EJEKIEL 13:23 - Bibəl ta Sar̄

²³ I beé ní, yá̰á̰ kə́ rɔ̄kum aĺ gə̄ ń ā á̰a̰ī ō, najə̄ kə́ rɔ̄kum aĺ gə̄ ń ā ə́daī ō ní, gíŕdə́ gān̄g. M-ā m̄-taā gír deē yāḿ gə̄ jīsí tə́ yā kəya̰də́ dɔɔ́ ō, ā ī-gerī kadə̄ Kɔ́ɔ̄ɓē i mā ō.

Bible sar

²³ I beé ní, yá̰á̰ kə́ rɔ̄kum aĺ gə̄ ń ā á̰a̰ī ō, najə̄ kə́ rɔ̄kum aĺ gə̄ ń ā ə́daī ō ní, gíŕdə́ gān̄g. M-ā m̄-taā gír deē yāḿ gə̄ jīsí tə́ yā kəya̰də́ dɔɔ́ ō, ā ī-gerī kadə̄ Kɔ́ɔ̄ɓē i mā ō.

EJEKIEL 13:23 Referans Kwoze

EJEKIEL 13:21

M-ā m̄-rə́yā̰ mandíl yāsí gə̄ kɔ̄ɔ́ ō, m-ā m̄-taā gír deē yāḿ gə̄ jīsí tə́ yā kəya̰də́ dɔɔ́ ō. Nin̄ a əsōn̄ kum gūmbə̄ yāsí gə̄ tə́ to̰ aĺ ō, ā ī-gerī kadə̄ Kɔ́ɔ̄ɓē i mā ō.

MISE 3:6

I tām̄ najə̄ ń noō tə́ n tām̄ yāsí sḭḭ̄ ngé koō ta gə̄ ɓáa, loo ndɔ̄ kɔ̄ɔ́ ní. Sḭḭ̄ ā á̰a̰ī yá̰á̰ kógə̄ḿ to̰ alé. Tām̄ yāsí sḭḭ̄ tə́ ɓáa, loo risə til nding. Dɔsí a ədasí yá̰á̰ kógə̄ḿ to̰ alé. Mbang a udə kɔ̄ɔ́ tām̄ yāsí tə́, loo kə kadaá a risə til.

EJEKIEL 12:24

Yá̰á̰ kə́ ka̰ā̰ kə́ rɔ̄kum aĺ a gə̄ gətóon̄ kɔ̄ɔ́ ō, yá̰a̰ gə̄ ń nin̄ ədan̄ na a rāā yá̰á̰ á i yá̰á̰ kə́ rɔ̄kum aĺ gə̄ ní, a gətōon̄ kɔ̄ɔ́ ō dɔ dáń ngán Israel gə̄ tə́.

JEJU TEĒ KUM JA̰A̰ 12:11

Ba nin̄-tetənən̄ rɔ̄ɔ̄ i kə ta kūl̄ mósə Ngōn̄ batə̄ ō, i kə ta kūl̄ najə̄ kə́ kum tə́ yādə́ ń nin̄-ədan̄ tām̄ yān tə́ ní ō. Nin̄-tárən̄ rɔ̄də́ alé, adə̄ ɓōlə́n̄ yo alé bátə́ oynə̄ń.

JEJU TEĒ KUM JA̰A̰ 12:9

Adə̄ dā̰ kə́ to ɓōĺ kə́ bo ngá̰ý ń i lī kə́ jóó ń a ɓāŕnən̄ na i diabəl ō, Sətan ō ní, ni ń i nge gól̄ de gə̄ malang kə́ dɔ nang tə́ ní, mbəre ənīnən̄ dɔ nang tə́, naā tə́ kə deē yān kə́ dɔ rā̰ tə́ gēé.

JAKARI 13:3

Ré deē kógə̄ḿ na̰y kə̄ loo kɔr̄ najə̄ tə́, kə́ loo nge koō ta tə́ ɓáý anī, bɔbə̄n ō kó̰o̰n ō, nin̄ kɔ́ gə̄ a ədanən̄ na: I gáŕ kadə̄ óy, tām̄ ḭ̄ ún rī Kɔ́ɔ̄ɓē ə́dań najə̄ kə́ sor̄ gə̄. Ba dan ń ni a na̰y kə̄ loo kɔr̄ najə̄ tə́, kə́ loo nge koō ta tə́ anī, bɔbə̄n ō kó̰o̰n ō a rāānən̄ kadə̄ oy.

EJEKIEL 34:10

Mā Kɔ́ɔ̄ɓē Nə́ɓā m̄-tāāsí. M-ā m̄-rāā yá̰á̰ kógə̄ḿ sesí sḭḭ̄ ngé ngɔ̄m̄ yá̰a̰ kul̄ gēé. M-ā m̄-taā yá̰a̰ kul̄ yāḿ gə̄ jīsí tə́ kɔ̄ɔ́ ō, m-ā m-ɔ̄gə̄sí kɔr nodə́ ō. Loo ń noō tə́ sḭḭ̄ ā ásiī kənge yá̰á̰ kógə̄ḿ tū yá̰a̰ kul̄ yāḿ gə̄ tə́ to̰ alé. M-ā m̄-nār̄ batə̄ yāḿ gə̄ yā taādə́ tasí tə́ ō, ā ūlī rɔ̄sí kə batə̄ yāḿ gēé to̰ aĺ ō.

