EJEKIEL 1:26 - Bibəl ta Sar̄

²⁶ Yá̰á̰ kógə̄ḿ kə́ to tītə̄ mbal̄ sapir ba to tītə̄ kōr̄ kāgə̄ mbang beé i dɔɔ́ dɔ tə́ ō, yá̰á̰ kógə̄ḿ kə́ to tītə̄ deē i dɔ kōr̄ kāgə̄ mbang ní tə́ ō.

Bible sar

²⁶ Yá̰á̰ kógə̄ḿ kə́ to tītə̄ mbal̄ sapir ba to tītə̄ kōr̄ kāgə̄ mbang beé i dɔɔ́ dɔ tə́ ō, yá̰á̰ kógə̄ḿ kə́ to tītə̄ deē i dɔ kōr̄ kāgə̄ mbang ní tə́ ō.

EJEKIEL 1:26 Referans Kwoze

EJEKIEL 10:1

Loo kə́ rāā gār̄ tītə̄ gār̄ kújə́ ń i dɔɔ́ dɔ Serubḛ gə̄ tə́ ní, m-ə̄ndā ma̰ȳ anī, m-á̰á̰ yá̰á̰ kógə̄ḿ kə́ to tītə̄ mbal̄ sapir beé tū tə́. Rāān̄ yá̰á̰ ní adə̄ to tītə̄ kōr̄ kāgə̄ mbang beé.

Teē Ngán Israel gə̄ 24:10

Nin̄-a̰a̰n̄ Nə́ɓā yā Israel. Yá̰á̰ kə́rēý kə́ to tītə̄ mbal̄ sapir kə́ kɔsə̄ kə ta naá i gír njan tə́. Yá̰á̰ ní unjə̄ njáý njáý, ɓálən to tītə̄ ɓál dɔ rā̰ kə́ a̰a̰ rá ráńg beē.

JEJU TEĒ KUM JA̰A̰ 1:13

ba deē kógə̄ḿ kə́ to tītə̄ ngōn̄ deē ra dan ɗəra hor gə̄ ní tə́. Kɔ́ɔ̄ o̰ō̰ kūbə̄ ngāl̄ kə́ ɔdə gidə njan nang tə́ ō, do̰ō̰ kadən kə kəlā lɔ́rɔ́ ō.

DANIEL 10:18

Loo ń noō tə́ yá̰á̰ kə́ to tītə̄ deē ní tél ɔdə rɔ̄ḿ ɓáý to̰ ō, adə̄m̄ tɔ́gə gogə́ rang ō.

EJEKIEL 1:22

Yá̰á̰ kə́ rāā gār̄ tītə̄ no rā̰ i dɔɔ́ dɔ yá̰á̰ kə́ kə kumuú gə̄ ní tə́. Yá̰á̰ ní ndə́lē tītə̄ kəristal beé.

JEJU TEĒ KUM JA̰A̰ 20:11

Gō tə́ anī m-á̰a̰ kōr̄ kāgə̄ mbang kə́ bo kə́ ndaa ō, deē ń ndi dɔ tə́ ní ō. Dɔ nang ō, dɔ rā̰ ō, a̰ȳn̄ naā kɔ̄ɔ́ ta kumən tə́ ō, əngen̄ loo tām̄ yādə́ tə́ to̰ aĺ ō.

JEJU TEĒ KUM JA̰A̰ 14:14

Anī m-á̰a̰ kil̄ man̄ kógə̄ḿ kə́ ndaa, ba yá̰á̰ kə́ kə kumuú ń ndi dɔ tə́ ní to tītə̄ ngōn̄ deē beé. Jākā mbang kə́ rāān̄ kə lɔ́r i dɔn tə́ ō, ngorong kə́ kumən atə ngá̰ý i jīn tə́ ō.

HEBƏRO 12:2

Ādə̄ kumjí i dɔ Jeju tə́. I ni n i nge rāā kadə̄ deē taā kem ō, kadə̄ taā kem majə kə́ ɔtə̄ kə taá ō ní. Ni ndigə koy yo kə́ tū kāgə̄ kə́ dēsə́ tə́, usən dɔ rɔ̄sɔl̄ kə́ tām̄ yā yo kə́ tītə̄ ń noō tə́ alé, tām̄ ni-a̰a̰ rɔ̄nel̄ ń to a ngóōn ní. Ba ngɔlaā ń toō ɓáa ni-ndi dɔ jī ko̰ Nə́ɓā kə́ ndi dɔ kōr̄ kāgə̄ mbang yān tə́.

