EJEKIEL 11:2 - Bibəl ta Sar̄

² Ndíl ədam̄ na: Ḭ̄ ngōn̄ deē, ōō! De gə̄ ń gírə̄n̄ rāā yá̰á̰ kə́ majaĺ ní n ndin̄ noō. Nin̄ adə̄n̄ de gə̄ kɔjə̄ kə́ majaĺ gə̄ kem ɓē kə́ Jerusalem tə́.

Bible sar

² Ndíl ədam̄ na: Ḭ̄ ngōn̄ deē, ōō! De gə̄ ń gírə̄n̄ rāā yá̰á̰ kə́ majaĺ ní n ndin̄ noō. Nin̄ adə̄n̄ de gə̄ kɔjə̄ kə́ majaĺ gə̄ kem ɓē kə́ Jerusalem tə́.

EJEKIEL 11:2 Referans Kwoze

IJAI 30:1

Najə̄ ń Kɔ́ɔ̄ɓē əda ní n toó: Yá̰á̰ kə́ to kum̄ kaȳ aĺ a teē dɔsí tə́, sḭḭ̄ ngáń kə́ ngé mbātə́ najə̄ gə̄! Sḭḭ̄ ī-númī yá̰á̰ kə́ yā rāā gə̄ kə́ i mā n m-ɔ́jə rāā alé. Sḭḭ̄ ə̄nī ndūsí ādī naā, ba kənī ndū yāsí ní mbātə́ nge ń mā m̄-ndigə ní. Sḭḭ̄ ī-rāāī yá̰á̰ kə́ gōtə́ aĺ ba ī-reē ə̄nī dɔ madə̄ kə́ gōtə́ aĺ tə́.

JEREMI 5:5

Adə̄ m-ə́da na m-ā m̄-tūr̄ rɔ̄ḿ kə̄ rɔ̄ de kə́ bo gə̄ tə́ yā kɔr̄ najə̄ sedə́. Tɔdɔ̄ nin̄ gerə̄n̄ róbə yā Kɔ́ɔ̄ɓē ō, gerə̄n̄ jī bēl̄ loo rāā yá̰á̰ yā Nə́ɓā yādə́ ō. Ba m-á̰a̰ kadə̄ i de kə́ tītə̄ naā gə̄, adə̄ nin̄ tétə̄n̄ júk kɔ̄ɔ́ ō, gángə̄n̄ kəlā gə̄ kɔ̄ɔ́ ō.

PĀ GƏ̄ 52:2

Ɔr̄ i najə̄ yā Doeg kə́ Edom ń reē əda Saul na Dabid na aw̄ ɓē Abimelek ní.

IJAI 59:4

Loo sekə́ ń ā ī-sekíī deē loo sarya tə́ ní i gōtə́ alé. Sḭḭ̄ ī-rɔ̄ɔ̄ī dɔ deē tə́ i kə gō najə̄ kə́ rɔ̄kum alé. Sḭḭ̄ ə̄ndāī tɔ́gə́sí i dɔ yá̰á̰ kə́ kemən ra wōȳ tə́. Sḭḭ̄ ə́daī yá̰á̰ kə́ rɔ̄kum aĺ gə̄. Sḭḭ̄ ə̄tōī yá̰á̰ kə́ majaĺ kemsí tə́ ō, ójiī i yá̰á̰ kə́ to kum kaȳ aĺ ō.

JEREMI 18:18

Anī de kə́rēý gə̄ ədan̄ na: Ī-reē j-oōī naā dɔ Jeremi tə́. Na ndū najə̄ a nal̄ ta ngé tun̄ yá̰a̰ gə̄ aĺ ō, Kɔjə̄ a nal ta kum kɔɔ̄ gə̄ aĺ ō, najə̄ yā Nə́ɓā a nal̄ ta ngé koō ta gə̄ aĺ ō. Ī-reēī jə-tə́daī najə̄ kə́ majaĺ gə̄ dɔn tə́ jə-nujiīneé rīn. J-əndāī mbījí gír najə̄ kɔrə̄n gə̄ tə́ alé.

PĀ GƏ̄ 36:4

Najə̄ kə́ tan tə́ i sor̄ ō gól̄ loo ō ngóy. Tām̄ yān tə́ ɓáa rāā yá̰á̰ kə́ majə i yá̰á̰ kə́ kumən gətóo.

ESTER 8:3

Ester ɔr̄ najə̄ kə mbangāá ɓáý to̰. Ni-əsō nang tə́ njan tə́ ba rāān ɓɔ́ kə man̄ nōó kumən tə́ kadə̄ mbātə́ yá̰á̰ kə́ to kum kaȳ aĺ ń Haman de kə́ gír kaa yā Agag tə́ sāā rāā kə Jipə gēé ní tə́ kɔ̄ɔ́.

EJEKIEL 7:26

Yá̰á̰ kə́ to kum kaȳ aĺ gə̄ a reēn̄ i kə gō naá. Najə̄ kə́ majaĺ gə̄ kə́ kənī mbī naā tə́ dan a gān̄g alé. De gə̄ a dəjen̄ nge koō ta kadə̄ a̰a̰ yá̰á̰ kógə̄ḿ kə ədadə́ ō, nge tun̄ yá̰a̰ a ndóō de gə̄ yá̰a̰ to̰ aĺ ō, kum kɔɔ̄ gə̄ a adə̄n̄ de gə̄ kɔjə̄ to̰ aĺ ō.

NAHUM 1:11

De kógə̄ḿ kə́ núm̄ rāā yá̰á̰ kə́ majaĺ kə Kɔ́ɔ̄ɓēé, de kə́ yá̰a̰ gə̄ ń ni-ɔjə rāā ní i nujə loo, teē kemií ḭ̄ ɓē kə́ Ninibə tə́.

PĀ GƏ̄ 36:5

Dan ń to ndɔ̄ɔ́ anī, a núm̄ i yá̰á̰ kə́ majaĺ kə́ yā teē rāā. Ni un gō róbə́ kə́ majaĺ kə̄ non tə́, mbātə́ yá̰á̰ kə́ majaĺ aĺ bátə́.