EJEKIEL 10:4 - Bibəl ta Sar̄

⁴ Kɔsə gɔn yā Kɔ́ɔ̄ɓē ń i dɔɔ́ dɔ Serubḛ gə̄ tə́ ní, ḭḭ aw̄ kum kə̄ ta róbə kə́ yā kudəń kə̄ kem kújə yā Kɔ́ɔ̄ɓē tə́ tə́. Loo ń noō tə́ kil̄ man̄ reē taā kem kújə yā Kɔ́ɔ̄ɓē ō, loo kə́ unjə̄ kow yā kɔsə gɔn yā Kɔ́ɔ̄ɓē taā loo ndágə loo kə́ gīr̄ gidə kújə yā Kɔ́ɔ̄ɓē tə́.

Bible sar

⁴ *Kɔsə gɔn yā Kɔ́ɔ̄ɓē ń i dɔɔ́ dɔ *Serubḛ gə̄ tə́ ní, ḭḭ aw̄ kum kə̄ ta róbə kə́ yā kudəń kə̄ kem *kújə yā Kɔ́ɔ̄ɓē tə́ tə́. Loo ń noō tə́ kil̄ man̄ reē taā kem kújə yā Kɔ́ɔ̄ɓē ō, loo kə́ unjə̄ kow yā *kɔsə gɔn yā Kɔ́ɔ̄ɓē taā loo ndágə loo kə́ gīr̄ gidə kújə yā Kɔ́ɔ̄ɓē tə́.

EJEKIEL 10:4 Referans Kwoze

EJEKIEL 1:28

Loo kə́ unjə̄ kow ń gīr̄ gidən ní, to tītə̄ kə́ dēsə́ bā kə́ teē tū kil̄ man̄ tə́ ndɔ̄ man̄ kə́ edə tə́ beē. Yá̰á̰ ní ɔjə i kum gotə kɔsə gɔn yā Kɔ́ɔ̄ɓē. Dan ń m-á̰a̰ā̰ anī, m̄-teē m-ə̄sō m̄-sébə kumḿ nang tə́. Anī m-oō ndū deē kógə̄ḿ ɔr̄ najə̄ seḿ.

EJEKIEL 9:3

Anī kɔsə gɔn yā Nə́ɓā yā Israel ń i dɔɔ́ dɔ Serubḛ gə̄ tə́ ní, ḭḭ aw̄ kum kə̄ ta róbə́ kə́ yā kudəń kə̄ kem kújə yā Kɔ́ɔ̄ɓē tə́ tə́. Loo ń noō tə́ Kɔ́ɔ̄ɓē ɓāŕ deē ń o̰ō̰ kūbə̄ lḛ́ḛ ba do̰ō̰ bar ndang yá̰a̰ tū ndāŕ kə́ ɓōdə̄n tə́ ní,

JEJU TEĒ KUM JA̰A̰ 15:8

Sa ń i yá̰á̰ kə́ ɔsə kum gotə kɔsə gɔn yā Nə́ɓā ō, tɔ́gən ō ní, taā kem kújə yā Kɔ́ɔ̄ɓē malang. Deē asə kudə kem kújə yā Kɔ́ɔ̄ɓē tə́ alé, bátə́ kadə̄ gíŕ yá̰á̰ kə́ tōr̄ kə́ sīrí gə̄ yā de kə́ dɔ rā̰ tə́ kə́ sīrí gə̄ ní gān̄g pá tá.

EJEKIEL 10:18

Kɔsə gɔn yā Kɔ́ɔ̄ɓē ndɔ́tə̄ kɔ̄ɔ́ ta kújə yā Kɔ́ɔ̄ɓē tə́ ba aw̄ ra dɔ Serubḛ gə̄ tə́.

Teē Ngán Israel gə̄ 40:35

Moijə asə kudə kem kújə kənge naā tə́ alé, tɔdɔ̄ kil̄ man̄ utə̄ dɔ ō, kɔsə gɔn yā Kɔ́ɔ̄ɓē taā kem malang ō.

Makətūbə̄ yā Aje 2:9

Tá kújə́ kə́ bo kə́ kijə yān ń toō, a majə yā mān̄ nge kə́ kété. Na n-adə̄sí lɔm loo ń toō tə́. I Kɔ́ɔ̄ɓē kə́ bo kə́ tɔ́gən i ngá̰ý n əda najə̄ ń toō ní.

EJEKIEL 43:5

Ndíĺ Nə́ɓā unəm̄ dɔɔ́ ba aw̄ seḿ ndágə loo kə́ gīr̄ gidə kújə yā Kɔ́ɔ̄ɓē kə́ kemeé tə́. M-á̰a̰ kadə̄ kɔsə gɔn yā Kɔ́ɔ̄ɓē taā loo kem kújə yā Kɔ́ɔ̄ɓē tə́.

TƏ́DA 16:19

Kore ɓāŕ de kə́ gōn tə́ gə̄ malang adə̄ reē ran̄ ta kújə́ ní tə́. Anī kɔsə gɔn yā Kɔ́ɔ̄ɓē teē ta kum ngán Israel gə̄ tə́ malang adə̄ a̰a̰n̄.

Teē Ngán Israel gə̄ 40:34

Kil̄ man̄ reē utə̄ dɔ kújə kənge naā malang ō, kɔsə gɔn yā Kɔ́ɔ̄ɓē reē taā kem kújə yān malang ō.

IJAI 6:1

I ɓāl̄ ń mban̄g Ojias oy ń tə́ ní. Ndɔ̄ kógə̄ḿ tə́ anī, m-á̰á̰ yá̰á̰ kógə̄ḿ. Kɔ́ɔ̄ɓē ndi i dɔ kōr̄ kāgə̄ mbang kógə̄ḿ kə́ ngāl̄ ngá̰ý kum kə̄ dɔɔ́ tə́. Kūbə̄ kə́ rɔ̄n tə́ taā loo kə́ kem kújə yā Kɔ́ɔ̄ɓē tə́ malang.

EJEKIEL 43:2

Loo ń noō tə́ m-á̰a̰ kɔsə gɔn yā Nə́ɓā yā Israel. Kɔsə gɔn ní ḭḭ i dām̄ kə́ gír ɓē tə́ n a reē. Kōō kɔsə gɔn ní ɓār̄ tītə̄ kōō bā bo beé ō, loo yān kə́ unjə̄ kow unjə̄ adə̄ de gə̄ a̰a̰nə̄ń loo dɔ nang tə́ ō.

EJEKIEL 44:4

Gō tə́ anī deē ní teē seḿ kə ta róbə́ kə́ dām̄ kə́ mbɔ́r ɓē kə́ ko̰ó̰ tə́ ba aw̄ seḿ bátə́ ta kújə yā Kɔ́ɔ̄ɓē tə́. M-á̰a̰ loo anī m-á̰a̰ kɔsə gɔn yā Kɔ́ɔ̄ɓē kə́ taā kem kújə yā Kɔ́ɔ̄ɓē malang. Anī m-ɔ́sə kejəḿ nang tə́ ba m-ɔ́sə noḿ nang tə́.