EJEKIEL 1:27 - Bibəl ta Sar̄

²⁷ Yá̰á̰ kə́ to tītə̄ deē ní, m-á̰a̰n ndə́lē tītə̄ gində̄ beé ō, to tītə̄ kə́ hor gīr̄ gidən beé ō. Yá̰á̰ kógə̄ḿ kə́ to tītə̄ hor beé i gír kāgə̄ rɔ̄ deē ní tə́ nang tə́ ō, i dɔn tə́ dɔɔ́ ō. Hor ní unjə̄ kow dɔn tə́ kə̄ loo gə̄ tə́ malang

Bible sar

²⁷ Yá̰á̰ kə́ to tītə̄ deē ní, m-á̰a̰n ndə́lē tītə̄ gində̄ beé ō, to tītə̄ kə́ hor gīr̄ gidən beé ō. Yá̰á̰ kógə̄ḿ kə́ to tītə̄ hor beé i gír kāgə̄ rɔ̄ deē ní tə́ nang tə́ ō, i dɔn tə́ dɔɔ́ ō. Hor ní unjə̄ kow dɔn tə́ kə̄ loo gə̄ tə́ malang

EJEKIEL 1:27 Referans Kwoze

EJEKIEL 1:4

Yá̰á̰ ń m-á̰a̰ā̰ ní n toó: Néĺ kógə̄ḿ kə́ bo ḭḭ dām̄ mbɔ́r ɓē kə́ ko̰ó̰ tə́ a reē kə kil̄ man̄ kə́ il̄ ngá̰ý ō, tel̄ man̄ gə̄ teēn̄ tū kil̄ man̄ ní tə́ ō. Loo kə́ unjə̄ kow gīr̄ gidə kil̄ man̄ ní. Banī ngaadan kil̄ man̄ ní i hor kə́ a o̰o̰ ō, ndə́lē tītə̄ lɔ́ŕ kə́ kəla horoó adə̄ kərē beé ō.

EJEKIEL 8:2

M-á̰á̰ yá̰á̰ kógə̄ḿ kə́ to tītə̄ deē beé. Rɔ̄n kə́ gír loon kə́ to tītə̄ ɓōdə̄n tə́ ní to tītə̄ hor beé. Ba ḭḭ loon kə́ to tītə̄ ɓōdə̄n tə́ kum kə̄ dɔɔ́ ní, loo kə́ unjə̄ kow kógə̄ḿ i tū tə́, ndə́lē tītə̄ lɔ́ŕ kə́ kəla horoó adə̄ kərē beé.

HEBƏRO 12:29

Tɔdɔ̄ Nə́ɓā yājí i hor kə́ a o̰o̰ yá̰a̰.

PĀ GƏ̄ 97:2

Loo kə́ ndul ndí ndḭ́ ō kil̄ man̄ ō gīrə̄n̄ gidən, yá̰a̰ rāā kə́ gōtə́ ō kə́ súmūú ō i bir̄ nja kōr̄ kāgə̄ mbang yān gə̄.

PĀ GƏ̄ 50:3

Ādə̄ Nə́ɓā yājí reē ba ndi tan mbóo alé! Hor kógə̄ḿ a o̰o̰ loo kété non tə́ ō, néĺ kə́ ngan̄g ngá̰ý əla kə gō gidəneé ō.

NDŪ NAJƏ̄ 4:24

Tām̄ Kɔ́ɔ̄ɓē Nə́ɓā yāsí i hor kə́ a o̰o̰ loo. Ni i Nə́ɓā kə́ nge rāā jang.

2 TESALONIK 1:8

Ni a tél yā reē i kum hor kógə̄ḿ kə́ o̰o̰ tə́, yā dal ba̰ā̰ dɔ ngé ger̄ Nə́ɓā aĺ gə̄ tə́, adə̄ i dɔ ngé gə̄ ń sɔlə̄n̄ dɔdə́ kə̄ no Najə̄ kə́ Majə yā Kɔ́ɔ̄ɓē Jeju tə́ aĺ ní tə́.

Teē Ngán Israel gə̄ 24:17

Yá̰á̰ kə́ to kɔsə gɔn yā Kɔ́ɔ̄ɓē teē ta kum ngán Israel gə̄ tə́ tītə̄ hor kə́ a o̰o̰ loo jam mbal̄ tə́ dɔɔ́ beē.

1 YÁ̰A̰ GƏ̄ 16:27

Loo kə́ ndə́lē pipir ō, unjə̄ kow ō, i kété non tə́. Loo ń ni-ndi tū tə́ ní tɔ́gə ō, rɔ̄nel̄ ō, i ngá̰ý tū tə́.

HABAKUK 3:4

Ni ndə́lē tītə̄ loo kə́ unjə̄ kow beé. Yá̰á̰ kə́ ndə́lē pipir gə̄ teēn̄ kem jīn tə́, loo ń tɔ́gən a ɓɔ̄ɔ̄ rɔ̄n tū ní tə́.