EJEKIEL 13:22 - Bibəl ta Sar̄

²² De gə̄ ń kété nin̄ i ngé rāā yá̰á̰ kə́ gōtə́ gə̄ ní, sḭḭ̄ ɔ̄rī tɔ́gə́də́ kɔ̄ɔ́ kə ta kūl̄ najə̄ kə́ sor̄ yāsí gēé, banī mā m̄-gḛy rāādə́ yá̰á̰ kə́ majaĺ alé. Sḭḭ̄ ə́laī go̰ kem de kə́ majaĺ gə̄ tə́ adə̄ nin̄ nan̄neé kə̄ loo rāā háĺ kə́ majaĺ yādə́ tə́ kadə̄ oynə̄ń.

Bible sar

²² De gə̄ ń kété nin̄ i ngé rāā yá̰á̰ kə́ gōtə́ gə̄ ní, sḭḭ̄ ɔ̄rī tɔ́gə́də́ kɔ̄ɔ́ kə ta kūl̄ najə̄ kə́ sor̄ yāsí gēé, banī mā m̄-gḛy rāādə́ yá̰á̰ kə́ majaĺ alé. Sḭḭ̄ ə́laī go̰ kem de kə́ majaĺ gə̄ tə́ adə̄ nin̄ nan̄neé kə̄ loo rāā háĺ kə́ majaĺ yādə́ tə́ kadə̄ oynə̄ń.

EJEKIEL 13:22 Referans Kwoze

JEREMI 23:14

Banī m-á̰á̰ yá̰a̰ gə̄ kə́ majaĺ kə́ to ɓōĺ ngá̰ý rɔ̄ ngé koō ta kə́ Jerusalem tə́ gə̄ tə́. Nin̄ ɓōkə́n̄ rɔ̄də́ kem rāȳ tə́ ō, ɔrə̄n̄ najə̄ kə́ rɔ̄kum aĺ gə̄ ō. Ənīn̄ najə̄ kə̄ gíŕ ngé rāā háĺ kə́ majaĺ gə̄ tə́, adə̄ de kə́ kəya̰ ta kem ndul yān gətóo. M-á̰a̰ kadə̄ de gə̄ malang tél rāān̄ yá̰a̰ i tītə̄ de kə́ Sodom tə́ gə̄ ō, de kə́ kem ɓēé gə̄ tél rāān̄ yá̰a̰ i tītə̄ ngé kə́ Gomor tə́ gə̄ ō,

EJEKIEL 13:16

Ngé koō ta kə́ Israel tə́ gə̄ ń kété nin̄ a ɔrə̄n̄ i najə̄ kə́ ndɔ̄ń tə́ kə́ dɔ ɓē kə́ Jerusalem tə́ ní, nin̄ gətóon̄ kɔ̄ɔ́. Yá̰a̰ gə̄ ń nin̄ a̰a̰n̄ ní, ɔjən̄ kadə̄ yá̰a̰ malang i kə́ njə̄rā majə. Tá yá̰a̰ malang i kə́ a̰a̰ gō naā alé. Yá̰á̰ ń Kɔ́ɔ̄ɓē Nə́ɓā əda ní n noó.

EJEKIEL 9:4

ba ədan na: Āw̄ ī-njə̄rā kem ɓē kə́ Jerusalem tə́ kə taá, ba de gə̄ malang ń a nōōn̄ rɔ̄də́ ō, najə̄ tōr̄ kemdə́ ō, tām̄ yā yá̰a̰ rāā kə́ majaĺ ngá̰ý gə̄ kə́ kemeé tə́ ní, ə́já yá̰a̰ nodə́ tə́.

JEREMI 23:17

Nin̄ nāān̄ kəda ngé gə̄ ń kídə̄n̄ najə̄ yā Kɔ́ɔ̄ɓē ní na, Kɔ́ɔ̄ɓē əda na: Yá̰a̰ malang a njə̄rā majə tām̄ yāsí tə́. Nin̄ ədan̄ náā nəkɔ́ ń a rāā dɔ ngan̄g kə̄ non tə́ ní na: Yá̰á̰ kə́ to kum kaȳ aĺ a əsō dɔí tə́ alé.

EJEKIEL 18:21

Yá̰á̰ ń asə kadə̄ a rāā yá̰á̰ ní n toó: Ré de kə́ majaĺ tūr̄ gidən ta yá̰a̰ rāān gə̄ kə́ gōtə́ aĺ gə̄ tə́ kɔ̄ɔ́ malang, ba rāā yá̰a̰ malang ń m-ə́da kadə̄ yā rāā ní ō, ɓōĺ ndū najə̄ gə̄ ō, rāā yá̰á̰ kə́ gōtə́ ō anī, rɔ̄kum ni a ndi kə kumneé banī ni a oy alé.

JEREMI 29:32

Semaya kə́ Nehelam tə́ ō, ngánən gə̄ ō, ngán kaan gə̄ ō ní, deē kógə̄ḿ dandə́ tə́ kə́ kadə̄ ənge loo ndiń dan gír de gə̄ ń toō tə́ yā rāań rɔ̄nel̄ dɔ yá̰á̰ kə́ majə gə̄ ń m-ā m-ādə̄ gír deē yāḿ gə̄ ní a gətóo. Ni sə̄lā i de gə̄ kadə̄ mbātə́n̄ najə̄ ta Kɔ́ɔ̄ɓē tə́ aĺ a? Najə̄ ń Kɔ́ɔ̄ɓē əda ní n noó.

