EJEKIEL 1:1 - Bibəl ta Sar̄

^1-3 Kem ɓāl̄ ń ɓālə̄ḿ i kutə mətá ní, kə ndɔ̄ kə́ nge ko̰ mí yā nāā kə́ nge ko̰ sɔ́ anī, mā Ejekiel ngōn̄ Buji kə́ nge tun̄ yá̰a̰, m̄-ra i dan Jipə gə̄ ń ɔyən̄də́ dɔ gúú tə́ aw̄n̄ sedə́ kadə man̄ Kebar tə́ ní. Anī m-á̰a̰ ta dɔ rā̰ teē ra wōyōó ō, Nə́ɓā rāā adə̄ m-á̰á̰ yá̰a̰ gə̄ ō. I kem ɓāl̄ ɓəlo yā mban̄g Joakin kə́ nge ko̰ mí tə́. m̄-ra i kem ɓē yā Babilon gə̄ tə́ kadə man̄ Kebar tə́. Kɔ́ɔ̄ɓē ɔr̄ najə̄ seḿ i loo ń noō tə́ ō, tɔ́gən əhɔm̄ i loo ń noō tə́ ō.

Bible sar

^1-3 Kem ɓāl̄ ń ɓālə̄ḿ i kutə mətá ní, kə ndɔ̄ kə́ nge ko̰ mí yā nāā kə́ nge ko̰ sɔ́ anī, mā Ejekiel ngōn̄ Buji kə́ *nge tun̄ yá̰a̰, m̄-ra i dan *Jipə gə̄ ń ɔyən̄də́ dɔ gúú tə́ aw̄n̄ sedə́ kadə man̄ Kebar tə́ ní. Anī m-á̰a̰ ta dɔ rā̰ teē ra wōyōó ō, Nə́ɓā rāā adə̄ m-á̰á̰ yá̰a̰ gə̄ ō. I kem ɓāl̄ ɓəlo yā mban̄g Joakin kə́ nge ko̰ mí tə́. m̄-ra i kem ɓē yā *Babilon gə̄ tə́ kadə man̄ Kebar tə́. Kɔ́ɔ̄ɓē ɔr̄ najə̄ seḿ i loo ń noō tə́ ō, tɔ́gən əhɔm̄ i loo ń noō tə́ ō.

EJEKIEL 1:1 Referans Kwoze

JEJU TEĒ KUM JA̰A̰ 19:11

Gō tə́ anī m-á̰a̰ dɔ rā̰ ra kə wōyōó, anī sə́ndá kə́ ndaa teē. Ba deē ń ndi gidən tə́ ní, rīn na i nge ra dɔ ndūn tə́ ō, kə́ rɔ̄kum ō. Ni a gān̄g sarya ō, a rɔ̄ɔ̄ ō, i kə gō róbə́ kə́ gōtə́.

KƏLA RĀĀ 7:56

Ni-əda na: Á̰a̰ī, m-á̰a̰ dɔ rā̰ teē tan ō, Ngōn̄ Deē ra kə njan kə́ dɔɔ́ dɔ jī ko̰ Nə́ɓā tə́ ō.

MATIYE 3:16

Dan ń rāān̄ Jeju batém oy anī, ni-teē kum man̄ tə́. Ta dɔ rā̰ teē, anī ni-a̰a̰ Ndíĺ Nə́ɓā ḭḭ dɔ rā̰ tə́ jə̄ngā tītə̄ dér ndaa ba reē ndi dɔn tə́.

EJEKIEL 11:24

Kum mbang ń m-ā m-á̰a̰ń yá̰a̰ ngeé ń noō tə́ ní, Ndíĺ Nə́ɓā unəm̄ nang tə́ kum kə̄ dɔɔ́. Ni-tél reē seḿ gogə́ rɔ̄ de gə̄ ń ɔyn̄də́ aw̄n̄ sedə́ Babilon dɔ gúú tə́ ní. Yá̰á̰ ń Nə́ɓā əlań adə̄ m-á̰a̰ā̰ ní dəba.

