EJEKIEL 13:19 - Bibəl ta Sar̄

¹⁹ Sḭḭ̄ ī-kídə̄mī ta kum gír deē yāḿ gə̄ tə́, tām̄ yā kəngeń kōō ɔ́rjə́ kə́ kem jī kóndóńg wań, aláa tām̄ yā kəngeń yá̰a̰ kəsa kə́ sḛ́ý beē. Sḭḭ̄ ī-gólī gír deē yāḿ gə̄ kə́ ngé taā kem sor̄ yāsí gə̄. I tītə̄ ń noō n sḭḭ̄ ī-tɔ̄līneé de gə̄ ń sɔɔ̄ kadə̄ nin̄ oyn̄ aĺ ní ō, ngé gə̄ ń sɔɔ̄ kadə̄ nin̄ ndin̄ kə kumdə́ aĺ ní ɓáa, sḭḭ̄ ī-rāāī adə̄ nin̄ ndin̄ kə kumdə́ ō ní.

Bible sar

¹⁹ Sḭḭ̄ ī-kídə̄mī ta kum gír deē yāḿ gə̄ tə́, tām̄ yā kəngeń kōō ɔ́rjə́ kə́ kem jī kóndóńg wań, aláa tām̄ yā kəngeń yá̰a̰ kəsa kə́ sḛ́ý beē. Sḭḭ̄ ī-gólī gír deē yāḿ gə̄ kə́ ngé taā kem sor̄ yāsí gə̄. I tītə̄ ń noō n sḭḭ̄ ī-tɔ̄līneé de gə̄ ń sɔɔ̄ kadə̄ nin̄ oyn̄ aĺ ní ō, ngé gə̄ ń sɔɔ̄ kadə̄ nin̄ ndin̄ kə kumdə́ aĺ ní ɓáa, sḭḭ̄ ī-rāāī adə̄ nin̄ ndin̄ kə kumdə́ ō ní.

EJEKIEL 13:19 Referans Kwoze

MISE 3:5

Najə̄ ń Kɔ́ɔ̄ɓē əda dɔ ngé koō ta gə̄ kə́ ngé ngól̄ gír deē yāḿ gə̄ tə́ ní n toó: Ré deē ul̄də́ majanī, nin̄-ənīn̄ mbēr̄ lɔm. Ba ngé kəla yá̰a̰ tadə́ tə́ aĺ gə̄ ɓáa nin̄ rɔ̄ɔ̄n̄də́.

Gōsə̄ najə̄ gə̄ 28:21

Rāā deē majaĺ tām̄ yā rāań majə kə de kə́ rangaá i yá̰á̰ kə́ majaĺ, banī deē asə rāā majaĺ tām̄ yā yá̰a̰ kəsa kə́ kugə jī kógə̄ḿ beē kəla ta tə́.

EJEKIEL 22:26

Ngé tun̄ yá̰a̰ yādə́ gə̄ rāān̄ dɔ ngan̄g ta ndū najə̄ yāḿ gə̄ tə́ ō, ɓōlə́n̄ gidə loo kə́ kɔr̄ kam̄ tām̄ yāḿ tə́ gə̄ aĺ ō, ɔrə̄n̄ kam̄ yá̰á̰ kə́ yā ɓōĺ gidə naā tə́ kə yá̰á̰ kə́ karī aĺ ō, ndóōn̄ de gə̄ loo ka̰a̰ yá̰á̰ kə́ unjə̄ njáý njáý ger̄ aĺ ō, loo ka̰a̰ yá̰á̰ kə́ yḛr ger̄ aĺ ō. Nin̄ kídə̄n̄ ndɔ̄ sabat ō. I tām̄ najə̄ ń toō tə́ n deē kógə̄ḿ kə́ dandə́ tə́ kə́ ɓōĺ gidəḿ gətóó ní.

EJEKIEL 20:39

Yá̰á̰ ń mā Kɔ́ɔ̄ɓē Nə́ɓā m-ə́dásí sḭḭ̄ ngán Israel gə̄ ní n toó: Sḭḭ̄ kógə̄ḿ kógə̄ḿ āw̄ ī-rɔyī nə́ɓā kə́ rɔ̄kum aĺ yāsí gə̄! Ba gō tə́ anī, ā ōōī taḿ dɔ gúú tə́. Ā ī-ndējī nə́ɓā yāsí kə́ rɔ̄kum aĺ gə̄ yá̰a̰ yā kídəń rīḿ kə́ kɔr̄ kam̄ to̰ alé.

JEREMI 23:17

Nin̄ nāān̄ kəda ngé gə̄ ń kídə̄n̄ najə̄ yā Kɔ́ɔ̄ɓē ní na, Kɔ́ɔ̄ɓē əda na: Yá̰a̰ malang a njə̄rā majə tām̄ yāsí tə́. Nin̄ ədan̄ náā nəkɔ́ ń a rāā dɔ ngan̄g kə̄ non tə́ ní na: Yá̰á̰ kə́ to kum kaȳ aĺ a əsō dɔí tə́ alé.

