DANIEL 9:26 - Bibəl ta Sar̄

²⁶ Ba gō ɓāl̄ kə́ sīrí nja kutə mehḛ́ gidə i jōó tə́ ɓáa a tɔ̄lə̄n̄ deē kógə̄ḿ kə́ urən̄ yibə̄ dɔn tə́, banī i tām̄ yān nəkɔ́ tə́ alé. Gō tə́ anī gír de gə̄ yā ngār kógə̄ḿ a nujən̄ ɓē sák sák kɔ̄ɔ́ ō, a nujən̄ loo kə́ táĺ kɔ̄ɔ́ ō. Banī ta tɔ̄l̄ ta ngār ní i dan yá̰á̰ kə́ un loo kə tɔ́gɔ́ tə́ ō, bátə́ kadə̄ gír rɔ̄ gāngəń ní, ngār ní a nujə loo tītə̄ ń ɔjən̄neé ní ō.

Bible sar

²⁶ Ba gō ɓāl̄ kə́ sīrí nja kutə mehḛ́ gidə i jōó tə́ ɓáa a tɔ̄lə̄n̄ deē kógə̄ḿ kə́ urən̄ yibə̄ dɔn tə́, banī i tām̄ yān nəkɔ́ tə́ alé. Gō tə́ anī gír de gə̄ yā ngār kógə̄ḿ a nujən̄ ɓē sák sák kɔ̄ɔ́ ō, a nujən̄ *loo kə́ táĺ kɔ̄ɔ́ ō. Banī ta tɔ̄l̄ ta ngār ní i dan yá̰á̰ kə́ un loo kə tɔ́gɔ́ tə́ ō, bátə́ kadə̄ gír rɔ̄ gāngəń ní, ngār ní a nujə loo tītə̄ ń ɔjən̄neé ní ō.

DANIEL 9:26 Referans Kwoze

NAHUM 1:8

dan ń yá̰á̰ kə́ to kum kaȳ aĺ mān̄ tītə̄ man̄ dɔ mbal̄ beé ní. Banī ni-nujə madə̄ ba̰ā̰n gə̄ ō, tə̄ɓādə́ aw̄ sedə́ kum loo kə́ risə til yā yo tə́ ō.

IJAI 53:8

Əhɔnən̄ ba gāngə̄n̄ sarya dɔn tə́, gō tə́ anī rāānən̄ adə̄ ni gətóo kɔ̄ɔ́. Ba i náā n əndā kumən gíŕ yá̰á̰ ń rāān tə́ ní? A̰á̰ā̰, rāānən̄ adə̄ ni gətóo kɔ̄ɔ́ dɔ nang ń de gə̄ ndin̄ kə kumdə́ tū tə́ ní tə́, əndanən̄ adə̄ oy, najə̄ yá̰a̰ rāā kə́ gōtə́ aĺ gə̄ yā gír deē yān gə̄ tə́.

MARK 13:2

Jeju tél ədan na: Á̰á̰ kújə́ kə́ bo gə̄ ń toō a? A tɔ̄ɔ̄n̄də́ malang nang tə́ kɔ̄ɔ́, mbal̄ kógə̄ḿ kə́ a ndi dɔ madə̄ tə́ a gətóo.

1 PIYER 2:24

Kərist nəkɔ́ ɔy majaĺ yājí gə̄ dɔn tə́ rań tū kāgə̄ kə́ dēsə́ tə́. Loo ń noō tə́ ní jḭḭ̄ i de kə́ koy kɔ̄ɔ́ gə̄, adə̄ j-asiī rāā majaĺ alé, banī jə-ndiī kə kumjí i tām̄ yā yá̰á̰ kə́ gōtə́ tə́. I do ń ni-ənge ní n rāā adə̄ rɔ̄sí ngáā ní.

Najə̄ kə́ Majə yā Jeju ń Luk ndang ní 24:26

I gáŕ kadə̄ Kərist a a̰a̰ tápə̄ ń toō yā kudəń kem kɔsə gɔn yān tə́ ní ī-gerī aĺ a?

MARK 9:12

Ni-tél ədadə́ na: Eli ń a reē ta kəga dɔ ní a tél yā tə́ndā yá̰a̰ gə̄ malang kə gō loodə́ gēé gogə́ rang. Ba i ba̰ý á ndangən̄ kem makətūbə̄ tə́ sɔɔ̄ń dɔ Ngōn̄ Deē na a a̰a̰ tápə̄ ngá̰ý ō, a kídə̄nən̄ ō ní?

