EJEKIEL 11:1 - Bibəl ta Sar̄

¹ Ndíl Kɔ́ɔ̄ɓē unəm̄ nang tə́ kum kə̄ dɔɔ́, ba aw̄ seḿ ta kújə yā Kɔ́ɔ̄ɓē kə́ dām̄ kə́ gír ɓēé tə́. De kə́ dəngam gə̄ kutə jōó gidə i mí ndin̄ ta róbə́ tə́. M-á̰a̰ ngār gə̄ yā ngán Israel gə̄ jōó dandə́ tə́ m̄-ger̄də́. I Yajania kə́ ngōn̄ Ajur ō, Pelatia kə́ ngōn̄ Benaya ō.

Bible sar

¹ Ndíl Kɔ́ɔ̄ɓē unəm̄ nang tə́ kum kə̄ dɔɔ́, ba aw̄ seḿ ta *kújə yā Kɔ́ɔ̄ɓē kə́ dām̄ kə́ gír ɓēé tə́. De kə́ dəngam gə̄ kutə jōó gidə i mí ndin̄ ta róbə́ tə́. M-á̰a̰ ngār gə̄ yā ngán *Israel gə̄ jōó dandə́ tə́ m̄-ger̄də́. I Yajania kə́ ngōn̄ Ajur ō, Pelatia kə́ ngōn̄ Benaya ō.

EJEKIEL 11:1 Referans Kwoze

EJEKIEL 11:24

Kum mbang ń m-ā m-á̰a̰ń yá̰a̰ ngeé ń noō tə́ ní, Ndíĺ Nə́ɓā unəm̄ nang tə́ kum kə̄ dɔɔ́. Ni-tél reē seḿ gogə́ rɔ̄ de gə̄ ń ɔyn̄də́ aw̄n̄ sedə́ Babilon dɔ gúú tə́ ní. Yá̰á̰ ń Nə́ɓā əlań adə̄ m-á̰a̰ā̰ ní dəba.

EJEKIEL 11:13

Dan ń m̄-rā m-ā m-ə́da najə̄ ń toō ń Kɔ́ɔ̄ɓē taḿ tə́ ní anī, Pelatia kə́ ngōn̄ Benaya gān̄g dɔɔ́ oy. M-ə̄sō m̄-séw kumḿ nang tə́ ō, m-ə́ga kɔŕ ō, m-ə́da na: Á! Kɔ́ɔ̄ɓē Nə́ɓā, adə̄ gotə ngán Israel gə̄ ń na̰yn̄ ní, ā ī-rāādə́ kadə̄ oyn̄ malang a?

EJEKIEL 8:16

Loo ń noō tə́ ni unəm̄ aw̄ seḿ kum kə̄ ndágə loo kə́ gīr̄ gidə kújə yā Kɔ́ɔ̄ɓē kə́ kem kújə yā Kɔ́ɔ̄ɓē tə́. De kə́ dəngam gə̄ kə́ asən̄ kutə jōó gidə i mí ń noō ndin̄ ta róbə́ kə́ yā kudəń kə̄ kem loo kə́ táĺ tə́, dɔ dáń ngōn̄ kújə́ kə́ ta róbə́ tə́ kə loo tun̄ yá̰á̰ tə́. Nin̄ tūrə̄n̄ gidədə́ adə̄n̄ loo kə́ táĺ ba ɔsən̄ kejədə́ nang tə́ ō, ɔsən̄ nodə́ nang tə́ ō, kumdə́ sɔɔ̄ gír ɓē, yā rɔȳń mbang.

EJEKIEL 8:3

Ni-əla yá̰á̰ kógə̄ḿ kə́ to tītə̄ jīn beé əhɔń nənga. Anī loo ka̰a̰ yá̰á̰ kə́ ḭḭ rɔ̄ Nə́ɓā tə́ ngeé ń noō ní, Ndíl unəm̄ aw̄ seḿ ɓōdə̄ loo tə́, dɔ dán dɔ rā̰ nin̄ kə dɔ nangaá tə́, ba aw̄ seḿ Jerusalem. Ta róbə́ kə́ dām̄ mbɔ́r ɓē kə́ ko̰ó̰ tə́ kə́ yā kudəń kə̄ kem ɓēé ní, m-á̰a̰ rɔ̄ḿ i kemeé, loo ń udən̄ ɓesə̄ tū tə́ ní tə́. Ɓesə̄ ní i ndū kə́ tájə̄n̄neé Nə́ɓā.

