EJEKIEL 12:3 - Bibəl ta Sar̄

³ I beé ní, ḭ̄ ngōn̄ deē, ɔ́sə nja yá̰a̰ mbā yāí kə̄ naā tə́ dan kadaá, ta kum de gə̄ tə́ malang tām̄ yā de kə́ a aw̄n̄ seneé kə̄ dɔ ɓē kə́ rang tə́ dɔ gúú tə́ tə́. Gō tə́ anī ī-ndɔ́tə̄ loo ń ī-ndi tū tə́ ní tə́ kɔ̄ɔ́ ba āw̄ loo kə́ rang tə́, ta kum de gə̄ tə́ malang. Na majanī a a̰a̰n̄ kadə̄ nin̄ i gír de kə́ ngé mbātə́ najə̄ gə̄.

Bible sar

³ I beé ní, ḭ̄ ngōn̄ deē, ɔ́sə nja yá̰a̰ mbā yāí kə̄ naā tə́ dan kadaá, ta kum de gə̄ tə́ malang tām̄ yā de kə́ a aw̄n̄ seneé kə̄ dɔ ɓē kə́ rang tə́ dɔ gúú tə́ tə́. Gō tə́ anī ī-ndɔ́tə̄ loo ń ī-ndi tū tə́ ní tə́ kɔ̄ɔ́ ba āw̄ loo kə́ rang tə́, ta kum de gə̄ tə́ malang. Na majanī a a̰a̰n̄ kadə̄ nin̄ i gír de kə́ ngé mbātə́ najə̄ gə̄.

EJEKIEL 12:3 Referans Kwoze

JEREMI 36:3

Majanī de kə́ Juda tə́ gə̄ a əndān̄ ma̰ȳ yá̰á̰ kə́ to rɔ̄ tō ndoō gə̄ malang ń m̄-gír̄ kadə̄ rāādə́ ní, adə̄ náā nəkɔ́ ɓáa a tūr̄ hálən ō, m-ā m-ásə mā̰ȳ rɔ̄ḿ dɔ yá̰á̰ kə́ gōtə́ aĺ yādə́ gə̄ tə́ ō, dɔ majaĺ yādə́ gə̄ tə́ ō.

2 TIMOTE 2:25

Ni a gɔŕyɔ̄ ngé mbātə́ najə̄ gə̄ ní i kə kem kə́ sɔl̄ lɔmɔɔ́. Na majanī Nə́ɓā a rāā sedə́ kadə̄ tūrə̄n̄ háĺdə́ ō, gerə̄n̄ najə̄ kə́ rɔ̄kum ō.

JEREMI 26:3

Majanī a oōn̄ ō, náā nəkɔ́ ɓáa a əya̰ gō róbə njə̄rān kə́ gōtə́ aĺ ō, adə̄ m-ā m-ásə lōō gíŕ yá̰á̰ kə́ to kum kaȳ aĺ ń m̄-sāā rāā sedə́ najə̄ yā kəla rāādə́ kə́ gōtə́ aĺ gə̄ tə́ ní.

Najə̄ kə́ Majə yā Jeju ń Luk ndang ní 20:13

Loo ń noō tə́ kɔ́ɔ̄ ndɔr̄ ní əda kə̄ kemən tə́ na: Kə m̄-rāā i rí tā? M-ā m-ə́la ngōn̄ kemḿ mə̄kɔ́ kə́ kó tár yāḿ, na majanī a ɓōlə́n̄ ndílən.

JEREMI 36:7

Majanī ndɔ̄ȳ yādə́ a ugə̄ ta kum Kɔ́ɔ̄ɓē tə́ ō, nin̄ kógə̄ḿ kógə̄ḿ a tūrə̄n̄ yá̰a̰ rāādə́ kə́ majaĺ gə̄ ō, tɔdɔ̄ wōn̄g ō, wōn̄g kə́ ngá̰ý ō ń Kɔ́ɔ̄ɓē rāā kə gír de gə̄ ń toō ní to ɓōĺ ngá̰ý.

Najə̄ kə́ Majə yā Jeju ń Luk ndang ní 13:34

Jerusalem, Jerusalem, ḭ̄ nge tɔ̄l̄ ngé koō ta gə̄ ō, nge tə́nī ngé gə̄ ń Nə́ɓā əladə́ ní kə mbalá ō, nja ngá̰ý m̄-gḛy kán̄ ngání gə̄ kə̄ naā tə́ tītə̄ kó̰o̰ kə̄njá kə́ kán̄ ngánən gə̄ gír bɔ̄gə̄n tə́, ba sḭḭ̄ ī-gḛyiī alé.

