EJEKIEL 12:2 - Bibəl ta Sar̄

² Ḭ̄ ngōn̄ deē, ī-ndi dan de kə́ ngé mbātə́ najə̄ gə̄ tə́. Kumdə́ i noó yā ka̰a̰ń loo ɓá ta banī nin̄ a̰ā̰n̄ loo alé. Mbīdə́ i noó kadə̄ koōń loo ɓá tā banī nin̄ oōn̄ loo alé. Tɔdɔ̄ i gír de kə́ ngé mbātə́ najə̄ gə̄.

Bible sar

² Ḭ̄ ngōn̄ deē, ī-ndi dan de kə́ ngé mbātə́ najə̄ gə̄ tə́. Kumdə́ i noó yā ka̰a̰ń loo ɓá ta banī nin̄ a̰ā̰n̄ loo alé. Mbīdə́ i noó kadə̄ koōń loo ɓá tā banī nin̄ oōn̄ loo alé. Tɔdɔ̄ i gír de kə́ ngé mbātə́ najə̄ gə̄.

EJEKIEL 12:2 Referans Kwoze

MARK 4:12

yā kadə̄ dan ń a̰a̰n̄ anī, a̰a̰n̄ ba a̰a̰n̄ kə gōó aĺ ō, yā kadə̄ dan ń oōn̄ najə̄ anī, oōn̄ ba gerə̄n̄ kum najə̄ ń oōn̄ ní aĺ ō, na sōgə́ nin̄ a tūrə̄n̄ háĺdə́ anī, Nə́ɓā a māȳ rɔ̄n dɔdə́ tə́.

JEREMI 5:21

Gír de kə́ mbóo gə̄ ō, kə́ kur̄ dɔdə́ gətóo gə̄ ō, ōōī najə̄ ń toō. Kumsí i noó banī á̰a̰ī loo alé. Mbīsí i noó banī ōōī loo alé.

PĀ GƏ̄ 78:40

Nin̄ mbātə́n̄ najə̄ tan tə́ nja i ngá̰ý kem dəla loo tə́, sāān̄ tan kem loo kə́ man̄ gətóo tū tə́ ń noō tə́!

EPEJƏ 4:18

Gír̄ yādə́ i gír̄ kə́ kum til tə́. Ndi kə kumuú ń Nə́ɓā adə̄ ní, nin̄ i tū tə́ alé, sɔɔ̄ń ger̄ yá̰a̰ aĺ kə́ ngarān̄g kemdə́ tə́ ō, kem ngan̄g yādə́ ō.

IJAI 1:23

Ngār yāí gə̄ i de kə́ ngé kəsō wōn̄g gə̄ ō, nin̄ ɓoon̄ rɔ̄də́ tū yā ngé ɓogə gə̄ tə́ ō. Nel̄də́ kə yá̰á̰ gə̄ kə́ adə̄n̄də́ karī ngá̰ý ō, nin̄ ndin̄ dɔ rɔ̄də́ tə́ yā rāā yá̰a̰ malang kə́ tām̄ yā kəngeń yá̰á̰ kə́ kadə̄ karī gə̄ ní ō. Nin̄ rɔ̄ɔ̄n̄ dɔ yá̰á̰ kə́ súmūú yā ngán hal gə̄ tə́ aĺ ō, mbātə́n̄ kun najə̄ yā dəyá̰ kə́ ngaa koy gə̄ kə̄ jīdə́ tə́ ō.

2 KORḚNTƏ 3:14

Banī nin̄-asən̄ ger̄ kum najə̄ alé. Adə̄ bátə́ ɓōólaā gə̄gē ní, ré a tə́dan̄ makətūbə̄ madə̄ naā kə́ jóo anī, kūbə̄ kə́ kógə̄ḿ beē nəkɔ́ ń toō i kə́ seĺ ta kumdə́ tə́ ɓáý. I de kə́ nin̄-ɓoon̄ naā kə Kərist ngóy n kūbə̄ ngeé ń toō a gətóo kɔ̄ɔ́ ta kumən tə́ ní.