KƏLA RĀĀ 10:11

Ni-a̰a̰ dɔ rā̰ teē tan ba yá̰á̰ kógə̄ḿ teē kemeé a reē kum kə̄ nang tə́. Yá̰á̰ ní to tītə̄ kūbə̄ kə́ bo ngá̰ý kə́ əhɔn̄ kílən kə́ sɔ́ gə̄ beé.

Najə̄ kə́ Majə yā Jeju ń Luk ndang ní 3:21

Dan ń rāān̄ de gə̄ malang batém anī, rāān̄ Jeju batém ō. Dan ń Jeju ndi a ndɔ̄ȳ anī, ta dɔ rā̰ teē,

EJEKIEL 10:20

M-á̰á̰ yá̰á̰ kə́ kə kumuú gə̄ ní kété dan ń m̄-rāń kadə bā Kebar tə́ ní, adə̄ m̄-ger̄ kadə̄ yá̰a̰ gə̄ ní i Serubḛ gə̄.

EJEKIEL 10:15

Serubḛ gə̄ ní ḭḭn̄ kum kə̄ dɔɔ́. Nin̄ ton̄ tītə̄ yá̰á̰ kə́ kə kumuú gə̄ ń m̄-rā kadə bā Kebar tə́ á m-á̰á̰də́ ní.

JEJU TEĒ KUM JA̰A̰ 4:1

Gō yá̰a̰ gə̄ ń noō tə́ anī, yá̰á̰ ń m-á̰a̰ā̰ ní n toó: Teēn̄ ta róbə́ kógə̄ḿ dɔ rā̰ tə́, anī deē ń ɔr̄ najə̄ seḿ ta kəga dɔ á ndūn ɓār̄ tītə̄ kōō bərúnjə adə̄ m-ōō ní, əda na: Āl̄ kə̄ laā ādə̄ m-ɔ́jiī yá̰á̰ ń a rāā yā rāā yá̰a̰ gō tə́ ní.

JA̰A̰ 1:51

Jeju əda ɓáý to̰ na: Ādə̄ m-ə́dásí najə̄ kə́ bo ngá̰ý, ā á̰a̰ī ta dɔ rā̰ kə́ teē ō, de kə́ dɔ rā̰ tə́ gə̄ yā Nə́ɓā kə́ a alə̄n̄ kə̄ dɔɔ́ ō, a risən̄ ō, dɔ Ngōn̄ Deē tə́.

EJEKIEL 43:3

Yá̰á̰ ń m-á̰a̰ā̰ ní, to tītə̄ yá̰á̰ ń m-á̰a̰ā̰ kété dan ń Kɔ́ɔ̄ɓē reēń nujə ɓē kə́ Jerusalem tə́ ō, dan ń m̄-rāń kadə bā Kebar tə́ ní ō. Loo ń noō tə́ m̄-tétə̄ kejəḿ nang tə́ ō, m-ɔ́sə noḿ nang tə́ ō.

EJEKIEL 8:3

Ni-əla yá̰á̰ kógə̄ḿ kə́ to tītə̄ jīn beé əhɔń nənga. Anī loo ka̰a̰ yá̰á̰ kə́ ḭḭ rɔ̄ Nə́ɓā tə́ ngeé ń noō ní, Ndíl unəm̄ aw̄ seḿ ɓōdə̄ loo tə́, dɔ dán dɔ rā̰ nin̄ kə dɔ nangaá tə́, ba aw̄ seḿ Jerusalem. Ta róbə́ kə́ dām̄ mbɔ́r ɓē kə́ ko̰ó̰ tə́ kə́ yā kudəń kə̄ kem ɓēé ní, m-á̰a̰ rɔ̄ḿ i kemeé, loo ń udən̄ ɓesə̄ tū tə́ ní tə́. Ɓesə̄ ní i ndū kə́ tájə̄n̄neé Nə́ɓā.

EJEKIEL 3:23

M-ḭ́ḭ dɔɔ́ m-āw̄ kem wól loo tə́ ō, anī kɔsə gɔn yā Kɔ́ɔ̄ɓē ɔjə rɔ̄n kə̄ ndágá loo ngeé ń noō tə́. Kɔsə gɔn ní to tītə̄ nge ń m-á̰a̰ kadə bā Kebar tə́ ní. Loo ń noō tə́ m-ə̄sō m̄-sébə kumḿ nang tə́.

