EJEKIEL 11:21 - Bibəl ta Sar̄

²¹ Banī ngé rɔȳ nə́ɓā kə́ rɔ̄kum aĺ gə̄ ō, ngé rāā yá̰á̰ kə́ majaĺ ngá̰ý tɔdɔ̄ nin̄ unən̄ i gō ngur gə̄ kə́ kemdə́ tə́ ō ní, m-ā m̄-rāādə́ kadə̄ nin̄ a əgān̄ kə̄rā háĺdə́. Yá̰á̰ mā Kɔ́ɔ̄ɓē Nə́ɓā m-ə́dásí kə̄ ndágá ní n noó.

Bible sar

²¹ Banī ngé rɔȳ nə́ɓā kə́ rɔ̄kum aĺ gə̄ ō, ngé rāā yá̰á̰ kə́ majaĺ ngá̰ý tɔdɔ̄ nin̄ unən̄ i gō ngur gə̄ kə́ kemdə́ tə́ ō ní, m-ā m̄-rāādə́ kadə̄ nin̄ a əgān̄ kə̄rā háĺdə́. Yá̰á̰ mā Kɔ́ɔ̄ɓē Nə́ɓā m-ə́dásí kə̄ ndágá ní n noó.

EJEKIEL 11:21 Referans Kwoze

EJEKIEL 9:10

Adə̄ m-ā m-ə́yá̰də́ alé, kumḿ a o̰o̰m̄ tām̄ yādə́ tə́ alé. M-ā m̄-rāā kadə̄ yá̰á̰ kə́ majaĺ ń nin̄ rāān̄ ní tél əsō dɔdə́ nin̄ kɔ́ gə̄ tə́.

KOHELET 11:9

Balsáa, dan ń ḭ̄ i ngōn̄ ɓáý ní ī-rāā rɔ̄nel̄. Ādə̄ kemií i kə rɔ̄nelēé kem ndɔ̄ gə̄ ń dɔí dūúń ɓáý tə́ ní. Ī-rāā yá̰a̰ malang ń kemií gḛy ní, yá̰a̰ malang ń nelī ní. Banī majə kadə̄ ī-ger̄ káý káý kadə̄ Nə́ɓā a gān̄g sarya dɔ yá̰a̰ rāāí gə̄ tə́ kógə̄ḿ kógə̄ḿ malang.

EJEKIEL 22:31

Loo ń noō tə́ m̄-bə̄gā wōn̄g yāḿ kə́ ngá̰ý dɔdə́ tə́. m̄-rāā adə̄ nin̄ gətóon̄ kɔ̄ɔ́ kum hor wōn̄g ní tə́, m̄-rāā adə̄ nin̄ əgān̄ kə̄rā yá̰a̰ rāādə́ kə́ majaĺ gə̄. Najə̄ ń Kɔ́ɔ̄ɓē Nə́ɓā əda ní n noó.

EJEKIEL 11:18

Ré ī-tél ī-reē ūgī gogə́ anī, kəla kə́ majaĺ ngá̰ý gə̄ ń de kə́ kemeé gə̄ a rāān̄ adə̄n̄ nə́ɓā kə́ rɔ̄kum aĺ gə̄ ní, ā ī-rāāī kadə̄ a gətóo kɔ̄ɔ́.

JEREMI 1:16

M-ā m̄-gān̄g sarya yāḿ dɔdə́ tə́ sɔɔ̄ń dɔ yá̰á̰ kə́ gōtə́ aĺ gə̄ ń rāān̄ ní: Nin̄ mbātə́mə̄n̄ kɔ̄ɔ́, nin̄ róōn̄ yá̰a̰ ndējə̄ gə̄ adə̄n̄ nə́ɓā kə́ rang gə̄, nin̄-*ɔsən̄ nodə́ nang tə́ no yá̰á̰ kə́ nin̄ kɔ́ gə̄ rāān̄ kə jīdə́ tə́ rɔȳn̄neédə́.