JA̰A̰ 12:40

Nə́ɓā rāā adə̄ kumdə́ tɔ̄ɔ̄ kɔ̄ɔ́ ō, adə̄ kemdə́ ngan̄g ngóróró ō, yā kadə̄ kumdə́ a̰a̰ loo aĺ ō, yā kadə̄ ger̄nəń kum najə̄ kógə̄ḿ aĺ ō, na sōgə́ nin̄-tūrə̄n̄ háĺdə́, anī m-ájə́də́.

JEREMI 5:23

Banī gír de gə̄ ń toō kemdə́ ngan̄g ngá̰ý ō, mbātə́n̄ najə̄ ngá̰ý ō. Nin̄ ɔrə̄n̄ rɔ̄də́ kə̄ gogə́ ō, aw̄n̄ kɔ̄ɔ́ ō.

IJAI 65:2

m̄-sə́ra jīḿ kanjə̄ kəya̰ ta kum kə̄ rɔ̄ gír de gə̄ kə́ nin̄ i ngé ra dɔ ndūdə́ tə́ aĺ gə̄ tə́, kum kə̄ rɔ̄ de kə́ ngé njə̄rā dɔ róbə́ kə́ majaĺ tə́ gə̄ tə́ ō, a rāān̄ i yá̰á̰ kə́ nel̄də́ ngóy ō tə́.

IJAI 30:9

I gír de kə́ ngé dum̄ naā gə̄, nin̄ i ngé sor̄ gə̄, i de gə̄ kə́ ngé mbātə́ koō yá̰á̰ ndóō yā Kɔ́ɔ̄ɓē.

IJAI 30:1

Najə̄ ń Kɔ́ɔ̄ɓē əda ní n toó: Yá̰á̰ kə́ to kum̄ kaȳ aĺ a teē dɔsí tə́, sḭḭ̄ ngáń kə́ ngé mbātə́ najə̄ gə̄! Sḭḭ̄ ī-númī yá̰á̰ kə́ yā rāā gə̄ kə́ i mā n m-ɔ́jə rāā alé. Sḭḭ̄ ə̄nī ndūsí ādī naā, ba kənī ndū yāsí ní mbātə́ nge ń mā m̄-ndigə ní. Sḭḭ̄ ī-rāāī yá̰á̰ kə́ gōtə́ aĺ ba ī-reē ə̄nī dɔ madə̄ kə́ gōtə́ aĺ tə́.

Najə̄ kə́ Majə yā Jeju ń Luk ndang ní 8:10

Anī ni tūr̄ ədadə́ na: I sḭḭ̄ n Nə́ɓā rāā adə̄ ī-gerī yá̰á̰ kə́ dɔ Ɓē ko̰o̰ yān tə́ gə̄ ń ton̄ loo mundə̄ tə́ kété ní. Ba gotə de kə́ rang gə̄ ní a ɔjən̄də́ i kə kūjə́ najá yā kadə̄ nin̄-a̰a̰n̄ loo, ba a̰a̰n̄ yá̰a̰ aĺ ō, oōn̄ loo ba gerə̄n̄ kum najə̄ ń oōn̄ ní aĺ ō.

EJEKIEL 2:3

Ni ədam̄ na: Ḭ̄ ń i ngōn̄ deē ní, m-ā m-ə́laī kə̄ rɔ̄ ngán Israel gə̄ tə́. Nin̄ i ɓūtə̄ de kə́ ngé mbātə́ najə̄ gə̄ kə́ mbātə́mə̄n̄ kɔ̄ɔ́. Nin̄ gə̄gē, kaadə́ gə̄gē, mbātə́mə̄n̄ bátə́ ɓōólaā.

EJEKIEL 44:6

Ā ə́dá Israel gə̄ adə̄ i ngé kəsō wōn̄g gə̄ ń noō na: Mā Kɔ́ɔ̄ɓē Nə́ɓā m-ə́dásí na yá̰á̰ kə́ majaĺ ngá̰ý gə̄ ń sḭḭ̄ Israel gə̄ ī-rāāī ní, asəm̄.

