EJEKIEL 1:10 - Bibəl ta Sar̄

¹⁰ Nin̄ kógə̄ḿ kógə̄ḿ malang ní ta kumdə́ gə̄ ń toō i noó: Ta kumdə́ kə́ to tītə̄ ta kum deē i noó ō, ta kumdə́ kə́ to tītə̄ ta kum ɓɔl i dām̄ kə́ ko̰ó̰ tə́ ō, ta kumdə́ kə́ to tītə̄ ta kum man̄g kə́ bəra i dām̄ kə́ geleé tə́ ō, ta kumdə́ kə́ to tītə̄ ta kum kə̄rō i noó ō.

Bible sar

¹⁰ Nin̄ kógə̄ḿ kógə̄ḿ malang ní ta kumdə́ gə̄ ń toō i noó: Ta kumdə́ kə́ to tītə̄ ta kum deē i noó ō, ta kumdə́ kə́ to tītə̄ ta kum ɓɔl i dām̄ kə́ ko̰ó̰ tə́ ō, ta kumdə́ kə́ to tītə̄ ta kum man̄g kə́ bəra i dām̄ kə́ geleé tə́ ō, ta kumdə́ kə́ to tītə̄ ta kum kə̄rō i noó ō.

EJEKIEL 1:10 Referans Kwoze

EJEKIEL 10:14

Nin̄ kógə̄ḿ kógə̄ḿ ní ta kumdə́ i sɔ́ sɔ́. Ta kum kə́ ta kəga dɔ i ta kum Serubḛ ō, ta kum nge kə́ ko̰ jōó i ta kum deē ō, ta kum nge kə́ ko̰ mətá i ta kum ɓɔl ō, ta kum nge kə́ ko̰ sɔ́ i ta kum kə̄rō ō.

JEJU TEĒ KUM JA̰A̰ 4:7

Yá̰á̰ kə́ kə kumuú kə́ ta kəga dɔ to tītə̄ ɓɔl ō, kə́ nge ko̰ jōó to tītə̄ duĺ man̄g kə́ bəra ō, kə́ nge ko̰ mətá, ta kumən to tītə̄ ta kum deē ō, kə́ nge ko̰ sɔ́ to tītə̄ kə̄rō kə́ a nēl̄ beé ō.

JEJU TEĒ KUM JA̰A̰ 5:5

Banī deē kógə̄ḿ kə́ dan kum kɔɔ̄ gə̄ tə́ ədam̄ na kə m̄-nōō alé. Na kə m-á̰a̰ā̰, na ɓɔl kə́ gír ɓē yā Juda tə́ ń i de kə́ gír kaa yā Dabid tə́ ní, na tetə rɔ̄ɔ̄ yā kɔsəń mbō̰ kə́ sīrí gə̄ kə́ tū makətūbə̄ ní tə́ kɔr̄ ō, na tetə rɔ̄ɔ̄ yā teēń kemən ō.

Najə̄ kə́ Majə yā Jeju ń Luk ndang ní 15:10

Ādə̄ m-ə́dásí, de kə́ dɔ rā̰ tə́ gə̄ yā Nə́ɓā a rāān̄ rɔ̄nel̄ kə́ ngá̰ý tītə̄ ń noō ō, tām̄ yā nge rāā majaĺ kə́ kal kógə̄ḿ beē kə́ tūr̄ hálən tə́.

DANIEL 7:4

Nge kə́ ta kəga dɔ to tītə̄ ɓɔl ō, bɔ̄gə̄n gə̄ ton̄ tītə̄ bɔ̄gə̄ kə̄rō ō. m̄-na̰y kə̄ loo ka̰ā̰ tə́ anī ɔrə̄n̄ bɔ̄gə̄n gə̄ ō, un udənən̄ dɔɔ́ adə̄ ra dɔ njan kə́ gogə́ kə́ jōó gə̄ tə́ tītə̄ deē ō, adə̄nən̄ dan wur kə́ ger̄ najə̄ tītə̄ da n wur deē ō.

IJAI 46:8

Ādə̄ əga kemsí dɔ nge ń noō tə́ ba ī-téĺ ə́hɔī rɔ̄sí tɔgə gogə́! Sḭḭ̄ de kə́ ngé ra dɔ ndūsí tə́ aĺ gə̄, ī-gírī dɔ tə́!

