EJEKIEL 10:19 - Bibəl ta Sar̄

¹⁹ Anī nin̄ jā̰ā̰n̄ bɔ̄gə̄də́ yā kɔr̄ dɔɔ́. M-á̰á̰də́ loo kḭḭ tə́ nang tə́ kum kə̄ dɔɔ́, naā tə́ kə nja púsə gə̄ ní. Kɔsə gɔn yā Nə́ɓā yā Israel ndə́lē dɔdə́ tə́ dɔɔ́. Nin̄ aw̄ dəban̄ ta róbə́ kə́ yā kudəń kə̄ kem kújə yā Kɔ́ɔ̄ɓē tə́ tə́, dām̄ kə́ gír ɓē tə́.

Bible sar

¹⁹ Anī nin̄ jā̰ā̰n̄ bɔ̄gə̄də́ yā kɔr̄ dɔɔ́. M-á̰á̰də́ loo kḭḭ tə́ nang tə́ kum kə̄ dɔɔ́, naā tə́ kə nja púsə gə̄ ní. Kɔsə gɔn yā Nə́ɓā yā *Israel ndə́lē dɔdə́ tə́ dɔɔ́. Nin̄ aw̄ dəban̄ ta róbə́ kə́ yā kudəń kə̄ kem kújə yā Kɔ́ɔ̄ɓē tə́ tə́, dām̄ kə́ gír ɓē tə́.

EJEKIEL 10:19 Referans Kwoze

EJEKIEL 43:4

Kɔsə gɔn yā Kɔ́ɔ̄ɓē udə kem kújə yā Kɔ́ɔ̄ɓē tə́, kə ta róbə́ kə́ dām̄ kə́ gír ɓē tə́.

EJEKIEL 11:1

Ndíl Kɔ́ɔ̄ɓē unəm̄ nang tə́ kum kə̄ dɔɔ́, ba aw̄ seḿ ta kújə yā Kɔ́ɔ̄ɓē kə́ dām̄ kə́ gír ɓēé tə́. De kə́ dəngam gə̄ kutə jōó gidə i mí ndin̄ ta róbə́ tə́. M-á̰a̰ ngār gə̄ yā ngán Israel gə̄ jōó dandə́ tə́ m̄-ger̄də́. I Yajania kə́ ngōn̄ Ajur ō, Pelatia kə́ ngōn̄ Benaya ō.

EJEKIEL 10:1

Loo kə́ rāā gār̄ tītə̄ gār̄ kújə́ ń i dɔɔ́ dɔ Serubḛ gə̄ tə́ ní, m-ə̄ndā ma̰ȳ anī, m-á̰á̰ yá̰á̰ kógə̄ḿ kə́ to tītə̄ mbal̄ sapir beé tū tə́. Rāān̄ yá̰á̰ ní adə̄ to tītə̄ kōr̄ kāgə̄ mbang beé.

EJEKIEL 8:16

Loo ń noō tə́ ni unəm̄ aw̄ seḿ kum kə̄ ndágə loo kə́ gīr̄ gidə kújə yā Kɔ́ɔ̄ɓē kə́ kem kújə yā Kɔ́ɔ̄ɓē tə́. De kə́ dəngam gə̄ kə́ asən̄ kutə jōó gidə i mí ń noō ndin̄ ta róbə́ kə́ yā kudəń kə̄ kem loo kə́ táĺ tə́, dɔ dáń ngōn̄ kújə́ kə́ ta róbə́ tə́ kə loo tun̄ yá̰á̰ tə́. Nin̄ tūrə̄n̄ gidədə́ adə̄n̄ loo kə́ táĺ ba ɔsən̄ kejədə́ nang tə́ ō, ɔsən̄ nodə́ nang tə́ ō, kumdə́ sɔɔ̄ gír ɓē, yā rɔȳń mbang.

EJEKIEL 43:1

Ta róbə́ ń deē ra kújə yā Kɔ́ɔ̄ɓē tə́ anī i kə̄ dām̄ kə́ gír ɓē tə́ ní, deē ní aw̄ seḿ kum kə̄ tū tə́.

EJEKIEL 43:2

Loo ń noō tə́ m-á̰a̰ kɔsə gɔn yā Nə́ɓā yā Israel. Kɔsə gɔn ní ḭḭ i dām̄ kə́ gír ɓē tə́ n a reē. Kōō kɔsə gɔn ní ɓār̄ tītə̄ kōō bā bo beé ō, loo yān kə́ unjə̄ kow unjə̄ adə̄ de gə̄ a̰a̰nə̄ń loo dɔ nang tə́ ō.