EJEKIEL 1:28 - Bibəl ta Sar̄

²⁸ Loo kə́ unjə̄ kow ń gīr̄ gidən ní, to tītə̄ kə́ dēsə́ bā kə́ teē tū kil̄ man̄ tə́ ndɔ̄ man̄ kə́ edə tə́ beē. Yá̰á̰ ní ɔjə i kum gotə kɔsə gɔn yā Kɔ́ɔ̄ɓē. Dan ń m-á̰a̰ā̰ anī, m̄-teē m-ə̄sō m̄-sébə kumḿ nang tə́. Anī m-oō ndū deē kógə̄ḿ ɔr̄ najə̄ seḿ.

Bible sar

²⁸ Loo kə́ unjə̄ kow ń gīr̄ gidən ní, to tītə̄ kə́ dēsə́ bā kə́ teē tū kil̄ man̄ tə́ ndɔ̄ man̄ kə́ edə tə́ beē. Yá̰á̰ ní ɔjə i kum gotə *kɔsə gɔn yā Kɔ́ɔ̄ɓē. Dan ń m-á̰a̰ā̰ anī, m̄-teē m-ə̄sō m̄-sébə kumḿ nang tə́. Anī m-oō ndū deē kógə̄ḿ ɔr̄ najə̄ seḿ.

EJEKIEL 1:28 Referans Kwoze

JEJU TEĒ KUM JA̰A̰ 10:1

Anī m-á̰a̰ de kə́ dɔ rā̰ tə́ kə́ rang kə́ tɔ́gən i ngá̰ý, ḭḭ dɔ rā̰ tə́ a risə kə̄ nang tə́. Ni-əla kil̄ man̄ rɔ̄n tə́ tītə̄ kūbə̄ beé ō, kə́ dēsə́ bā i dɔn tə́ ō, ta kumən to tītə̄ mbang beé ō, njan to tītə̄ hor kə́ ra kə ngālāá ɓururu ō.

JEJU TEĒ KUM JA̰A̰ 4:3

Ba nge ń ndi dɔ kōr̄ kāgə̄ mbang tə́ ní ndə́lē tītə̄ mbal̄ jaspə ō, mbal̄ sarduan ō, tá kə́ dēsə́ bā kə́ ndə́lē tītə̄ mbal̄ emerodə gīr̄ gidə kōr̄ kāgə̄ mbang ní ō.

TA KƏLA 17:3

Abəram ɔsə non nang tə́, anī Nə́ɓā ɔr̄ najə̄ seneé ɓáý to̰, əda na:

EJEKIEL 3:23

M-ḭ́ḭ dɔɔ́ m-āw̄ kem wól loo tə́ ō, anī kɔsə gɔn yā Kɔ́ɔ̄ɓē ɔjə rɔ̄n kə̄ ndágá loo ngeé ń noō tə́. Kɔsə gɔn ní to tītə̄ nge ń m-á̰a̰ kadə bā Kebar tə́ ní. Loo ń noō tə́ m-ə̄sō m̄-sébə kumḿ nang tə́.

KƏLA RĀĀ 9:4

Ni teē əsō nang tə́, anī oō ndū deē kógə̄ḿ ədan na: Sol, Sol, i tām̄ rí tə́ á ī-rāām̄ ndoō tə́ beē?

DANIEL 8:17

Gabəriyel reē ngɔr kadə loo ń m̄-rā tū tə́ ní tə́. Dan ń a reē ní ɓōĺ rāām̄ ngá̰ý adə̄ m-ə̄sō m̄-sébə kumḿ nang tə́ kɔ̄ɔ́. Ni ədam̄ na: Ngōn̄ deē, majə kadə̄ ī-ber̄ kadə̄ yá̰á̰ ń á̰a̰ā̰ ní i tām̄ yā ndɔ̄ gə̄ kə́ ta ngóy tə́.

EJEKIEL 8:4

Kɔsə gɔn yā Nə́ɓā yā Israel teē hɔy kə̄ rɔ̄ḿ tə́ loo ní tə́, tītə̄ ń teēń hɔy kə̄ rɔ̄ḿ tə́ kété kem wól loo tə́ ní.

Teē Ngán Israel gə̄ 24:16

Kɔsə gɔn yā Kɔ́ɔ̄ɓē taā dɔ mbal̄ Sinai ō, kil̄ man̄ utə̄ dɔ ndɔ̄ mehḛ́ ō. Kə ndɔ̄ kə́ nge ko̰ sīrí anī, Kɔ́ɔ̄ɓē ɓāŕ Moijə dan kil̄ man̄ tə́.

1 KORḚNTƏ 13:12

Kə́ ngɔr ń toō tə́ ɓáa yá̰á̰ ń j-a̰a̰ī ní to i tītə̄ ndíĺ yá̰á̰ kə́ tū kútə́ram tə́ beē, adə̄ j-a̰a̰ī unjə̄ ngá̰ý alé. Banī ndɔ̄ń tə́ anī j-a jə-raī ta naā tə́ yā ka̰a̰ kə kumjí. Kə́ ngɔr ń toō tə́ mā m̄-ger̄ yá̰a̰ malang alé, banī ndɔ̄ń tə́ anī m-ā m̄-ger̄ yá̰a̰ malang tītə̄ ń Nə́ɓā ger̄məń ní.

