EJEKIEL 12:25 - Bibəl ta Sar̄

²⁵ Tɔdɔ̄ i mā Kɔ́ɔ̄ɓē n m-ɔ̄r̄ najə̄ ní ō, yá̰á̰ ń m-ə́dá ní a rāā yá̰a̰ kanjə̄ kɔr bā̰ā̰ ō. A̰á̰ā̰, i dan ń sḭḭ̄ ngé mbātə́ najə̄ gə̄ ī-ndiīneé kə kumsí ɓáý ní n m-ā m̄-rāań yá̰á̰ m-ə́dá ní. Yá̰á̰ ń Kɔ́ɔ̄ɓē Nə́ɓā əda ní n noó.

Bible sar

²⁵ Tɔdɔ̄ i mā Kɔ́ɔ̄ɓē n m-ɔ̄r̄ najə̄ ní ō, yá̰á̰ ń m-ə́dá ní a rāā yá̰a̰ kanjə̄ kɔr bā̰ā̰ ō. A̰á̰ā̰, i dan ń sḭḭ̄ ngé mbātə́ najə̄ gə̄ ī-ndiīneé kə kumsí ɓáý ní n m-ā m̄-rāań yá̰á̰ m-ə́dá ní. Yá̰á̰ ń Kɔ́ɔ̄ɓē Nə́ɓā əda ní n noó.

EJEKIEL 12:25 Referans Kwoze

HABAKUK 1:5

Kɔ́ɔ̄ɓē əda na: Yá̰á̰ ń a rāā yá̰a̰ dan nápar de gə̄ tə́ ní, ə̄ndāī ma̰ȳ á̰a̰ī majə, ba ādī ɔr kumsí ō, ādī yáāsí ngá̰ý ō! A̰á̰ā̰, yá̰á̰ kógə̄ḿ kə́ to jákə́ ngá̰ý a rāā yá̰a̰ dan ń ī-ndiīń kə kumsí ní. Ré deē ənīsí i gotə anī, ā ī-taāī kem alé!

EJEKIEL 12:28

I beé ɓá ní, ə́dádə́ najə̄ ń toō ādə̄m̄: Yá̰a̰ malang ń m-ə́da najə̄n kété ní, mā Kɔ́ɔ̄ɓē Nə́ɓā m-ā m̄-rāā yā kadə̄ a reē yā kudə gíŕ kə́ rɔ̄ tə́ ngɔr. Najə̄ ń Kɔ́ɔ̄ɓē ədam̄ ní n noó.

IJAI 55:11

To i tītə̄ ń noō tām̄ yā najə̄ kə́ teē taḿ tə́ ō, ni-tél reē gogə́ rɔ̄ḿ tə́ kanjə̄ rāā kadə̄ yá̰á̰ kógə̄ḿ to alé. Yá̰á̰ ń mā m̄-ndigə ní, ni-rāā adə̄ udə gírí, kəla ń m-ə̄ndā dɔn tə́ ní, ni-rāā tɔ̄l̄ ta.

IJAI 14:24

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: m̄-túbə, yá̰á̰ m-ɔ́jə rāā ní, a reē yā kudə gírí.

MATIYE 24:35

Dɔ rā̰ ō dɔ nang ō a mānə̄n̄, banī najə̄ yāḿ a mān̄ aĺ bátə́.

Najə̄ kə́ Majə yā Jeju ń Luk ndang ní 21:33

Dɔ rā̰ ō, dɔ nang ō a mānə̄n̄, ba najə̄ yāḿ mā a mān̄ aĺ bátə́.

EJEKIEL 6:10

Loo ń noō tə́ nin̄ a gerə̄n̄ kadə̄ mā i Kɔ́ɔ̄ɓē. Dan ń m̄-tāādə́ najə̄ yá̰á̰ kə́ tōr̄ gə̄ ń noō ní, m-ɔ̄r̄ najə̄ kanjə̄ kumən alé.

JEREMI 16:9

Tɔdɔ̄ Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, ɔr̄ najə̄ i tītə̄ ń toō beé: M-ā m̄-rāā kadə̄ pā walya ō, najə̄ kə́ to rɔ̄nel̄ ō, pā yā ngaa dəyá̰ ō, rɔ̄nel̄ yā nge taā ngaa ō, a dəba loo ń toō tə́, ɓāl̄ yāsí tə́ ō, ta kumsí tə́ ō.

