EJEKIEL 12:16 - Bibəl ta Sar̄

¹⁶ Ɓá tā ba m-ā m-ə́ya̰ de kə́rēý gə̄ kadə̄ teēn̄ ta rɔ̄ɔ̄ tə́ ō, ta ɓō tə́ ō, ta mo̰y ngāl̄bɔ̄gīí tə́ ō. Loo ń noō tə́ nin̄ a ənīn̄ de kə́ kem ɓēé gə̄ ń nin̄ a aw̄n̄ kə̄ tū tə́ ní, gotə yá̰a̰ malang kə́ majaĺ ngá̰ý gə̄ ń nin̄ rāān̄ ní. Adə̄ de kə́ kem ɓē ní tə́ gə̄ a gerə̄n̄ kadə̄ Kɔ́ɔ̄ɓē i mā.

Bible sar

¹⁶ Ɓá tā ba m-ā m-ə́ya̰ de kə́rēý gə̄ kadə̄ teēn̄ ta rɔ̄ɔ̄ tə́ ō, ta ɓō tə́ ō, ta mo̰y ngāl̄bɔ̄gīí tə́ ō. Loo ń noō tə́ nin̄ a ənīn̄ de kə́ kem ɓēé gə̄ ń nin̄ a aw̄n̄ kə̄ tū tə́ ní, gotə yá̰a̰ malang kə́ majaĺ ngá̰ý gə̄ ń nin̄ rāān̄ ní. Adə̄ de kə́ kem ɓē ní tə́ gə̄ a gerə̄n̄ kadə̄ Kɔ́ɔ̄ɓē i mā.

EJEKIEL 12:16 Referans Kwoze

JEREMI 4:27

Najə̄ ń Kɔ́ɔ̄ɓē əda ní n toó: Dɔ nang malang kə taá a téĺ yá̰á̰ kə́ to kum ko̰ ngá̰ý banī m-ā m̄-nujəń malang alé.

IJAI 1:9

Ré Kɔ́ɔ̄ɓē kə́ bo kə́ tɔ́gən i ngá̰ý, əya̰ de kə́rēý gə̄ danjí tə́ adə̄ ndin̄ kə kumdə́ ɓēé loojí aĺ anī, j-a jə-toī i tītə̄ ɓē kə́ Sodom beé ō, j-a jə-teēī naā i kə ɓē kə́ Gomor ō.

Makətūbə̄ ń Pol ndang adə̄ Rom gə̄ ní 9:27

Ɓáý to̰ ní Ijai ɔr̄ najə̄ yā ngán Israel gə̄ ngeé ń noō kə ndū boó əda na: Ká ré kutə ngán Israel gə̄ asəń i kə kutə nán̄g ngárə̄ḿnjēý kə́ ta bā bo tə́ gə̄gē anī, i gotədə́ kə́ na̰y n a ənge kajə yā Nə́ɓā ní.

MATIYE 24:22

Ré gāngə̄n̄ ta ndɔ̄ gə̄ ní kɔ̄ɔ́ aĺ anī, de kə́ yā kajə a gətóo. Banī a gāngə̄n̄ ta kɔ̄ɔ́ sɔɔ̄ń ngé gə̄ ń Nə́ɓā gə̄rādə́ ní.

MATIYE 7:14

Ba i ta róbə́ kə́ dūú ō, róbə́ kə́ kunən tōr̄ ngá̰ý ō n a aw̄ kə deé tū kajə tə́ ní, ba ngé kənge ta gə̄ i sḛ́ý beē.

EJEKIEL 36:31

Kum mbang ngeé ń noō tə́ ɓáa a əga kemsí dɔ háĺsí kə́ majaĺ tə́ ō, dɔ yá̰a̰ rāāsí gə̄ kə́ majaĺ tə́ ō.

JEREMI 30:11

Mā i naā tə́ seí yā gān̄g dɔí. M-ā m-ādə̄ nápar de gə̄ malang ń m̄-tə̄ndā m̄-tḭ̄ḭ̄sí dandə́ tə́ ní gətóon̄ kɔ̄ɔ́. Ba ḭ̄ tá m-ā m̄-rāā kadə̄ ā ī-gətóo kɔ̄ɔ́ kə taá malang alé. M-ā m-ə́ndaī najə̄ yá̰a̰ rāāí gə̄ tə́ kanjə̄ kəndā njaḿ dɔ nge kə́rēý tə́.