Makətūbə̄ ń Jud ndang ní 1:19

I nin̄ n i ngé rāā yá̰a̰ kadə̄ de gə̄ mbātə́n̄ naā ní. I háĺdə́ n o̰o̰ ɓē dɔdə́ tə́ ba i Ndíĺ Nə́ɓā alé.

HEBƏRO 10:38

Deē ń i de kə́ gōtə́ yāḿ ní a ndi kə kumneé i kə ta kūl̄ taā kem. Banī ré ni-ɔr̄ rɔ̄n kə́ gogə́ anī, a nelə̄m̄ seneé alé.

EJEKIEL 20:38

Ngé gə̄ ń rāān̄ dɔ ngan̄g ba mbātə́n̄ taḿ ní, m-ā m̄-tə̄ɓādə́ kɔ̄ɔ́ dɔ dáńsí tə́. M-ā m̄-teē sedə́ kɔ̄ɔ́ kem ɓē gə̄ ń ndin̄ tū tə́ ní tə́, banī nin̄ a udən̄ dɔ nang kə́ Israel tə́ alé. I beé n ā ī-gerīiń kadə̄ Kɔ́ɔ̄ɓē i mā ní.

EJEKIEL 20:31

Ngɔlaā gə̄gē ní, dan ń ā ī-reēī kə yá̰a̰ ndējə̄ yāsí gə̄ ō, ā ī-róōī ngáńsí gə̄ horoó yá̰a̰ tun̄ tə́ ādī nə́ɓā kə́ rɔ̄kum aĺ gə̄ ō ní, sḭḭ̄ ī-rāāī adə̄ ī-téliī i de kə́ yḛr gə̄. Sḭḭ̄ Israel gə̄, ɔ́jiīń na m-ā m-ə́ya̰ kadə̄ ā ī-dəjemī najə̄ a? M-ā m-ə́ya̰ aĺ bátə́! Tītə̄ ń m̄-ndiń kə kumḿ rɔ̄kum noó, yá̰á̰ ń mā Kɔ́ɔ̄ɓē Nə́ɓā m-ə́dá ní n toó: M-ā m-ə́ya̰ kadə̄ sḭḭ̄ ī-dəjemī najə̄ alé!

EJEKIEL 16:43

Əga kemií dɔ yá̰á̰ ń m̄-rāā tām̄ yāí tə́ dan ń ī-na̰yń ngōn̄ ɓáý tə́ ní alé. Adə̄ ī-rāā adə̄ wōn̄g rāām̄ sɔɔ̄ń yá̰a̰ rāāí gə̄. Ń toō ɓáa ta i yāḿ kadə̄ m̄-rāāī kadə̄ ə̄gā kə̄rā yá̰a̰ rāāí gə̄. I mā Kɔ́ɔ̄ɓē Nə́ɓā n m-ə́da najə̄ ń noō ní. Tām̄ hálí ń ī-rāā ní to rɔ̄sɔl̄ ngá̰ý, tá ī-ra dɔ tə́ noō ī-rāā yá̰á̰ kə́ majaĺ ngá̰ý gə̄ ādə̄ nə́ɓā kə́ rɔ̄kum aĺ gə̄.

JEREMI 17:9

Gír̄ kə́ kem de gə̄ tə́ tə́la naā ngá̰ý. Dum̄ kadə̄ ḭ̄ deē ɔ̄r̄də́ dɔ tə́.

JEREMI 2:20

Nəkɔ́ ń jóo toó ḭ̄ ā ī-tétə̄ njúkə kɔ̄ɔ́ ō, ī-gān̄g kəlā kə́ tṵ́ṵ̄īn̄neé gə̄ kɔ̄ɔ́ ō, ba ə́da na: m̄-ndigə rāā ɓəlo to̰ alé. Kə dɔ ngán mbal̄ gə̄ tə́ malang ō, kə gír kāgə̄ gə̄ kə́ to mbōl̄ gə̄ tə́ malang ō ní, ḭ̄ ī-rāā ájə́ba yā rāań ɓesə̄.

