EJEKIEL 11:6 - Bibəl ta Sar̄

⁶ Sḭḭ̄ ī-tɔ̄lī de gə̄ ngá̰ý kem ɓē ń toō tə́, ī-rāāī ādə̄ nīń de gə̄ táā loo kum róbə kɔsə gə̄ tə́.

Bible sar

⁶ Sḭḭ̄ ī-tɔ̄lī de gə̄ ngá̰ý kem ɓē ń toō tə́, ī-rāāī ādə̄ nīń de gə̄ táā loo kum róbə kɔsə gə̄ tə́.

EJEKIEL 11:6 Referans Kwoze

EJEKIEL 7:23

Ī-rāā súĺ kógə̄ḿ, tɔdɔ̄ ngé tɔ̄l̄ de gə̄ taān̄ loo kem ɓēé ō, yá̰á̰ kə́ rāā kə dɔ́nɔ́ taā loo kem ɓēé ō.

EJEKIEL 22:27

Ngār gə̄ kə́ dɔ gír de gə̄ tə́ ton̄ i tītə̄ soó gə̄ kə́ ngé rə́yā̰ dā̰ kəhɔdə́ gə̄ naā tə́ beē kem ɓē kə́ Jerusalem tə́. Nin̄ tɔ̄lə̄n̄ de gə̄ yā ɓogəń yá̰a̰ kənge yādə́ gə̄.

EJEKIEL 22:12

Ḭ̄ Jerusalem, ɓēé looí de gə̄ a taān̄ kadə̄ karī gə̄ jī de gə̄ tə́ a tɔ̄l̄nəń de gə̄ ō, de gə̄ a adə̄n̄ de gə̄ nar loo tə̄nā tə́ a taānəń manə̄n kə́ ngá̰ý al̄ naā dɔ tə́ ō, de gə̄ a kə́ran̄ madə̄də́ gə̄ dɔ yá̰a̰ yādə́ gə̄ tə́ ō. Ba mā ɓáa dɔdə́ ndígə̄naləḿ kɔ̄ɔ́ i kə́ njɔ́ḿ gə̄ tə́. Najə̄ ń mā Kɔ́ɔ̄ɓē Nə́ɓā m-ə́dá ní n noó.

EJEKIEL 22:9

Ɓēé looí de kə́rēý gə̄ a sorə̄n̄ i dɔ madə̄də́ gə̄ tə́ yā tɔ̄ləńdə́. De gə̄ ń ndin̄ kemií tə́ ní, nin̄ i ngé kəsa yá̰á̰ kə́ tun̄ gə̄ dɔ mbal̄ gə̄ tə́ ō, nin̄ i de kə́ kaya gə̄ ō.

IJAI 1:15

Loo ń ī-sə́raī jīsí yā ndɔ̄yń anī, m-ún kumḿ ta tə́ kɔ̄ɔ́. Ká ré ndɔ̄ȳ yāsí gə̄ i ngá̰ý gə̄gē anī, mā m-ōō alé, tām̄ jīsí i mósə malang.

MATIYE 23:35

Yā kadə̄ mósə de kə́ súmūú gə̄ ń a̰ȳ nang tə́ laā ní əsō dɔsí tə́ malang. Əla gír dɔ mósə Abel ń ni i de kə́ súmūú tə́, bátə́ ugə̄ń dɔ mósə Jakari kə́ ngōn̄ Barasi ń ī-tɔ̄l̄niī dɔ dán loo tun̄ yá̰á̰ tə́ kə loo kə́ táĺ ní tə́.

SOPONI 3:3

De kə́ bo yān gə̄ ton̄ i tītə̄ ɓɔl gə̄ kə́ a nōōn̄ beé ō, ngé sarya yān gə̄ ton̄ i tītə̄ soó gə̄ kə́ aw̄n̄ ndo̰ó̰ ta loo tíbə́ tə́, ba dəloí anī, yá̰a̰ kəsa yādə́ gətóo kɔ̄ɔ́ beē ō.

