EJEKIEL 13:11 - Bibəl ta Sar̄

¹¹ I beé ní, ə́dá ngé rāā hō̰rō̰ kutə̄ń gidə ndogə̄ mbal̄ na: A tɔ̄ɔ̄n̄ ndogə̄ mbal̄ yāsí kɔ̄ɔ́. Man̄ kə́ bo a edə ō, kɔ̄sə̄ a tə́sō ō, nél man̄ a əla kə tɔ́gɔ́ ō.

Bible sar

¹¹ I beé ní, ə́dá ngé rāā hō̰rō̰ kutə̄ń gidə ndogə̄ mbal̄ na: A tɔ̄ɔ̄n̄ ndogə̄ mbal̄ yāsí kɔ̄ɔ́. Man̄ kə́ bo a edə ō, kɔ̄sə̄ a tə́sō ō, nél man̄ a əla kə tɔ́gɔ́ ō.

EJEKIEL 13:11 Referans Kwoze

EJEKIEL 38:22

M-ā m̄-gān̄g sarya dɔí tə́ kadə̄ mo̰y ngāl̄bɔ̄gīí əsō dɔí tə́ ō, kadə̄ óy ta rɔ̄ɔ̄ tə́ ō. M-ā m-ə́la kə man̄ kə́ edə ngá̰ý ō, kɔ̄sə̄ ō, hor bursu ō, bumbə́ru kə́ təngā ō, dɔí tə́ ō, dɔ ngé rɔ̄ɔ̄ yāí gə̄ tə́ ō, dɔ de kə́ ngá̰ý gə̄ ń ɓoon̄ rɔ̄də́ tū yāí tə́ ní ō.

IJAI 28:2

De kə́ tɔ́gən to ō ngan̄g ō n toó. I Kɔ́ɔ̄ɓē n əla seneé ní. Ni to i tītə̄ man̄ kə́ edə kə kɔ̄sɔ̄ɔ́ beē, to i tītə̄ nél man̄ kə́ nujə loo beé, to i tītə̄ man̄ kə́ edə ngá̰ý kə́ taā loo malang beé. Deē ngeé ń toō mbəre yá̰a̰ malang tə́nī kə tɔ́gɔ́.

MATIYE 7:27

Adə̄ dan ń man̄ edə adə̄ bā taā loo bátə́ ugə̄ ta kújə́ tə́ ō, nél əla dɔ kújə́ tə́ kə ngangāá ngá̰ý ō anī, kújə́ ní tetə ba əsō nujə sák sák kɔ̄ɔ́.

MATIYE 7:25

Man̄ edə, adə̄ bā taā loo reē ta kújə́ tə́ ō, nél əla dɔ kújə́ tə́ kə ngangāá ngá̰ý ō, ba kújə́ ní tetə alé, tɔdɔ̄ əndān̄ ngəran i dɔ mbal̄ tə́.

NAHUM 1:3

Kɔ́ɔ̄ɓē i de kə́ nge tə́gā tan ō, tɔ́gən i ngá̰ý ō. Banī deē ń najə̄ i dɔn tə́ ní, ni a əya̰n karī kanjə̄ kəndan alé. Dan ń ni a mān̄ anī, nél man̄ kə́ ngan̄g ngá̰ý əla. Kil̄ man̄ i bumbə́rú kə́ gír njan tə́.

IJAI 32:19

Kɔ̄sə̄ a tə́sō dɔ ku kāgə̄ gə̄ tə́ ō, ɓē a əsō ō.

IJAI 29:6

Kɔ́ɔ̄ɓē kə́ bo kə́ tɔ́gən i ngá̰ý ní, rāā yá̰á̰ kógə̄ḿ kə ta kūl̄ man̄ kə́ ndang, kə kōō yá̰á̰ kógə̄ḿ kə́ ɓār̄ to ɓōĺ ngá̰ý, kum nél man̄ kə́ əla kə ngangá ngá̰ý tə́ ō, kə ta ndo̰ hor kə́ a nujə looó ō.

IJAI 25:4

Tām̄ ḭ̄ ī-rɔ̄ɔ̄ dɔ ngé tɔ́gə gətóo gə̄ tə́ kə ngangá, dan ń wur kɔl əsōń dɔ ngé ndoō gə̄ tə́ anī, ḭ̄ ī-ngɔ̄m̄də́. Ḭ̄ i loo kə́ yā kadə̄ deē ndi gírí najə̄ man̄ kə́ a edə tə́, ḭ̄ i ndíĺ kə́ deē ndi gírí najə̄ yā mban̄g tə́. A̰á̰ā̰, wōn̄g yā ngé rāā yá̰a̰ kə dɔ́nɔ́ gə̄ tə́ i tītə̄ man̄ kə́ edə dɔ ndogə̄ mbal̄ tə́ kə néĺ kə́ əla kə ngangá ngá̰ý beē.

PĀ GƏ̄ 32:6

I tām̄ najə̄ ń noō tə́ n deē yāí gə̄ malang ndɔ̄ȳnī ndɔ̄ ń tasí a̰a̰ń naā tə́ ní. Ká ré man̄ kə́ bo ngá̰ý taā loo gə̄gē anī, a ɔdə rɔ̄də́ alé.

PĀ GƏ̄ 11:6

Ādə̄ ni-rāā yā̰l̄ hor ō, hor bursu ō adə̄ edən̄ kə́ man̄ tə́ dɔdə́ tə́. Ādə̄ nél man̄ bā kə́ bo undə́ no kem! Yá̰a̰ kəndā nja yādə́ n noó.

Makətūbə̄ yā Job 27:21

Néĺ kə́ təngā kə́ dūn̄ ɓē tə́ unən aw̄ seneé kɔ̄ɔ́, nél ɔrə̄n ɓē yān tə́ aw̄ seneé.

Makətūbə̄ yā Job 38:22

Ī-njə̄rā bátə́ ūgə̄ loo ń ngɔ̄mə̄n̄ néjə tū tə́ ní a? Á̰a̰ loo ń ngɔ̄mə̄n̄ kɔ̄sə̄ tū tə́ ní a?

EJEKIEL 1:4

Yá̰á̰ ń m-á̰a̰ā̰ ní n toó: Néĺ kógə̄ḿ kə́ bo ḭḭ dām̄ mbɔ́r ɓē kə́ ko̰ó̰ tə́ a reē kə kil̄ man̄ kə́ il̄ ngá̰ý ō, tel̄ man̄ gə̄ teēn̄ tū kil̄ man̄ ní tə́ ō. Loo kə́ unjə̄ kow gīr̄ gidə kil̄ man̄ ní. Banī ngaadan kil̄ man̄ ní i hor kə́ a o̰o̰ ō, ndə́lē tītə̄ lɔ́ŕ kə́ kəla horoó adə̄ kərē beé ō.

EJEKIEL 13:12

Dan ń ndogə̄ mbal̄ a tetə nang tə́ anī, de gə̄ a dəjen̄sí na ké hō̰rō̰ ń ūtīiń gidə ní ké rāā i rí wa?

Makətūbə̄ yā Job 38:23

m̄-ngɔ̄m̄də́ i tām̄ yā kum mbang wur kɔl tə́, i tām̄ yā ndɔ̄ məla ndaa tə́ ō, ndɔ̄ rɔ̄ɔ̄ tə́ ō.