EJEKIEL 13:14 - Bibəl ta Sar̄

¹⁴ Ndogə̄ mbal̄ ń ī-rāāī hō̰rō̰ gidə tə́ ní, m-ā m̄-mbəren yā kənīn nang tə́ kɔ̄ɔ́. M-ā m̄-bótīyōn dɔɔ́ bátə́ kadə̄ ugə̄ nang tə́, adə̄ de gə̄ a a̰a̰n̄ gírən ń əndān̄ ní. Ndogə̄ mbal̄ ní a əsō ō, mbal̄ kə́ tū tə́ gə̄ a rējə̄n̄sí ō. Loo ń noō tə́ ā ī-gerī kadə̄ Kɔ́ɔ̄ɓē i mā.

Bible sar

¹⁴ Ndogə̄ mbal̄ ń ī-rāāī hō̰rō̰ gidə tə́ ní, m-ā m̄-mbəren yā kənīn nang tə́ kɔ̄ɔ́. M-ā m̄-bótīyōn dɔɔ́ bátə́ kadə̄ ugə̄ nang tə́, adə̄ de gə̄ a a̰a̰n̄ gírən ń əndān̄ ní. Ndogə̄ mbal̄ ní a əsō ō, mbal̄ kə́ tū tə́ gə̄ a rējə̄n̄sí ō. Loo ń noō tə́ ā ī-gerī kadə̄ Kɔ́ɔ̄ɓē i mā.

EJEKIEL 13:14 Referans Kwoze

MISE 1:6

Kɔ́ɔ̄ɓē əda na: Tām̄ najə̄ ń noō tə́ ní, m-ā m̄-rāā ɓē kə́ Samari kadə̄ a tél ndɔr̄ kə́ gájə́ yá̰a̰ gə̄ i tū tə́ ō, dɔ nang kə́ i kāgə̄ nduú tá deē a asə ndɔr̄ tū tə́ ngóy ō. M-ā m̄-rāā kadə̄ mbal̄ kə́ tū tə́ gə̄ ndūbə̄rūn̄ kum wól loo tə́ ō, m-ā m-nujə yá̰á̰ ń a ngɔ̄m̄ gír gisən ní kɔ̄ɔ́ ō.

JEREMI 6:15

Majə kadə̄ rɔ̄də́ sɔl̄də́ tɔdɔ̄ rāān̄ yá̰á̰ kə́ majaĺ ngá̰ý gə̄, ba mbātə́n̄ ger̄ yá̰á̰ kə́ to rɔ̄sɔl̄ gə̄ ń rāān̄ ní. Gerə̄n̄ gō yá̰á̰ kə́ to rɔ̄sɔl̄ gə̄ ń rāān̄ ní kem ángaldə́ tə́ alé. I tām̄ ń toō tə́ n a bḭ́ḭ̄n̄ dan ń m-ā m-ə́ndádə́ ní ō, a tə́sōn̄ tītə̄ yā gotə de gə̄ ō ní. Najə̄ ń Kɔ́ɔ̄ɓē əda ní n noó.

HABAKUK 3:13

Ī-teē i yā kajə gír deē yāí gə̄, i yā kajə mban̄g ń ḭ̄ ɔ̄r̄ kamə̄n tām̄ yā Nə́ɓā tə́ ní. Ḭ̄ ī-mbəre ngār yā gír de kə́ majaĺ gə̄ ə̄nīn ō, de gə̄ ń ɓoon̄ rɔ̄də́ tū yān tə́ ní, ḭ̄ ī-nujədə́ sák sák kɔ̄ɔ́ ō.

EJEKIEL 13:9

Ngé koō ta gə̄ ń a ənīn̄ gotə yá̰á̰ kə́ ka̰ā̰ kə́ rɔ̄kum aĺ gə̄ ō, yá̰a̰ gə̄ ń nin̄ ədan̄ na a rāā yá̰á̰ á i yá̰á̰ kə́ rɔ̄kum aĺ gə̄ ō ní, m-ā m-ɔ́jə́ tɔ́gə́ḿ dɔdə́ tə́. Nin̄ i dan ngé kán̄ naā gə̄ yā gír deē yāḿ gə̄ tə́ aĺ ō, a ndangən̄ rīdə́ dan rī ngán Israel gə̄ tə́ aĺ ō, nin̄ a télən̄ yā reē gogə́ dɔ nang yādə́ tə́ aĺ ō. I tītə̄ ń noō n nin̄ a ger̄nəń kadə̄ Kɔ́ɔ̄ɓē Nə́ɓā i mā ní.

JEREMI 14:15

I tām̄ ń toō tə́ n Kɔ́ɔ̄ɓē ɔr̄ najə̄ tītə̄ ń toō beé ní: Yá̰á̰ kə́ sɔɔ̄ dɔ ngé koō ta gə̄ ń unən̄ rīḿ ɔrə̄n̄neé najə̄ banī m-ə́ládə́ aĺ ní n toó. Ká ré nin̄ gírə̄n̄ kadə̄ kaskar ō, ɓō ō, a gətóon̄ kem ɓē ń toō tə́ gə̄gē anī, ngé koō ta gə̄ ń noō a oyn̄ i yo kaskar ō, yo ɓō ō.