IJAI 1:1

Yá̰á̰ kə́ dɔ ɓē ko̰o̰ yā Juda tə́ ō, dɔ ɓē kə́ Jerusalem tə́ ō ń Ijai kə́ ngōn̄ Amots a̰ā̰ ní n toó. Ni-a̰a̰ yá̰a̰ gə̄ ní i dan ń Ojias ō, Yotam ō, Akaj ō, gō tə́ anī i Ejekias ō i mban̄g gə̄ kə́ Juda ní.

TƏ́DA 12:6

Kɔ́ɔ̄ɓē ədadə́ na: Najə̄ ń m-ā m-ə́dásí toō ōōī majə. Ré de kə́ nge koō ta yā Nə́ɓā i dansí tə́ anī, mā Kɔ́ɔ̄ɓē m-ā m-ɔ́jən rɔ̄ḿ kadə̄ gerə̄m̄ i kə ta kūl̄ ndɔ̄bə̄ kə́ m-ā m̄-ndɔ̄bə̄n ō, kə najə̄ kə́ m-ā m-ɔ̄r̄ seneé kem nī tə́ ō.

2 KORḚNTƏ 12:1

I beé ní, i gáŕ kadə̄ m-ɔ́r ta rɔ̄ḿ, ká nge ń noō i yá̰á̰ kə́ majaĺ gə̄gē ní. Ba ń toō ɓáa m-ā m-ɔ̄r̄ i najə̄ yā yá̰a̰ gə̄ ń Kɔ́ɔ̄ɓē ɔjəm̄ adə̄ m-á̰a̰ā̰ ō, yá̰a̰ gə̄ ń ni-tḛḛ̄ kumḿ dɔ tə́ ō ní.

MARK 1:10

Ni a teē kum man̄ tə́ kə̄ ndágá anī, kə̄ tajī tə́ noō ni-a̰a̰ dɔ rā̰ njar ō, Ndíĺ kə́ Táĺ jə̄ngā kə̄ dɔn tə́ tītə̄ dér ndaa ō.

OJEE 12:10

Əla gír i ndɔ̄ ń ḭ̄ ī-teēń kɔ̄ɔ́ kem ɓē kə́ Ejiptə tə́ ní n mā n ń i Kɔ́ɔ̄ɓē Nə́ɓā yāí ní. M-ā m̄-rāāī kadə̄ ā ī-tél yā ndi gíŕ kújə tandā gə̄ tə́, tītə̄ kə́ kété, dan ń m-ə́ngeńsí ní.

EJEKIEL 40:2

Dan ń m-ā m-á̰a̰ń yá̰á̰ kógə̄ḿ ní, Nə́ɓā un aw̄ seḿ dɔ nang kə́ Israel tə́. Ni əya̰m̄ dɔ mbal̄ kógə̄ḿ kə́ ngāl̄ ngá̰ý kum kə̄ dɔɔ́ tə́. Ɓūtə̄ kújə gə̄ kə́ tītə̄ kújə gə̄ kə́ kem ɓē bo kógə̄ḿ tə́ i kadə mbal̄ ní tə́, dām̄ mbɔ́r ɓē kə́ geleé tə́.

EJEKIEL 3:15

M-ūgə̄ Telabib, rɔ̄ de gə̄ ń əhɔn̄də́ aw̄n̄ sedə́ dɔ gúú tə́ adə̄ ndin̄ kadə bā Kebar tə́ ní. m̄-ndi sedə́ ndɔ̄ sīrí kə ángaləḿ kə́ nujə sák sák kɔ̄ɔ́.

TƏ́DA 4:3

Ī-ndangiī rī ngé gə̄ malang ń ɓāl̄də́ ḭḭ dɔ kutə mətá tə́ bátə́ kutə mí tə́ ń a rāān̄ kəla tām̄ yā kújə kənge naā tə́ ní,

Teē Ngán Israel gə̄ 24:10

Nin̄-a̰a̰n̄ Nə́ɓā yā Israel. Yá̰á̰ kə́rēý kə́ to tītə̄ mbal̄ sapir kə́ kɔsə̄ kə ta naá i gír njan tə́. Yá̰á̰ ní unjə̄ njáý njáý, ɓálən to tītə̄ ɓál dɔ rā̰ kə́ a̰a̰ rá ráńg beē.