EJEKIEL 3:14

Ndíĺ unəm̄ nang tə́ kum kə̄ dɔɔ́ ní, aw̄ seḿ. Kɔ́ɔ̄ɓē əhɔm̄ kə tɔ́gəneé i kəhɔ kə́ m-ásə dum̄ tan aĺ ō, m-āw̄ i kə kemḿ kə́ nelə̄m̄ aĺ ō, wōn̄g rāām̄ ō.

EJEKIEL 3:12

Loo ń noō tə́ Ndíĺ Nə́ɓā unəm̄ nang tə́ kum kə̄ dɔɔ́, anī m-ōō najə̄ kə́ kun ndū kə̄ dɔɔ́ ngá̰ý kədań ń toō gidəḿ tə́: J-ənī pā tɔ̄ȳ Kɔ́ɔ̄ɓē loo ń ni-rāā yá̰á̰ kə́ to kɔsə gɔn yān tū tə́ ní.

JEJU TEĒ KUM JA̰A̰ 1:10

Ndíĺ Nə́ɓā reē dɔḿ tə́ ndɔ̄ yā Kɔ́ɔ̄ɓē tə́, əhɔm̄ adə̄ m̄-ger̄ gōn, anī m-ōō ndū deē kógə̄ḿ ɓār̄ ngá̰ý tītə̄ kōō bərúnjə beé gōḿ tə́,

KƏLA RĀĀ 8:39

Dan ń teēn̄ kum man̄ tə́ anī, Ndíĺ Kɔ́ɔ̄ɓē un Pilipə aw̄ seneé kɔ̄ɔ́. Áji mbang ní a̰a̰n to̰ alé, ba ni-un róbə yān kə rɔ̄nelēé.

OJEE 5:10

Ngār kə́ Juda tə́ gə̄ a rāān̄ i hál de kə́ ngé ndɔ́tə̄ kə dɔ nin̄ ndɔr̄ yādə́ gēé. Banī m-ā m̄-ɔ̄r̄ man̄ wōn̄g yāḿ dɔdə́ tə́.

EJEKIEL 41:1

Gō tə́ anī, deē ní aw̄ seḿ kem kújə́ kə́ bo kə́ tū kújə yā Kɔ́ɔ̄ɓē tə́. Ndogə̄ mbal̄ gə̄ kə́ kadə róbə́ ń deē a aw̄ń kə̄ tū tə́ tə́ ní, nder̄də́ i kíl deē mehḛ́.

EJEKIEL 37:1

Kɔ́ɔ̄ɓē əhɔm̄ kə tɔ́gəneé. Ndílən aw̄ seḿ, adə̄ m-á̰a̰ rɔ̄ḿ i kem wól loo kógə̄ḿ kə́ kə̄ngā taān̄ loo tū tə́ tə́.

EJEKIEL 22:27

Ngār gə̄ kə́ dɔ gír de gə̄ tə́ ton̄ i tītə̄ soó gə̄ kə́ ngé rə́yā̰ dā̰ kəhɔdə́ gə̄ naā tə́ beē kem ɓē kə́ Jerusalem tə́. Nin̄ tɔ̄lə̄n̄ de gə̄ yā ɓogəń yá̰a̰ kənge yādə́ gə̄.

EJEKIEL 10:19

Anī nin̄ jā̰ā̰n̄ bɔ̄gə̄də́ yā kɔr̄ dɔɔ́. M-á̰á̰də́ loo kḭḭ tə́ nang tə́ kum kə̄ dɔɔ́, naā tə́ kə nja púsə gə̄ ní. Kɔsə gɔn yā Nə́ɓā yā Israel ndə́lē dɔdə́ tə́ dɔɔ́. Nin̄ aw̄ dəban̄ ta róbə́ kə́ yā kudəń kə̄ kem kújə yā Kɔ́ɔ̄ɓē tə́ tə́, dām̄ kə́ gír ɓē tə́.

