DANIEL 9:20 - Bibəl ta Sar̄

²⁰ m̄-na̰y kə̄ loo ndɔ̄ȳ tə́ ō, kə̄ loo kəda majaĺ yāḿ tə́ ō, yā ngán Israel gə̄ ń nin̄ i gír deē yāḿ gə̄ ní tə́ ō, kə̄ loo rāā Kɔ́ɔ̄ɓē Nə́ɓā yāḿ ɓɔ́ tə́ tām̄ yā mbal̄ yān kə́ táĺ tə́ ō.

Bible sar

²⁰ m̄-na̰y kə̄ loo ndɔ̄ȳ tə́ ō, kə̄ loo kəda majaĺ yāḿ tə́ ō, yā ngán *Israel gə̄ ń nin̄ i gír deē yāḿ gə̄ ní tə́ ō, kə̄ loo rāā Kɔ́ɔ̄ɓē Nə́ɓā yāḿ ɓɔ́ tə́ tām̄ yā mbal̄ yān kə́ *táĺ tə́ ō.

DANIEL 9:20 Referans Kwoze

PĀ GƏ̄ 145:18

Kɔ́ɔ̄ɓē i ngɔr rɔ̄ de gə̄ malang ń a ɓāŕnən̄ tə́ ní, rɔ̄ de gə̄ malang ń a ɓāŕnən̄ kə́ rɔ̄kum tə́ ní.

Makətūbə̄ ń Pol ndang adə̄ Rom gə̄ ní 3:23

Nin̄ malang rāān̄ majaĺ, adə̄ i tām̄ ń noō tə́ n asən̄ kugə̄ tū kɔsə gɔn yā Nə́ɓā tə́ aĺ ní.

IJAI 58:9

Dan ń ā ī-ɓāŕ yá̰a̰ anī, Kɔ́ɔ̄ɓē a ndigiī. Dan ń ā ə́ga kɔŕ anī, ni a əda na: Mā i laā! Yá̰á̰ kə́ a rējə̄ madí gə̄ ō, yá̰a̰ rāā kə́ a əla ɓōĺ kem deē tə́ ō, najə̄ kə́ adə̄ deē do ō ní, ré ī-rāādə́ adə̄ gətóon̄ kɔ̄ɔ́ kem ɓē yāí tə́ anī,

DANIEL 9:16

Kɔ́ɔ̄ɓē, ún wōn̄g yāí kə́ ngá̰ý kɔ̄ɔ́ dɔ ɓē kə́ Jerusalem tə́ sɔɔ̄ń kəla rāāí gə̄ kə́ gōtə́, tɔdɔ̄ Jerusalem i ɓē yāí, i mbal̄ yāí kə́ táĺ. Tām̄ de gə̄ malang ń gīrə̄n̄ gidəjí tájə̄n̄ ɓē kə́ Jerusalem ō, gír deē yāí gə̄ ō i tām̄ yá̰á̰ kə́ majaĺ gə̄ ń jə-rāā tə́ ní ō, yá̰á̰ kə́ gōtə́ aĺ gə̄ ń kaají gə̄ rāān̄ tə́ ní ō.

IJAI 65:24

Kété pá tá kadə̄ nin̄ ɓāŕmə̄n̄ ní, mā m-ā m̄-daldə́. Nin̄ a ɔrə̄n̄ najə̄ təgā aĺ ɓáý anī mā m-ā m-ōō najə̄ yādə́ ní kɔ̄ɔ́.

IJAI 6:5

Anī m-ə́da na: Yá̰á̰ kə́ to kum kaȳ aĺ a teē dɔḿ tə́! Mā i kə́ taḿ tḭ̄ḭ̄ kɔ̄ɔ́! Mā i de kə́ taḿ i kə́ yḛr ō, m̄-ndi i dan de gə̄ kə́ tadə́ i kə́ yḛr tə́ ō, kumḿ a̰a̰ mban̄g ń i Kɔ́ɔ̄ɓē kə́ bo kə́ tɔ́gən i ngá̰ý ní ō!

PĀ GƏ̄ 32:5

Yá̰á̰ kə́ majaĺ ń m̄-rāā ní m-ə́daī wáńg. Yá̰á̰ kə́ gōtə́ aĺ ń m̄-rāā ní m̄-mundī alé. M-ə́da na: M-ā m-ɔ́jə́ Kɔ́ɔ̄ɓē yá̰á̰ kə́ majaĺ gə̄ ń m̄-rāā ní. Anī ḭ̄ ún majaĺ yāḿ ń oym̄ ní dɔḿ tə́ kɔ̄ɔ́.

JEJU TEĒ KUM JA̰A̰ 21:10

Ni-un ndílə́ḿ aw̄ń dɔ mbal̄ bo kógə̄ḿ kə́ ngāl̄ kum kə̄ dɔɔ́ tə́, ba ɔjəm̄ ɓē yā Nə́ɓā ń i Jerusalem ní. Ɓē ní ḭḭ rɔ̄ Nə́ɓā tə́ dɔɔ́ a risə kum kə̄ nang tə́.