JEJU TEĒ KUM JA̰A̰ 15:2

Anī m-á̰á̰ yá̰á̰ kógə̄ḿ kə́ to tītə̄ bā bo, kə́ to tītə̄ yá̰a̰ rāā wéŕ kə́ kəla naā tə́ kə horoó beē. Ba de gə̄ ń tetən̄ dā̰ ní rɔ̄ɔ̄ ō, tetən̄ ndíĺ yá̰á̰ kə́ rāā kum gotə dā̰ ní rɔ̄ɔ̄ ō, tetən̄ kutə yá̰á̰ ń ɔjə rī dā̰ ní rɔ̄ɔ̄ ō ní, ran̄ dɔ bā bo kə́ to tītə̄ yá̰a̰ rāā wéŕ tə́ ní kə kənde gə̄ yā Nə́ɓāá jīdə́ tə́.

JEJU TEĒ KUM JA̰A̰ 13:8

Ngōn̄ batə̄ ń əjan̄ míndən ní, de kə́ dɔ nang tə́ gə̄ malang ń kété ta kəla gír kəndā dɔ rā̰ ō dɔ nang ō tə́ ɓáa rīdə́ i kə́ ndang kem makətūbə̄ ndi kə kumuú yān tə́ aĺ ní, a rɔȳnən̄.

JEJU TEĒ KUM JA̰A̰ 13:5

Adə̄n̄ dā̰ kə́ to tītə̄ kagə ní tam ta kə́ yā ngonjə̄ń ō, tájəń Nə́ɓā ō. Adə̄nən̄ tɔ́gə́ kə́ yā rāań yá̰á̰ bátə́ nāā kutə sɔ́ gidə i jōó ō.

Makətūbə̄ ń Jud ndang ní 1:24

Nə́ɓā kə́ to kɔsə gɔn ń asə ngɔ̄m̄sí kadə̄ ə̄sōī aĺ ō, asə rāā kadə̄ ī-raī kə rɔ̄nelēé kanjə̄ najə̄ dɔsí tə́ ta kumən tə́ ō ní,

2 TIMOTE 3:9

Nin̄ a aw̄n̄ kumdə́ kə̄ kété to̰ alé, tɔdɔ̄ mbóo yādə́ a to i kə̄ dɔ ndágá ta kum de gə̄ tə́ malang, tītə̄ yā de kə́ jōó gə̄ ń noō.

1 KORḚNTƏ 11:19

Tɔdɔ̄ i gáŕ kadə̄ gán̄g naā to dɔ dáńsí tə́, yā kadə̄ gerə̄n̄neé ngé mbātə́ gán̄g naā gə̄.

MARK 13:22

Tām̄ Kərist kə́ rɔ̄kum aĺ gə̄ ō, ngé koō ta kə́ rɔ̄kum aĺ gə̄ ō, a ḭḭn̄, ba a rāān̄ yá̰á̰ kə́ to kɔr kum gə̄ ō, yá̰á̰ kə́ yáā gə̄ ō, yā góləń ngé gə̄ ń Nə́ɓā gə̄rādə́ ní gə̄gē.

MATIYE 24:24

Tām̄ Kərist kə́ rɔ̄kum aĺ gə̄ ō, ngé koō ta kə́ rɔ̄kum aĺ gə̄ ō a ḭḭn̄, ba a rāān̄ yá̰á̰ kə́ yáā kə́ bo ngá̰ý gə̄ ō, yá̰á̰ kə́ to kɔr kum gə̄ ō yā góləń de gə̄. Adə̄ nə́ngētə́ asə i naā tə́ anī a gólə̄n̄ ngé gə̄ ń Nə́ɓā gə̄rādə́ ní gə̄gē.

EJEKIEL 15:7

M-ā m̄-rāādə́ yá̰á̰ kə́ tōr̄. Nin̄ ɔjənə̄ń na n-teēn̄ kum hor tə́ kɔ̄ɔ́, banī hor a o̰o̰də́. Ba ré m-ā m̄-rāādə́ yá̰á̰ kə́ tōr̄ anī, ā ī-gerī kadə̄ Kɔ́ɔ̄ɓē i mā.

EJEKIEL 14:8

M-ā m̄-rāā yá̰á̰ kógə̄ḿ kə́ majaĺ kə deē ngeé ń noō. Yá̰á̰ ń m-ā m̄-rāā seneé ní a tél i kāgə̄ najə̄. M-ā m-ɔ̄rən kə̄ gogə́ kɔ̄ɔ́ dan gír deē yāḿ gə̄ tə́. Loo ń noō tə́ ā ī-gerī kadə̄ Kɔ́ɔ̄ɓē i mā.

NDŪ NAJƏ̄ 18:20

Ré kɔjə rɔ̄ rāā nge koō ta kógə̄ḿ adə̄ əda najə̄ kə́rēý kə rīḿ ba m̄-mērən kəda alé, aláa ɔr̄ najə̄ kə rī ɓesə̄ gə̄ ń nin̄ i nə́ɓā yādə́ gēé ní anī, i nge koō ta ní n a oy ní.

JEREMI 23:14

Banī m-á̰á̰ yá̰a̰ gə̄ kə́ majaĺ kə́ to ɓōĺ ngá̰ý rɔ̄ ngé koō ta kə́ Jerusalem tə́ gə̄ tə́. Nin̄ ɓōkə́n̄ rɔ̄də́ kem rāȳ tə́ ō, ɔrə̄n̄ najə̄ kə́ rɔ̄kum aĺ gə̄ ō. Ənīn̄ najə̄ kə̄ gíŕ ngé rāā háĺ kə́ majaĺ gə̄ tə́, adə̄ de kə́ kəya̰ ta kem ndul yān gətóo. M-á̰a̰ kadə̄ de gə̄ malang tél rāān̄ yá̰a̰ i tītə̄ de kə́ Sodom tə́ gə̄ ō, de kə́ kem ɓēé gə̄ tél rāān̄ yá̰a̰ i tītə̄ ngé kə́ Gomor tə́ gə̄ ō,