EJEKIEL 10:22 - Bibəl ta Sar̄

²² Ta kumdə́ gə̄ ní to tītə̄ ta kum yá̰á̰ kə́ kə kumuú gə̄ ń m-á̰á̰də́ kadə ba Kebar tə́ ní. Serubḛ gə̄ ní njə̄rān̄ kumdə́ i súmūú nodə́ tə́.

Bible sar

²² Ta kumdə́ gə̄ ní to tītə̄ ta kum yá̰á̰ kə́ kə kumuú gə̄ ń m-á̰á̰də́ kadə ba Kebar tə́ ní. *Serubḛ gə̄ ní njə̄rān̄ kumdə́ i súmūú nodə́ tə́.

EJEKIEL 10:22 Referans Kwoze

EJEKIEL 10:11

Nin̄ asən̄ kaw̄ kum kə̄ kété kumdə́ sɔɔ̄ loo kə́ gíŕ sɔ́ gə̄ kanjə̄ rōngō werere. I loo ń dɔ Serubḛ gə̄ tūr̄ kum kə̄ tū tə́ ní n nin̄ a aw̄n̄ kum kə̄ tū tə́ ní. Nin̄ aw̄n̄ kum kə̄ kété i kanjə̄ rōngō.

EJEKIEL 1:10

Nin̄ kógə̄ḿ kógə̄ḿ malang ní ta kumdə́ gə̄ ń toō i noó: Ta kumdə́ kə́ to tītə̄ ta kum deē i noó ō, ta kumdə́ kə́ to tītə̄ ta kum ɓɔl i dām̄ kə́ ko̰ó̰ tə́ ō, ta kumdə́ kə́ to tītə̄ ta kum man̄g kə́ bəra i dām̄ kə́ geleé tə́ ō, ta kumdə́ kə́ to tītə̄ ta kum kə̄rō i noó ō.

OJEE 14:9

Epəraim, yá̰á̰ kə́ ɓoojí naā tə́, mā ō, nə́ɓā kə́ rɔ̄kum aĺ gə̄ ō to nuú ɓáý a? Mā m̄-tūrī najə̄ tə́ ō, m-ə̄ndā kumḿ gōí tə́ ō. Mā m̄-to tītə̄ kāgə̄ sipəres beé, ni i kāgə̄ kə́ mbīn to mbōl̄ nduju ngándáńg. Kōō yāí gə̄ ń ī-sāādə́ kɔ̄ɔ́ ní, i mā n m-ādī ní.

EJEKIEL 1:12

Nin̄ kógə̄ḿ kógə̄ḿ ní, náā nəkɔ́ ɓáa njə̄rā i súmūú kumən sɔɔ̄ non. Nin̄ aw̄n̄ i kum kə̄ loo ń kemdə́ ndigə ní tə́, kanjə̄ tūr̄ rɔ̄də́.

EJEKIEL 1:1

Kem ɓāl̄ ń ɓālə̄ḿ i kutə mətá ní, kə ndɔ̄ kə́ nge ko̰ mí yā nāā kə́ nge ko̰ sɔ́ anī, mā Ejekiel ngōn̄ Buji kə́ nge tun̄ yá̰a̰, m̄-ra i dan Jipə gə̄ ń ɔyən̄də́ dɔ gúú tə́ aw̄n̄ sedə́ kadə man̄ Kebar tə́ ní. Anī m-á̰a̰ ta dɔ rā̰ teē ra wōyōó ō, Nə́ɓā rāā adə̄ m-á̰á̰ yá̰a̰ gə̄ ō. I kem ɓāl̄ ɓəlo yā mban̄g Joakin kə́ nge ko̰ mí tə́. m̄-ra i kem ɓē yā Babilon gə̄ tə́ kadə man̄ Kebar tə́. Kɔ́ɔ̄ɓē ɔr̄ najə̄ seḿ i loo ń noō tə́ ō, tɔ́gən əhɔm̄ i loo ń noō tə́ ō.

EJEKIEL 1:9

Ta bɔ̄gə̄də́ gə̄ ɔdə naā. Nin̄ njə̄rān̄ i kumdə́ súmūú kanjə̄ tūr̄ rɔ̄də́.

EJEKIEL 10:21

Nin̄ kógə̄ḿ kógə̄ḿ ní ta kumdə́ i sɔ́ sɔ́ ō, bɔ̄gə̄də́ i sɔ́ sɔ́ ō, jī kə́ to tītə̄ jī deē i gír bɔ̄gə̄də́ gə̄ tə́ ō.

EJEKIEL 11:1

Ndíl Kɔ́ɔ̄ɓē unəm̄ nang tə́ kum kə̄ dɔɔ́, ba aw̄ seḿ ta kújə yā Kɔ́ɔ̄ɓē kə́ dām̄ kə́ gír ɓēé tə́. De kə́ dəngam gə̄ kutə jōó gidə i mí ndin̄ ta róbə́ tə́. M-á̰a̰ ngār gə̄ yā ngán Israel gə̄ jōó dandə́ tə́ m̄-ger̄də́. I Yajania kə́ ngōn̄ Ajur ō, Pelatia kə́ ngōn̄ Benaya ō.

EJEKIEL 43:3

Yá̰á̰ ń m-á̰a̰ā̰ ní, to tītə̄ yá̰á̰ ń m-á̰a̰ā̰ kété dan ń Kɔ́ɔ̄ɓē reēń nujə ɓē kə́ Jerusalem tə́ ō, dan ń m̄-rāń kadə bā Kebar tə́ ní ō. Loo ń noō tə́ m̄-tétə̄ kejəḿ nang tə́ ō, m-ɔ́sə noḿ nang tə́ ō.