EJEKIEL 1:22 - Bibəl ta Sar̄

²² Yá̰á̰ kə́ rāā gār̄ tītə̄ no rā̰ i dɔɔ́ dɔ yá̰á̰ kə́ kə kumuú gə̄ ní tə́. Yá̰á̰ ní ndə́lē tītə̄ kəristal beé.

Bible sar

²² Yá̰á̰ kə́ rāā gār̄ tītə̄ no rā̰ i dɔɔ́ dɔ yá̰á̰ kə́ kə kumuú gə̄ ní tə́. Yá̰á̰ ní ndə́lē tītə̄ kəristal beé.

EJEKIEL 1:22 Referans Kwoze

EJEKIEL 10:1

Loo kə́ rāā gār̄ tītə̄ gār̄ kújə́ ń i dɔɔ́ dɔ Serubḛ gə̄ tə́ ní, m-ə̄ndā ma̰ȳ anī, m-á̰á̰ yá̰á̰ kógə̄ḿ kə́ to tītə̄ mbal̄ sapir beé tū tə́. Rāān̄ yá̰á̰ ní adə̄ to tītə̄ kōr̄ kāgə̄ mbang beé.

JEJU TEĒ KUM JA̰A̰ 4:6

Bā bo kə́ to tītə̄ yá̰a̰ rāā wéŕ kógə̄ḿ kə́ unjə̄ yáŕ yáŕ tītə̄ kəristal to no kōr̄ kāgə̄ mbang ní tə́ ō. Yá̰á̰ kə́ kə kumuú gə̄ sɔ́ kə́ kumdə́ i ngá̰ý nodə́ tə́ ō, gōdə́ tə́ ō, ran̄ dɔ kōr̄ kāgə̄ mbang ní tə́ danaá bang ō, kə gō gidií ō.

EJEKIEL 1:26

Yá̰á̰ kógə̄ḿ kə́ to tītə̄ mbal̄ sapir ba to tītə̄ kōr̄ kāgə̄ mbang beé i dɔɔ́ dɔ tə́ ō, yá̰á̰ kógə̄ḿ kə́ to tītə̄ deē i dɔ kōr̄ kāgə̄ mbang ní tə́ ō.

JEJU TEĒ KUM JA̰A̰ 21:11

Kɔsə gɔn yā Nə́ɓā nəkɔ́ rāā adə̄ ɓē ní ndə́lē tītə̄ mbal̄ kə́ gātə̄n i ngá̰ý ń i mbal̄ jaspə kə́ ndə́lē tītə̄ kəristal kə́ unjə̄ yáŕ yáŕ beē ní.

JEJU TEĒ KUM JA̰A̰ 4:3

Ba nge ń ndi dɔ kōr̄ kāgə̄ mbang tə́ ní ndə́lē tītə̄ mbal̄ jaspə ō, mbal̄ sarduan ō, tá kə́ dēsə́ bā kə́ ndə́lē tītə̄ mbal̄ emerodə gīr̄ gidə kōr̄ kāgə̄ mbang ní ō.

Makətūbə̄ yā Job 37:22

Loo kə́ unjə̄ tītə̄ lɔ́r ḭḭ dām̄ mbɔ́r ɓē kə́ ko̰ó̰ tə́ a reē. Loo kə́ unjə̄ kow to ɓōĺ ngá̰ý unjə̄ gīr̄ gidə Nə́ɓā.

Teē Ngán Israel gə̄ 24:10

Nin̄-a̰a̰n̄ Nə́ɓā yā Israel. Yá̰á̰ kə́rēý kə́ to tītə̄ mbal̄ sapir kə́ kɔsə̄ kə ta naá i gír njan tə́. Yá̰á̰ ní unjə̄ njáý njáý, ɓálən to tītə̄ ɓál dɔ rā̰ kə́ a̰a̰ rá ráńg beē.

EJEKIEL 1:25

Rā̰ ń i dɔdə́ tə́ ní kōō yá̰á̰ kógə̄ḿ ɓār̄ dɔɔ́ dɔ tə́

EJEKIEL 10:20

M-á̰á̰ yá̰á̰ kə́ kə kumuú gə̄ ní kété dan ń m̄-rāń kadə bā Kebar tə́ ní, adə̄ m̄-ger̄ kadə̄ yá̰a̰ gə̄ ní i Serubḛ gə̄.