JAKARI 1:6

Ɓá tā banī najə̄ yāḿ gə̄ ō, yá̰a̰ gə̄ ń m-ə́dá ngé kəla yāḿ gə̄ ń i ngé koō ta gə̄ ní kadə̄ rāān̄ ní, ta tɔ̄l̄ ta anī, yá̰a̰ gə̄ ní rāān̄ kaasí gə̄. Loo ń noō tə́ nin̄ tūrə̄n̄ háĺdə́ adə̄ ədan̄ na: Kɔ́ɔ̄ɓē kə́ bo kə́ tɔ́gən i ngá̰ý gḛy rāā yá̰á̰ kógə̄ḿ sejí sɔɔ̄ ń háĺjí ō, yá̰a̰ rāājí gə̄ ō. Adə̄ i yá̰á̰ ń noō n ni-rāā ní.

DANIEL 9:12

Nə́ɓā rāā yā ń əda dɔjí tə́ ō dɔ ngé ko̰o̰ ɓē dɔjí tə́ gə̄ ō ní, ni-reē kə yá̰á̰ kə́ to kum kaȳ aĺ kə́ ngá̰ý dɔjí tə́ Jerusalem. Kum tō ndoō kə́ tītə̄ ń noō to loo kə́rēý tə́ dɔ nang tə́ aĺ ɓáý.

NŌŌ RƆ̄ 2:17

Kɔ́ɔ̄ɓē rāā yá̰á̰ ń núm̄ yā rāā ní. Ni-rāā yá̰á̰ ń əda najə̄n ní. Nujə kə looó sák sák kanjə̄ kadə̄ kumən o̰o̰n. Rāā adə̄ rɔ̄ madə̄ ba̰ā̰í nelə̄n dɔí tə́ ō, rāā adə̄ tɔ́gə́ ngé rɔ̄ɔ̄í gə̄ i ngá̰ý ō.

Najə̄ kə́ Majə yā Jeju ń Luk ndang ní 21:13

Ba yá̰a̰ gə̄ ń toō a reēn̄ dɔsí tə́ kadə̄ sḭḭ̄ ə́ngeī loo kɔr̄ najə̄ kə́ kum tə́ dɔḿ tə́.

TƏ́DA 11:23

Kɔ́ɔ̄ɓē tél əda Moijə na: Tɔ́gə́ Kɔ́ɔ̄ɓē asə aĺ a? Ń toō ní ā á̰a̰ā̰ ké najə̄ ń m-ə́daī ní a rāā yá̰a̰ aké a rāā yá̰a̰ aĺ wa.

EJEKIEL 12:26

Kɔ́ɔ̄ɓē ɔr̄ najə̄ seḿ ɓáý to̰, ni-əda na:

HABAKUK 2:3

Yá̰a̰ gə̄ ń m-ɔ́jiī adə̄ á̰a̰ā̰ ní a reēn̄ banī a reēn̄ i kum mbang ń ɔjən̄ tə́ ní ngóy. Sḛ́ý laā anī a rāān̄ yá̰a̰, i sor̄ alé. Ká ré to tītə̄ kə́ ɔr bā̰ā̰ gə̄gē anī, ə̄nī kemií mámák ī-ngóoń. A̰á̰ā̰, i rɔ̄kum, a reēn̄ gō gogə́ alé.

JEREMI 1:11

Kɔ́ɔ̄ɓē ɔr̄ najə̄ seḿ əda na: Jeremi, i rí n á̰a̰ā̰? M-ə́da na: Yá̰á̰ ń m-á̰a̰ā̰ ní, i ta jī kāgə̄ amand.

EJEKIEL 7:13

Ká nge kigə yá̰a̰ ndiń kə kumneé gə̄gē, yá̰a̰ gātə̄ yān gə̄ ní, ni asə tél kənge to̰ alé. Tām̄ yá̰á̰ kə́ ka̰a̰ kə́ ɔjə dɔ nujə sák sák yā ngán Israel gə̄ malang ní, a reē yā kudə gíŕ kə́ rɔ̄ tə́. De gə̄ kógə̄ḿ kógə̄ḿ ndin̄ i kum majaĺ tə́. I tām̄ najə̄ ń toō tə́ n deē kógə̄ḿ kə́ yā tél kənge tɔ́gə gogə́ rang a gətóó ní.