EJEKIEL 11:12 - Bibəl ta Sar̄

¹² Loo ń noō tə́ ā ī-gerī kadə̄ Kɔ́ɔ̄ɓē i mā. Sḭḭ̄ úniī gō ndū najə̄ yāḿ gə̄ aĺ ō, úniī jī bēl̄ loo rāā yá̰a̰ yāḿ gə̄ ī-rāāiń yá̰a̰ aĺ ō. Banī sḭḭ̄ úniī gō yá̰a̰ kāgə̄ ɓē gə̄ nápar de gə̄ ń ndin̄ gīrə̄n̄ gidəsí ní.

Bible sar

¹² Loo ń noō tə́ ā ī-gerī kadə̄ Kɔ́ɔ̄ɓē i mā. Sḭḭ̄ úniī gō *ndū najə̄ yāḿ gə̄ aĺ ō, úniī jī bēl̄ loo rāā yá̰a̰ yāḿ gə̄ ī-rāāiń yá̰a̰ aĺ ō. Banī sḭḭ̄ úniī gō yá̰a̰ kāgə̄ ɓē gə̄ nápar de gə̄ ń ndin̄ gīrə̄n̄ gidəsí ní.

EJEKIEL 11:12 Referans Kwoze

EJEKIEL 8:10

M-údə kemeé anī, yá̰á̰ ń m-á̰a̰ā̰ ní ń toó: Rāān̄ lī gə̄ kə dā̰ gə̄ kə́ majə ka̰a̰də́ aĺ gə̄ kadə bɔr tə́ adə̄ gīr̄ gidəḿ. Rāān̄ nə́ɓā kə́ rɔ̄kum aĺ gə̄ malang yā ngán Israel gə̄ kadə bɔr tə́.

EJEKIEL 8:16

Loo ń noō tə́ ni unəm̄ aw̄ seḿ kum kə̄ ndágə loo kə́ gīr̄ gidə kújə yā Kɔ́ɔ̄ɓē kə́ kem kújə yā Kɔ́ɔ̄ɓē tə́. De kə́ dəngam gə̄ kə́ asən̄ kutə jōó gidə i mí ń noō ndin̄ ta róbə́ kə́ yā kudəń kə̄ kem loo kə́ táĺ tə́, dɔ dáń ngōn̄ kújə́ kə́ ta róbə́ tə́ kə loo tun̄ yá̰á̰ tə́. Nin̄ tūrə̄n̄ gidədə́ adə̄n̄ loo kə́ táĺ ba ɔsən̄ kejədə́ nang tə́ ō, ɔsən̄ nodə́ nang tə́ ō, kumdə́ sɔɔ̄ gír ɓē, yā rɔȳń mbang.

EJEKIEL 8:14

Ni unəm̄, aw̄ seḿ kum kə̄ ta róbə́ kújə yā Kɔ́ɔ̄ɓē kə́ dām̄ mbɔ́r ɓē kə́ ko̰ó̰ tə́. Dəyá̰ gə̄ ndin̄ loo ní tə́, ba ndi a nōōn̄ i Tamujə.

DANIEL 9:10

j-oō ndūn jə-rāań yá̰a̰ kə gō ń ni ɔjəjí kə ta kūl̄ ngé kəla yān kə́ ngé koō ta gə̄ ní aĺ ō.

EJEKIEL 20:24

I yá̰á̰ ń rāā yá̰á̰ á m̄-túbəń m-ādə̄də́ tītə̄ ń noō ní n toó: Nin̄ unən̄ gō jī bēl̄ loo rāā yá̰a̰ yāḿ gə̄ aĺ ō, usədə́ dɔ ndū najə̄ yāḿ gə̄ tə́ aĺ ō, kídə̄n̄ ndɔ̄ sabat ō, nin̄ aw̄n̄ gō nə́ɓā kə́ rɔ̄kum aĺ gə̄ yā kaadə́ gə̄ tə́ ō.

EJEKIEL 20:21

Banī ngáńdə́ gə̄ rāān̄ dɔ ngan̄g seḿ. Nin̄ rāān̄ yá̰a̰ gə̄ ń ndū najə̄ yāḿ əda ní aĺ ō, unən̄ gō jī bēl̄ loo rāā yá̰a̰ yāḿ gə̄ aĺ ō. Tá i nin̄ n a rāān̄ ngé kundə́ rāań kəla gə̄ kadə̄ ndin̄ kə kumdə́ ní. Nin̄ kídə̄n̄ ndɔ̄ sabat. Loo ń noō tə́ m̄-gír̄ bə̄gā wōn̄g yāḿ kə́ ngá̰ý dɔdə́ tə́ kem dəla loo tə́, kadə̄ wōn̄g yāḿ ní rāā kəla bátə́ ta tɔ̄l̄ ta tə́.

