EJEKIEL 11:13 - Bibəl ta Sar̄

¹³ Dan ń m̄-rā m-ā m-ə́da najə̄ ń toō ń Kɔ́ɔ̄ɓē taḿ tə́ ní anī, Pelatia kə́ ngōn̄ Benaya gān̄g dɔɔ́ oy. M-ə̄sō m̄-séw kumḿ nang tə́ ō, m-ə́ga kɔŕ ō, m-ə́da na: Á! Kɔ́ɔ̄ɓē Nə́ɓā, adə̄ gotə ngán Israel gə̄ ń na̰yn̄ ní, ā ī-rāādə́ kadə̄ oyn̄ malang a?

Bible sar

¹³ Dan ń m̄-rā m-ā m-ə́da najə̄ ń toō ń Kɔ́ɔ̄ɓē taḿ tə́ ní anī, Pelatia kə́ ngōn̄ Benaya gān̄g dɔɔ́ oy. M-ə̄sō m̄-séw kumḿ nang tə́ ō, m-ə́ga kɔŕ ō, m-ə́da na: Á! Kɔ́ɔ̄ɓē Nə́ɓā, adə̄ gotə ngán *Israel gə̄ ń na̰yn̄ ní, ā ī-rāādə́ kadə̄ oyn̄ malang a?

EJEKIEL 11:13 Referans Kwoze

EJEKIEL 11:1

Ndíl Kɔ́ɔ̄ɓē unəm̄ nang tə́ kum kə̄ dɔɔ́, ba aw̄ seḿ ta kújə yā Kɔ́ɔ̄ɓē kə́ dām̄ kə́ gír ɓēé tə́. De kə́ dəngam gə̄ kutə jōó gidə i mí ndin̄ ta róbə́ tə́. M-á̰a̰ ngār gə̄ yā ngán Israel gə̄ jōó dandə́ tə́ m̄-ger̄də́. I Yajania kə́ ngōn̄ Ajur ō, Pelatia kə́ ngōn̄ Benaya ō.

EJEKIEL 9:8

Adə̄ nin̄ aw̄n̄ tɔ̄l̄ de kə́ kem ɓēé gə̄ tə́. Dan ń nin̄ na̰yn̄ kə̄ loo tɔ̄l̄ de gə̄ tə́ ní, m̄-rā i kə kérə́ḿ. M-ɔ́sə kejəḿ nang tə́ ō, m-ɔ́sə noḿ nang tə́ ō, ba m-ə́ga kɔŕ, m-ə́da na: Aa Kɔ́ɔ̄ɓē Nə́ɓā, dan ń ī-bə̄gā wōn̄g yāí kə́ ngá̰ý dɔ ɓē kə́ Jerusalem tə́ beé ní, gotə Israel gə̄ ń a na̰yn̄ ní ā ī-tɔ̄l̄də́ kɔ̄ɔ́ malang a?

KƏLA RĀĀ 5:5

Dan ń Ananias oō najə̄ gə̄ ń noō ní anī, ni-teē əsō ba oy. De gə̄ malang ń oōn̄ ní ɓōĺ rāādə́.

KƏLA RĀĀ 13:11

Ń toō ní á̰a̰ā̰, Kɔ́ɔ̄ɓē a əndaī, kumií a a̰a̰ loo aĺ ō, ā á̰a̰ kum mbang aĺ ō, kadə̄ dan oy tām̄. Anī kum Elimas a̰a̰ loo aĺ kə̄ ta jīī tə́ noō, ni-ra i kum loo kə́ risə til nding tə́. Ni-ənī gir̄ gində̄ wir wir a sāań de kə́ yā kəhɔ ta jīn kɔrənneé ta róbə.

KƏLA RĀĀ 5:10

Anī dəyá̰ ní teē əsō nja Piyer tə́ kə̄ ta jī tə́ noō ba oy kɔ̄ɔ́. Dan ń balsáa gə̄ udən̄ anī əngen̄ i nīnə́n tá. Nin̄-unnən̄ ba aw̄ dubə̄nən̄ kadə ngaan tə́.

AMOS 7:5

Tā anī m-ə́da na: Kɔ́ɔ̄ɓē Nə́ɓā, m̄-rāāī ɓɔ́, ba ī-dəba. Ré i beé aĺ ní, gír deē yāí gə̄ a télən̄ i rí? Nin̄ dūún̄ ngá̰ý!

AMOS 7:2

Ba dan ń yim̄ gə̄ əsan̄ mu malang kə́ kem ɓēé kɔ̄ɔ́ anī, m-ə́da na: Kɔ́ɔ̄ɓē Nə́ɓā, m̄-rāāī ɓɔ́, ba ī-mā̰ȳ rɔ̄í dɔ gír deē yāí gə̄ tə́! Ré i beé aĺ ní, nin̄ a télən̄ i rí? Nin̄ dūún̄ ngá̰ý!