EJEKIEL 24:3

Ī-rāā ngōn̄ yá̰á̰ kógə̄ḿ kə́ sḛ́ý beē ta kum ngán Israel gə̄ tə́. Nin̄ i ɓūtə̄ de kə́ dɔdə́ ngan̄g gə̄. Ā ə́dádə́ na i najə̄ kə́ i mā Kɔ́ɔ̄ɓē Nə́ɓā n m-ɔ̄r̄ sedə́. Ə̄ndā dɔ jóo ndīr̄ yá̰a̰ naā tə́. Ī-ɓōkə́ man̄ kemeé ādə̄ rosə.

EJEKIEL 17:12

Kə m̄-dəje ɓūtə̄ ngé dɔ ngan̄g gə̄ ń toō ké gerə̄n̄ kum gotə najə̄ ń toō aĺ wa? Kə m̄-ter̄ kemdə́ dɔ yá̰á̰ ń toō tə́: Mban̄g kə́ Babilon udə kem ɓē kə́ Jerusalem tə́. Ni-əhɔ mban̄g ō, ngār gə̄ ō ba aw̄ sedə́ Babilon.

EJEKIEL 3:9

M-ā m̄-rāā dɔí kadə̄ a ngan̄g tītə̄ mbal̄ diyamā̰a̰ beé ō, kadə̄ a ngan̄g mān̄ kɔkərɔ ō. Ī-lōō ɓōĺdə́ ō, ī-lōō ra ta kumdə́ tə́ a ndew ō. Tām̄ i gír de kə́ ngé mbātə́ najə̄ gə̄.

NDŪ NAJƏ̄ 31:27

Tɔdɔ̄ m̄-ger̄ mbātə́ najə̄ yādə́ ō, dɔ ngan̄g yādə́ ō. Dan ń m̄-ndi kə kumḿ dandə́ tə́ ɓáý á mbātə́n̄ najə̄ ta Kɔ́ɔ̄ɓē tə́ toō ní, ré m-óy kɔ̄ɔ́ anī a rāān̄ kə́ kadə̄ mān̄ loo ń noō.

NDŪ NAJƏ̄ 29:4

Ni-rāāsí adə̄ ī-njə̄rāī kem dəla loo tə́ ɓāl̄ kutə sɔ́, banī kūbə̄ kə́ rɔ̄sí tə́ ngísə aĺ ō, sākə̄rā kə́ njasí tə́ gán̄g aĺ ō.

NDŪ NAJƏ̄ 9:24

Jóo nəkɔ́ ń m̄-gerə̄ńsí toó ní sḭḭ̄ ī-rāāī i kəla mbātə́ najə̄ ta Kɔ́ɔ̄ɓē tə́.

NDŪ NAJƏ̄ 9:7

Ādə̄ əga kemsí dɔ rāā ń ī-rāāī Kɔ́ɔ̄ɓē Nə́ɓā yāsí adə̄ wōn̄g rāān kem dəla loo tə́ ní. Ī-lōōī kadə̄ dɔsí ndígə̄nal nge ń noō. Əla gír dɔ ndɔ̄ ń ī-teēīneé kɔ̄ɔ́ kem ɓē kə́ Ejiptə tə́ ī-reēīneé bátə́ ūgīneé loo ń toō tə́ laā ní, sḭḭ̄ ī-rāāī i kəla mbātə́ najə̄ ta Kɔ́ɔ̄ɓē tə́.

JEREMI 4:17

Nin̄ teēn̄ rétə̄ gēé kə̄ ta loo gə̄ tə́ tītə̄ ngé ngɔ̄m̄ ndɔr̄ gə̄, ba gīrə̄n̄ Jerusalem, tɔdɔ̄ ni oō taḿ mā alé. Najə̄ ń Kɔ́ɔ̄ɓē əda ní n noó.