MISE 7:2

Ngé ra dɔ ndūdə́ tə́ gə̄ kə Nə́ɓāá gətóon̄ kɔ̄ɔ́ kem ɓēé, deē kógə̄ḿ kə́ rɔ̄kum gətóo. Nin̄ malang a sāān̄ i ta róbə tɔ̄l̄ deē. Nin̄ kógə̄ḿ kógə̄ḿ ní, a əyān̄ gūmbə̄ i yā kəhɔń madə̄də́ gə̄.

MISE 3:10

Sḭḭ̄ ə̄ndāī yá̰a̰ kənge kə́ Siyo̰ i dɔ tɔ̄l̄ de gə̄ tə́. A̰á̰ā̰, sḭḭ̄ ə̄ndāī ɓē kə́ Jerusalem i dɔ yá̰a̰ rāā kə́ gōtə́ aĺ tə́.

EJEKIEL 9:9

Anī ni-tél ədam̄ na: Majaĺ yā ɓē ko̰o̰ kə́ Israel tə́ ō, kə́ Juda tə́ ō i ngá̰ý al̄ naā. Mósə taā loo kem ɓēé ō, yá̰a̰ rāā kə́ gōtə́ aĺ taā loo kem ɓēé ń toō tə́ ō. De gə̄ ədan̄ na Kɔ́ɔ̄ɓē na əya̰ ɓē kɔ̄ɔ́, Kɔ́ɔ̄ɓē na asə ka̰a̰ yá̰á̰ kógə̄ḿ alé.

NŌŌ RƆ̄ 4:13

Yá̰á̰ ń noō rāā yá̰a̰ i najə̄ majaĺ yā ngé koō ta yān gə̄ tə́ ō, najə̄ yá̰á̰ kə́ gōtə́ aĺ gə̄ yā ngé tun̄ yá̰a̰ yān gə̄ ń ɓōkə́n̄ mósə de kə́ gōtə́ gə̄ nang tə́ kem ɓēé ní ō.

JEREMI 7:9

Ní kə sḭḭ̄ ī-ɓogiī ō, ī-tɔ̄lī de gə̄ ō, ī-rāāī rāȳ ō, ī-túbī dɔ najə̄ kə́ rɔ̄kum aĺ tə́ ō, ī-róōī yá̰a̰ ndejə̄ gə̄ ādī Baal ō, ī-ngɔ̄dī gō nə́ɓā kə́ rang gə̄ kə́ ī-gerīdə́ aĺ tə́ ō,

JEREMI 7:6

ī-rāāī kum nge nam̄ ɓē ō, ngōn̄ hal ō, nge ngaa koy ō ndoō tə́ alé. Ī-ɓōkíī mósə́ kə́ kanjə̄ najə̄ dɔn tə́ nang tə́ loo ń toō tə́ alé, ī-ngɔ̄dī gō nə́ɓā kə́ rang gə̄ alé na sōgə́ yá̰á̰ kə́ to kum kaȳ aĺ əsō dɔsí tə́.

JEREMI 2:34

Mósə́ ngé rɔ̄ tō ndoō gə̄ kə́ kanjə̄ najə̄ dɔdə́ tə́ ō, kə́ ə́hɔ́də́ dɔ rāā yá̰á̰ kógə̄ḿ kə́ majaĺ tə́ aĺ gə̄ ō, aw̄ mbóńg to ta kūbə̄ yāí gə̄ tə́.

JEREMI 2:30

M-ə́ndá ngáńsí gə̄ i ndāńg karī, nin̄ ndigən̄ kɔjə̄ ní alé. Kaskar yāsí tɔ̄l̄ ngé koō ta yāsí gə̄ tītə̄ ɓɔl kə́ nge kəhɔ yá̰a̰.

2 MBAN̄G 21:16

Mban̄g Manase tɔ̄l̄ de kə́ kanjə̄ najə̄ dɔdə́ tə́ gə̄ i ngá̰ý, adə̄ mósə taā loo kem ɓē kə́ Jerusalem tə́ malang. Majaĺ ń noō əsō dɔ majaĺ ń ni sə̄lā de kə́ Juda gə̄ adə̄ rāān̄ ní tə́. Ni sə̄lādə́ adə̄ rāān̄ yá̰á̰ kə́ majaĺ ta kum Kɔ́ɔ̄ɓē tə́.