EJEKIEL 20:16

m̄-túbə i tām̄ usədə́ dɔ jī bēl̄ loo rāā yá̰a̰ yāḿ gə̄ tə́ aĺ ō, mbātə́n̄ rāā yá̰a̰ gə̄ ń ndū najə̄ yāḿ gə̄ ədan̄ ní ō, nin̄ kídə̄n̄ ndɔ̄ sabat ō. Tɔdɔ̄ kemdə́ i dɔ nə́ɓā yādə́ kə́ rɔ̄kum aĺ gə̄ tə́.

EJEKIEL 18:9

Ni-rāā yá̰a̰ gə̄ ń ndū najə̄ yāḿ gə̄ ədan̄ ní ō, əndā kumən gír jī bēl̄ loo rāā yá̰a̰ yāḿ gə̄ tə́ ba rāādə́ kanjə̄ kəya̰ gō kɔ̄ɔ́ ō. Adə̄ mā Kɔ́ɔ̄ɓē Nə́ɓā m-ə́da na de kə́ beé i de kə́ gōtə́ rɔ̄kum ō, ni a ndi kə kumneé ō.

EJEKIEL 11:21

Banī ngé rɔȳ nə́ɓā kə́ rɔ̄kum aĺ gə̄ ō, ngé rāā yá̰á̰ kə́ majaĺ ngá̰ý tɔdɔ̄ nin̄ unən̄ i gō ngur gə̄ kə́ kemdə́ tə́ ō ní, m-ā m̄-rāādə́ kadə̄ nin̄ a əgān̄ kə̄rā háĺdə́. Yá̰á̰ mā Kɔ́ɔ̄ɓē Nə́ɓā m-ə́dásí kə̄ ndágá ní n noó.

JEREMI 10:2

Kɔ́ɔ̄ɓē ɔr̄ najə̄ i tītə̄ ń toō beé: Ī-lōōī ndájə̄ yá̰a̰ rāā nápar de gə̄ ō, ī-lōōī kadə̄ yá̰á̰ kə́ rāā yá̰a̰ no rā̰ tə́ əla ɓōĺ kemsí tə́ ō. Na i nápar de gə̄ n yá̰a̰ gə̄ ń noō a əla ɓōĺ kemdə́ tə́ ní.

JEREMI 6:16

Najə̄ ń Kɔ́ɔ̄ɓē əda ní n toó: Ī-dəbaī kum róbə gə̄ tə́, ba á̰a̰ī loo, ī-dəjeī najə̄ kə́ dɔ róbə́ kə́ jóó ngá̰ý gə̄ tə́. I róbə́ kə́ rá n i róbə́ kə́ majə ní? Ī-njə̄rāī tū tə́ anī, ā ə́ngeī loo kə́ kadə̄ ī-taāīneé koō. Ba nin̄ ədan̄ na: J-a jə-njə̄rā tū tə́ alé.

PĀ GƏ̄ 78:10

i tɔdɔ̄ nin̄ ngɔ̄mə̄n̄ madə̄ naā yā Nə́ɓā alé, nin̄ mbātə́n̄ rāā yá̰á̰ ń ndū najə̄ yān əda ní.

NEHEMI 9:34

Mban̄g yājí gə̄ ō, ngār yājí gə̄ ō ngé tun̄ yá̰a̰ yājí gə̄ ō kaají gə̄ ō, rāān̄ yá̰á̰ ń ndū najə̄ yāí əda ní aĺ ō, əndān̄ kumdə́ gír yá̰a̰ gə̄ ń ə́dádə́ kadə̄ rāān̄ ní tə́ aĺ ō, əndān̄ kumdə́ gír tāā gə̄ ń ī-tāādə́ kə̄ nja naā tə́ ní aĺ ō.