JEREMI 28:16

I tām̄ ń toō tə́ n Kɔ́ɔ̄ɓē ɔr̄ najə̄ əda na: M-ā m̄-tə̄ɓāī kɔ̄ɔ́ dɔ nang tə́ ní. Ā óy kem ɓāl̄ ń toō tə́ tɔdɔ̄ ī-sə̄lā de gə̄ kə najə̄ kə́ taí tə́ kadə̄ mbātə́n̄ koō ta Kɔ́ɔ̄ɓē.

JEREMI 23:9

Jeremi ɔr̄ najə̄ dɔ ngé koō ta gə̄ tə́ əda na: Ngarā̰ kemḿ nujə ō, m̄-ndew yakə yakə ō. m̄-to tītə̄ nge kasə rāā ń kasə nduú rāān ngá̰ý noō beé, najə̄ yā Kɔ́ɔ̄ɓē tə́ ō, tām̄ najə̄ kə́ táĺ gə̄ tə́ ō.

JEREMI 8:11

Nin̄ tebəlen̄ ngá̰ý loo kəda gír deē yāḿ gə̄ ń nujən̄ sák sák tə́ ní na: Loo to majə, loo to majə. Banī yá̰a̰ kógə̄ḿ sḛ́ý kə́ to majə gətóo.

JEREMI 6:14

Nin̄ tebəlen̄ ngá̰ý loo kəda gír deē yāḿ gə̄ ń nujən̄ sák sák tə́ ní na: Loo to majə, loo to majə. Banī yá̰á̰ kógə̄ḿ sḛ́ý kə́ to majə gətóo.

JEREMI 4:10

M-ə́da na: Aa, Kɔ́ɔ̄ɓē Nə́ɓā, kə́ rɔ̄kum tə́ ní, ḭ̄ ī-gól̄ gír de gə̄ ń toō dan ń ḭ̄ ə́dádə́ na: A əngen̄ lɔm ní, tɔdɔ̄ jə-to dan koy yo kaskar tə́ ɓáý.

IJAI 28:15

Sḭḭ̄ ə́daī na: J-ənī ndūjí j-adə̄ naā kə yoó. J-əndā jījí gír makətūbə̄ tə́ j-adə̄ naā kə de kə́ ɓádá gēé. Dan ń yá̰á̰ kə́ a nujə loo a rāā yā rāā yá̰a̰ anī, a reē loojí alé. Tām̄ sor̄ i yá̰á̰ kə́ j-a jə-ndi gírí, yá̰á̰ kə́ gōtə́ aĺ i loo ɓɔ̄ɔ̄ rɔ̄ yājí.

JEREMI 29:31

Ə́la kəla ə́da de gə̄ malang ń əhɔn̄də́ aw̄n̄ sedə́ ní na: Kɔ́ɔ̄ɓē ɔr̄ najə̄ dɔ Semaya kə́ Nehelam tə́ i tītə̄ ń toō beé: Semaya ɔr̄ najə̄ kə́ nge koō ta tə́ sesí ba mā m-ə́lan aĺ ō, ni gól̄sí kə najə̄ kə́ rɔ̄kum aĺ gə̄ ō.

JEREMI 34:16

Ba ī-tél ī-tūrī ndūsí ī-nujiīneé kə rīḿ. Sḭḭ̄ kógə̄ḿ kógə̄ḿ ī-tél ī-sāāī nja ɓəlo kə́ dəngam gə̄ ō, kə́ dəyá̰ gə̄ ō ń əya̰īdə́ dɔɔ́ ní kadə̄ rāān̄ kəla adə̄n̄sí gogə́.

JEREMI 34:22

M-ā m-ādə̄də́ ndūḿ kadə̄ tél reē rɔ̄ɔ̄n̄ ɓē ń toō. A ənīnən̄ rɔ̄ɔ̄ ō, a əsō kem jīdə́ tə́ ō, a əlan̄ hor dɔ tə́ ō. M-ā m̄-rāā kadə̄ ɓē gə̄ kə́ Juda télən̄ loo kə́ to kum ko̰ gə̄ ō, kə́ de gə̄ gətóon̄ tū tə́ gə̄ ō.

EJEKIEL 18:27

Ba ré de kə́ majə aĺ tūr̄ gidən kɔ̄ɔ́ ta yá̰á̰ kə́ majə aĺ ń ni-rāā tə́ ní ba ɓōĺ ndū najə̄ ō, rāā yá̰á̰ kə́ gōtə́ ō anī, ni a ajə rɔ̄n.

AMOS 5:12

A̰á̰ā̰, m̄-ger̄ kadə̄ yá̰a̰ rāāsí kə́ majaĺ ngá̰ý gə̄ i ngá̰ý ō, yá̰a̰ rāāsí kə́ gōtə́ aĺ gə̄ boon̄ ngá̰ý ō, de gə̄ ń najə̄ gətóo dɔdə́ tə́ ní, sḭḭ̄ i madə̄ ba̰ā̰də́ gə̄ ō, yá̰a̰ kəndā nja kə́ gōtə́ aĺ gə̄ ɓáa, sḭḭ̄ ī-taāī ō, loo sarya tə́ ɓáa, ɔ̄gī kadə̄ gāngə̄n̄ sarya yā ngé ndoō gə̄ kə gōó ō.