EJEKIEL 13:6 - Bibəl ta Sar̄

⁶ Yá̰a̰ gə̄ ń a̰a̰n̄ ní i yá̰á̰ kə́ rɔ̄kum aĺ gə̄ ō, yá̰a̰ gə̄ ń nin̄ ədan̄ na a rāā yá̰á̰ ní, i yá̰á̰ kə́ rɔ̄kum aĺ gə̄ ō. Nin̄ ədan̄ na: Kɔ́ɔ̄ɓē əda na, banī mā Kɔ́ɔ̄ɓē m-ə́ládə́ alé. Nin̄ əndān̄ kemdə́ dɔ tə́ kadə̄ najə̄ yādə́ i rɔ̄kum.

Bible sar

⁶ Yá̰a̰ gə̄ ń a̰a̰n̄ ní i yá̰á̰ kə́ rɔ̄kum aĺ gə̄ ō, yá̰a̰ gə̄ ń nin̄ ədan̄ na a rāā yá̰á̰ ní, i yá̰á̰ kə́ rɔ̄kum aĺ gə̄ ō. Nin̄ ədan̄ na: Kɔ́ɔ̄ɓē əda na, banī mā Kɔ́ɔ̄ɓē m-ə́ládə́ alé. Nin̄ əndān̄ kemdə́ dɔ tə́ kadə̄ najə̄ yādə́ i rɔ̄kum.

EJEKIEL 13:6 Referans Kwoze

EJEKIEL 22:28

Ngé koō ta yādə́ gə̄ utə̄n̄ gidə yá̰a̰ gə̄ ń noō malang kə hō̰rō̰ kə́ ndaá kɔ̄ɔ́. Yá̰a̰ gə̄ ń nin̄ a̰a̰n̄ ní, i yá̰a̰ gə̄ kə́ kanjə̄ kumən ō, yá̰a̰ gə̄ ń nin̄ ədan̄ na a rāā yá̰á̰ ní i yá̰á̰ kə́ rɔ̄kum aĺ gə̄ ō. Nin̄ ədan̄ na: Kɔ́ɔ̄ɓē Nə́ɓā əda na, tá mā m-ɔ̄r̄ najə̄ sedə́ alé.

JEREMI 29:8

Kə́ rɔ̄kum tə́ ní, Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel ɔr̄ najə̄ i tītə̄ ń toō beé: Ādī ngé koō ta gə̄ ń i dɔ dáńsí tə́ ní ō, kɔdə̄ sāā yāsí gə̄ ō gólə̄n̄sí alé. Ə̄ndāī kumsí gír nī gə̄ ń a rāān̄sí ní tə́ alé.

JEREMI 28:15

Tā anī, Jeremi əda Hanania na: Hanania ī-nēl̄ mbīí ōōń. Kɔ́ɔ̄ɓē əlaī alé. I ḭ̄ n ā ī-rāā kadə̄ gír de gə̄ ń toō gólə̄n̄ rɔ̄də́ kə najə̄ kə́ rɔ̄kum aĺ gə̄ ní.

EJEKIEL 21:29

I tām̄ najə̄ ń noō tə́ n mā Kɔ́ɔ̄ɓē Nə́ɓā m-ə́dásí yá̰á̰ ń toō ní: Sḭḭ̄ ī-rāāī adə̄ dɔ deē ndígə̄nal dɔ dɔ ngan̄g yāsí tə́ aĺ ō, ɔ́jiī majaĺ yāsí gə̄ kə̄ ndágá tū yá̰a̰ rāāsí gə̄ tə́ malang ō. I tītə̄ ń noō n ā ī-terīiń kemḿ dɔ yá̰a̰ rāāsí kə́ gōtə́ aĺ gə̄ tə́ ngándáńg kanjə̄ kadə̄ asəsí ní. I beé ní, madə̄ ba̰ā̰ a əhɔsí dəngáy, tām̄ sḭḭ̄ ī-rāāī adə̄ dɔḿ ndígə̄nalsí alé.

JEREMI 37:19

Ngé koō ta yāsí gə̄ ń ədan̄sí na mban̄g kə́ Babilon na a reē yā kənīsí rɔ̄ɔ̄ aĺ ō, kənī ɓē ń toō rɔ̄ɔ̄ aĺ ō ní, nin̄ i rá?

