EJEKIEL 1:4 - Bibəl ta Sar̄

⁴ Yá̰á̰ ń m-á̰a̰ā̰ ní n toó: Néĺ kógə̄ḿ kə́ bo ḭḭ dām̄ mbɔ́r ɓē kə́ ko̰ó̰ tə́ a reē kə kil̄ man̄ kə́ il̄ ngá̰ý ō, tel̄ man̄ gə̄ teēn̄ tū kil̄ man̄ ní tə́ ō. Loo kə́ unjə̄ kow gīr̄ gidə kil̄ man̄ ní. Banī ngaadan kil̄ man̄ ní i hor kə́ a o̰o̰ ō, ndə́lē tītə̄ lɔ́ŕ kə́ kəla horoó adə̄ kərē beé ō.

Bible sar

⁴ Yá̰á̰ ń m-á̰a̰ā̰ ní n toó: Néĺ kógə̄ḿ kə́ bo ḭḭ dām̄ mbɔ́r ɓē kə́ ko̰ó̰ tə́ a reē kə kil̄ man̄ kə́ il̄ ngá̰ý ō, tel̄ man̄ gə̄ teēn̄ tū kil̄ man̄ ní tə́ ō. Loo kə́ unjə̄ kow gīr̄ gidə kil̄ man̄ ní. Banī ngaadan kil̄ man̄ ní i hor kə́ a o̰o̰ ō, ndə́lē tītə̄ lɔ́ŕ kə́ kəla horoó adə̄ kərē beé ō.

EJEKIEL 1:4 Referans Kwoze

EJEKIEL 1:27

Yá̰á̰ kə́ to tītə̄ deē ní, m-á̰a̰n ndə́lē tītə̄ gində̄ beé ō, to tītə̄ kə́ hor gīr̄ gidən beé ō. Yá̰á̰ kógə̄ḿ kə́ to tītə̄ hor beé i gír kāgə̄ rɔ̄ deē ní tə́ nang tə́ ō, i dɔn tə́ dɔɔ́ ō. Hor ní unjə̄ kow dɔn tə́ kə̄ loo gə̄ tə́ malang

EJEKIEL 8:2

M-á̰á̰ yá̰á̰ kógə̄ḿ kə́ to tītə̄ deē beé. Rɔ̄n kə́ gír loon kə́ to tītə̄ ɓōdə̄n tə́ ní to tītə̄ hor beé. Ba ḭḭ loon kə́ to tītə̄ ɓōdə̄n tə́ kum kə̄ dɔɔ́ ní, loo kə́ unjə̄ kow kógə̄ḿ i tū tə́, ndə́lē tītə̄ lɔ́ŕ kə́ kəla horoó adə̄ kərē beé.

JEREMI 23:19

Á̰a̰ī nél ń əla kə tɔ́gɔ́ noō i wōn̄g yā Kɔ́ɔ̄ɓē kə́ ngá̰ý n ḭḭ seneé ní. Nél balway əla kə ngangá ngá̰ý kum kə̄ dɔ de gə̄ ń najə̄ i dɔdə́ tə́ ní.

JEREMI 25:32

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: Yá̰á̰ kə́ to kum kaȳ aĺ ɔr̄ gō gír de gə̄ tə́ kə gō naá. Néĺ kə́ bo ngá̰ý əla ta ngóy dɔ nang gə̄ tə́.

IJAI 21:1

Najə̄ yā dəla loo kə́ kadə bā bo tə́ ngɔr. Madə̄ ba̰ā̰ ḭḭ dəla loo tə́ reē, ḭḭ i kem ɓē kógə̄ḿ kə́ adə̄ de gə̄ ɓōĺ tə́ n reē, tītə̄ néĺ kə́ əla kə tɔ́gɔ́, kə́ ənda gō nang kə́ Negeb mān̄ beé.

JEJU TEĒ KUM JA̰A̰ 1:15

Njan to tītə̄ gində̄ nə̄ngá kasə kə́ nō horoó beé ō, ndūn ɓār̄ tītə̄ kōō man̄ kə́ ngá̰ý kə́ a ɓār̄ beé ō.