Najə̄ kə́ Majə yā Jeju ń Luk ndang ní 6:49

Banī deē ń oō najə̄ yāḿ ba rāā yá̰a̰ kə gō najə̄ yāḿ aĺ ní, to i tītə̄ de kə́ əndā kújə yān i dɔɔ́ karī kanjə̄ ndēr̄ bəlo tá kəndāń. Dan ń man̄ taā loo ba un nja kújə́ ní anī kújə́ ní tetə ənda nang kə̄ ta jī tə́ beē ō, nujə sák sák kɔ̄ɔ́ ō.

EJEKIEL 14:8

M-ā m̄-rāā yá̰á̰ kógə̄ḿ kə́ majaĺ kə deē ngeé ń noō. Yá̰á̰ ń m-ā m̄-rāā seneé ní a tél i kāgə̄ najə̄. M-ā m-ɔ̄rən kə̄ gogə́ kɔ̄ɔ́ dan gír deē yāḿ gə̄ tə́. Loo ń noō tə́ ā ī-gerī kadə̄ Kɔ́ɔ̄ɓē i mā.

EJEKIEL 13:23

I beé ní, yá̰á̰ kə́ rɔ̄kum aĺ gə̄ ń ā á̰a̰ī ō, najə̄ kə́ rɔ̄kum aĺ gə̄ ń ā ə́daī ō ní, gíŕdə́ gān̄g. M-ā m̄-taā gír deē yāḿ gə̄ jīsí tə́ yā kəya̰də́ dɔɔ́ ō, ā ī-gerī kadə̄ Kɔ́ɔ̄ɓē i mā ō.

EJEKIEL 13:21

M-ā m̄-rə́yā̰ mandíl yāsí gə̄ kɔ̄ɔ́ ō, m-ā m̄-taā gír deē yāḿ gə̄ jīsí tə́ yā kəya̰də́ dɔɔ́ ō. Nin̄ a əsōn̄ kum gūmbə̄ yāsí gə̄ tə́ to̰ aĺ ō, ā ī-gerī kadə̄ Kɔ́ɔ̄ɓē i mā ō.

JEREMI 23:15

Anī Kɔ́ɔ̄ɓē kə́ bo kə́ tɔ́gən i ngá̰ý ɔr̄ najə̄ kə́ dɔ ngé koō ta gə̄ tə́ əda na: M-ā m-ādə̄də́ man̄ ngəra kāgə̄ kə́ katə̄ kárárá ō, man̄ kə́ yḛl kum ō, kadə̄ a̰ȳn̄, tɔdɔ̄ i ngé koō ta kə́ Jerusalem tə́ gə̄ n ndóōn̄ ɓē kə taá malang loo kim̄ Nə́ɓā ní.

JEREMI 8:12

Majə kadə̄ rɔ̄də́ sɔl̄də́ tɔdɔ̄ rāān̄ yá̰á̰ kə́ majaĺ ngá̰ý gə̄, ba mbātə́n̄ ger̄ yá̰á̰ kə́ to rɔ̄ sɔl̄ gə̄ ń rāān̄ ní. Gerə̄n̄ gō yá̰á̰ kə́ to rɔ̄sɔl̄ gə̄ ń rāān̄ ní kem ángaldə́ tə́ alé. I tām̄ ń toō tə́ a bḭ́ḭ̄n̄ dan ń m-ā m-ə́ndádə́ ní ō, a tə́sōn̄ tītə̄ yā gotə de gə̄ ō ní. Najə̄ ń Kɔ́ɔ̄ɓē əda ní n noó.

PĀ GƏ̄ 11:3

Dan ń yá̰á̰ kə́ majə nujə kɔ̄ɔ́ ní, de kə́ súmūú a rāā i ba̰ý?

EJEKIEL 13:15

M-ā bə̄gā wōn̄g yāḿ dɔ ndogə̄ mbal̄ tə́ ō, dɔ de gə̄ ń rāān̄ hō̰rō̰ gidə tə́ ní ō. A ədan̄sí na ndogə̄ mbal̄ ní i kə́ nujəń kɔ̄ɔ́! Ngé rāā hō̰rō̰ gidə tə́ gə̄ ní, gír yādə́ gān̄g kɔ̄ɔ́.

KOHELET 3:3

Kum mbang tɔ̄l̄ deē i noó ō, kum mbang kajə deē i noó ō. Kum mbang tɔ̄ɔ̄ kújə i noó ō, kum mbang kəndā kújə i noó ō.

IJAI 28:17

Yá̰á̰ kə́ súmūú i yá̰a̰ mbɔ̄jə́ yá̰a̰ yāḿ, yá̰á̰ kə́ gōtə́ i kəlā yāḿ kə́ gində̄ pəlɔm i ta tə́. Man̄ kə́ edə kə kɔ̄sɔ̄ɔ́ a un yá̰á̰ gól̄ loo ń ā ī-ndiī gírí ní yā kaw̄ń kɔ̄ɔ́, loo ń ā ī-ɓɔ̄ɔ̄ rɔ̄sí tū tə́ ní man̄ a taā kɔ̄ɔ́.

IJAI 30:13

I beé ní, yá̰á̰ kə́ gōtə́ aĺ ń toō a to i tītə̄ loo kə́ njar tū ndogə̄ mbal̄ kə́ bo tə́ beé tām̄ yāsí tə́. Loo agə̄ gul tū ndogə̄ mbal̄ tə́ ō, kə̄ ta jī tə́ noō ndogə̄ mbal̄ teē əsō ō.