EJEKIEL 11:23 - Bibəl ta Sar̄

²³ Gō tə́ anī kɔsə gɔn yā Kɔ́ɔ̄ɓē ḭḭ kum kə̄ dɔɔ́ dan ɓēé ba aw̄ dəba dɔ mbal̄ bo tə́ dām̄ kə́ gír ɓē tə́.

Bible sar

²³ Gō tə́ anī *kɔsə gɔn yā Kɔ́ɔ̄ɓē ḭḭ kum kə̄ dɔɔ́ dan ɓēé ba aw̄ dəba dɔ mbal̄ bo tə́ dām̄ kə́ gír ɓē tə́.

EJEKIEL 11:23 Referans Kwoze

JAKARI 14:4

Ndɔ̄ ngeé ń noō tə́ ní, ni a ra dɔ ngōn̄ mbal̄ kāgə̄ olibə gə̄ tə́, kadə ɓē kə́ Jerusalem tə́ ngɔr, dām̄ kə́ gír ɓē tə́. Ngōn̄ mbal̄ kāgə̄ olibə gə̄ ní a njar danaá bang ō, wól loo kə́ bo a to ō, a ḭḭ dām̄ kə́ gír ɓē tə́ bátə́ dām̄ kə́ no ɓē tə́. Ngōn̄ mbal̄ ní núsən kógə̄ḿ a aw̄ kum kə̄ dām̄ mbɔ́r ɓē kə́ ko̰ó̰ tə́, ba núsən kə́rēý a aw̄ kum kə̄ dām̄ mbɔ́r ɓē kə́ geleé tə́.

EJEKIEL 8:4

Kɔsə gɔn yā Nə́ɓā yā Israel teē hɔy kə̄ rɔ̄ḿ tə́ loo ní tə́, tītə̄ ń teēń hɔy kə̄ rɔ̄ḿ tə́ kété kem wól loo tə́ ní.

EJEKIEL 43:2

Loo ń noō tə́ m-á̰a̰ kɔsə gɔn yā Nə́ɓā yā Israel. Kɔsə gɔn ní ḭḭ i dām̄ kə́ gír ɓē tə́ n a reē. Kōō kɔsə gɔn ní ɓār̄ tītə̄ kōō bā bo beé ō, loo yān kə́ unjə̄ kow unjə̄ adə̄ de gə̄ a̰a̰nə̄ń loo dɔ nang tə́ ō.

EJEKIEL 10:4

Kɔsə gɔn yā Kɔ́ɔ̄ɓē ń i dɔɔ́ dɔ Serubḛ gə̄ tə́ ní, ḭḭ aw̄ kum kə̄ ta róbə kə́ yā kudəń kə̄ kem kújə yā Kɔ́ɔ̄ɓē tə́ tə́. Loo ń noō tə́ kil̄ man̄ reē taā kem kújə yā Kɔ́ɔ̄ɓē ō, loo kə́ unjə̄ kow yā kɔsə gɔn yā Kɔ́ɔ̄ɓē taā loo ndágə loo kə́ gīr̄ gidə kújə yā Kɔ́ɔ̄ɓē tə́.

MATIYE 23:37

Ɓē kə́ Jerusalem, ɓē kə́ Jerusalem, ḭ̄ ń i nge tɔ̄l̄ ngé koō ta gə̄ ō, nge tə́nī ngé gə̄ ń Nə́ɓā əladə́ looí ní kə mbalá tə́nī tɔ̄l̄də́ ō ní! Nja i kóndóńg n m̄-gḛy kán̄ ngání gə̄ kə̄ naā tə́, tītə̄ ń kó̰o̰ kə̄njá a kánəń ngánən gə̄ gír bɔ̄gə̄n tə́ ní? Ba ngání gə̄ gḛyn̄ alé!

EJEKIEL 43:4

Kɔsə gɔn yā Kɔ́ɔ̄ɓē udə kem kújə yā Kɔ́ɔ̄ɓē tə́, kə ta róbə́ kə́ dām̄ kə́ gír ɓē tə́.

EJEKIEL 10:18

Kɔsə gɔn yā Kɔ́ɔ̄ɓē ndɔ́tə̄ kɔ̄ɔ́ ta kújə yā Kɔ́ɔ̄ɓē tə́ ba aw̄ ra dɔ Serubḛ gə̄ tə́.

EJEKIEL 9:3

Anī kɔsə gɔn yā Nə́ɓā yā Israel ń i dɔɔ́ dɔ Serubḛ gə̄ tə́ ní, ḭḭ aw̄ kum kə̄ ta róbə́ kə́ yā kudəń kə̄ kem kújə yā Kɔ́ɔ̄ɓē tə́ tə́. Loo ń noō tə́ Kɔ́ɔ̄ɓē ɓāŕ deē ń o̰ō̰ kūbə̄ lḛ́ḛ ba do̰ō̰ bar ndang yá̰a̰ tū ndāŕ kə́ ɓōdə̄n tə́ ní,

EJEKIEL 1:28

Loo kə́ unjə̄ kow ń gīr̄ gidən ní, to tītə̄ kə́ dēsə́ bā kə́ teē tū kil̄ man̄ tə́ ndɔ̄ man̄ kə́ edə tə́ beē. Yá̰á̰ ní ɔjə i kum gotə kɔsə gɔn yā Kɔ́ɔ̄ɓē. Dan ń m-á̰a̰ā̰ anī, m̄-teē m-ə̄sō m̄-sébə kumḿ nang tə́. Anī m-oō ndū deē kógə̄ḿ ɔr̄ najə̄ seḿ.

EJEKIEL 8:6

Ni-əda ɓáý to̰ na: Ḭ̄ ngōn̄ deē, á̰a̰ yá̰á̰ ń a rāān̄ noó a? Ngán Israel gə̄ rāān̄ yá̰á̰ kə́ majaĺ ngá̰ý loo ń toō tə́ laā yā kadə̄ m-ɔ̄rəń rɔ̄ḿ kɔ̄ɔ́ loo kə́ táĺ yāḿ tə́ ba m-āw̄ sa̰y ní a? Tá ā á̰á̰ yá̰á̰ kə́ rang kə́ majaĺ ngá̰ý gə̄ ɓáý to̰.