HEBƏRO 12:29

Tɔdɔ̄ Nə́ɓā yājí i hor kə́ a o̰o̰ yá̰a̰.

JEREMI 25:9

m-ā m-ə́la gō gír de kə́ mbɔ́r ɓē kə́ ko̰ó̰ tə́ gə̄ ō, m-ā m̄-ɓār̄ nge kəla yāḿ Nabukodonosor, mban̄g kə́ Babilon tə́ ō, yā reē sedə́ kadə̄ rɔ̄ɔ̄n̄ ɓē ń toō ō, de gə̄ ń ndin̄ kemeé ní ō, kadə̄ rɔ̄ɔ̄n̄ nápar de gə̄ ń ndin̄ kemeé ní ō, kadə̄ rɔ̄ɔ̄n̄ nápar de gə̄ malang ń gīrə̄n̄ gidə ní ō. M-ə̄ndādə́ dɔ jīḿ yā rāādə́ kadə̄ télən̄ ndágə loo kə́ to kum ko̰, kə́ de gə̄ a əgan̄ kɔŕ ɓōĺ dɔ tə́ ō, yá̰á̰ kə́ nujə sák sák kə́ njɔ́ḿ gə̄ tə́ ō.

JEREMI 6:1

Ngán Benjamḛ gə̄, ī-teēī kɔ̄ɔ́ Jerusalem ba ī-sāāī loo ɓɔ̄ɔ̄ rɔ̄ yāsí loo kə́ rang tə́. Ī-kɔ̄ríī tōw̄ Tekoa tə́. Ə́laī dərapóo kə̄ dɔɔ́ dɔ ɓē kə́ Bet Kerem tə́. Yá̰á̰ kə́ to kum kaȳ aĺ ḭḭ dām̄ mbɔ́r ɓē kə́ ko̰ó̰ tə́ a reēsí noó, ā ī-nujiī nujə kə́ to ɓōĺ ngá̰ý.

JEREMI 4:6

Ə́laī dərapóo dɔɔ́ kum kə̄ Siyo̰. Āw̄ ī-ɓɔ̄ɔ̄ī rɔ̄sí, ī-lōōī dəba róbó. I yá̰á̰ kə́ to kum kaȳ aĺ n m̄-rāā kadə̄ ḭḭ dām̄ mbɔ́r ɓē kə́ ko̰ó̰ tə́ yā reē ní. Loo a nujə sák sák.

IJAI 19:1

Najə̄ yā ɓē kə́ Ejiptə. Kɔ́ɔ̄ɓē n toó: Ni-reē dɔ nang kə́ Ejiptə tə́, al̄ i dɔ kil̄ man̄ kógə̄ḿ kə́ ngɔ̄də̄ ngá̰ý tə́. Nə́ɓā kə́ rɔ̄kum aĺ gə̄ kə́ dɔ nang kə́ Ejiptə tə́ ndewn̄ non tə́ ō, tɔ́gə de kə́ Ejiptə gə̄ ur̄ wak kɔ̄ɔ́ ō.

PĀ GƏ̄ 50:3

Ādə̄ Nə́ɓā yājí reē ba ndi tan mbóo alé! Hor kógə̄ḿ a o̰o̰ loo kété non tə́ ō, néĺ kə́ ngan̄g ngá̰ý əla kə gō gidəneé ō.

2 YÁ̰A̰ GƏ̄ 5:13

Ngé kɔ̄ŕ bərúnjə gə̄ gə̄gē, ngé kənī pā gə̄ gə̄gē, ɓōkə́n̄ ndūdə́ gō naā tə́ malang yā tɔ̄yń Kɔ́ɔ̄ɓē ō, kɔsəń gɔnən ō. Dan ń kōō bərúnjə gə̄ ō, gində̄ kə́ laa gə̄ kə́ yā kənda naā tə́ kadə̄ ɓār̄ gə̄ ō, gotə yá̰á̰ kə́ ɓār̄ gōsə̄ kə́ rang gə̄ ō ɓār̄ anī, tɔ̄ȳn̄ Kɔ́ɔ̄ɓē ədan̄ na: Ī-tɔ̄yī Kɔ́ɔ̄ɓē tɔdɔ̄ ni i de kə́ majə ō, tɔdɔ̄ kem majə yān to ngándáńg ō. Loo ń noō tə́ kil̄ man̄ kə́ kem kújə yā Kɔ́ɔ̄ɓē tə́ taā kem kújə malang.

