EJEKIEL 13:17 - Bibəl ta Sar̄

¹⁷ Ḭ̄ ngōn̄ deē, dəyá̰ kə́ Israel tə́ gə̄ kə́ ngé kɔr̄ najə̄ kə rīdə́ nin̄ kɔ́ gɔ̄ɔ́ ní, ī-tūr̄ rɔ̄í kə̄ rɔ̄də́ tə́, ba ī-teē kə gíŕdə́ dɔɔ́ tām̄ gól̄ loo yādə́ tə́.

Bible sar

¹⁷ Ḭ̄ ngōn̄ deē, dəyá̰ kə́ *Israel tə́ gə̄ kə́ ngé kɔr̄ najə̄ kə rīdə́ nin̄ kɔ́ gɔ̄ɔ́ ní, ī-tūr̄ rɔ̄í kə̄ rɔ̄də́ tə́, ba ī-teē kə gíŕdə́ dɔɔ́ tām̄ gól̄ loo yādə́ tə́.

EJEKIEL 13:17 Referans Kwoze

EJEKIEL 13:2

Ḭ̄ ngōn̄ deē, ngé gə̄ ń ədan̄ na nin̄ na i ngé koō ta kə́ Israel tə́ gə̄ ba a ədan̄ i najə̄ kə́ dɔdə́ nin̄ kɔ́ gə̄ adə̄də́ gə̄ ní, ī-teē kə gíŕdə́ dɔɔ́. Ə̄ndā dɔdə́ tə́ ādə̄ oōn̄ najə̄ yāḿ mā.

JEJU TEĒ KUM JA̰A̰ 2:20

Banī yá̰á̰ ń m̄-mbātə́ gōí tə́ ní, i kəya̰ ń ə́ya̰ Jesabel ní. Ni i dəyá̰ ń əda na ni na i nge koō ta banī ni i nge rāā kadə̄ ngé kəla yāḿ gə̄ ndúmə̄n̄ ní, tɔdɔ̄ ni-ndóōdə́ rāā ájə́ba kə́ yā ndɔ̄yń ɓesə̄ ō, kəsa dā̰ kə́ tɔ̄l̄ ba tun̄ kadə̄ ɓesə̄ gə̄ ō.

2 MBAN̄G 22:14

Hilkia ngol ngé tun̄ yá̰a̰ gə̄ ō, Ahikam ō, Akbor ō, Sapan ō, Asaya ō, aw̄ əngen̄ Hulda nge koō ta kə́ dəyá̰. I nə̄yá̰ Salum kə́ nge ngɔ̄m̄ kūbə̄ tun̄ yá̰a̰ gə̄ kə́ kem kújə yā Kɔ́ɔ̄ɓē tə́. Salum i ngōn̄ Tikəba kə́ ngōn̄ Haras. Hulda ndi i Jerusalem kem ɓē kə́ kijə tə́. Dan ń de gə̄ ní ɔjən̄ nge koō ta kə́ dəyá̰ yá̰a̰ gə̄ ń rāān̄ yá̰á̰ ní oy anī,

NGÉ SARYA 4:4

I dan ń Debora nge koō ta kə́ nə̄yá̰ Lapidot a gāngəń sarya yā ngán Israel gə̄ ní.

Najə̄ kə́ Majə yā Jeju ń Luk ndang ní 2:36

Nge koō ta kə́ dəyá̰ kógə̄ḿ ndi noó ō, rīn na i Ana. Ni i ngōn̄ Panuel, kə́ gír ɓē yā Aser tə́. Ni tɔgə ɓə́ga kɔ̄ɔ́. Dan ń ni-ḭḭ kə̄ nang tə́ á taā dəngam ní, ndi seneé ɓāl̄ sīrí.

2 PIYER 2:1

Ngé koō ta kə́ rɔ̄kum aĺ gə̄ ton̄ dan gír de gə̄ yā Nə́ɓā tə́ kété, adə̄ ngé ndóō de gə̄ yá̰á̰ kə́ rɔ̄kum aĺ gə̄ a ton̄ dɔ dáńsí tə́ ō. Nin̄ a udən̄ dansí tə́ yā ndóō de gə̄ yá̰á̰ kə́ rɔ̄kum aĺ gə̄ ō, yá̰á̰ kə́ majaĺ ngá̰ý gə̄ ō, loo mundə̄ tə́ jəke. Ngoldə́ ń gān̄g dɔdə́ ní gə̄gē nin̄-aw̄n̄ bátə́ mbātə́nən̄ kɔ̄ɔ́. Nin̄-ndɔ́rə̄n̄ kudə kɔ̄ɔ́ reēn̄neé dɔ rɔ̄də́ nin̄ kɔ́ gə̄ tə́, ba kudə kɔ̄ɔ́ yādə́ ní a ɔr bā̰ā̰ alé.

EJEKIEL 21:2

Ḭ̄ ngōn̄ deē, ī-tūr̄ kumií kə̄ dām̄ mbɔ́r ɓē kə́ geleé tə́. De gə̄ ń ndin̄ kem ku gə̄ tə́ dām̄ mbɔ́r ɓē kə́ geleé tə́ ní, ɔ̄r̄ najə̄ sedə́ kə ngangá ādə̄m̄.

EJEKIEL 4:3

Gō tə́ anī ún gində̄ kə́ laa kógə̄ḿ ə̄ndā tītə̄ ndogə̄ gində̄ beé, dɔ dáńsí tə́ kə ɓē ní. Ə̄ndā kumií dɔ ɓē tə́ á̰a̰n sew: Ni i kə́ ənīnən̄ rɔ̄ɔ̄. I ḭ̄ n ə̄nīn rɔ̄ɔ̄ ní. Yá̰á̰ ń ī-rāā noó i yá̰á̰ kə́ yā tāań ngán Israel gə̄.

IJAI 4:4

Kɔ́ɔ̄ɓē a rāā kadə̄ néĺ yá̰á̰ kə́ gōtə́ ō, néĺ kə́ a tə́go deē kadə̄ unjə̄ ō əla. Dan ń ni a tə́gó yá̰á̰ kə́ yḛr gə̄ kə́ rɔ̄ dəyá̰ kə́ Jerusalem tə́ gə̄ tītə̄ ń noō anī, dan ń ni a tə́gó mósə́ ń ɓē kə́ Siyo̰ ɓōkə́ nang tə́ ɓēé looneé ní,

KƏLA RĀĀ 21:9

Ni-aw̄ kə ngánən kə́ dəyá̰ gə̄ sɔ́ kə́ gerə̄n̄ dəngam aĺ gə̄. Nin̄ i ngé kəda najə̄ kə́ Nə́ɓā əndā tadə́ tə́ gə̄.

NEHEMI 6:14

Nə́ɓā yāḿ, ādə̄ əga kemií dɔ Tobia nin̄ kə Sanbalat tə́ najə̄ yá̰a̰ rāādə́ gə̄ tə́ ō, ādə̄ əga kemií dɔ Noadia nge koō ta kə́ dəyá̰ tə́ ō, dɔ gotə ngé koō ta gə̄ ń sāān̄ kəla ɓōĺ kemḿ tə́ ní ō!