EJEKIEL 10:1 - Bibəl ta Sar̄

¹ Loo kə́ rāā gār̄ tītə̄ gār̄ kújə́ ń i dɔɔ́ dɔ Serubḛ gə̄ tə́ ní, m-ə̄ndā ma̰ȳ anī, m-á̰á̰ yá̰á̰ kógə̄ḿ kə́ to tītə̄ mbal̄ sapir beé tū tə́. Rāān̄ yá̰á̰ ní adə̄ to tītə̄ kōr̄ kāgə̄ mbang beé.

Bible sar

¹ Loo kə́ rāā gār̄ tītə̄ gār̄ kújə́ ń i dɔɔ́ dɔ *Serubḛ gə̄ tə́ ní, m-ə̄ndā ma̰ȳ anī, m-á̰á̰ yá̰á̰ kógə̄ḿ kə́ to tītə̄ mbal̄ *sapir beé tū tə́. Rāān̄ yá̰á̰ ní adə̄ to tītə̄ kōr̄ kāgə̄ mbang beé.

EJEKIEL 10:1 Referans Kwoze

Teē Ngán Israel gə̄ 24:10

Nin̄-a̰a̰n̄ Nə́ɓā yā Israel. Yá̰á̰ kə́rēý kə́ to tītə̄ mbal̄ sapir kə́ kɔsə̄ kə ta naá i gír njan tə́. Yá̰á̰ ní unjə̄ njáý njáý, ɓálən to tītə̄ ɓál dɔ rā̰ kə́ a̰a̰ rá ráńg beē.

JEJU TEĒ KUM JA̰A̰ 1:13

ba deē kógə̄ḿ kə́ to tītə̄ ngōn̄ deē ra dan ɗəra hor gə̄ ní tə́. Kɔ́ɔ̄ o̰ō̰ kūbə̄ ngāl̄ kə́ ɔdə gidə njan nang tə́ ō, do̰ō̰ kadən kə kəlā lɔ́rɔ́ ō.

1 PIYER 3:22

Jeju ngeé ń toō aw̄ dɔ rā̰ tə́ ba ndi dɔ jī ko̰ Nə́ɓā tə́. Ni-ndi noó o̰o̰ń ɓē dɔ de kə́ dɔ rā̰ tə́ gə̄ tə́ ō, dɔ ngé ko̰o̰ ɓē kə́ rang gə̄ kə́ dɔ rā̰ tə́ ō, dɔ ngé tɔ́gə gə̄ kə́ dɔ rā̰ tə́ ō.

EPEJƏ 1:20

ni-ɔjə kə̄ ndágá dan ń ndóləń Jeju Kərist dan de kə́ koy gə̄ tə́, ba aw̄ń seneé aw̄ əndān dɔ jī ko̰n tə́ dɔ rā̰ tə́ ní.

JA̰A̰ 1:18

Deē kógə̄ḿ kə́ a̰a̰ Nə́ɓā gətóó bátə́. Ba Ngōn̄ Nə́ɓā kə́ kal kógə̄ḿ beē ń ndi naā tə́ ngándáńg kə Bɔbə̄ Ngōnōó ní, ni a rāā kadə̄ a ger̄nən̄.

HABAKUK 2:1

Mā m̄-ndigə ra loo ngɔ̄m̄ loo ń əndāmə̄n̄ tū tə́ ní tə́. M-ā m̄-ra kə njaḿ dɔɔ́ dɔ ndogə̄ mbal̄ kə́ yā rɔ̄ɔ̄ń dɔ ɓē tə́ tə́. M-ā m̄-ngóō yā ger̄ yá̰á̰ ń Nə́ɓā a ədam̄ ní ō, yā ger̄ loo dal ń ni a dal nōō rɔ̄ yāḿ gə̄ ní ō.

EJEKIEL 11:22

Loo ń noō tə́ Serubḛ gə̄ jā̰ā̰n̄ bɔ̄gə̄də́ ō, nja púsə gə̄ ní əlan̄ gíŕ ndɔ́tə̄ naā tə́ sedə́ ō. Kɔsə gɔn yā Nə́ɓā yā Israel ndə́lē dɔdə́ tə́ dɔɔ́.

EJEKIEL 10:20

M-á̰á̰ yá̰á̰ kə́ kə kumuú gə̄ ní kété dan ń m̄-rāń kadə bā Kebar tə́ ní, adə̄ m̄-ger̄ kadə̄ yá̰a̰ gə̄ ní i Serubḛ gə̄.

JEREMI 13:8

Anī Kɔ́ɔ̄ɓē ɔr̄ najə̄ seḿ əda na:

JEREMI 13:6

Ndɔ̄ ngá̰ý gō tə́ anī, Kɔ́ɔ̄ɓē ədam̄ na: Ḭ́ḭ dɔɔ́ āw̄ kum kə̄ Opəratə tə́ ba un ta kūbə̄ do̰ō̰ ɓōdə̄ ń m-ə́daī na kə ī-ɓɔ̄ɔ̄ noó ní.

