄ ń toō beé: Semaya ɔr̄ najə̄ kə́ nge koō ta tə́ sesí ba mā m-ə́lan aĺ ō, ni gól̄sí kə najə̄ kə́ rɔ̄kum aĺ gə̄ ō.

EJEKIEL 34:10

Mā Kɔ́ɔ̄ɓē Nə́ɓā m̄-tāāsí. M-ā m̄-rāā yá̰á̰ kógə̄ḿ sesí sḭḭ̄ ngé ngɔ̄m̄ yá̰a̰ kul̄ gēé. M-ā m̄-taā yá̰a̰ kul̄ yāḿ gə̄ jīsí tə́ kɔ̄ɔ́ ō, m-ā m-ɔ̄gə̄sí kɔr nodə́ ō. Loo ń noō tə́ sḭḭ̄ ā ásiī kənge yá̰á̰ kógə̄ḿ tū yá̰a̰ kul̄ yāḿ gə̄ tə́ to̰ alé. M-ā m̄-nār̄ batə̄ yāḿ gə̄ yā taādə́ tasí tə́ ō, ā ūlī rɔ̄sí kə batə̄ yāḿ gēé to̰ aĺ ō.