EJEKIEL 13:3 - Bibəl ta Sar̄

³ Najə̄ ń mā Kɔ́ɔ̄ɓē Nə́ɓā m-ə́dá ní n toó: Yá̰á̰ kə́ to kum kaȳ aĺ a teē dɔ ngé koō ta kə́ mbóo gə̄ tə́. Nin̄ a unən̄ i gō gír̄ yādə́ nin̄ kɔ́ gə̄ ń reē dɔdə́ tə́ ní, ba a̰a̰n̄ yá̰á̰ kógə̄ḿ alé.

Bible sar

³ Najə̄ ń mā Kɔ́ɔ̄ɓē Nə́ɓā m-ə́dá ní n toó: Yá̰á̰ kə́ to kum kaȳ aĺ a teē dɔ *ngé koō ta kə́ mbóo gə̄ tə́. Nin̄ a unən̄ i gō gír̄ yādə́ nin̄ kɔ́ gə̄ ń reē dɔdə́ tə́ ní, ba a̰a̰n̄ yá̰á̰ kógə̄ḿ alé.

EJEKIEL 13:3 Referans Kwoze

NŌŌ RƆ̄ 2:14

Ngé koō ta yāí gə̄ a̰a̰n̄ yá̰á̰ kə́ kanjə̄ kumən gə̄ ō, kə́ rɔ̄kum aĺ gə̄ ō tām̄ yāí tə́. Nin̄ ɔjən̄ yá̰á̰ kə́ gōtə́ aĺ yāí kə̄ ndágá wáńg alé, yā kadə̄ yá̰á̰ ń a reē kə̄ dɔí tə́ ní kə rāāī gáŕ. Yá̰a̰ gə̄ ń nin̄ a̰ā̰n̄ ba ədanī ní i yá̰á̰ kə́ kanjə̄ kumən gə̄ ō, i gól̄ loo ō.

OJEE 9:7

Kum mbang ń Kɔ́ɔ̄ɓē a rɔ̄ɔ̄ńsí ní n toó. A̰á̰ā̰, i kum mbang kə́ yā kadə̄ deē ɔjəń gíŕ yá̰a̰ rāān gə̄, majə kadə̄ Israel ger̄ nge ń noō. Sḭḭ̄ ə́daī na nge koō ta ń toō dɔn na ndi gōtə́ alé, ə́daī na nge kəda yá̰á̰ kə́ reē dɔn tə́ toō na a ɔr̄ i najə̄ kə̄ noó. I beé ɓá ní, ré dɔḿ ndi gōtə́ aĺ anī, i najə̄ yá̰a̰ rāāsí kə́ majaĺ ngá̰ý gə̄ kə́ i ngá̰ý tə́, i najə̄ kənī kə́ ə̄nīmī rɔ̄ɔ̄ kə ngangá ngá̰ý tə́.

EJEKIEL 34:2

Ḭ̄ ngōn̄ deē, ə́da ngār kə́ Israel tə́ gə̄ najə̄ ń m-ə̄ndā taí tə́ ní. Ə́dádə́ na: Najə̄ ń Kɔ́ɔ̄ɓē Nə́ɓā ɔr̄ ní n toó: Sḭḭ̄ ngé kul̄ Israel gə̄, i yá̰á̰ kə́ to kum tō ndoō kə́ ba̰ý beē n i tām̄ yāsí tə́ ní! Sḭḭ̄ ā ə̄ndāī kumsí i gír rɔ̄sí sḭḭ̄ kɔ́ gə̄ tə́ ngóy! Majə kadə̄ ngé ngɔ̄m̄ yá̰a̰ kul̄ gə̄ əndān̄ kumdə́ gír batə̄ gə̄ tə́ alé a?

JEREMI 23:1

Yá̰á̰ kə́ to kum kaȳ aĺ a teē dɔ ngé kul̄ yá̰a̰ gə̄ ń əya̰n̄ yá̰a̰ kul̄ yāḿ gə̄ adə̄ ongə̄n̄ ō, tadə́ tḭ̄ḭ̄ ō ní. Najə̄ ń Kɔ́ɔ̄ɓē əda ní n noó.

Gōsə̄ najə̄ gə̄ 15:14

Kem de kə́ nge kum kedə̄ gḛy ger̄ yá̰a̰, banī ta de kə́ ɓodə gə̄ a ɔr̄i mbóo najə̄ gə̄.

1 TIMOTE 6:4

ni i de kə́ kɔjə rɔ̄ ādə̄n dɔ bo ō, ni i de kə́ ger̄ yá̰a̰ aĺ ō. Ngur nējə̄ naā najə̄ ō, kəhɔ naā najə̄ tə́ kə́ dan gān̄g aĺ ō i kemən tə́, adə̄ rāān kə́ mo̰y tə́. Nge ń noō a reē i kə kəndā naā nií ō, kɔ̄l̄ naá ō, tájə̄ naá ō, tetə kem kə́ majaĺ ō,

1 KORḚNTƏ 9:16

Tɔdɔ̄ kɔjə de gə̄ Najə̄ kə́ Majə i yá̰a̰ kɔjə rɔ̄ yāḿ alé, tām̄ i yá̰á̰ kə́ m-ásə ndi kanjə̄n alé. Ré m-ɔjə de gə̄ Najə̄ kə́ Majə aĺ anī, yāḿ a majaĺ ngá̰ý!