IJAI 40:31

Banī ngé gə̄ ń əndān̄ kemdə́ dɔ Kɔ́ɔ̄ɓē tə́ ní əngen̄ tɔ́gə́ kə́ kijə. Nin̄ ḭḭn̄ bɔ̄gə̄ tītə̄ kə̄rō gə̄ beé, nin̄ a̰ȳn̄ ngɔ̄də̄ kanjə̄ kadə̄ kɔr rāādə́, nin̄ njə̄rān̄ kumdə́ kə̄ kété kanjə̄ kadə̄ tɔ́gə́də́ təgā.

Gōsə̄ najə̄ gə̄ 14:4

Loo ń man̄g ndɔr̄ gə̄ gətóon̄ tū tə́ ní mɔ̄ȳ kə́ tū tə́ kem i karī, banī tɔ́gə man̄g adə̄ deē yá̰a̰ kənge kə́ ngá̰ý.

Makətūbə̄ yā Job 39:27

I ḭ̄ n ə́da kə̄rō na kə ḭḭ bɔ̄gə̄ kə aw̄ dɔɔ́ tá kə rāā ɓēn dɔ mbalá dɔɔ́ ní a?

1 YÁ̰A̰ GƏ̄ 12:8

Yoela ō, Jebadia ō ń nin̄ i ngán Yeoram kə́ Gedor ní ō.

NGÉ SARYA 14:18

Kə ndɔ̄ kə́ nge ko̰ sīrí ngeé ń noō, pá tá kadə̄ mbang udə ní, de kə́ kem ɓēé gə̄ reē ədan̄ Samso̰ na: Ké yá̰á̰ kə́ nel̄ tɔȳ tejə i rí wa, ké yá̰á̰ kə́ ngan̄g tɔȳ ɓɔl ké i rí wa. Anī Samso̰ tél ədadə́ na ré ndɔrə̄n̄ na i kə mandə man̄g yān nií aĺ anī na a gerə̄n̄ kum səngó ní alé.

NDŪ NAJƏ̄ 28:49

Ni a ɔy nápar de gə̄ kógə̄ḿ kə́ ḭ̄ ī-ger̄ kum najə̄ kɔr̄də́ aĺ gə̄, ta ngóy dɔ nang tə́ sa̰y yā reē ɓōkə́də́ dɔí tə́ tītə̄ kə̄rō kə́ a jə̄ngā kə̄ dɔ dā̰ tə́ yā kəhɔn beé.

TƏ́DA 2:25

Dan a ndi ɓē i dām̄ mbɔ́r ɓē kə́ ko̰ó̰ tə́, kə dərapóo yānneé ō, kə ɓūtə̄ ngé rɔ̄ɔ̄ yān gēé ō. De kə́ dəngam gə̄ malang ń tə́dan̄də́ á nin̄ i ngé rɔ̄ɔ̄ gə̄ ní, ngoldə́ i kógə̄ḿ kógə̄ḿ kə dɔ gír ɓē yādə́ gēé. Ngol ngé rɔ̄ɔ̄ gə̄ kə́ gír ɓē yā Dan tə́ i Ahiejer ngōn̄ Amisaday. De gə̄ yān gə̄ i 62 700. Ngol ngé rɔ̄ɔ̄ gə̄ kə́ gír ɓē yā Aser tə́ i Pagiel ngōn̄ Okəran. De gə̄ yān gə̄ i 41 500. Ngol ngé rɔ̄ɔ̄ kə́ gír ɓē yā Nepətali tə́ i Ahira ngōn̄ Enan. De gə̄ yān gə̄ i 53 400.

TƏ́DA 2:18

Epəraim a ndi ɓē i dām̄ kə́ no ɓē tə́, kə dərapóo yānneé ō, kə ɓūtə̄ ngé rɔ̄ɔ̄ yān gēé ō. De kə́ dəngam gə̄ malang ń tə́dan̄də́ á nin̄ i ngé rɔ̄ɔ̄ gə̄ ní, ngoldə́ gə̄ i kógə̄ḿ kógə̄ḿ kə dɔ gír ɓē yādə́ gēé. Ngol ngé rɔ̄ɔ̄ gə̄ kə́ gír ɓē yā Epəraim tə́ i Elisama ngōn̄ Amihud. De gə̄ yān gə̄ i 40 500. Ngol ngé rɔ̄ɔ̄ gə̄ kə́ gír ɓē yā Manase tə́ i Gamliel ngōn̄ Pedasur. De gə̄ yān gə̄ i 32 200. Ngol ngé rɔ̄ɔ̄ gə̄ kə́ gír ɓē yā Benjamḛ tə́ i Abidan ngōn̄ Gidoni. De gə̄ yān gə̄ i 35 400.