OJEE 6:5

I tām̄ najə̄ ń noō tə́ n m̄-rɔ̄ɔ̄sí kə ta kūl̄ kəla kə ngé koō ta gēé ní. M-ə́la ɓōĺ kemsí tə́ kə ta kūl̄ kədasí na m-ā m̄-tɔ̄l̄sí. Sarya gāngə̄ḿ teē tītə̄ loo kə́ unjə̄ kow beé.

EJEKIEL 37:7

I Kɔ́ɔ̄ɓē n əndā najə̄ gə̄ ń noō taḿ tə́ kadə̄ m-ə́dá ní, kə gō ń ni mēr̄məń kəda ní. Dan ń m-ā m-ɔ̄r̄ najə̄ kə̄ taḿ tə́ ɓáý anī, m-ōō kōō yá̰á̰ kógə̄ḿ ɓār̄ ngá̰ý, i kōō yá̰a̰ gə̄ kə́ a ndɔ́tə̄n̄. Kə̄ngā gə̄ a ndɔ́tə̄n̄ i kə̄ rɔ̄ naā tə́.

Gōsə̄ najə̄ gə̄ 6:15

I tām̄ najə̄ ń noō tə́ n ni a nujə sák sák gidə kógə̄ḿ beē ní. A tétə̄n̄ kə̄ngōn rárák i gidə kógə̄ḿ ō, yá̰á̰ kə́ yā rāań a gətóo ō.

PĀ GƏ̄ 119:120

m̄-ra ta kumií tə́ anī m̄-ndebə kə̄ rɔ̄ḿ gə̄ tə́ malang, tɔdɔ̄ m̄-ɓōĺ ndílí ō, Ndūí gə̄ ń ī-ra dɔ tə́ yā rāā ní adə̄mə̄n̄ ɓōĺ ō.

PĀ GƏ̄ 106:23

Ni gḛy tɔ̄l̄də́ kɔ̄ɔ́ malang, banī Moijə ń ni gə̄rān kété ní ra non tə́ əhɔn dɔ tə́. Wōn̄g yān ń i wōn̄g kə́ a nujə loo ní, Moijə tūr̄ ta dɔ de gə̄ tə́ kɔ̄ɔ́.

1 MBAN̄G GƏ̄ 13:4

Dan ń mban̄g Jeroboam oō najə̄ ń deē yā Nə́ɓā əda dɔ loo tun̄ yá̰á̰ kə́ Betel tə́ ní anī, əla jīn dɔ loo tun̄ yá̰á̰ tə́ kum kə̄ rɔ̄ deē yā Nə́ɓā tə́ ba əda na: Əhɔniī! Banī jīn ń əla kə̄ dɔ deē yā Nə́ɓā tə́ ní tutə njururu, adə̄ asə téləń kə̄ rɔ̄n tə́ to̰ alé.

NDŪ NAJƏ̄ 7:4

Ré i beé aĺ anī tə̄rā gə̄ ń noō a rāān̄ ngáńsí gə̄ kadə̄ tūrə̄n̄ gidədə́ ta Kɔ́ɔ̄ɓē tə́ kɔ̄ɔ́ ba aw̄ ndɔ̄ȳn̄ ɓesə̄ gə̄. Loo ń noō tə́ Kɔ́ɔ̄ɓē a rāā wōn̄g sesí ō, a nujə sesí kɔ̄ɔ́ malang kanjə̄ kɔr bā̰ā̰ ō.

EJEKIEL 7:2

Ḭ̄ ngōn̄ deē, ōō yá̰á̰ ń mā Kɔ́ɔ̄ɓē Nə́ɓā m-ə́dá ngán Israel gə̄ ní. M-ə́dádə́ na: Gíŕ yá̰a̰ malang gān̄g kɔ̄ɔ́! Yá̰á̰ kə́ nujə sák sák kə́ ta tɔ̄l̄ ta tə́ taā loo malang kem ɓēé, bátə́ kíl ɓē kə́ sɔ́ gə̄ tə́.

EJEKIEL 11:14

Kɔ́ɔ̄ɓē ɔr̄ najə̄ seḿ, ni ədam̄ na:

EJEKIEL 20:17

Tá kumḿ o̰o̰m̄ sedə́ ngá̰ý adə̄ m̄-nujə sedə́ aĺ ō, m̄-rāā adə̄ nin̄ oyn̄ kem dəla loo tə́ aĺ ō.