JAKARI 10:2

Nə́ɓā kə́ rɔ̄kum aĺ gə̄, a ədan̄ i najə̄ kə́ rɔ̄kum aĺ gə̄ ō, kɔdə̄ sāā gə̄, a a̰a̰n̄ i yá̰á̰ kə́ rɔ̄kum aĺ gə̄ ō. Nī gə̄ ń nin̄ a ənīn̄ gotə ní, i nī kə́ kanjə̄ kumən gə̄ ō, nin̄ a sɔlə̄n̄ kem deē i kə nélé ō. I tām̄ najə̄ ń noō tə́ n ngán Israel gə̄ aw̄n̄ tītə̄ ɓūtə̄ yá̰a̰ kul̄ gə̄ kə́ kumdə́ tō ndoō beé ní, tɔdɔ̄ nge kul̄də́ gətóo.

JEREMI 14:14

Kɔ́ɔ̄ɓē ədam̄ na: Najə̄ ń ngé koō ta gə̄ ədan̄ kə rīḿ ní, i najə̄ kə́ rɔ̄kum alé. M-ə́ládə́ aĺ ō, m̄-dəjedə́ yá̰á̰ kógə̄ḿ aĺ ō, m-ɔ̄r̄ najə̄ sedə́ aĺ ō. Yá̰a̰ gə̄ ń a̰ā̰n̄ ní, i yá̰á̰ kə́ rɔ̄kum aĺ gə̄ ō, najə̄ gə̄ ń ədan̄ na n oōn̄ na i taḿ mā tə́ ní, i gír̄ yādə́ nin̄ kɔ́ gə̄ ō.

2 PIYER 2:18

Najə̄ kɔr̄də́ i najə̄ kə́ to kɔjə rɔ̄ gə̄ ō, i mbóo najə̄ gə̄ ō. Yá̰á̰ kə́ majaĺ gə̄ ń ngurən i kemdə́ tə́ ní, nin̄-əyān̄ gūmbə̄ kə yá̰a̰ gə̄ ní əhɔn̄neé ngé teē jī ngé rāā yá̰a̰ gō tə́ aĺ gə̄ tə́ ngɔr ɓáý gə̄.

2 TESALONIK 2:11

I tām̄ ń toō tə́ n Nə́ɓā adə̄də́ tɔ́gə́ kə́ kadə̄ rāādə́ kadə̄ ndúmə̄n̄ ní, yā kadə̄ nin̄-taānəń kem najə̄ kə́ sor̄ ō,

MARK 13:6

Tɔdɔ̄ de gə̄ ngá̰ý a unən̄ rīḿ yā reēń ba kəda na i mā, adə̄ a gólə̄n̄ de gə̄ ngá̰ý.

EJEKIEL 21:23

Kɔ́ɔ̄ɓē ɔr̄ najə̄ seḿ, ədam̄ na:

EJEKIEL 13:7

Banī najə̄ ń m-ə́dádə́ ní n toó: Yá̰a̰ gə̄ ń á̰a̰ī ní i yá̰á̰ kə́ rɔ̄kum aĺ gə̄ ō, yá̰a̰ gə̄ ń sḭḭ̄ ə́daī na a rāā yá̰á̰ ní, i yá̰á̰ kə́ rɔ̄kum aĺ gə̄ ō. Sḭḭ̄ ə́daī na Kɔ́ɔ̄ɓē na əda na, banī najə̄ kógə̄ḿ kə́ mā m-ɔ̄r̄ sesí gətóo.

NŌŌ RƆ̄ 2:14

Ngé koō ta yāí gə̄ a̰a̰n̄ yá̰á̰ kə́ kanjə̄ kumən gə̄ ō, kə́ rɔ̄kum aĺ gə̄ ō tām̄ yāí tə́. Nin̄ ɔjən̄ yá̰á̰ kə́ gōtə́ aĺ yāí kə̄ ndágá wáńg alé, yā kadə̄ yá̰á̰ ń a reē kə̄ dɔí tə́ ní kə rāāī gáŕ. Yá̰a̰ gə̄ ń nin̄ a̰ā̰n̄ ba ədanī ní i yá̰á̰ kə́ kanjə̄ kumən gə̄ ō, i gól̄ loo ō.

JEREMI 29:31

Ə́la kəla ə́da de gə̄ malang ń əhɔn̄də́ aw̄n̄ sedə́ ní na: Kɔ́ɔ̄ɓē ɔr̄ najə̄ dɔ Semaya kə́ Nehelam tə́ i tītə̄ ń toō beé: Semaya ɔr̄ najə̄ kə́ nge koō ta tə́ sesí ba mā m-ə́lan aĺ ō, ni gól̄sí kə najə̄ kə́ rɔ̄kum aĺ gə̄ ō.