1 MBAN̄G GƏ̄ 19:11

Kɔ́ɔ̄ɓē əda Eli na kə teē kə aw̄ kə ra dɔ mbalá ta kumən tə́ na n-a n-mān̄. Kə ta jī tə́ noō néĺ kógə̄ḿ kə́ ngan̄g ngá̰ý mān̄ kə tɔ́gɔ́ kété no Kɔ́ɔ̄ɓē tə́. Néĺ ní usə kadə mbal̄ bo gə̄ adə̄ ur̄ pul pul ō, tɔ̄ɔ̄ ngán mbal̄ gə̄ ō, banī Kɔ́ɔ̄ɓē i kum néĺ ní tə́ alé. Gō néĺ ní tə́ anī dɔ nang ndebə, banī Kɔ́ɔ̄ɓē i tū dɔ nang ń ndebə ní tə́ alé.

EJEKIEL 13:11

I beé ní, ə́dá ngé rāā hō̰rō̰ kutə̄ń gidə ndogə̄ mbal̄ na: A tɔ̄ɔ̄n̄ ndogə̄ mbal̄ yāsí kɔ̄ɔ́. Man̄ kə́ bo a edə ō, kɔ̄sə̄ a tə́sō ō, nél man̄ a əla kə tɔ́gɔ́ ō.

EJEKIEL 13:13

I beé ní, yá̰á̰ ń mā Kɔ́ɔ̄ɓē Nə́ɓā m-ə́dá ní n toó: Kem wōn̄g yāḿ kə́ ngá̰ý tə́ ní, m-ā m̄-rāā kadə̄ nél man̄ kə́ bo ngá̰ý a əla kə tɔ́gɔ́ ngá̰ý ō, m-ā m̄-rāā kadə̄ man̄ a edə ngá̰ý ō. Kɔ̄sə̄ a tə́sō kə ngangá ngá̰ý yā nujə yá̰a̰ malang kɔ̄ɔ́.

EJEKIEL 43:3

Yá̰á̰ ń m-á̰a̰ā̰ ní, to tītə̄ yá̰á̰ ń m-á̰a̰ā̰ kété dan ń Kɔ́ɔ̄ɓē reēń nujə ɓē kə́ Jerusalem tə́ ō, dan ń m̄-rāń kadə bā Kebar tə́ ní ō. Loo ń noō tə́ m̄-tétə̄ kejəḿ nang tə́ ō, m-ɔ́sə noḿ nang tə́ ō.

JAKARI 6:6

Púsə rɔ̄ɔ̄ ń sə́ndá kə́ ndul gə̄ unən̄ ní, aw̄ kum kə̄ dām̄ mbɔ́r ɓē kə́ ko̰ó̰ tə́ ō, sə́ndá kə́ ndaa gə̄ aw̄n̄ kum kə̄ no ɓē tə́ ō, sə́ndá kə́ ɓál gə̄ aw̄n̄ kum kə̄ dām̄ mbɔ́r ɓē kə́ geleé tə́ ō.

Teē Ngán Israel gə̄ 9:24

Loo ń əndān̄ ɓē kə́ Ejiptə jóó á teēń dan ń noō tə́ ní deē a̰a̰ kɔ̄sə̄ ō, məyā̰ man̄ kə́ to ɓōĺ tītə̄ ń noō ō aĺ ɓáý.

2 MBAN̄G 2:11

Nin̄ wálə̄n̄ najə̄ dɔɔ́ dɔɔ́ a aw̄n̄neé anī, púsə hor kógə̄ḿ kə sə́nda hor gēé kēgə̄ndə́ naā tə́. Eli aw̄ dɔ rā̰ tə́ dan nél māĺ tə́.

Makətūbə̄ yā Job 38:1

Kɔ́ɔ̄ɓē ɔr̄ najə̄ kə Jobó kum nél balway tə́ əda na: