EJEKIEL 13:13 - Bibəl ta Sar̄

¹³ I beé ní, yá̰á̰ ń mā Kɔ́ɔ̄ɓē Nə́ɓā m-ə́dá ní n toó: Kem wōn̄g yāḿ kə́ ngá̰ý tə́ ní, m-ā m̄-rāā kadə̄ nél man̄ kə́ bo ngá̰ý a əla kə tɔ́gɔ́ ngá̰ý ō, m-ā m̄-rāā kadə̄ man̄ a edə ngá̰ý ō. Kɔ̄sə̄ a tə́sō kə ngangá ngá̰ý yā nujə yá̰a̰ malang kɔ̄ɔ́.

Bible sar

¹³ I beé ní, yá̰á̰ ń mā Kɔ́ɔ̄ɓē Nə́ɓā m-ə́dá ní n toó: Kem wōn̄g yāḿ kə́ ngá̰ý tə́ ní, m-ā m̄-rāā kadə̄ nél man̄ kə́ bo ngá̰ý a əla kə tɔ́gɔ́ ngá̰ý ō, m-ā m̄-rāā kadə̄ man̄ a edə ngá̰ý ō. Kɔ̄sə̄ a tə́sō kə ngangá ngá̰ý yā nujə yá̰a̰ malang kɔ̄ɔ́.

EJEKIEL 13:13 Referans Kwoze

IJAI 30:30

Kɔ́ɔ̄ɓē a rāā kadə̄ de gə̄ a oōn̄ ndūn kə́ to ɓōĺ ngá̰ý ō, ni a rāā kadə̄ de gə̄ a a̰a̰n̄ tɔ́gə jīn ō. Ni a ɔjə wōn̄g yān kə́ ngá̰ý kə̄ ndágá dan ndo̰ hor kə́ a o̰o̰ tə́ ō, a dān̄ gō kə nél man̄ kə́ əla kə ngangá ngá̰ý ō, kə man̄ kə́ edə kə kɔ̄sɔ̄ɔ́ ō.

JEJU TEĒ KUM JA̰A̰ 16:21

Kɔ̄sə̄ kə́ kɔȳ ngá̰ý gə̄ ḭḭn̄ dɔ rā̰ tə́ tə́sōn̄ dɔ de gə̄ tə́, adə̄ nin̄-tájə̄n̄ Nə́ɓā najə̄n tə́, tɔdɔ̄ i yá̰á̰ kə́ tōr̄ kə́ to ɓōĺ ngá̰ý.

JEJU TEĒ KUM JA̰A̰ 11:19

Ta kújə yā Nə́ɓā kə́ dɔ rā̰ tə́ teē ra wōyōó, anī m-á̰a̰ sandúkə madə̄ naā yān kemeé. Loo ń noō tə́ man̄ tel̄ ō, ndū de gə̄ ɓār̄ ō, man̄ ndang ō, dɔ nang ndew ō, kɔ̄sə̄ tə́sō ngá̰ý ō.

PĀ GƏ̄ 148:8

hor ō, kɔ̄sə̄ ō, néjə ō, díḿsir ō, nél man̄ kə́ a əla kə tɔ́gɔ́ kə́ a rāā yá̰á̰ ń ni-əda ní ō,

JEJU TEĒ KUM JA̰A̰ 8:7

De kə́ dɔ rā̰ tə́ kə́ ta kəga dɔ kɔ̄ŕ bərúnjə, anī kɔ̄sə̄ man̄ ō, hor ō ń əlan̄də́ naā tə́ kə mósó ní, ɓōkə́n̄də́ dɔ nang tə́. Adə̄ ré gángə̄n̄ dɔ nang gír loo mətá anī, hor o̰o̰ gírən kə́ kógə̄ḿ kɔ̄ɔ́ ō, ré gángə̄n̄ ɓūtə̄ kāgə̄ gə̄ gír loo mətá anī, hor o̰o̰ gírən kə́ kógə̄ḿ kɔ̄ɔ́ ō, o̰o̰ mu kə́ mbōl̄ gə̄ malang kɔ̄ɔ́ ō.

Makətūbə̄ yā Aje 2:17

Mā Kɔ́ɔ̄ɓē m-ə́dá wáńg na: Yá̰a̰ malang ń ī-rāāī ní, m̄-nujəń kɔ̄ɔ́: m̄-rāā adə̄ kōō gə̄ tutən̄, aláa ndumən̄ kem ndɔrɔ́ ō, m̄-rāā adə̄ kɔ̄sə̄ tə́sō ō, banī sḭḭ̄ ī-tél ī-reēī rɔ̄ḿ mā Kɔ́ɔ̄ɓē tə́ alé.