IJAI 54:11

Jerusalem, rɔ̄í tō ndoō. Man̄ kə́ edə kə nélé əndaī ō, de kə́ tél adī kəndā kem dɔ tə́ gogə́ rang gətóo ō. Mā Kɔ́ɔ̄ɓē, m-ā m̄-tél yā rāāī gogə́ rang kə mbal̄ gə̄ kə́ ɓáĺdə́ to. A əndān̄ ngəraí i kə mbal̄ gə̄ kə́ gātə̄də́ i ngá̰ý ń i mbal̄ sapir gə̄ ní.

IJAI 6:1

I ɓāl̄ ń mban̄g Ojias oy ń tə́ ní. Ndɔ̄ kógə̄ḿ tə́ anī, m-á̰á̰ yá̰á̰ kógə̄ḿ. Kɔ́ɔ̄ɓē ndi i dɔ kōr̄ kāgə̄ mbang kógə̄ḿ kə́ ngāl̄ ngá̰ý kum kə̄ dɔɔ́ tə́. Kūbə̄ kə́ rɔ̄n tə́ taā loo kə́ kem kújə yā Kɔ́ɔ̄ɓē tə́ malang.

JEJU TEĒ KUM JA̰A̰ 5:13

Ba yá̰a̰ malang kə́ dɔ rā̰ tə́ ō, dɔ nang tə́ ō, gíŕ nángāá ō, dɔ bā bo tə́ ō, kum bā bo tə́ ō ní, m-ōō ndūdə́ ədan̄ na: Tɔ̄ȳ ō, rɔȳ ō, kɔsə gɔn ō, tɔ́gə ō, i yā nge ń ndi dɔ kōr̄ kāgə̄ mbang tə́ ní ō, i yā Ngōn̄ batə̄ ō, kə dɔ ɓāl̄ gə̄ ɓāl̄ gə̄.

JEJU TEĒ KUM JA̰A̰ 3:21

Deē ń a tetə rɔ̄ɔ̄ anī m-ā m-ādə̄ a ndi seḿ dɔ kōr̄ kāgə̄ mbang yāḿ tə́, tītə̄ ń mə̄kɔ́ m̄-tetəń rɔ̄ɔ̄ á m̄-ndiń kə Bɔbə́ḿ dɔ kōr̄ kāgə̄ mbang yān tə́ ō ní.

1 PIYER 3:22

Jeju ngeé ń toō aw̄ dɔ rā̰ tə́ ba ndi dɔ jī ko̰ Nə́ɓā tə́. Ni-ndi noó o̰o̰ń ɓē dɔ de kə́ dɔ rā̰ tə́ gə̄ tə́ ō, dɔ ngé ko̰o̰ ɓē kə́ rang gə̄ kə́ dɔ rā̰ tə́ ō, dɔ ngé tɔ́gə gə̄ kə́ dɔ rā̰ tə́ ō.

HEBƏRO 8:1

Najə̄ kə́ bo ngá̰ý dɔ yá̰á̰ ń j-əda tə́ ní n toó: J-awī kə ngol ngé tun̄ yá̰a̰ gə̄ kə́ tītə̄ ń noō, tɔdɔ̄ ni-ndi dɔ jī ko̰ Nə́ɓā tə́ dɔ rā̰ tə́, nge ń ndi dɔ kōr̄ kāgə̄ mbang yān tə́ ní. Nə́ɓā i tɔ́gə́ kə́ dɔ tɔ́gə gə̄ tə́ malang.

HEBƏRO 1:8

Banī tām̄ yā ngōn̄ Nə́ɓā tə́ ɓáa Nə́ɓā əda na: Kōr̄ kāgə̄ mbang yāí ḭ̄ Nə́ɓā i kə́ kəndān kadə̄ ndi ngándáńg. Ḭ̄ ā ó̰o̰ ɓē yāí i kə yá̰a̰ rāā kə́ gōtə́.

MATIYE 28:18

Jeju reē rɔ̄də́ tə́ ngɔr ba ɔr̄ najə̄ ń toō sedə́, ədadə́ na: Adə̄mə̄n̄ tɔ́gə malang dɔ yá̰á̰ kə́ dɔ rā̰ tə́ gə̄ tə́ ō, dɔ yá̰á̰ kə́ dɔ nang tə́ gə̄ tə́ ō.

MATIYE 25:13

I beé ní ī-ndiī dɔ rɔ̄sí tə́, tɔdɔ̄ sḭḭ̄ ī-gerī ndɔ̄ ń aĺ ō, kum mbang ní aĺ ō.

