EJEKIEL 10:18 - Bibəl ta Sar̄

¹⁸ Kɔsə gɔn yā Kɔ́ɔ̄ɓē ndɔ́tə̄ kɔ̄ɔ́ ta kújə yā Kɔ́ɔ̄ɓē tə́ ba aw̄ ra dɔ Serubḛ gə̄ tə́.

Bible sar

¹⁸ *Kɔsə gɔn yā Kɔ́ɔ̄ɓē ndɔ́tə̄ kɔ̄ɔ́ ta kújə yā Kɔ́ɔ̄ɓē tə́ ba aw̄ ra dɔ *Serubḛ gə̄ tə́.

EJEKIEL 10:18 Referans Kwoze

PĀ GƏ̄ 18:10

Kɔ́ɔ̄ɓē tetə ta dɔ rā̰ kə̄ nang tə́ ba risə. Kil̄ man̄ kə́ ndul ndḭ́ ndḭ́ i gír njan tə́.

OJEE 9:12

Ká ré nin̄ a ngɔ̄mə̄n̄ ngán gə̄ gə̄gē anī, m-ā m̄-taādə́ jīdə́ tə́ kɔ̄ɔ́ yā kadə̄ deē kógə̄ḿ na̰yń alé. A̰á̰ā̰, kə́ rɔ̄kum tə́ ní, i yá̰á̰ kə́ to kum kaȳ aĺ kə́ ba̰ý beē tām̄ yā Epəraim gə̄ tə́ dan ń m-ā-ə́yá̰də́ ba m-ā m-āw̄ sa̰y kɔ̄ɔ́ ní!

JEREMI 6:8

Jerusalem, ādə̄ yá̰á̰ ń m̄-ndóōī ní udə dɔí tə́. Ré i beé aĺ anī, m-ā m-ɔ̄r̄ jīḿ gírí tə́ kɔ̄ɔ́. M-ā m̄-rāāī kadə̄ ī-tél loo kə́ nujə sák sák kɔ̄ɔ́ ō, ɓē kə́ de gə̄ ndin̄ kemeé aĺ ō.

2 MBAN̄G 2:11

Nin̄ wálə̄n̄ najə̄ dɔɔ́ dɔɔ́ a aw̄n̄neé anī, púsə hor kógə̄ḿ kə sə́nda hor gēé kēgə̄ndə́ naā tə́. Eli aw̄ dɔ rā̰ tə́ dan nél māĺ tə́.

TA KƏLA 3:24

Kɔ́ɔ̄ɓē Nə́ɓā tə̄ɓādə́ kɔ̄ɔ́ ba əndā de kə́ dɔ rā̰ tə́ gə̄ kə́ ngé ngɔ̄m̄ loo gə̄ ta ndɔr̄ kə́ Eden tə́, dām̄ kə́ dūn̄ ɓē tə́, kə kaskar kə́ to tītə̄ ndo̰ hor kə́ tūr̄ gidə naā tə́, kadə̄ ngɔ̄mə̄n̄ ta róbə́ kə́ yā kaw̄ń kə̄ rɔ̄ kāgə̄ kə́ deē əsa anī a ndi kə kumuú ní tə́.

NGÉ SARYA 19:27

Ngaan ḭḭ dɔɔ́ teē ta kújə ba teē ndágá yā kɔr̄ dɔɔ́ kaw̄. Anī a̰a̰n to ta kújə́ tə́ ba ɓōkə́ jīn kə̄ ta róbə́ kújə́ tə́.

EJEKIEL 41:16

Kāgə̄ ta ko̰rō̰ kújə gə̄ ō, róbə́ kə́ yā mānəń gə̄ ō ń ton̄ kə gō gidə looó kem kújə́ kə́ mətá gə̄ ń ndin̄ dɔ naā tə́ ta kaw̄ dɔɔ́ tə́ ní, utə̄n̄ gidədə́ kə kāgāá ō. Loo i kāgə̄ malang, əla gír nang tə́ bátə́ ugə̄ń tū ko̰rō̰ kújə gə̄ tə́. Ko̰rō̰ kújə gə̄gē utə̄n̄ gidə kɔ̄ɔ́ kə kāgə̄ kə́ laa mbé mbé.

EJEKIEL 43:2

Loo ń noō tə́ m-á̰a̰ kɔsə gɔn yā Nə́ɓā yā Israel. Kɔsə gɔn ní ḭḭ i dām̄ kə́ gír ɓē tə́ n a reē. Kōō kɔsə gɔn ní ɓār̄ tītə̄ kōō bā bo beé ō, loo yān kə́ unjə̄ kow unjə̄ adə̄ de gə̄ a̰a̰nə̄ń loo dɔ nang tə́ ō.

PĀ GƏ̄ 18:11

Ni al̄ de kə́ dɔ rā̰ tə́ sə́ndá tə́ ba ḭḭń bɔ̄gə̄. Ni nēl̄ dɔ bɔ̄gə̄ néĺ tə́.

PĀ GƏ̄ 99:1

Kɔ́ɔ̄ɓē i mban̄g. Ādə̄ gír nápar de gə̄ ndewn̄! Kōr̄ kāgə̄ mbang yān ndi i dɔɔ́ dɔ de kə́ dɔ rā̰ tə́ kə́ ngé ngɔ̄m̄ loo gə̄ tə́. Ādə̄ dɔ nang ndebə ngin ngin!

EJEKIEL 8:6

Ni-əda ɓáý to̰ na: Ḭ̄ ngōn̄ deē, á̰a̰ yá̰á̰ ń a rāān̄ noó a? Ngán Israel gə̄ rāān̄ yá̰á̰ kə́ majaĺ ngá̰ý loo ń toō tə́ laā yā kadə̄ m-ɔ̄rəń rɔ̄ḿ kɔ̄ɔ́ loo kə́ táĺ yāḿ tə́ ba m-āw̄ sa̰y ní a? Tá ā á̰á̰ yá̰á̰ kə́ rang kə́ majaĺ ngá̰ý gə̄ ɓáý to̰.

EJEKIEL 28:14

Kété ní m̄-gə̄rāī kadə̄ ḭ̄ i Serubḛ kə́ nge ngɔ̄m̄ loo kə́ ī-jā̰ā̰ bɔ̄gīí. Ī-ndi dɔ mbal̄ yāḿ kə́ táĺ tə́ ō, ā ī-njə̄rā i dan mbal̄ kə́ ndə́lē ngá̰ý gə̄ tə́ ō.