JEREMI 23:14

Banī m-á̰á̰ yá̰a̰ gə̄ kə́ majaĺ kə́ to ɓōĺ ngá̰ý rɔ̄ ngé koō ta kə́ Jerusalem tə́ gə̄ tə́. Nin̄ ɓōkə́n̄ rɔ̄də́ kem rāȳ tə́ ō, ɔrə̄n̄ najə̄ kə́ rɔ̄kum aĺ gə̄ ō. Ənīn̄ najə̄ kə̄ gíŕ ngé rāā háĺ kə́ majaĺ gə̄ tə́, adə̄ de kə́ kəya̰ ta kem ndul yān gətóo. M-á̰a̰ kadə̄ de gə̄ malang tél rāān̄ yá̰a̰ i tītə̄ de kə́ Sodom tə́ gə̄ ō, de kə́ kem ɓēé gə̄ tél rāān̄ yá̰a̰ i tītə̄ ngé kə́ Gomor tə́ gə̄ ō,

Makətūbə̄ ń Pol ndang adə̄ Rom gə̄ ní 16:18

Tɔdɔ̄ de gə̄ ń noō nin̄-rāān̄ i kəla yā Kərist Kɔ́ɔ̄ɓē yājí alé, ba a rāān̄ i kəla tām̄ yā kemdə́ tə́. De gə̄ ń i kə́ kumdə́ gān̄g aĺ ní, nin̄-gólə̄n̄də́ kə najə̄ yādə́ kə́ majə gēé ō, kə́ nel̄ gēé ō.

MISE 3:11

Ngé rāā sarya gə̄ a gāngə̄n̄ sarya i gíŕ yá̰á̰ kə́ kadə̄də́ karī tə́ tə́ ō, ngé tun̄ yá̰a̰ gə̄ a ndóōn̄ de gə̄ ndū najə̄ i gíŕ yá̰a̰ kəngeé ō, ngé koō ta gə̄ a ədan̄ yá̰á̰ kə́ ndɔ̄ń tə́ i gír naraá ō. Nin̄ əndān̄ tɔ́gə́də́ dɔ Kɔ́ɔ̄ɓē tə́, ba ədan̄ na: Kɔ́ɔ̄ɓē i sejí, adə̄ yá̰á̰ kə́ to kum kaȳ aĺ a teē dɔjí tə́ alé.

1 PIYER 5:2

Ɓūtə̄ yá̰a̰ kul̄ gə̄ yā Nə́ɓā ń ɓɔ̄ɔ̄sí ní, āwī sedə́ ko̰ó̰. Ə̄ndāī kumsí gíŕdə́ tə́ majə. Ba ādī i kə́ kɔsə sesí ta rāā alé, banī ādī i kə kemsí kə́ majaá ō, kə gō ń Nə́ɓā ndigə ní ō. Ī-rāāī kəla yāsí, ba ādī i tām̄ yā kəngeń nar kə́ a reē kə rɔ̄sɔlɔ̄ɔ́ dɔ deē tə́ alé. Banī i tām̄ kəndā kə́ sḭḭ̄ kɔ́ gə̄ ə̄ndāī rɔ̄sí ta tə́.

1 KORḚNTƏ 8:11

Adə̄ nge tɔ́gə gətóó ń i ngōkó̰ó̰í kə́ Kərist oy tām̄ yān tə́ ní, a udə kɔ̄ɔ́ sɔɔ̄ń ger̄ yá̰a̰ yāí.

Makətūbə̄ ń Pol ndang adə̄ Rom gə̄ ní 14:15

Ré yá̰á̰ ń ə́sá ní rāā adə̄ rɔ̄ ngōkó̰ó̰í nelə̄n aĺ anī, yá̰á̰ ń ī-rāā noó i kə tárá to̰ alé. I beé ní, ī-lōō kadə̄ ngōkó̰ó̰í ń Kərist oy tām̄ yān tə́ ní udə kɔ̄ɔ́ najə̄ yá̰a̰ kəsa tə́ ngóy.

MALASI 1:10

Kə́ só tə́ i kadə̄ deē kógə̄ḿ kə́ dansí tə́ utə̄ ta róbə́ kújə gə̄ yā Kɔ́ɔ̄ɓē kɔ̄ɔ́. I beé tá ā āwīiń dɔ loo tun̄ yá̰a̰ yāḿ tə́ yā rāā hor ndāńg alé. Tām̄ mā Kɔ́ɔ̄ɓē kə́ bo kə́ tɔ́gə́ḿ i ngá̰ý nelə̄m̄ ka̰a̰sí aĺ ō, yá̰a̰ ndējə̄ gə̄ ń ī-reēiń ādə̄mī ní, nelə̄m̄ aĺ ō.