IJAI 1:23

Ngār yāí gə̄ i de kə́ ngé kəsō wōn̄g gə̄ ō, nin̄ ɓoon̄ rɔ̄də́ tū yā ngé ɓogə gə̄ tə́ ō. Nel̄də́ kə yá̰á̰ gə̄ kə́ adə̄n̄də́ karī ngá̰ý ō, nin̄ ndin̄ dɔ rɔ̄də́ tə́ yā rāā yá̰a̰ malang kə́ tām̄ yā kəngeń yá̰á̰ kə́ kadə̄ karī gə̄ ní ō. Nin̄ rɔ̄ɔ̄n̄ dɔ yá̰á̰ kə́ súmūú yā ngán hal gə̄ tə́ aĺ ō, mbātə́n̄ kun najə̄ yā dəyá̰ kə́ ngaa koy gə̄ kə̄ jīdə́ tə́ ō.

IJAI 1:10

Sḭḭ̄ ngār gə̄ kə́ Sodom, ōōī najə̄ yā Kɔ́ɔ̄ɓē. Sḭḭ̄ gír de kə́ Gomor gə̄, ī-nēlī mbīsí ōōiń yá̰á̰ ndóō yā Nə́ɓā yājí.

2 MBAN̄G 25:23

Dan ń ngol áskar gə̄ malang kə deē yādə́ gēé oōn̄ kadə̄ mban̄g kə́ Babilon əndā Gedalia dɔ ɓē tə́ anī, reēn̄ kə de gə̄ yādə́ gēé əngen̄ Gedalia kem ɓē kə́ Misəpa tə́. Ngol áskar gə̄ ní i Ismael kə́ ngōn̄ Netania ō, Yohanan kə́ ngōn̄ Karea ō, Seraya kə́ ngōn̄ Tanəhumet kə́ Netopa ō, Yajania ń i de kə́ gír kojə yā Maaka tə́ ní ō.

2 MBAN̄G 2:16

ba ədanən̄ na n-aw̄n̄ kə de kə́ kəhɔ rɔ̄də́ tɔgə gə̄ kutə mí adə̄ na n-a n-əlan̄də́ sāā kɔ́ɔ̄n tə́. Tɔdɔ̄ Ndíĺ Kɔ́ɔ̄ɓē ń na un kɔ́ɔ̄n aw̄ seneé ní majanī na aw̄ ənīn dɔ mbal̄ kógə̄ḿ tə́, aláa wól loo kə́rēý tə́. Elije tél ədadə́ na: Ī-lōōī kəla deē!

1 MBAN̄G GƏ̄ 18:12

Ré m-ə́ya̰ī ba m-ɔ́tə kɔ̄ɔ́ anī, Ndíĺ Kɔ́ɔ̄ɓē a reē yā kuniī kaw̄ seí loo kə́ m-ā m̄-ger̄ aĺ tə́. Ré m-ə́da Akab kōōí ba əngeī aĺ anī a tɔ̄lə̄m̄. Tá mā m-ə́lá gír ɓōĺ Kɔ́ɔ̄ɓē i dan ń mā i balsáá ɓáý ní.

EJEKIEL 10:22

Ta kumdə́ gə̄ ní to tītə̄ ta kum yá̰á̰ kə́ kə kumuú gə̄ ń m-á̰á̰də́ kadə ba Kebar tə́ ní. Serubḛ gə̄ ní njə̄rān̄ kumdə́ i súmūú nodə́ tə́.

EJEKIEL 40:6

Ni-aw̄ ta róbə́ ń deē ra kújə yā Kɔ́ɔ̄ɓē tə́ anī i kə̄ dām̄ kə́ gír ɓē tə́ ní. Ni al̄ dɔ loo kəndā nja kə́ yā kalə̄ń kə̄ dɔɔ́ tə́. Gō tə́ anī ni mbɔ̄jə́ ngāl̄ loo ní, malang ɓáa i kíl deē mehḛ́.