EJEKIEL 33:11

I beé ní, tītə̄ ń m̄-ndiń kə kumḿ rɔ̄kum nōō, najə̄ ń mā Kɔ́ɔ̄ɓē Nə́ɓā m-ə́dásí ní n toó: Koy de kə́ majaĺ gə̄ adə̄m̄ mā rɔ̄nel̄ alé. Yá̰á̰ ń mā m̄-ndigə ní, i kadə̄ nin̄ tūrə̄n̄ jī bēl̄ loo rāā yá̰a̰ yādə́ ba ndin̄ kə kumdə́. Ɓɔ́, ə́ya̰ī jī bēl̄ loo rāā yá̰a̰ yāsí kə́ majaĺ gə̄ kɔ̄ɔ́. Israel gə̄, kadə̄ óyiī i tām̄ rí tə́?

JEREMI 27:2

Mā Kɔ́ɔ̄ɓē m-ɔ̄r̄ najə̄ i tītə̄ ń toō beé: Ī-səre kəlā gə̄ ō, ī-tɔ́ĺ sáa kāgə̄ gə̄ njúkə́ tə́ ō. Ā ə̄nī njúkə́ ní míndí ḭ̄kɔ́ tə́ ō,

PĀ GƏ̄ 81:13

Loo ń noō tə́ m-ə́yá̰də́ kə kem ngan̄g yādə́, kadə̄ rāān̄ yá̰á̰ ń kemdə́ gḛy ní tā!

NDŪ NAJƏ̄ 32:29

Ré nin̄ i de kə́ ngáā gə̄ anī, a gerə̄n̄ loo ń yá̰a̰ gə̄ ń noō malang a aw̄n̄ sedə́ kə̄ tū tə́ ní.

NDŪ NAJƏ̄ 5:29

Ré ran̄ dɔ míndə́də́ tə́ ō, ɓōlə́n̄ ndílə́ḿ adə̄ rāān̄ yá̰a̰ malang ń m-ə́dádə́ kadə̄ rāān̄ ní ō, kə ndɔ̄ gə̄ anī, nin̄ ō, ngáńdə́ gə̄ ō, ngán kaadə́ gə̄ ō ní rɔ̄də́ a nel̄də́ i ta kaw̄ kə̄ jóo.

JEREMI 10:17

Ɔ́ý yá̰a̰ kənge yāí kə́ nang tə́ gə̄, ḭ̄ ń ngé rɔ̄ɔ̄ gə̄ gīrə̄n̄ gidií ní.

EJEKIEL 3:27

Ba ré m-ā m-āw̄ kə yá̰á̰ kógə̄ḿ yā kədadə́ kə ta kūlīí anī, m-ā m̄-rāāī ásə kɔr̄ najə̄ gogə́. Loo ń noō tə́ ā ə́dádə́ na: Najə̄ ń Kɔ́ɔ̄ɓē Nə́ɓā əda ní n toó. Ngé kə́rēý gə̄ a oōn̄ ō, ngé kə́rēý gə̄ a mbātə́n̄ koō ō. Tām̄ nin̄ i gír de kə́ ngé dum̄ naā gə̄.

EJEKIEL 12:7

m̄-rāā yá̰á̰ ń Kɔ́ɔ̄ɓē ədam̄ kadə̄ m̄-rāā ní. M-ɔ́ý yá̰a̰ mbā yāḿ gə̄ m̄-teēń ndágá dan kadaá, tītə̄ yā nge kaw̄ kə̄ dɔ ɓē kə́ rang tə́ dɔ gúú tə́ beē. Loo tíbí anī, m̄-mbutə kum loo tū ndogə̄ mbal̄ tə́ kə jīḿ. De gə̄ a̰a̰mə̄n̄ loo kaw̄ tə́ ndɔ̄ɔ́, kə ngong mbā yāḿ dɔ bɔ̄gə̄ḿ tə́.

EJEKIEL 43:11

Ré rɔ̄də́ sɔl̄də́ najə̄ yá̰á̰ ń nin̄ rāān̄ tə́ ní rɔ̄kum anī, ɔ́jə́də́ loo rāā kújə́ yā Kɔ́ɔ̄ɓē ō, loo ń rāān̄ kújə́ kə́ bo gə̄ tū tə́ ní ō, ta róbə gə̄ kə́ yā kudəń ō, kə́ yā teēń gə̄ ō, ɔ́jə́də́ loo rāān gə̄ malang ō. Yá̰á̰ kə́ yā rāā gə̄ ō, jī bēl̄ loo rāā yá̰a̰ gə̄ ō ń kadə̄ nin̄ ɓōlə́n̄ gidə loo ń toō tə́ ní, a oōn̄ tadə́ ō.

JEREMI 7:26

Banī nin̄ oōn̄ ndūḿ alé, nin̄ nēlə̄n̄ mbīdə́ alé, ba rāān̄ dɔ ngan̄g, kemdə́ ndul mān̄ yā kaadə́ gə̄.

EJEKIEL 3:26

M-ā m̄-rāā kadə̄ ndo̰í a tə́ya̰ kem taí tə́, kadə̄ gír kəla ndo̰í do̰ō̰ naā yā kadə̄ ā ɔ̄r̄ najə̄ alé, adə̄ ā ásə́ ndán̄g gír de kə́ ngé dum̄ naā gə̄ ń noō to̰ alé.