Najə̄ kə́ Majə yā Jeju ń Luk ndang ní 11:52

Sḭḭ̄ ngé ndóō de gə̄ ndū najə̄ gə̄, rɔ̄ ndoō i yāsí! Tām̄ lakélé ń deē a teēń ta róbə́ yá̰a̰ ger̄ ní, sḭḭ̄ úniī kɔ̄ɔ́. Sḭḭ̄ kɔ́ gə̄ údiī kemeé aĺ ō, ngé gə̄ ń a sāān̄ kudə ní a sḭḭ̄ ɔ̄gīdə́ kudə kɔ̄ɔ́ ō.

Najə̄ kə́ Majə yā Jeju ń Luk ndang ní 11:40

Sḭḭ̄ i de kə́ ger̄ yá̰a̰ aĺ gə̄! Nə́ɓā ń rāā gidə yá̰á̰ ní rāā kemən ō aĺ a?

JAKARI 11:15

Kɔ́ɔ̄ɓē ədam̄ na kə m̄-rāā yá̰á̰ ń toō ɓáý to̰: Ń toō ɓáa ī-rāā tītə̄ kə́ ḭ̄ i nge kul̄ yá̰á̰ kə́ ī-ger̄ yá̰a̰ aĺ ngá̰ý beē.

EJEKIEL 13:18

Ə́dádə́ na najə̄ ń Kɔ́ɔ̄ɓē Nə́ɓā əda ní n toó: Yá̰á̰ kə́ to kum kaȳ aĺ a teē dɔsí tə́. Tɔdɔ̄ sḭḭ̄ ūrī ta kūbə̄ kə́ dɔ kur jī de gə̄ tə́ malang ō, ī-rāāī mandíl gə̄ kə́ ɓāl̄də́ gə̄ i tayā tayā tə́ ō, yā kadə̄ sḭḭ̄ ə́ngeīneé tɔ́gə dɔ ndi kə kumuú yādə́ tə́. Sḭḭ̄ ī-sāāī taā ndi kə kumuú yā de gə̄ kə́ dan gír deē yāḿ gə̄ tə́, banī ī-ngɔ̄mī ndi kə kumuú yāsí sḭḭ̄ kɔ́ gə̄.

Gōsə̄ najə̄ gə̄ 15:2

Dan ń de kə́ nge kum kedə̄ ɔr̄ najə̄ anī ngur ndóō yá̰á̰ rāā deē, banī de kə́ mbóo a ɔr̄ najə̄ i tītə̄ de kə́ nge kɔ̄r̄.

2 TIMOTE 3:9

Nin̄ a aw̄n̄ kumdə́ kə̄ kété to̰ alé, tɔdɔ̄ mbóo yādə́ a to i kə̄ dɔ ndágá ta kum de gə̄ tə́ malang, tītə̄ yā de kə́ jōó gə̄ ń noō.

JEREMI 23:16

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: Ə̄ndāī mbīsí gír najə̄ ń ngé koō ta gə̄ ədan̄sí ní tə́ alé. Tɔdɔ̄ nin̄ gólə̄n̄ i kumsí. Yá̰a̰ gə̄ ń a̰a̰n̄ á ənīn̄sí gotə ní i gír̄ yādə́ nin̄ kɔ́ gə̄. Yá̰a̰ ń noō teē i ta Kɔ́ɔ̄ɓē tə́ alé.

JEREMI 28:15

Tā anī, Jeremi əda Hanania na: Hanania ī-nēl̄ mbīí ōōń. Kɔ́ɔ̄ɓē əlaī alé. I ḭ̄ n ā ī-rāā kadə̄ gír de gə̄ ń toō gólə̄n̄ rɔ̄də́ kə najə̄ kə́ rɔ̄kum aĺ gə̄ ní.

EJEKIEL 13:4

Ngán Israel gə̄, ngé koō ta yāsí gə̄ ton̄ tītə̄ tal̄ gə̄ kə́ a dáȳn̄ gotə ɓē kə́ nujə sák sák kɔ̄ɔ́ tə́ beē.

JEREMI 23:9

Jeremi ɔr̄ najə̄ dɔ ngé koō ta gə̄ tə́ əda na: Ngarā̰ kemḿ nujə ō, m̄-ndew yakə yakə ō. m̄-to tītə̄ nge kasə rāā ń kasə nduú rāān ngá̰ý noō beé, najə̄ yā Kɔ́ɔ̄ɓē tə́ ō, tām̄ najə̄ kə́ táĺ gə̄ tə́ ō.