TA KƏLA 46:2

Nə́ɓā ndɔ̄bə̄n ndɔ̄ɔ́, ɔr̄ najə̄ seneé, ɓārə́n na Jakob, Jakob! Anī Jakob ndigən na: Mā n toó.

KƏLA RĀĀ 10:3

Ndɔ̄ kógə̄ḿ tə́ kə mbang kə́ mətá kə́ loo sɔlí anī, de kə́ dɔ rā̰ tə́ kógə̄ḿ yā Nə́ɓā ndɔ̄bən adə̄ a̰a̰n unjə̄ ká̰ý ká̰ý. Nge kəla ní udə kújú gōn tə́ ba ədan na: Kɔrney!

MATIYE 17:9

Dan ń a risən̄ dɔ mbalá kə̄ nang tə́ anī, Jeju ədadə́ na yá̰á̰ ń a̰a̰n̄ ní kə lōōn̄ kəda deē kógə̄ḿ gotə, bátə́ kadə̄ ré Ngōn̄ Deē oy ba ndól̄ pá tá.

EJEKIEL 10:22

Ta kumdə́ gə̄ ní to tītə̄ ta kum yá̰á̰ kə́ kə kumuú gə̄ ń m-á̰á̰də́ kadə ba Kebar tə́ ní. Serubḛ gə̄ ní njə̄rān̄ kumdə́ i súmūú nodə́ tə́.

TA KƏLA 15:1

Gō yá̰a̰ gə̄ ń noō tə́ anī, Kɔ́ɔ̄ɓē ndɔ̄bə̄ Abəram ɔr̄ najə̄ seneé ədan na: Abəram, ī-lōō ɓōĺ na mā i der yāí. Yá̰a̰ kəndā nja i ngá̰ý jīḿ tə́ kadə̄ m-ā m-ə̄ndań njaí.

Najə̄ kə́ Majə yā Jeju ń Luk ndang ní 3:23

Dan ń Jeju əla gír kəla yān ní ɓālə̄n i kutə mətá. De gə̄ ɔjənə̄ń na ni na i ngōn̄ Jəjep kə́ ngōn̄ Heli,

IJAI 6:1

I ɓāl̄ ń mban̄g Ojias oy ń tə́ ní. Ndɔ̄ kógə̄ḿ tə́ anī, m-á̰á̰ yá̰á̰ kógə̄ḿ. Kɔ́ɔ̄ɓē ndi i dɔ kōr̄ kāgə̄ mbang kógə̄ḿ kə́ ngāl̄ ngá̰ý kum kə̄ dɔɔ́ tə́. Kūbə̄ kə́ rɔ̄n tə́ taā loo kə́ kem kújə yā Kɔ́ɔ̄ɓē tə́ malang.

PĀ GƏ̄ 137:1

Jə-ndi nang tə́ ta man̄ gə̄ kə́ Babilon tə́ jə-nōō, tɔdɔ̄ əga kemjí dɔ Siyo̰ tə́.

JEREMI 29:15

Ré sḭḭ̄ ə́daī na Kɔ́ɔ̄ɓē na gə̄rā ngé koō ta gə̄ Babilon tām̄ yāsí tə́ ɓáa,

EJEKIEL 10:1

Loo kə́ rāā gār̄ tītə̄ gār̄ kújə́ ń i dɔɔ́ dɔ Serubḛ gə̄ tə́ ní, m-ə̄ndā ma̰ȳ anī, m-á̰á̰ yá̰á̰ kógə̄ḿ kə́ to tītə̄ mbal̄ sapir beé tū tə́. Rāān̄ yá̰á̰ ní adə̄ to tītə̄ kōr̄ kāgə̄ mbang beé.

EJEKIEL 10:10

Nja púsə́ kə́ sɔ́ gə̄ ní teēn̄ naā malang ō, to tītə̄ kə́ tə́lan̄də́ i kem naā tə́ beé ō.