TƏ́DA 2:10

Ruben a ndi ɓē i dām̄ mbɔ́r ɓē kə́ geleé tə́, kə dərapóo yānneé ō, kə ɓūtə̄ ngé rɔ̄ɔ̄ yān gēé ō. De kə́ dəngam gə̄ malang ń tə́dan̄də́ á nin̄ i ngé rɔ̄ɔ̄ gə̄ ní, ngoldə́ gə̄ i kógə̄ḿ kógə̄ḿ kə dɔ gír ɓē yādə́ gēé. Ngol ngé rɔ̄ɔ̄ gə̄ kə́ gír ɓē yā Ruben tə́ i Elisur ngōn̄ Sedeur. De gə̄ yān gə̄ i 46 500. Ngol ngé rɔ̄ɔ̄ gə̄ kə́ gír ɓē yā Simeo̰ tə́ i Selumiel ngōn̄ Surisaday. De gə̄ yān gə̄ i 59 300. Ngol ngé rɔ̄ɔ̄ gə̄ kə́ gír ɓē yā Gad tə́ i Eliasap ngōn̄ Dewel. De gə̄ yān gə̄ i 45 650.

TƏ́DA 2:3

Juda a ndi ɓē i kə̄ kété, dām̄ kə́ dūn̄ tə́, kə dərapóo yānneé ō, kə ɓūtə̄ ngé rɔ̄ɔ̄ yān gēé ō. De kə́ dəngam gə̄ malang ń tə́dan̄də́ á nin̄ i ngé rɔ̄ɔ̄ gə̄ ní, ngoldə́ gə̄ i kógə̄ḿ kógə̄ḿ kə dɔ gír ɓē yādə́ gēé. Ngol ngé rɔ̄ɔ̄ gə̄ kə́ gír ɓē yā Juda tə́ i Nason ngōn̄ Aminadab. De gə̄ yān gə̄ i 74 600. Ngol ngé rɔ̄ɔ̄ gə̄ kə́ gír ɓē yā Isakar tə́ i Netanel ngōn̄ Suar. De gə̄ yān gə̄ i 54 400. Ngol ngé rɔ̄ɔ̄ gə̄ kə́ gír ɓē yā Jabulo̰ tə́ i Eliab ngōn̄ Helon. De gə̄ yān gə̄ i 57 400.

1 KORḚNTƏ 14:20

Ngákó̰ó̰ḿ gə̄, najə̄ kə́ dɔ ger̄ najə̄ tə́ ní, ādə̄ sḭḭ̄ i ngáń kə́ dūú gə̄ loon tə́ alé, ba ré i najə̄ kə́ dɔ yá̰á̰ kə́ majaĺ tə́ ɓáa, ādə̄ sḭḭ̄ i ngáń kə́ dūú gə̄ loon tə́. Najə̄ kə́ dɔ ger̄ najə̄ tə́ ní ādə̄ sḭḭ̄ i de kə́ tɔgə gə̄ loon tə́.

EJEKIEL 1:6

Nin̄ kógə̄ḿ kógə̄ḿ ní ta kumdə́ i sɔ́, sɔ́, kə dɔdə́ gēé ō, bɔ̄gə̄də́ gə̄ i sɔ́, sɔ́ kə dɔdə́ gēé ō.

EJEKIEL 41:19

Ta kumən kə́ to tītə̄ ta kum deē i kə́ tūr̄ kum kə̄ rɔ̄ ta jī kāgə̄ túmbur kógə̄ḿ tə́ ō, kə́ to tītə̄ ta kum ɓɔl i kə́ tūr̄ kum kə̄ rɔ̄ ta jī kāgə̄ túmbur kə́ noō tə́ ō. Yá̰á̰ kə́ tɔ́sə̄ gə̄ ń noō ton̄ kə gō gidə kújə yā Kɔ́ɔ̄ɓēé.