ESDRAS 9:7

Əla gír ɓāl̄ yā kaají gə̄ tə́ bátə́ ɓōólaā ní, gír deē yājí gə̄ rāān̄ yá̰á̰ kə́ gōtə́ aĺ gə̄ ngá̰ý. I tām̄ najə̄ ń noō tə́ n mban̄g kə́ tə̄rā gə̄ ndin̄neé dɔjí tə́ ō, dɔ mban̄g yājí gə̄ tə́ ō, dɔ ngé tun̄ yá̰a̰ yājí gə̄ tə́ ō, rɔ̄ɔ̄n̄neéjí ō, aw̄n̄neé sejí ɓəloó ō, ɔyn̄neé yá̰a̰ kənge yājí gə̄ ō, əlan̄neé rɔ̄sɔl̄ dɔjí tə́ ō tītə̄ ń rāān̄neé ɓōólaā ɓáý ní.

2 YÁ̰A̰ GƏ̄ 36:14

Tá ngār gə̄ yā ngé tun̄ yá̰a̰ gə̄ ō, yā de kə́ kem ɓē gə̄ ō, malang rāān̄ háĺ kə́ gōtə́ aĺ gə̄ i ngá̰ý. Nin̄ rāān̄ yá̰á̰ kə́ to yḛr kum gə̄ malang ń nápar de gə̄ rāān̄ ní ō, rāān̄ adə̄ kújə ń Kɔ́ɔ̄ɓē ɔr̄ kamə̄n tayā tām̄ yān tə́ Jerusalem ní tél kújə́ kə́ yḛr ō.

2 YÁ̰A̰ GƏ̄ 28:3

Ni-rāā yá̰á̰ kə́ yḛr kum gə̄ yā nápar de gə̄ ń Kɔ́ɔ̄ɓē tə̄ɓādə́ kɔ̄ɔ́ ba əya̰ń loo adə̄ ngán Israel gə̄ ní: Róō kajaja wól loo kə́ Ben Hinom tə́ ō, róō ngánən kə́ dəngam gə̄ horoó ō.

2 YÁ̰A̰ GƏ̄ 13:9

Ngé tun̄ yá̰a̰ yā Kɔ́ɔ̄ɓē gə̄ ń i ngán Aaro̰ gə̄ ní ō, ngán Lebi gə̄ ō ní, sḭḭ̄ ī-tə̄ɓāīdə́ kɔ̄ɔ́ ba ī-gə̄rāī de gə̄ ə̄ndāīdə́ ngé tun̄ yá̰a̰ yāsí gə̄ tə́ tītə̄ ń gír de gə̄ kə́ kem ɓē kə́ rang gə̄ tə́ a rāān̄neé ní. Deē ń reē kə man̄g kə́ bəra kógə̄ḿ ō, bal batə̄ gə̄ sīrí ō, ɓá anī sḭḭ̄ ə̄ndāniī nge tun̄ yá̰á̰ tə́ kadə̄ rāā kəla adə̄ nə́ɓā kə́ nin̄ i Nə́ɓā aĺ gə̄.

2 MBAN̄G 21:22

Ə́yá̰ Kɔ́ɔ̄ɓē ń i Nə́ɓā yā kaan gə̄ ní kɔ̄ɔ́, un gō róbə yān alé.

2 MBAN̄G 21:2

Ni-rāā yá̰á̰ kə́ majaĺ ta kum Kɔ́ɔ̄ɓē tə́. Ndájə̄ yá̰á̰ kə́ majaĺ ngá̰ý gə̄ yā nápar de gə̄ ń Kɔ́ɔ̄ɓē tə̄ɓādə́ kɔ̄ɔ́ no ngán Israel gə̄ tə́ ní.

2 MBAN̄G 18:12

Yá̰a̰ gə̄ ń noō malang rāān̄ yá̰a̰ i tɔdɔ̄ Israel gə̄ oōn̄ ndū Kɔ́ɔ̄ɓē Nə́ɓā yādə́ ní aĺ ō, ran̄ dɔ madə̄ naā yān tə́ aĺ ō. Ndū najə̄ gə̄ ń Moijə nge kəla yā Kɔ́ɔ̄ɓē adə̄də́ ní nin̄ nēlə̄n̄ mbidə́ oōnneé aĺ ō, rāān̄ yá̰a̰ gə̄ ń ndū najə̄ gə̄ ədan̄ ní aĺ ō.