JAKARI 6:13

A̰á̰ā̰, i ni n a tél yā rāān gogə́ ní. Ni a o̰ō̰ kūbə̄ mban̄g ō, a ndi dɔ kōr̄ kāgə̄ mbang tə́ ō, yā ko̰ó̰ń ɓē. Nge tun̄ yá̰á̰ kógə̄ḿ a ra kadən tə́. Ba nin̄ jōó mbak a gerə̄n̄ kum najə̄ kə naá majə

PĀ GƏ̄ 45:6

Ādə̄ kum gərā yāí kə́ ta katə gə̄ əlan̄ ɓōĺ kə́ ngá̰ý kem de gə̄ tə́ ō, ādə̄ gərā yāí gə̄ tɔ́sə̄n̄ kújə́ mósə madə̄ ba̰ā̰í gə̄ ō.

DANIEL 7:14

Adə̄nən̄ kadə̄ i ni n i dɔ yá̰a̰ gə̄ tə́ malang ba de kə́ dɔn ni tə́ gətóo ō, adə̄nən̄ kɔsə gɔn ō ko̰o̰ ɓē ō, de kə́ gíŕdə́ i tayā tayā gə̄ ō nápardə́ i tayā tayā gə̄ ō, rāān̄ kəla yān. Ndi dɔ yá̰a̰ gə̄ tə́ malang yān dan a gān̄g aĺ ō, ta ngóyn a gətóo ō, ɓē ko̰o̰ yān i ɓē ko̰o̰ kə́ a nujə aĺ bátə́ ō.

JOJUE 5:13

Ndɔ̄ kə́rēý tə́ Jojue i kadə ɓē kə́ Jeriko tə́ ngɔr ni-ɔr̄ dɔn dɔɔ́ anī, a̰a̰ deē kógə̄ḿ ra non tə́ kə kaskar kə́ kɔr̄ kɔ̄ɔ́ kem kɔ̄pən tə́ jīn tə́. Jojue aw̄ rɔ̄n tə́ ba dəjen najə̄ əda na: Ḭ̄ i de kə́ dām̄ yājí tə́ aké ḭ̄ i de kə́ dām̄ yā madə̄ ba̰ā̰jí gə̄ tə́?

1 MBAN̄G GƏ̄ 22:19

Mise əda na: Majə, ōō najə̄ ń Kɔ́ɔ̄ɓē əda ní: M-á̰á̰ Kɔ́ɔ̄ɓē ndi dɔ kōr̄ kāgə̄ mbang yān tə́, ba de kə́ dɔ rā̰ tə́ gə̄ malang ran̄ rɔ̄n tə́ kə njadə́ dɔɔ́, ran̄ dɔ jī ko̰n tə́ ō, dɔ jī gelən tə́ ō.

EJEKIEL 1:5

Yá̰á̰ kə́ kə kumuú gə̄ sɔ́ kə́ ton̄ tītə̄ de gə̄ i tū ngaadan kil̄ man̄ ní tə́.

EJEKIEL 43:6

Anī deē kógə̄ḿ ndi kem kújə yā Kɔ́ɔ̄ɓē tə́ ɔrə̄ń najə̄ adə̄ m-ōō ndūn. Dan ngeé ń noō tə́ ɓáa deē ń ɔr noḿ ní ra kadəḿ tə́.

EJEKIEL 43:7

Ndū deē ní ədam̄ na: Ḭ̄ ngōn̄ deē, ōō! Loo yā kōr̄ kāgə̄ mbang yāḿ i loo ń toō tə́ laā, i dɔ nang ń m-ə̄ndā njaḿ tū tə́ toō. M-ā m̄-ndi i loo ń noō tə́ laā, dan ngán Israel gə̄ tə́, i kə́ njɔ́ḿ gə̄ tə́. Ngán Israel gə̄ ō, mban̄g yādə́ gə̄ ō, a kídə̄n̄ rīḿ kə́ táĺ to̰ alé. Nin̄ a rāān̄ ájə́ba to̰ aĺ ō, a dubə̄n̄ nīń mban̄g yādə́ gə̄ laā to̰ aĺ ō.

EJEKIEL 8:2

M-á̰á̰ yá̰á̰ kógə̄ḿ kə́ to tītə̄ deē beé. Rɔ̄n kə́ gír loon kə́ to tītə̄ ɓōdə̄n tə́ ní to tītə̄ hor beé. Ba ḭḭ loon kə́ to tītə̄ ɓōdə̄n tə́ kum kə̄ dɔɔ́ ní, loo kə́ unjə̄ kow kógə̄ḿ i tū tə́, ndə́lē tītə̄ lɔ́ŕ kə́ kəla horoó adə̄ kərē beé.