MATIYE 24:2

Anī ni-ədadə́ na ké a̰a̰n̄ yá̰a̰ gə̄ ń noō malang wa. Kadə̄ n-ədadə́ najə̄ kə́ bo ngá̰ý, mbal̄ kógə̄ḿ kə́ to dɔ mbal̄ madə̄ tə́ kə́ de gə̄ a mbə́rē tə́nīn̄ kɔ̄ɔ́ aĺ ní gətóo. Yá̰a̰ gə̄ ń noō malang a nujən̄ kɔ̄ɔ́.

1 PIYER 3:18

Tām̄ Kərist nəkɔ́ oy ɓá najə̄ yā yá̰á̰ kə́ majaĺ gə̄ ń de gə̄ rāān̄ tə́ ní. Ni a oy yo kə́ rang to̰ alé. Ni ń i de kə́ súmūú ní, oy tām̄ yā de kə́ súmūú aĺ gə̄ tə́, yā kaw̄ń sesí rɔ̄ Nə́ɓā tə́. Tɔ̄l̄nən̄, banī Ndíl Nə́ɓā rāā adə̄ ni-tél ndi kə kumneé gogə́.

GALATƏ 3:13

Dan ń Kərist tél de kə́ ndɔ̄ĺ i dɔn tə́ kum gotəjí ní, ni-ɔr̄jí kɔ̄ɔ́ gír ndɔ̄ĺ yā ndū najə̄ tə́. Tɔdɔ̄ i kə́ ndang na: Deē ń naānən̄ dɔɔ́ tū kāgə̄ tə́ ní, ndɔ̄ĺ i dɔn tə́.

2 KORḚNTƏ 5:21

Kété ní Kərist i kanjə̄ yá̰á̰ kə́ majaĺ dɔn tə́, ba Nə́ɓā əndā yá̰á̰ kə́ majaĺ yājí dɔn tə́. I yā kadə̄ kə ta kūl̄ Kərist ɓáa, j-əngeīneé yá̰á̰ kə́ majə kə́ teē tū kəla ń Nə́ɓā rāā tə́ ní. Jə-téliī de kə́ gōtə́ gə̄ ta kum Nə́ɓā tə́, i kə ta kūl̄ kəla rāān ngeé ń toō.

DANIEL 11:10

Ngán kem mban̄g kə́ dām̄ mbɔ́r ɓē kə́ ko̰ó̰ tə́ gə̄ a əndān̄ dɔ rɔ̄də́ danaá yā rɔ̄ɔ̄. Nin̄ a ɔsən̄ dɔ ɓūtə̄ ngé rɔ̄ɔ̄ kə́ ngá̰ý gə̄ kə̄ naā tə́. Nge kə́ kógə̄ḿ a ənī rɔ̄ɔ̄. Ni a ənda dɔ nin̄ dɔ nang yā mān naā tə́ kə ngé rɔ̄ɔ̄ yān gēé tītə̄ man̄ kə́ un loo beé. Dan ń a tél yā kaw̄ gogə́ dɔ nang yān tə́ anī, a ənī ɓē kə́ ngan̄g kógə̄ḿ yā madə̄ ba̰ā̰ n gə̄ rɔ̄.

DANIEL 9:27

Dan yā ɓāl̄ kə́ sīrí gə̄ kə́ ta tɔ̄l̄ ta tə́ ní, ni a əndā tɔ́gə dɔ de kə́ ngá̰ý gə̄ tə́ yā ə́hɔń madə̄ naā sedə́ ō, kem núsə ɓāl̄ kə́ sīrí gə̄ tə́ ní, ni a rāā kadə̄ gír tun̄ yá̰a̰ gān̄g ō, gír ndējə̄ yá̰a̰ gān̄g ō. Nge nujə loo kógə̄ḿ a ndi dɔ bɔ̄gə̄ yá̰á̰ kə́ to yḛr kum gə̄ tə́ ō, i bátə́ kadə̄ nujən̄neé nge nujə loo ní tītə̄ ń ɔjən̄neé ní ō.

IJAI 8:7

I beé ɓá ní, man̄ bā Opəratə ń i man̄ kə́ ngá̰ý ō, i man̄ kə́ a nūgə́ kə ngangá ngá̰ý ō ní, m-ā m̄-reēń dɔdə́ tə́. Kumən na i mban̄g kə́ Asiri ń tɔ́gən i ngá̰ý ní. Bā Opəratə a ḭḭ ngá̰ý ō, a taā loo ō.

1 PIYER 2:21

Tɔdɔ̄ yá̰á̰ kə́ tōr̄ rāā Kərist tām̄ yāsí tə́. Ni-ɔjəsí i yá̰á̰ kə́ kadə̄ ī-ndájī, kadə̄ úniī gō tóon.

JA̰A̰ 14:30

M-ā m-ɔ̄r̄ najə̄ sesí ngá̰ý to̰ alé, tɔdɔ̄ ngār yā de kə́ dɔ nang ń toō tə́ gə̄ a reē i mbée. Ni-aw̄ kə tɔ́gə yā rāā yá̰á̰ kógə̄ḿ seḿ alé,

Najə̄ kə́ Majə yā Jeju ń Luk ndang ní 24:46

ba ədadə́ na: Ndangən̄ kem makətūbūú tītə̄ ń toō beé na Kərist a̰a̰ tápə̄ ō, a ndól̄ dan de kə́ koy gə̄ tə́ ndɔ̄ kə́ nge ko̰ mətá tə́ ō,

Najə̄ kə́ Majə yā Jeju ń Luk ndang ní 21:24

A tɔ̄lə̄n̄də́ kə kaskaraá ō, a aw̄n̄ sedə́ ɓəloó dan nápar de gə̄ tə́ malang ō, adə̄ de gə̄ kə́ nin̄ i Jipə aĺ gə̄ a tə́ɓān̄ ɓē kə́ Jerusalem njadə́ tə́ bátə́ kadə̄ ndɔ̄ yā nápar de gə̄ təgāń.

MARK 13:7

Loo ń ā ōōī kōō de gə̄ kə́ a rɔ̄ɔ̄n̄ naā ō, kə́ a sāān̄ rɔ̄ɔ̄ naā ɓáý ō anī, ādə̄ ɓōĺ rāāsí alé, tām̄ i gáŕ kadə̄ yá̰a̰ gə̄ ń noō rāān̄ yá̰a̰, banī i ta ngóy ndɔ̄ gə̄ aĺ ɓáý.

MATIYE 22:7

Wōn̄g rāā mban̄g ní, adə̄ əla ɓūtə̄ áskar yān gə̄ kadə̄ aw̄ tɔ̄lə̄n̄ ngé tɔ̄l̄ de gə̄ ní kɔ̄ɔ́ ba əlan̄ hor dɔ ɓē yādə́ tə́.

MATIYE 22:2

Ɓē ko̰o̰ kə́ dɔ rā̰ tə́ i tītə̄ mban̄g kógə̄ḿ kə́ rāā yá̰a̰ kəsa ndɔ̄ kaw̄ kújú yā nə̄yá̰ ngōnən tə́ beē.

AMOS 9:5

Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý, ɔdə dɔ nang kə jīneé anī dɔ nang ndew. De kə́ tū tə́ gə̄ malang əhɔn̄ ndoō. Tītə̄ bā Nil kə́ Ejiptə kə́ rosə kem kārə̄n ba rə̄ɓā kə̄ ndágá ní, nin̄ malang a ḭḭn̄, ba gō tə́ anī, a əsōn̄.

AMOS 8:8

I tām̄ najə̄ ń toō tə́ n dɔ nang a ndew ní. De kə́ kem ɓēé gə̄ malang a əhɔn̄ ndoō. Tītə̄ bā Nil kə́ Ejiptə kə́ rosə kem kārə̄n ba rə̄ɓā kə̄ ndágá ní, nin̄ malang a ḭḭn̄, ba gō tə́ anī, a əsōn̄.

OJEE 1:9

Anī Kɔ́ɔ̄ɓē əda Ojee na kə əndā rī ngōn̄ ní na i Loo Ami ń kumən na i gír deē yāḿ gə̄ aĺ ní. Tɔdɔ̄ sḭḭ̄ Israel gə̄, sḭḭ̄ i gír deē yāḿ gə̄ to̰ alé ō, mā i yá̰á̰ kógə̄ḿ tām̄ yāsí to̰ aĺ ō.

JEREMI 46:7

I náā n to tītə̄ bā Nil kə́ ḭḭ ō, tītə̄ bā bo gə̄ kə́ nēgə́n̄ wut wut ō ní?

PĀ GƏ̄ 22:15

Tɔ́gə́ḿ teē rɔ̄ḿ tə́ tītə̄ man̄ kə́ a də̄yā̰ beé. Kə̄ngāḿ gə̄ ḭḭn̄ ta naā tə́ malang. Wurəḿ yḛḛ̄ kə̄ kemḿ tə́ tītə̄ tībə̄ tejə bəya̰ beé.

Najə̄ kə́ Majə yā Jeju ń Luk ndang ní 21:6

Yá̰a̰ gə̄ ń á̰a̰ī malang toó ní, ndɔ̄ gə̄ a reēn̄ noó kadə̄ mbal̄ kógə̄ḿ kə́ a to dɔ mbal̄ madə̄ tə́ a gətóo: Yá̰a̰ gə̄ malang a nujən̄ kɔ̄ɔ́.

MATIYE 23:38

I beé ní, a əya̰n̄ kújə yāsí ní jīsí tə́ yā kadə̄sí kadə̄ a ra kemən karī.

DANIEL 11:17

Tɔ́gə malang kə́ kem ɓē ko̰o̰ yān tə́ ní ni ɔjə reēń ō, ni a rāā tītə̄ kə́ ni i de kə́ súmūú beē ō, a adə̄ mban̄g kə́ dām̄ mbɔ́r ɓē kə́ geleé tə́ ngōnən kə́ dəyá̰ kadə̄ taā, yā rāań kadə̄ ɓē yā madə̄ ba̰ā̰n nujə sák sák. Banī ngam yān ń noō a teē yá̰a̰ aĺ bátə́.

JEREMI 51:42

Bā bo un dɔ Babilon, bəngál man̄ kə́ ngá̰ý gə̄ taān̄ dɔn.

DANIEL 11:22

Ngé rɔ̄ɔ̄ gə̄ ń a reēn̄ yā taā loo ní a asən̄ tetən rɔ̄ɔ̄ alé, ni a rējə̄də́ malang ō, a tɔ̄l̄ ngār kógə̄ḿ yā gír de gə̄ ń Nə́ɓā əhɔ madə̄ naā sedə́ ní ō.

2 SAMUEL 21:5

Loo ń noō tə́ Gabaon gə̄ ədan̄ mban̄g na: Deē ń sāā tɔ̄l̄jí kɔ̄ɔ́ malang ō, ni ɔjəń na jə-gətóo kɔ̄ɔ́ dɔ nang kə́ Israel tə́ ō ní,

IJAI 28:2

De kə́ tɔ́gən to ō ngan̄g ō n toó. I Kɔ́ɔ̄ɓē n əla seneé ní. Ni to i tītə̄ man̄ kə́ edə kə kɔ̄sɔ̄ɔ́ beē, to i tītə̄ nél man̄ kə́ nujə loo beé, to i tītə̄ man̄ kə́ edə ngá̰ý kə́ taā loo malang beé. Deē ngeé ń toō mbəre yá̰a̰ malang tə́nī kə tɔ́gɔ́.

IJAI 28:22

I beé ní, ī-dəbaī ta mbóo kə deē yāsí. Ré i beé aĺ anī, súĺ yāsí gə̄ a ndɔ́tə̄n̄ kum kə̄ rɔ̄ naā tə́ kadə̄ gō a ngan̄g tɔȳ kə́ kété ɓáý. A̰á̰ā̰, Kɔ́ɔ̄ɓē Nə́ɓā kə́ bo kə́ tɔ́gən i ngá̰ý ədam̄. Ni un ndūn yā nujə ɓē kə taá malang kɔ̄ɔ́.

DANIEL 11:36

Mban̄g ní a rāā yá̰á̰ ń kemən ndigə ní. Rɔ̄n a nelə̄n ngá̰ý al̄ naā ō, a ɔsə rɔ̄n kə̄ dɔɔ́ dɔ nə́ɓā gə̄ tə́ malang ō, a ndájə̄ najə̄ dɔ Nə́ɓā kə́ dɔ nə́ɓā gə̄ tə́ ō. Ni a aw̄ i kum kə̄ kété kété tū kəla rāān gə̄ tə́ bátə́ kadə̄ wōn̄g yā Nə́ɓā ɔjəń rɔ̄ kə̄ ndágá. Loo ń noō tə́ Nə́ɓā a rāā yá̰á̰ ń əda rī rāā ní.