2 MBAN̄G 16:3

banī ni ndájə̄ i kəla rāā mban̄g gə̄ kə́ Israel tə́. Ndējə̄ ngōnən adə̄ róōn horó kə gō yá̰a̰ kāgə̄ ɓē yā nápar de gə̄ ń Kɔ́ɔ̄ɓē tə̄ɓādə́ kɔ̄ɔ́ no ngán Israel gə̄ tə́ ní gə̄gē.

1 MBAN̄G GƏ̄ 11:33

Na n-a n-rāā yá̰á̰ ń noō na i tām̄ kəya̰ ń ngán Israel gə̄ na əya̰nən̄ ni Kɔ́ɔ̄ɓē kɔ̄ɔ́ ba na ndɔ̄ȳn̄ nə́ɓā Astarte ń i nə́ɓā kə́ dəyá̰ yā Sidon gə̄ ō, nə́ɓā Kemos ń i nə́ɓā yā Moab gə̄ ō, nə́ɓā Milkom ń i nə́ɓā yā Amon gə̄ ō ní tə́. Na unən̄ róbə gə̄ ń ni Kɔ́ɔ̄ɓē n-ɔjədə́ ní alé, adə̄ yá̰á̰ ń ta kumən ní tə́ i yá̰á̰ kə́ gōtə́ ní nin̄ na rāān̄ alé. Nin̄ na rāān̄ yá̰á̰ ń ndū najə̄ yān əda ní aĺ ō, na rāān̄ yá̰a̰ kə gō jī loo rāā yá̰a̰ gə̄ ń ni n-ɔjədə́ ní aĺ ō, yá̰á̰ ń Dabid bɔbə̄ Salomo̰ na rāā ní nin̄ na rāān̄ alé.

LEBI GƏ̄ 26:40

A ɔrə̄n̄ gír majaĺ yādə́ gə̄ ō, yā bɔbə̄də́ gə̄ ō, yā kaadə́ gə̄ ō. A ədan̄ na n rāān yá̰á̰ kə́ gōtə́ aĺ ngá̰ý gə̄ seḿ ō, na n mbātə́n̄ najə̄ taḿ tə́ ō,

LEBI GƏ̄ 18:3

Ī-ndájí yá̰a̰ rāā de gə̄ kə́ dɔ nang tə́ Ejiptə tə́ ń ī-ndiī tū tə́ ní aĺ ō, yá̰a̰ rāā de gə̄ kə́ dɔ nang kə́ Kanaan ń m-ā m-āw̄ sesí kə́ tū tə́ ní aĺ ō. Úniī gō ndū najə̄ yādə́ alé.

EJEKIEL 18:8

Ni-adə̄ nar yān loo tə̄nā tə́ yā kəngeń manə̄n dɔ tə́ aĺ ō, yā kəngeń yá̰á̰ kógə̄ḿ gírí aĺ ō. Ni tūr̄ gidən kɔ̄ɔ́ ta yá̰a̰ rāā kə́ gōtə́ aĺ tə́ ō, gān̄g sarya i kə gō róbə najə̄ kə́ rɔ̄kum ō.

2 MBAN̄G 21:9

Banī nin̄ oōn̄ ndūn alé. Manase sə̄lādə́ adə̄ rāān̄ háĺ kə́ majaĺ tɔȳ yā nápar de gə̄ ń Kɔ́ɔ̄ɓē tɔ̄l̄də́ kɔ̄ɔ́ malang ba əya̰ń loo adə̄ ngán Israel gə̄ ní.

NEHEMI 9:33

Ḭ̄ i de kə́ gōtə́ dan yá̰a̰ gə̄ malang ń teēn̄ dɔjí tə́ ní, tɔdɔ̄ ḭ̄ ī-rāā i yá̰á̰ kə́ rɔ̄kum, banī jḭḭ jə-rāā i kem ndul.

EJEKIEL 5:6

De kə́ kemeé gə̄ mbātə́n̄ rāā yá̰a̰ kə gō ń m-ɔ́jəńdə́ kadə̄ rāān̄ ní ō, mbātə́n̄ ndū najə̄ gə̄ ń m-ādə̄də́ ní ō. Nin̄ rāān̄ yá̰a̰ majaĺ tɔȳ yā nápar de kə́ rang gə̄ ń ndin̄ gīrə̄n̄ gidədə́ ní tə́. Tɔdɔ̄ nin̄ mbātə́n̄ rāā yá̰a̰ gə̄ kə gō ń m-ɔ́jəńdə́ ní ō, mbātə́n̄ ndū najə̄ yāḿ gə̄ ō.