EJEKIEL 13:22

De gə̄ ń kété nin̄ i ngé rāā yá̰á̰ kə́ gōtə́ gə̄ ní, sḭḭ̄ ɔ̄rī tɔ́gə́də́ kɔ̄ɔ́ kə ta kūl̄ najə̄ kə́ sor̄ yāsí gēé, banī mā m̄-gḛy rāādə́ yá̰á̰ kə́ majaĺ alé. Sḭḭ̄ ə́laī go̰ kem de kə́ majaĺ gə̄ tə́ adə̄ nin̄ nan̄neé kə̄ loo rāā háĺ kə́ majaĺ yādə́ tə́ kadə̄ oynə̄ń.

Gōsə̄ najə̄ gə̄ 19:27

Ngōnə̄ḿ ré ī-lōō gír rāā yá̰á̰ ń yá̰á̰ ndóō ɔjə ní tə́ anī, ā ī-dáȳ sa̰y kadə najə̄ yā yá̰a̰ ger̄ tə́.

1 SAMUEL 9:7

Saul əda nge kəla yān ní na: Majə, j-aw̄ tā. Ba yá̰á̰ ń j-a j-aw̄ń yā kadə̄n ní i rí? Mápá kə́ kem ngong yājí tə́ təgā kɔ̄ɔ́. Tá majə kadə̄ deē adə̄ deē yā Nə́ɓā sádə̄ alé. Ní, yá̰á̰ ń to jijí tə́ ní i rí?

IJAI 56:11

Nin̄ i bísə gə̄ kə́ əsan̄ yá̰a̰ malang ō, yá̰a̰ kəsa asə tadə́ nja kógə̄ḿ aĺ ō. Tá nin̄ i ngé kul̄ gír deē yāḿ gə̄! Nin̄ gerə̄n̄ kum yá̰á̰ kógə̄ḿ alé. I yá̰á̰ ń nel̄də́ ní ngóy n nin̄ rāān̄ ní. Nin̄ kógə̄ḿ kógə̄ḿ ní, a sāān̄ i yá̰á̰ kə́ majə tām̄ yādə́ nin̄ kɔ́ gə̄ tə́ ngóy.

EJEKIEL 13:20

I tām̄ najə̄ ń toō tə́ n mā Kɔ́ɔ̄ɓē Nə́ɓā m-ə́dásí najə̄ tītə̄ ń toō ní: Ta kūbə̄ yāsí gə̄ ń ə́hɔīneé ndi kə kumuú yā madə̄sí gə̄ dəngáý ní, m-ā m̄-rɔ̄ɔ̄ sedə́. M-ā m̄-ngīīdə́ jīsí tə́ kɔ̄ɔ́ yā rə́yā̰də́ ō, de gə̄ ń sḭḭ̄ ə́hɔīdə́ dəngáý ní, m-ā m̄-taādə́ jīsí tə́ yā kəya̰də́ dɔɔ́ ō.

EJEKIEL 22:25

Ngār yādə́ gə̄ ton̄ i tītə̄ ɓɔl gə̄ kə́ a nōōn̄ beé. Dā̰ ń nin̄ əhɔn̄ ní, nin̄ rə́yā̰n̄ naā tə́. Nin̄ tɔ̄lə̄n̄ de gə̄ ō, ɓogən̄ yá̰a̰ kənge gə̄ ō, yá̰a̰ yā madə̄də́ gə̄ ō, rāān̄ adə̄ dəyá̰ kə́ ngaa koy gə̄ i ngá̰ý ō.

Gōsə̄ najə̄ gə̄ 17:15

Kun najə̄ kɔ̄ɔ́ dɔ de kə́ rāā yá̰a̰ gōtə́ aĺ tə́ ō, kəndā najə̄ dɔ de kə́ najə̄ gətóo dɔn tə́ tə́ ō, i yá̰á̰ kə́ yḛr ta kum Kɔ́ɔ̄ɓē tə́ jōó mbak.

IJAI 5:20

I yá̰á̰ kə́ to kum kaȳ aĺ kə́ ba̰ý beē tām̄ yā ngé gə̄ ń ədan̄ na: Yá̰á̰ kə́ majaĺ i yá̰á̰ kə́ majə, yá̰á̰ kə́ majə i yá̰á̰ kə́ majaĺ tə́ ní. Nin̄ tūrə̄n̄ loo kə́ ndɔ̄ɔ́ adə̄ tél loo kə́ unjə̄ kow ō, tūrə̄n̄ loo kə́ unjə̄ kow adə̄ tél loo kə́ ndɔ̄ɔ́ ō. Nin̄ rāān̄ yá̰á̰ kə́ atə̄ adə̄ téĺ yá̰á̰ kə́ nel̄ ō, rāān̄ yá̰á̰ kə́ nel̄ adə̄ téĺ yá̰á̰ kə́ atə̄ ō.

EJEKIEL 22:27

Ngār gə̄ kə́ dɔ gír de gə̄ tə́ ton̄ i tītə̄ soó gə̄ kə́ ngé rə́yā̰ dā̰ kəhɔdə́ gə̄ naā tə́ beē kem ɓē kə́ Jerusalem tə́. Nin̄ tɔ̄lə̄n̄ de gə̄ yā ɓogəń yá̰a̰ kənge yādə́ gə̄.