EJEKIEL 11:10 - Bibəl ta Sar̄

¹⁰ Loo ń noō tə́ ā ī-gerī kadə̄ Kɔ́ɔ̄ɓē i mā. M-ā m̄-gān̄g sarya dɔsí tə́ i gō nang kə́ Israel tə́, adə̄ m-ā m̄-rāā kadə̄ ā óyiī ta rɔ̄ɔ̄ tə́.

Bible sar

¹⁰ Loo ń noō tə́ ā ī-gerī kadə̄ Kɔ́ɔ̄ɓē i mā. M-ā m̄-gān̄g sarya dɔsí tə́ i gō nang kə́ *Israel tə́, adə̄ m-ā m̄-rāā kadə̄ ā óyiī ta rɔ̄ɔ̄ tə́.

EJEKIEL 11:10 Referans Kwoze

2 MBAN̄G 14:25

I ni n rāā adə̄ dɔ nin̄ ɓē kə́ Israel tél to tītə̄ kə́ kété ní, adə̄ əla gír i Lebo Hamat bátə́ ugə̄ń bā katə̄ kə́ Araba tə́, tītə̄ ń Kɔ́ɔ̄ɓē Nə́ɓā yā Israel əndāń ta nge koō ta yān Jonas ngōn̄ Amitay kə́ Gat Heper tə́ adə̄ ədań ní.

EJEKIEL 6:7

De gə̄ a oyn̄ dɔ dáńsí tə́, adə̄ ā ī-gerī kadə̄ mā i Kɔ́ɔ̄ɓē.

JEREMI 39:6

Mban̄g kə́ Babilon adə̄ tə́jān̄ míndə ngán Sedekias gə̄ ta kum bɔbə̄də́ tə́ Ribəla ō, adə̄ tə́jān̄ míndə ngār gə̄ malang kə́ Juda tə́ ō.

EJEKIEL 13:23

I beé ní, yá̰á̰ kə́ rɔ̄kum aĺ gə̄ ń ā á̰a̰ī ō, najə̄ kə́ rɔ̄kum aĺ gə̄ ń ā ə́daī ō ní, gíŕdə́ gān̄g. M-ā m̄-taā gír deē yāḿ gə̄ jīsí tə́ yā kəya̰də́ dɔɔ́ ō, ā ī-gerī kadə̄ Kɔ́ɔ̄ɓē i mā ō.

EJEKIEL 13:21

M-ā m̄-rə́yā̰ mandíl yāsí gə̄ kɔ̄ɔ́ ō, m-ā m̄-taā gír deē yāḿ gə̄ jīsí tə́ yā kəya̰də́ dɔɔ́ ō. Nin̄ a əsōn̄ kum gūmbə̄ yāsí gə̄ tə́ to̰ aĺ ō, ā ī-gerī kadə̄ Kɔ́ɔ̄ɓē i mā ō.

EJEKIEL 13:14

Ndogə̄ mbal̄ ń ī-rāāī hō̰rō̰ gidə tə́ ní, m-ā m̄-mbəren yā kənīn nang tə́ kɔ̄ɔ́. M-ā m̄-bótīyōn dɔɔ́ bátə́ kadə̄ ugə̄ nang tə́, adə̄ de gə̄ a a̰a̰n̄ gírən ń əndān̄ ní. Ndogə̄ mbal̄ ní a əsō ō, mbal̄ kə́ tū tə́ gə̄ a rējə̄n̄sí ō. Loo ń noō tə́ ā ī-gerī kadə̄ Kɔ́ɔ̄ɓē i mā.

EJEKIEL 13:9

Ngé koō ta gə̄ ń a ənīn̄ gotə yá̰á̰ kə́ ka̰ā̰ kə́ rɔ̄kum aĺ gə̄ ō, yá̰a̰ gə̄ ń nin̄ ədan̄ na a rāā yá̰á̰ á i yá̰á̰ kə́ rɔ̄kum aĺ gə̄ ō ní, m-ā m-ɔ́jə́ tɔ́gə́ḿ dɔdə́ tə́. Nin̄ i dan ngé kán̄ naā gə̄ yā gír deē yāḿ gə̄ tə́ aĺ ō, a ndangən̄ rīdə́ dan rī ngán Israel gə̄ tə́ aĺ ō, nin̄ a télən̄ yā reē gogə́ dɔ nang yādə́ tə́ aĺ ō. I tītə̄ ń noō n nin̄ a ger̄nəń kadə̄ Kɔ́ɔ̄ɓē Nə́ɓā i mā ní.

JEREMI 9:24

Ndɔ̄ gə̄ a reēn̄ noó kadə̄ m-ā m-ə́nda náā nəkɔ́ ń əja mɔtən ní. Najə̄ ń Kɔ́ɔ̄ɓē əda ní n noó.

PĀ GƏ̄ 9:16

Nápar de kə́ rang gə̄ əsōn̄ kem bəlo ń nin̄ kɔ́ gə̄ ndērə̄n̄ tə́ ní, əlan̄ njadə́ kum gūmbə̄ ń nin̄ kɔ́ gə̄ əyān̄ ní tə́.

1 MBAN̄G GƏ̄ 8:65

Dan ngeé ń ń noō tə́ ní Salomo̰ nin̄ kə ngán Israel gə̄ malang rāān̄ nāā kújə́ kámbə gə̄ ō. I kán̄ naā kə́ bo ngá̰ý. De gə̄ ń kánə̄n̄ naā ní ḭḭn̄ i kə gō ɓē gə̄ malang kə́ Israel tə́ ń əla gír i Lebo Hamat bátə́ man̄ kə́ Ejiptə tə́ ní n reēn̄ ní. Nin̄ rāān̄ nāā ta kum Kɔ́ɔ̄ɓē Nə́ɓā tə́ ndɔ̄ sīrí.

JOJUE 13:5

Dɔ nang kə́ yā taā ɓáý to̰ i dɔ nang kə́ Gebal ō, dɔ nang Liban kə́ dām̄ kə́ gír ɓē tə́ ń a ɓārə́n̄ na i Baal Gad á i loo kə́ nja mbal̄ Hermon tə́ ní bátə́ teēń Lebo Hamat ō,