JEREMI 28:2

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel əda ní n toó: m̄-tetə njúkə yā mban̄g kə́ Babilon kɔ̄ɔ́.

Gōsə̄ najə̄ gə̄ 14:15

De kə́ kum gān̄g aĺ taā kem najə̄ kɔr̄ de gə̄ malang, banī de kə́ nge kum kedə̄ a gír̄ najə̄ pá tá ḭḭ rāā yá̰a̰.

1 MBAN̄G GƏ̄ 22:37

tɔdɔ̄ mban̄g oy kɔ̄ɔ́. Reēn̄ kə nīń mbangāá kem ɓē ké Samari tə́, ba dubə̄nən̄ noó.

1 MBAN̄G GƏ̄ 22:27

ba ə́dádə́ na: Mban̄g əda na kə ənīn̄ deē ń toō dəngáyá ba kə a̰a̰n̄ gōn kə mápá kə́ sḛ́ý beē ō, kə man̄ kə́ sḛ́ý beē ō, bátə́ kadə̄ n-téləń ta rɔ̄ɔ̄ tə́ kə lápə́ya.

1 MBAN̄G GƏ̄ 22:6

Anī mban̄g kə́ Israel tə́ ɔsə dɔ ngé koō ta gə̄ ɓú sɔ́ naā tə́, ba dəjedə́ na ké kə n-aw̄ kə n-rɔ̄ɔ̄ Aram gə̄ dɔ ɓē kə́ Ramot kə́ Galaad tə́, aké kə n-lōō gírí wa. Anī ngé koō ta gə̄ ní tél ədanən̄ na kə aw̄ Kɔ́ɔ̄ɓē na a əla ɓē ní kem jīn tə́.

JEREMI 5:31

Ngé koō ta gə̄ ɔrə̄n̄ najə̄ kə́ rɔ̄kum aĺ ō, ngé tun̄ yá̰a̰ gə̄ sāān̄ i kə̄ ta yādə́ nin̄ kɔ́ gə̄ tə́ ō, ba hál gə̄ ń noō malang asə kum gír deē yāḿ gə̄. Ní ḭ̄ deē ā ī-rāā i rí kə́ rang gō tə́ to̰?

JEREMI 23:16

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: Ə̄ndāī mbīsí gír najə̄ ń ngé koō ta gə̄ ədan̄sí ní tə́ alé. Tɔdɔ̄ nin̄ gólə̄n̄ i kumsí. Yá̰a̰ gə̄ ń a̰a̰n̄ á ənīn̄sí gotə ní i gír̄ yādə́ nin̄ kɔ́ gə̄. Yá̰a̰ ń noō teē i ta Kɔ́ɔ̄ɓē tə́ alé.

1 MBAN̄G GƏ̄ 22:12

Gotə ngé koō ta gə̄ malang ədan̄ yādə́ i tītə̄ ń noō ō, ədan̄ na: Āw̄ ə̄nī ɓē kə́ Ramot kə́ Galaad rɔ̄ɔ̄, na ā ə́ngé yá̰á̰ ń kemií gḛy ní. Kɔ́ɔ̄ɓē a əla ɓē kə́ Ramot kə́ Galaad jī mban̄g tə́!

1 MBAN̄G GƏ̄ 22:15

Mise reē rɔ̄ mban̄g tə́, anī mban̄g dəjen na ké kə n-aw̄ kə n rɔ̄ɔ̄n̄ ɓē kə́ Ramot kə́ Galaad aké kə n-lōōn̄ gírí wa. Anī Mise tél əda mban̄g na kə aw̄ na a ənge yá̰á̰ ń kemən gḛy ní, Kɔ́ɔ̄ɓē na a əla ɓē ní kem jīn tə́.

JEREMI 28:1

Kem ɓāl̄ gə̄ ń Sedekias mban̄g kə́ Juda tə́ o̰o̰ń ɓē tə́ ní, kə nāā kə́ nge ko̰ mí yā ɓāl̄ kə́ nge ko̰ sɔ́ anī, Hanania nge koō ta kə́ ngōn̄ Ajur ń i de kə́ Gabaon ní, ɔr̄ najə̄ seḿ kem kújə yā Kɔ́ɔ̄ɓē tə́, ta kum ngé tun̄ yá̰a̰ gə̄ tə́ ō, Juda gə̄ tə́ malang ō ədam̄ na: