DANIEL 9:21 - Bibəl ta Sar̄

²¹ Dan ń m-ā m-ɔ̄r̄ najə̄ ɓáý anī Gabəriyel, deē ń m-á̰a̰ n dan ń yá̰a̰ ndɔ̄bə̄m̄neé tə́ kété ní, ḭḭ bɔ̄gə̄ reē rɔ̄ḿ tə́ láẃ kum mbang ndə̄jə̄ Nə́ɓā yá̰a̰ tun̄ kə́ loo tíbí tə́.

Bible sar

²¹ Dan ń m-ā m-ɔ̄r̄ najə̄ ɓáý anī Gabəriyel, deē ń m-á̰a̰ n dan ń yá̰a̰ ndɔ̄bə̄m̄neé tə́ kété ní, ḭḭ bɔ̄gə̄ reē rɔ̄ḿ tə́ láẃ kum mbang ndə̄jə̄ Nə́ɓā *yá̰a̰ tun̄ kə́ loo tíbí tə́.

DANIEL 9:21 Referans Kwoze

Najə̄ kə́ Majə yā Jeju ń Luk ndang ní 1:19

Anī de kə́ dɔ rā̰ tə́ ní tūr̄ ədan na: Mā i Gabəriyel, nge ra ta kum Nə́ɓā tə́ yā kaw̄ń kəla yān. Nə́ɓā əlam̄ kadə̄ m̄-reē m-ɔ̄r̄ najə̄ seí ō, kadə̄ m̄-reē kə Najə̄ kə́ Majə ń toō m-ə́daī ō.

DANIEL 8:16

Anī m-ōō ndū deē kógə̄ḿ kə̄ dan man̄ Ulay tə́ ɔr̄ najə̄ kə tɔ́gɔ́ əda na: Gabəriyel, ɔ́jə deē ń toō kum yá̰á̰ ń a̰ā̰ ní ādə̄ ger̄!

DANIEL 10:16

Banī deē ní ɔdə ndāŕ taḿ. Anī m̄-tḛḛ̄ taḿ m-ɔ̄r̄ najə̄. M-ə́da deē ń ra noḿ tə́ ní na: Kɔ́ɔ̄ḿ, yá̰á̰ ń m-á̰a̰ā̰ ní rāā adə̄ ɓōĺ rāām̄ ngá̰ý ō, rāā adə̄ tɔ́gə́ḿ gətóó bátə́ ō.

1 MBAN̄G GƏ̄ 18:36

Dan ń kum mbang tun̄ yá̰á̰ kə́ loo sɔlí asə anī, Eli ndɔ́tə̄ kə̄ ta loo tun̄ yá̰á̰ tə́ ba əda na: Kɔ́ɔ̄ɓē, Nə́ɓā yā Abəraham ō, yā Isaak ō, yā Jakob ō, ɔ́jə kə̄ ndágá ɓōólaā ādə̄ de gə̄ gerə̄n̄ kadə̄ i ḭ̄ n i Nə́ɓā dɔ nang kə́ Israel tə́ ō, mā i nge kəla yāí ō, m̄-rāā yá̰a̰ gə̄ ń toō malang i kə gō najə̄ kə́ taí tə́ ō.

HEBƏRO 1:14

De kə́ dɔ rā̰ tə́ gə̄ malang i ndíl gə̄ kə́ ngé rāā kəla yā Nə́ɓā ō, Nə́ɓā əladə́ kadə̄ rāān̄ kə ngé gə̄ ń majə kadə̄ ajən̄də́ ní ō.

KƏLA RĀĀ 10:3

Ndɔ̄ kógə̄ḿ tə́ kə mbang kə́ mətá kə́ loo sɔlí anī, de kə́ dɔ rā̰ tə́ kógə̄ḿ yā Nə́ɓā ndɔ̄bən adə̄ a̰a̰n unjə̄ ká̰ý ká̰ý. Nge kəla ní udə kújú gōn tə́ ba ədan na: Kɔrney!

DANIEL 10:18

Loo ń noō tə́ yá̰á̰ kə́ to tītə̄ deē ní tél ɔdə rɔ̄ḿ ɓáý to̰ ō, adə̄m̄ tɔ́gə gogə́ rang ō.

DANIEL 8:18

Dan ń a ɔr̄ najə̄ seḿ ní kumḿ i kə́ m̄-sébə nang tə́ kɔ̄ɔ́ ō, m̄-ɓīī ɓīī kógə̄ḿ kə́ m-óý mámák kɔ̄ɔ́ ō. Ni-ɔdəm̄ ba un udəm̄ dɔɔ́ gogə́.

IJAI 6:2

Serubḛ gə̄ kə́ nin̄ i hor gə̄ ran̄ dɔn tə́ dɔɔ́. Nin̄ kógə̄ḿ kógə̄ḿ ní bɔ̄gə̄də́ gə̄ i mehḛ́ mehḛ́: Kə́ jōó gə̄ a utə̄n̄nəń i ta kumdə́ ō, kə́ jōó gə̄ a utə̄n̄nəń i gidə rɔ̄də́ kə́ ta kaw̄ nang tə́ ō, kə́ jōó gə̄ i yā kḭḭń bɔ̄gə̄ ō.

PĀ GƏ̄ 103:20

Sḭḭ̄ de kə́ dɔ rā̰ tə́ gə̄ yā Kɔ́ɔ̄ɓē ń tɔ́gə́sí i ngá̰ý ō, ā ī-rāāī yá̰a̰ gə̄ ń ni ədasí kadə̄ ī-rāāī ní ō, ōōī tan ō ní, ī-ɓōkə́niī tɔ̄ȳ.

Teē Ngán Israel gə̄ 29:39

A tɔ̄lə̄n̄ ngōn̄ batə̄ kə́ ta kəga dɔ dəloí ō, kə́ nge ko̰ jōó ta loo tíbə́ tə́ ō.

HEBƏRO 1:7

Najə̄ ń Nə́ɓā əda dɔ de kə́ dɔ rā̰ tə́ gə̄ tə́ ní n toó: Nə́ɓā rāā deē yān gə̄ kə́ dɔ rā̰ tə́ i néĺ tə́ ō, rāā ngé kəla yān gə̄ i ta ndo̰ hor tə́ ō.

KƏLA RĀĀ 12:7

Anī de kə́ dɔ rā̰ tə́ yā Kɔ́ɔ̄ɓē teē rétə́ ō, loo unjə̄ kow kem kújə dəngáyá ō. De kə́ dɔ rā̰ tə́ ní ɔdə kadə Piyer ndól̄nń ba ədan na kə ḭḭ dɔɔ́ láẃ. Loo ń noō tə́ súĺ gə̄ kə́ jī Piyer tə́ téē tə́sōn̄ kɔ̄ɔ́.

KƏLA RĀĀ 10:9

Teē kə ndɔ̄ kə́ noō dan ń nin̄ i róbó ɓáý á əndān̄ dɔ ɓē kə́ Jope ngɔr ní anī, Piyer al̄ dɔ kújə́ dúŕ duruú dɔɔ́ dan kadə ndaá yā ndɔ̄ȳ Nə́ɓā.

KƏLA RĀĀ 3:1

Ndɔ̄ kógə̄ḿ tə́ Piyer nin̄ kə Ja̰a̰ a aw̄n̄ kə̄ ndɔ̄yɔ̄ɔ́ kə mbang kə́ mətá kə́ loo sɔlí kem kújə yā Kɔ́ɔ̄ɓē tə́.

MATIYE 27:46

Ugə̄ kum mbang kə́ mətá kə́ loo sɔlí tə́ anī, Jeju əga kɔŕ ngá̰ý əda na: Eli, Eli, lama sabaktani. Kumən na i Nə́ɓā yāḿ, Nə́ɓā yāḿ, ə́ya̰m̄ kɔ̄ɔ́ i tām̄ rí tə́?

DANIEL 10:10

Anī jī deē kógə̄ḿ ɔdəm̄ ō, un əndām̄ dɔ rɔ̄ḿ tə́ adə̄ m-ɔ́sə kejəḿ nang tə́ ō, m̄-tə́ndā jīḿ nang tə́ ō, banī m̄-ndebə ngá̰ý.

EJEKIEL 1:14

Yá̰á̰ kə́ kə kumuú gə̄ ní aw̄n̄ ō télən̄ ō kə ngɔ̄də́ kə́ ngá̰ý. Nin̄ ngɔ̄də̄n̄ tītə̄ tel̄ man̄ beé.

EJEKIEL 1:11

Bɔ̄gə̄də́ kə́ jōó gə̄ ń jā̰ā̰n̄ kum kə̄ dɔɔ́ ní, tadə́ ɔdə naā ō, bɔ̄gə̄də́ kə́ jōó gə̄ utə̄nəń gidə rɔ̄də́ ō.

PĀ GƏ̄ 104:4

Ni-rāā nél i ngōmbang kəla yān tə́ ō, rāā ta ndo̰ hor i de kə́ bo yān gə̄ tə́ ō.

Najə̄ kə́ Majə yā Jeju ń Luk ndang ní 1:26

Elijabet ndān̄ ngōn̄ rāā nāā mehḛ́ anī, Nə́ɓā əla de kə́ dɔ rā̰ tə́ ń rīn na i Gabəriyel ní kem ɓē kógə̄ḿ kə́ gō nang kə́ Galile tə́. Rī ɓē ní na i Najaret.

JEJU TEĒ KUM JA̰A̰ 9:17

Sə́nda gə̄ ō, ngé kal̄də́ gə̄ ō ń m-á̰á̰də́ ní ton̄ i beé: Kūbə̄ gində̄ kə́ nganjədə́ gə̄ tə́ to i tītə̄ hor beé ō, ndul tītə̄ mbal̄ sapir beé ō, ɓálən to i tītə̄ ɓál bursu beé ō. Dɔ sə́nda gə̄ ní to i tītə̄ dɔ ɓɔl beé, ba hor ō, sa hor ō, bursu ō, teē tadə́ tə́.

PĀ GƏ̄ 141:2

Ādə̄ ndɔ̄ȳ yāḿ ḭḭ kum kə̄ dɔɔ́ rɔ̄í tə́ tītə̄ sa hor kajaja beé ō, ādə̄ jīḿ ń m-ɔ́y kə̄ dɔɔ́ ní i tītə̄ yá̰a̰ ndējə̄ kə́ loo sɔlí beé ō.

EJEKIEL 14:14

Ká ré de kə́ mətá kə́ tītə̄ Noe ō, Danel ō, Job ō, nin̄ i dan de gə̄ kə́ kem ɓē ń toō tə́ gə̄ tə́ anī, ra dɔ ndū tə́ yādə́ a ajə i rɔ̄də́ nin̄ kɔ́ gə̄ ngóy. I mā Kɔ́ɔ̄ɓē Nə́ɓā n m-ə́da najə̄ ń noō ní.

1 MBAN̄G GƏ̄ 18:29

Ba dan ń mbang əja rɔ̄n sḛ́ý ní a, ndewn̄ ngangan loo ɓāŕ Baal tə́. Nin̄-ɓāŕnən̄ kə rɔ̄ ndebeé bátə́ ugə̄ kum mbang ndējə̄ yá̰á̰ kə́ loo sɔlí. Banī deē oō ndū deē aĺ ō, deē ndigə ɓār̄ ní aĺ ō, yá̰á̰ kə́ rāā yá̰á̰ sḛ́ý gətóo ō.