EJEKIEL 44:4

Gō tə́ anī deē ní teē seḿ kə ta róbə́ kə́ dām̄ kə́ mbɔ́r ɓē kə́ ko̰ó̰ tə́ ba aw̄ seḿ bátə́ ta kújə yā Kɔ́ɔ̄ɓē tə́. M-á̰a̰ loo anī m-á̰a̰ kɔsə gɔn yā Kɔ́ɔ̄ɓē kə́ taā kem kújə yā Kɔ́ɔ̄ɓē malang. Anī m-ɔ́sə kejəḿ nang tə́ ba m-ɔ́sə noḿ nang tə́.

LEBI GƏ̄ 9:24

Hor teē rɔ̄ Kɔ́ɔ̄ɓē tə́ o̰o̰ dā̰ kə́ yā róō horoó kadə̄ Kɔ́ɔ̄ɓē ō, yibə̄ dā̰ gə̄ ō ń ton̄ dɔ loo tun̄ yá̰á̰ tə́ ní adə̄ ngán Israel gə̄ malang a̰a̰n̄. Nin̄-əgan̄ kɔŕ rɔ̄nel̄ ba ɔsən̄ nodə́ nang tə́ rɔȳnəń Kɔ́ɔ̄ɓē.

Teē Ngán Israel gə̄ 16:10

Dan ń Aaro̰ a ɔr̄ najə̄ kə ngán Israel gēé ní, nin̄-tūrə̄n̄ kumdə́ i kə̄ dəla loo tə́. Loo ń noō tə́ kɔsə gɔn yā Kɔ́ɔ̄ɓē teē tū kil̄ man̄ tə́.

Teē Ngán Israel gə̄ 16:7

Bírí dəloí anī na a a̰a̰n̄ kɔsə gɔn yā Kɔ́ɔ̄ɓē, tɔdɔ̄ ni na oō tām̄ ń na tāmə̄n̄ seneé ní. Ké nin̄ n-asən̄ i rí deē dɔdə́ yā kadə̄ tāmə̄n̄ sedə́ nin̄ ní wa.

Makətūbə̄ ń Pol ndang adə̄ Rom gə̄ ní 9:4

Tām̄ nin̄ i ngán Israel gə̄: Nə́ɓā rāādə́ i ngánən gə̄ tə́ ō, adə̄də́ kɔsə gɔn yān ō, rāā madə̄ naā sedə́ ō, adə̄də́ ndū najə̄ yān gə̄ ō, ɔjədə́ loo rāā kəla kadə̄n ō, ənī míndən yā kadə̄də́ yá̰a̰ gə̄ ō.

Teē Ngán Israel gə̄ 24:17

Yá̰á̰ kə́ to kɔsə gɔn yā Kɔ́ɔ̄ɓē teē ta kum ngán Israel gə̄ tə́ tītə̄ hor kə́ a o̰o̰ loo jam mbal̄ tə́ dɔɔ́ beē.

NGÉ SARYA 13:20

ta ndo̰ hor kə́ dɔ loo tun̄ yá̰á̰ tə́ loo kḭ tə́ kum kə̄ dɔ rā̰ tə́ anī, a̰a̰n̄ nge kaw̄ kəla yā Kɔ́ɔ̄ɓē ní kum tə́ ta kaw̄ dɔɔ́. Loo ń noō tə́ əsō sébən̄ kumdə́ nang tə́.

EJEKIEL 10:4

Kɔsə gɔn yā Kɔ́ɔ̄ɓē ń i dɔɔ́ dɔ Serubḛ gə̄ tə́ ní, ḭḭ aw̄ kum kə̄ ta róbə kə́ yā kudəń kə̄ kem kújə yā Kɔ́ɔ̄ɓē tə́ tə́. Loo ń noō tə́ kil̄ man̄ reē taā kem kújə yā Kɔ́ɔ̄ɓē ō, loo kə́ unjə̄ kow yā kɔsə gɔn yā Kɔ́ɔ̄ɓē taā loo ndágə loo kə́ gīr̄ gidə kújə yā Kɔ́ɔ̄ɓē tə́.

EJEKIEL 43:2

Loo ń noō tə́ m-á̰a̰ kɔsə gɔn yā Nə́ɓā yā Israel. Kɔsə gɔn ní ḭḭ i dām̄ kə́ gír ɓē tə́ n a reē. Kōō kɔsə gɔn ní ɓār̄ tītə̄ kōō bā bo beé ō, loo yān kə́ unjə̄ kow unjə̄ adə̄ de gə̄ a̰a̰nə̄ń loo dɔ nang tə́ ō.