EJEKIEL 10:10 - Bibəl ta Sar̄

¹⁰ Nja púsə́ kə́ sɔ́ gə̄ ní teēn̄ naā malang ō, to tītə̄ kə́ tə́lan̄də́ i kem naā tə́ beé ō.

Bible sar

¹⁰ Nja púsə́ kə́ sɔ́ gə̄ ní teēn̄ naā malang ō, to tītə̄ kə́ tə́lan̄də́ i kem naā tə́ beé ō.

EJEKIEL 10:10 Referans Kwoze

EJEKIEL 1:16

Nja púsə gə̄ ní ndə́lēn̄ tītə̄ mbal̄ kə́ gātə̄n i ngá̰ý beē. Nin̄ ton̄ tītə̄ naā malang ō, to tītə̄ kə́ tə́lan̄də́ i kem naā tə́ beē ō.

Makətūbə̄ ń Pol ndang adə̄ Rom gə̄ ní 11:33

Yá̰a̰ kənge yā Nə́ɓā ō, kum kedə̄ yān ō, yá̰a̰ ger̄ yān ō, i yá̰á̰ kə́ to ɓōĺ ngá̰ý, adə̄ deē a asə ka̰a̰ ta tɔ̄l̄ tan alé. De kə́ asə ndō̰ gíŕ yá̰a̰ rāān ní gətóo. De kə́ asə ger̄ gō róbə yān gə̄ gətóo ō.

PĀ GƏ̄ 104:24

Kɔ́ɔ̄ɓē, kəla rāāí gə̄ i ngá̰ý! Ḭ̄ ī-rāādə́ malang i kə kum kedēé, yá̰a̰ gə̄ ń ə̄ndādə́ ní taān̄ loo dɔ nang tə́ malang.

PĀ GƏ̄ 97:2

Loo kə́ ndul ndí ndḭ́ ō kil̄ man̄ ō gīrə̄n̄ gidən, yá̰a̰ rāā kə́ gōtə́ ō kə́ súmūú ō i bir̄ nja kōr̄ kāgə̄ mbang yān gə̄.

PĀ GƏ̄ 36:6

Kɔ́ɔ̄ɓē, kem majə yāí asə naā kə dɔ rā̰á̰ ō, ra dɔ ndūí tə́ yāí aw̄ bátə́ ənge kil̄ man̄ gə̄ dɔɔ́ ō.

EJEKIEL 10:9

M-á̰a̰ nja púsə gə̄ sɔ́ kadə Serubḛ gə̄ tə́ ō. Nja púsə́ kógə̄ḿ i kadə Serubḛ kógə̄ḿ tə́ kə dɔdə́ gēé. Nja púsə gə̄ ní ndə́lēn̄ tītə̄ mbal̄ kógə̄ḿ kə́ gātə̄n i ngá̰ý beē.

EJEKIEL 10:11

Nin̄ asən̄ kaw̄ kum kə̄ kété kumdə́ sɔɔ̄ loo kə́ gíŕ sɔ́ gə̄ kanjə̄ rōngō werere. I loo ń dɔ Serubḛ gə̄ tūr̄ kum kə̄ tū tə́ ní n nin̄ a aw̄n̄ kum kə̄ tū tə́ ní. Nin̄ aw̄n̄ kum kə̄ kété i kanjə̄ rōngō.

1 MBAN̄G GƏ̄ 7:30

Nja púsə gə̄ ní i sɔ́sɔ́ kə dɔdə́ gēé malang. Rāān̄də́ i kə gində̄ nə̄ngá kasaá. Əhɔn̄də́ ta naā tə́ i kə gində̄ nə̄ngá kasaá. Gində̄ nə̄ngá kasə gə̄ ní tə́lan̄də́ i kílən kə́ sɔ́ gə̄ tə́ tū njadə́ gə̄ tə́. Nōn̄ njan gə̄ i tū kádər púsə gə̄ ní tə́. Ba njan gə̄ ní ngāl̄ mānə̄n̄ kəlā hútə̄ kámbə gə̄ alé.

EJEKIEL 1:1

Kem ɓāl̄ ń ɓālə̄ḿ i kutə mətá ní, kə ndɔ̄ kə́ nge ko̰ mí yā nāā kə́ nge ko̰ sɔ́ anī, mā Ejekiel ngōn̄ Buji kə́ nge tun̄ yá̰a̰, m̄-ra i dan Jipə gə̄ ń ɔyən̄də́ dɔ gúú tə́ aw̄n̄ sedə́ kadə man̄ Kebar tə́ ní. Anī m-á̰a̰ ta dɔ rā̰ teē ra wōyōó ō, Nə́ɓā rāā adə̄ m-á̰á̰ yá̰a̰ gə̄ ō. I kem ɓāl̄ ɓəlo yā mban̄g Joakin kə́ nge ko̰ mí tə́. m̄-ra i kem ɓē yā Babilon gə̄ tə́ kadə man̄ Kebar tə́. Kɔ́ɔ̄ɓē ɔr̄ najə̄ seḿ i loo ń noō tə́ ō, tɔ́gən əhɔm̄ i loo ń noō tə́ ō.