IJAI 6:5

Anī m-ə́da na: Yá̰á̰ kə́ to kum kaȳ aĺ a teē dɔḿ tə́! Mā i kə́ taḿ tḭ̄ḭ̄ kɔ̄ɔ́! Mā i de kə́ taḿ i kə́ yḛr ō, m̄-ndi i dan de gə̄ kə́ tadə́ i kə́ yḛr tə́ ō, kumḿ a̰a̰ mban̄g ń i Kɔ́ɔ̄ɓē kə́ bo kə́ tɔ́gən i ngá̰ý ní ō!

IJAI 43:8

Ādə̄ gír de gə̄ ń toō reē ran̄! Kumdə́ to noó, banī nin̄ a̰a̰n̄ loo alé, mbīdə́ to noó, banī nin̄ oōn̄ loo alé.

EJEKIEL 12:1

Kɔ́ɔ̄ɓē ɔr̄ najə̄ seḿ, əda na:

EJEKIEL 12:25

Tɔdɔ̄ i mā Kɔ́ɔ̄ɓē n m-ɔ̄r̄ najə̄ ní ō, yá̰á̰ ń m-ə́dá ní a rāā yá̰a̰ kanjə̄ kɔr bā̰ā̰ ō. A̰á̰ā̰, i dan ń sḭḭ̄ ngé mbātə́ najə̄ gə̄ ī-ndiīneé kə kumsí ɓáý ní n m-ā m̄-rāań yá̰á̰ m-ə́dá ní. Yá̰á̰ ń Kɔ́ɔ̄ɓē Nə́ɓā əda ní n noó.

NDŪ NAJƏ̄ 29:3

Ɓá tā ba bátə́ ɓōólaā gə̄gē ní, Kɔ́ɔ̄ɓē adə̄sí dan wur kə́ yā gerə̄ń yá̰a̰ ō, kum kə́ yā ka̰a̰ń loo ō, mbī kə́ yā koōń loo ō aĺ ɓáý.

2 MBAN̄G 17:14

Banī nin̄ mbātə́n̄ koō yá̰á̰ ń ədan̄də́ ní. Dumə̄n̄ naā tītə̄ yā kaadə́ gə̄ ń taān̄ kem Kɔ́ɔ̄ɓē Nə́ɓā yādə́ aĺ ní.

2 MBAN̄G 17:15

Nin̄ mbātə́n̄ ndū najə̄ yān gə̄ ō, madə̄ naā ń ni-əhɔ kə kaadə́ gēé ní ō, yá̰a̰ gə̄ ń ni-ra sedə́ ta rāā á ter̄ kemdə́ dɔ tə́ ní ō. Unən̄ gō yá̰á̰ kə́ karī gə̄, adə̄ nin̄ kɔ́ gə̄ télən̄ yá̰á̰ kə́ karī gə̄ ō. Ndájə̄n̄ nápar de gə̄ ń gīrə̄n̄ gidədə́ ní. I yá̰á̰ kə́ Kɔ́ɔ̄ɓē ɔgə̄də́ rāā ba nin̄ rāān̄. Tá Kɔ́ɔ̄ɓē ədadə́ na kə lōōn̄ rāā yá̰a̰ tītə̄ yādə́.

IJAI 44:18

De gə̄ ngeé ń toō nin̄ gerə̄n̄ yá̰á̰ kógə̄ḿ alé, nin̄ gerə̄n̄ kum yá̰á̰ kógə̄ḿ alé. Tām̄ kumdə́ ō, ndíĺdə́ ō, i kə́ utə̄ kɔ̄ɔ́, nin̄ asən̄ ka̰a̰ loo alé, asən̄ ger̄ kum yá̰a̰ alé.

JEREMI 7:26

Banī nin̄ oōn̄ ndūḿ alé, nin̄ nēlə̄n̄ mbīdə́ alé, ba rāān̄ dɔ ngan̄g, kemdə́ ndul mān̄ yā kaadə́ gə̄.