JONAS 1:4

Banī Kɔ́ɔ̄ɓē rāā adə̄ nél kógə̄ḿ kə́ əla kə ngangá ngá̰ý əsō dɔ bā bo tə́. Nél man̄ ní əla kə tɔ́gɔ́ ngá̰ý kə́ too bo a sāā i tɔ̄ɔ̄.

JEREMI 23:19

Á̰a̰ī nél ń əla kə tɔ́gɔ́ noō i wōn̄g yā Kɔ́ɔ̄ɓē kə́ ngá̰ý n ḭḭ seneé ní. Nél balway əla kə ngangá ngá̰ý kum kə̄ dɔ de gə̄ ń najə̄ i dɔdə́ tə́ ní.

PĀ GƏ̄ 107:25

Kɔ́ɔ̄ɓē əda najə̄ tan kógə̄ḿ anī nél balway əla, néĺ ní rāā adə̄ bəngál man̄ ḭḭ kə̄ dɔɔ́ kə̄ dɔɔ́.

PĀ GƏ̄ 105:32

Ni-rāā adə̄ kɔ̄sə̄ edə dɔdə́ tə́ kum gotə man̄ ō, rāā adə̄ məyā̰ man̄ əla hor dɔ ɓē yādə́ tə́ ō.

LEBI GƏ̄ 26:28

m-ā m̄-mbātə́ najə̄ tasí tə́ kə wōngōó ngá̰ý. M-ā m-ə́ndásí tām̄ majaĺ yāsí gə̄ tə́ kadə̄ mān̄ dɔ kə́ kété nja sīrí.

Makətūbə̄ yā Job 38:22

Ī-njə̄rā bátə́ ūgə̄ loo ń ngɔ̄mə̄n̄ néjə tū tə́ ní a? Á̰a̰ loo ń ngɔ̄mə̄n̄ kɔ̄sə̄ tū tə́ ní a?

EJEKIEL 1:4

Yá̰á̰ ń m-á̰a̰ā̰ ní n toó: Néĺ kógə̄ḿ kə́ bo ḭḭ dām̄ mbɔ́r ɓē kə́ ko̰ó̰ tə́ a reē kə kil̄ man̄ kə́ il̄ ngá̰ý ō, tel̄ man̄ gə̄ teēn̄ tū kil̄ man̄ ní tə́ ō. Loo kə́ unjə̄ kow gīr̄ gidə kil̄ man̄ ní. Banī ngaadan kil̄ man̄ ní i hor kə́ a o̰o̰ ō, ndə́lē tītə̄ lɔ́ŕ kə́ kəla horoó adə̄ kərē beé ō.

EJEKIEL 13:12

Dan ń ndogə̄ mbal̄ a tetə nang tə́ anī, de gə̄ a dəjen̄sí na ké hō̰rō̰ ń ūtīiń gidə ní ké rāā i rí wa?

Makətūbə̄ yā Job 38:23

m̄-ngɔ̄m̄də́ i tām̄ yā kum mbang wur kɔl tə́, i tām̄ yā ndɔ̄ məla ndaa tə́ ō, ndɔ̄ rɔ̄ɔ̄ tə́ ō.

NŌŌ RƆ̄ 2:1

I ba̰ý á Kɔ́ɔ̄ɓē utə̄ dɔ ngōmandə kə́ Siyo̰ kə kil̄ man̄ gēé kem wōn̄g yān tə́ beé. Ni-rāā adə̄ rī ɓār̄ yā Israel ḭḭ dɔɔ́ əsō nang tə́ Ndɔ̄ ń wōn̄g rāānneé tə́ ní, əga kemən dɔ yá̰a̰ kəndā nja yān tə́ alé.

NŌŌ RƆ̄ 2:3

Ni-ɔr̄ tɔ́gə Israel malang kɔ̄ɔ́ kə wōngōó ngá̰ý. Tél kə jīn kə́ ko̰ó̰ kə̄ gogə́ ta kum madə̄ ba̰ā̰n tə́. Əla hor dɔ ɓē yā Jakob tə́ adə̄ o̰o̰ loo gīr̄ gidə.

NŌŌ RƆ̄ 2:4

Ndɔ́r̄ ga̰ gərā yān sɔɔ̄ń Jerusalem tītə̄ kə́ ni i madə̄ ba̰ā̰n beé ō, əhɔ jī ko̰o̰n dɔɔ́ tītə̄ nge rɔ̄ɔ̄ beé ō. Ni tɔ̄l̄ ngé gə̄ malang ń majən̄ ka̰ā̰ ngá̰ý ní. Ɓōkə́ wōn̄g yān kə́ ngá̰ý hor tə́ dɔ kújə tandā yā ngōmandə kə́ Siyo̰ tə́.