IJAI 24:13

A̰á̰ā̰, dɔ nang tə́, dan gír de gə̄ tə́ ní, i yá̰á̰ kə́ sḛ́ý beē ngóy n a na̰y ní. A to i tītə̄ gotə kan̄ kāgə̄ olibə gə̄ kə́ dɔ kāgə̄ olibə gə̄ tə́, gō kəja kan̄ kāgə̄ olibə gə̄ tə́ beē, aláa a to i tītə̄ dɔ bəra kan̄ nduú kə́ gō gogə́ gə̄ kə́ deē a sāā gō kəja kan̄ kāgə̄ nduú gə̄ tə́ beē.

IJAI 10:22

Tá Israel, ká ré kutə gír deē yāí gə̄ i ngá̰ý tītə̄ nán̄g ngárə̄ḿnjēý kə́ ta bā bo tə́ gə̄gē, i gotədə́ ń a na̰y ní ngóy n a tél yā reē rɔ̄ Kɔ́ɔ̄ɓē tə́ ní. Unən̄ ndūdə́ kɔ̄ɔ́ yā nujə loo. Yá̰a̰ rāā kə́ gōtə́ a taā loo tītə̄ man̄ beé.

IJAI 10:19

Kāgə̄ gə̄ kə́ kem ku yā Asiri tə́ a na̰yn̄ i sḛ́ý beē, adə̄ ngōn̄ kə́ dūú a asə tə́da kutədə́.

IJAI 6:13

Ré gángə̄n̄ de kə́ kem ɓēé gə̄ gír loo kutə anī, gírən kə́ kógə̄ḿ ń a na̰y ní, hor a o̰o̰ tītə̄ loo róō kāgə̄ kə́ tə́gā kɔ̄ɔ́ beē. I gír gisə kāgə̄ ní ngóy n a na̰y ní. Banī gír gisən ní i yá̰á̰ kə́ Nə́ɓā ɔjəń kadə̄ n a n-rāā yá̰á̰ kə́ kijə.

TA KƏLA 13:16

M-ā m̄-rāā kadə̄ ngán kaaí gə̄ i ngá̰ý tītə̄ nán̄g ngárə̄ḿnjēý, kadə̄ ré deē asə tə́dá nán̄g ngárə̄ḿnjēý təgā anī, kɔ́ɔ̄ a asə tə́dá ngán kaaí gə̄ təgā ō.

EJEKIEL 7:15

Rɔ̄ɔ̄ i ndágá ba mo̰y ngāl̄bɔ̄gīí ō, ɓō ō i kemeé. Dəngam gə̄ a oyn̄ ta rɔ̄ɔ̄ tə́ kem bembeé ō, nin̄ a oyn̄ yo ɓō ō, yo mo̰y ngāl̄bɔ̄gīí ō kem ɓēé.

EJEKIEL 12:15

Dan ń m-ā m̄-tə̄ndā m̄-tḭ̄ḭ̄də́ kə̄ dan nápar de kə́ rang gə̄ tə́ ō, kə̄ kem ɓē kə́ rang gə̄ tə́ ō anī, nin̄ a gerə̄n̄ kadə̄ Kɔ́ɔ̄ɓē i mā.

EJEKIEL 12:17

Kɔ́ɔ̄ɓē ɔr̄ najə̄ seḿ, əda na:

EJEKIEL 14:21

Gō tə́ anī Kɔ́ɔ̄ɓē Nə́ɓā ədam̄ na: M-ə́la kə yá̰á̰ kə́ to kum kaȳ aĺ kə́ bo bo gə̄ gír i sɔ́ dɔ ɓē kə́ Jerusalem tə́. Yá̰a̰ gə̄ ní i rɔ̄ɔ̄ ō, ɓō ō, dā̰ kə́ do̰ gə̄ ō, mo̰y ngāl̄bɔ̄gīí kə́ kadə̄ tɔ̄l̄ de gə̄ ō dā̰ gə̄ ō.

EJEKIEL 36:20

Dɔ nang malang ń nin̄ aw̄n̄ tū tə́ ní, nápar de gə̄ kídə̄n̄ rīḿ kə́ táĺ tū tə́ najə̄ yādə́ tə́. Tɔdɔ̄ de gə̄ ní ədan̄ na: Kété ní nin̄ i gír de gə̄ yā Kɔ́ɔ̄ɓē, i dɔ nang yān n nin̄ əya̰n̄ kɔ̄ɔ́ ní.

PĀ GƏ̄ 59:12

Kɔ́ɔ̄ɓē, der yājí, ī-lōō tɔ̄l̄də́ malang, na sōgə́ dɔ gír deē yāḿ gə̄ ndígə̄nal rɔ̄ɔ̄ ń ī-tetə ní. Ādə̄ tɔ́gí yéȳdə́ ō, tél sedə́ kə̄ nang tə́ ō, ngóy.