JEREMI 16:11

ḭ̄ ā ī-tél yā kədádə́ na: I tɔdɔ̄ kaasí gə̄ mbātə́mə̄n̄ kɔ̄ɔ́, ba ngɔ̄də̄n̄ gō nə́ɓā yā tə̄rā gə̄ tə́ ō, ndɔ̄ȳn̄də́ ō, ɔsən̄ nodə́ nang tə́ nodə́ tə́ rɔȳn̄neédə́ ō. Nin̄ mbātə́mə̄n̄ kɔ̄ɔ́ ō, ngɔ̄mə̄n̄ ndū najə̄ yāḿ aĺ ō. Najə̄ ń Kɔ́ɔ̄ɓē əda ní n noó.

JEREMI 16:18

M-ā m-ə̄gādə́ kə̄rā loo nja kə́ jōó tə́, tām̄ mósə́ kə́ ɓōkə́n̄ nang tə́ tə́ ō, tām̄ yá̰á̰ kə́ majaĺ kə́ rāān̄ tə́ ō, tɔdɔ̄ nujən̄ kə ɓē yāḿ. Nin̄ ɓōkə́n̄ nīń yá̰á̰ kə́ yḛr yādə́ gə̄ ō, yá̰a̰ rāādə́ kə́ majaĺ gə̄ ō, adə̄ taā kem yá̰á̰ kənge yāḿ ń i ɓē yāḿ ní.

EJEKIEL 7:4

Kumḿ a o̰o̰m̄ tām̄ yāsí tə́ aĺ ō, m-ā m-ā m-ə́yá̰sí aĺ ō. M-ā m̄-rāāsí kadə̄ ā ə̄gāī kə̄rā háĺsí ō, ā ásiī ɓɔ̄ɔ̄ dɔ yá̰a̰ rāāsí kə́ majaĺ ngá̰ý gə̄ aĺ ō. Loo ń noō tə́ ā ī-gerī kadə̄ Kɔ́ɔ̄ɓē i mā.

EJEKIEL 20:16

m̄-túbə i tām̄ usədə́ dɔ jī bēl̄ loo rāā yá̰a̰ yāḿ gə̄ tə́ aĺ ō, mbātə́n̄ rāā yá̰a̰ gə̄ ń ndū najə̄ yāḿ gə̄ ədan̄ ní ō, nin̄ kídə̄n̄ ndɔ̄ sabat ō. Tɔdɔ̄ kemdə́ i dɔ nə́ɓā yādə́ kə́ rɔ̄kum aĺ gə̄ tə́.

EJEKIEL 7:3

Ngɔlaā ní gír yāsí gān̄g kɔ̄ɔ́. M-ā m̄-bə̄gā wōn̄g yāḿ dɔsí tə́ sɔɔ̄ń háĺsí ō, yá̰a̰ rāāsí kə́ majaĺ ngá̰ý gə̄ ní, m-ā m̄-rāāsí kadə̄n ā ə̄gāī kə̄rān ō.

EJEKIEL 7:8

Ngɔlaā ní m-ā m̄-bə̄gā wōn̄g yāḿ kə́ ngá̰ý dɔsí tə́. M-ā m-ə́ya̰n kadə̄ a rāām̄ dɔsí tə́ bátə́ ta tɔ̄l̄ ta tə́. M-ā m̄-gān̄g sarya dɔsí tə́ sɔɔ̄ń háĺsí ō, m-ā m̄-rāāsí kadə̄ ā ə̄gāī kə̄rā yá̰a̰ rāāsí kə́ majaĺ ngá̰ý gə̄ ō.

EJEKIEL 14:3

Ḭ̄ ngōn̄ deē, ōō! De gə̄ ń noō aw̄n̄ kə nə́ɓā yādə́ kə́ rɔ̄kum aĺ gə̄ ngarā̰ kemdə́ tə́ noō. Kemdə́ gḛy yá̰á̰ ń na rāādə́ adə̄ a tə́sōn̄ kum majaĺ tə́ ní ngá̰ý. Ní kə m-ə́ya̰ rɔ̄ḿ kadə̄ kə dəjemə̄n̄ najə̄ a?