PĀ GƏ̄ 18:10

Kɔ́ɔ̄ɓē tetə ta dɔ rā̰ kə̄ nang tə́ ba risə. Kil̄ man̄ kə́ ndul ndḭ́ ndḭ́ i gír njan tə́.

JOJUE 6:2

Anī Kɔ́ɔ̄ɓē əda Jojue na: Á̰a̰ā̰, m-ə́la ɓē kə́ Jeriko kem jīí tə́, kə mban̄g kə́ kemeé ō, go̰ rɔ̄ɔ̄ gə̄ kə́ kemeé ō.

TA KƏLA 32:30

Jakob əda na: m̄-rāāī ɓɔ́, ə́dam̄ rīí! Anī deē ni-tél ədan na: Ī-dəjem̄ rīḿ i yā rāań rí? Ba ni tɔ́r̄ tan dɔ Jakob tə́ loo nəkɔ́ ń noō tə́.

TA KƏLA 32:24

Ni ɔydə́ teē man̄ sedə́ ō, ɔy yá̰a̰ yān malang teēń man̄ ō.

TA KƏLA 18:31

Abəraham əda na: Ī-mā̰ȳ rɔ̄í dɔḿ tə́ tām̄ ngəra kum tām̄ yāḿ tə́. Majanī, de kə́ súmūú gə̄ i kutə jōó beē ngóy kem ɓēé. Anī Kɔ́ɔ̄ɓē tél ədan na: M-ā m̄-nujə ɓē alé sɔɔ̄ń de kə́ kutə jōó gə̄ ń noō.

TA KƏLA 18:22

Mbā gə̄ ní, kə́ jōó gə̄ aw̄n̄ kum kə̄ Sodom, banī Kɔ́ɔ̄ɓē tá na̰y gogə́ kə Abərahamaá.

TA KƏLA 18:17

Kɔ́ɔ̄ɓē əda na: Yá̰á̰ ń m̄-sāā rāā ní, kə m̄-mundə̄ Abəraham a?

TA KƏLA 18:2

Ni-un kumən kə̄ dɔɔ́ anī, a̰a̰ de gə̄ mətá ran̄ ngɔr rɔ̄n tə́. Dan ń ni a̰a̰də́ anī, ḭḭ ta kújə yān tə́ kə ngɔ̄dɔ̄ɔ́, aw̄ ɔjə nodə́. Ni-ɔsə non nang tə́ nodə́ tə́

TA KƏLA 3:24

Kɔ́ɔ̄ɓē Nə́ɓā tə̄ɓādə́ kɔ̄ɔ́ ba əndā de kə́ dɔ rā̰ tə́ gə̄ kə́ ngé ngɔ̄m̄ loo gə̄ ta ndɔr̄ kə́ Eden tə́, dām̄ kə́ dūn̄ ɓē tə́, kə kaskar kə́ to tītə̄ ndo̰ hor kə́ tūr̄ gidə naā tə́, kadə̄ ngɔ̄mə̄n̄ ta róbə́ kə́ yā kaw̄ń kə̄ rɔ̄ kāgə̄ kə́ deē əsa anī a ndi kə kumuú ní tə́.

EJEKIEL 9:11

Kum mbang ngeé ń noō tə́ ɓáa deē ń o̰ō̰ kūbə̄ lḛ́ḛ ō, ətō bar ndang najə̄ tū ndāŕ kə́ ɓōdə̄n tə́ ō ní, reē ɔjə Nə́ɓā gotə yá̰á̰ ní, əda na: Yá̰á̰ ń ə́dam̄ na kə m̄-rāā ní m̄-rāā kɔ̄ɔ́.

EJEKIEL 1:1

Kem ɓāl̄ ń ɓālə̄ḿ i kutə mətá ní, kə ndɔ̄ kə́ nge ko̰ mí yā nāā kə́ nge ko̰ sɔ́ anī, mā Ejekiel ngōn̄ Buji kə́ nge tun̄ yá̰a̰, m̄-ra i dan Jipə gə̄ ń ɔyən̄də́ dɔ gúú tə́ aw̄n̄ sedə́ kadə man̄ Kebar tə́ ní. Anī m-á̰a̰ ta dɔ rā̰ teē ra wōyōó ō, Nə́ɓā rāā adə̄ m-á̰á̰ yá̰a̰ gə̄ ō. I kem ɓāl̄ ɓəlo yā mban̄g Joakin kə́ nge ko̰ mí tə́. m̄-ra i kem ɓē yā Babilon gə̄ tə́ kadə man̄ Kebar tə́. Kɔ́ɔ̄ɓē ɔr̄ najə̄ seḿ i loo ń noō tə́ ō, tɔ́gən əhɔm̄ i loo ń noō tə́ ō.