JEJU TEĒ KUM JA̰A̰ 21:2

Anī m-á̰a̰ ɓē yā Nə́ɓā ń i Jerusalem kə́ kijə ní, ḭḭ dɔ rā̰ tə́ a risə kə̄ nang tə́. Ni-majə ngá̰ý tītə̄ dəyá̰ kə́ súū rɔ̄n tām̄ yā ngaan tə́ beē.

JAKƏ 3:2

Tɔdɔ̄ jḭḭ̄ malang jə-rāāī yá̰á̰ kə́ gō tə́ alé. Ré deē kógə̄ḿ ɔr̄ najə̄ ba əda yá̰á̰ kə́ gō tə́ aĺ alé anī, ni i de kə́ majə ɔtə̄ kə taá kə́ asə kəhɔ rɔ̄n kə taā malang kə jámá.

KƏLA RĀĀ 4:31

Dan ń nin̄-ndɔ̄ȳn̄ oy anī, loo ń kánə̄n̄ naā tū tə́ ní ndebə. Ndíĺ kə́ Táĺ rosə kemdə́ malang ō, nin̄-ənīn̄ kemdə́ ɔjən̄neé najə̄ yā Nə́ɓā kanjə̄ ɓōĺ ō.

JAKARI 8:3

I tām̄ najə̄ ń toō tə́ n m̄-tél m̄-reē gogə́ dɔ mbal̄ Siyo̰ tə́ ní. A̰á̰ā̰, m̄-tél m̄-ndi kem ɓē kə́ Jerusalem tə́ gogə́ ɓáý to̰. A ɓārə́n̄ ɓē kə́ Jerusalem na i ɓē kə́ nge ra dɔ ndūn tə́ ō, a ɓārə́n̄ mbal̄ bo yā Kɔ́ɔ̄ɓē kə́ bo kə́ tɔ́gən i ngá̰ý na i mbal̄ bo kə́ táĺ ō.

DANIEL 10:2

Dan ngeé ń noō tə́ ní Daniel m-ə́hɔ ndoō dəmásə mətá,

IJAI 56:7

m-ā m̄-rāā kadə̄ nin̄ a reēn̄ dɔ mbal̄ bo yāḿ kə́ táĺ tə́, m-ā m̄-rāā kadə̄ rɔ̄də́ a nel̄də́ ngá̰ý kem kújə ndɔ̄ȳ yāḿ tə́. M-ā m̄-ndigə yá̰á̰ kə́ tun̄ gə̄ ō, yá̰á̰ kə́ kadə̄ karī yādə́ gə̄ ō ń nin̄ ndējə̄mə̄n̄ dɔ loo tun̄ yá̰á̰ tə́ ní. A̰á̰ā̰, a ɓārə́n̄ kújə yāḿ na i kújə ndɔ̄ȳ kə́ tām̄ yā gír de gə̄ tə́ malang.

KOHELET 7:20

Tɔdɔ̄ de kə́ dɔ nang tə́ kə́ rāā yá̰a̰ malang súmūú kanjə̄ rāā yá̰á̰ kə́ majaĺ aĺ ní gətóo.

ESDRAS 10:1

Dan ń Esdras tétə̄ kejən nang tə́ ta kújə yā Kɔ́ɔ̄ɓē tə́ ba ndi a nōō ō, a ndɔ̄ȳ Nə́ɓā ō, a dəje Nə́ɓā mā̰ȳ rɔ̄ ō ní anī, Israel gə̄ ngá̰ý, kə́ dəngam gə̄ kə kə́ dəyá̰ gə̄ kə ngán gə̄ kánə̄n̄ naā kə̄ dɔn tə́. Nin̄ malang nōōn̄ ngá̰ý kə man̄ kumdə́.

NEHEMI 1:6

Ī-tūr̄ kumií kə̄ rɔ̄ḿ tə́ ba ī-nēl̄ mbīí ōoń ndɔ̄ȳ yāḿ mā nge kəla yāí. Ngɔlaā ní m̄-ndɔ̄yī ndɔ̄ɔ́ ō, kadaá ō, tām̄ yājí jḭḭ ngán Israel gə̄ ń i ngé kəla yāí gə̄ tə́ ní. m̄-dəjeī kadə̄ ī-mā̰ȳ rɔ̄í dɔ yá̰á̰ kə́ gōtə́ aĺ gə̄ ń jə-rāā tə́ ní. Rɔ̄kum, mā nəkɔ́ ō, kaaḿ gə̄ ō, jə-rāā yá̰a̰ majaĺ.

DANIEL 10:12

Ni ədam̄ ɓáý to̰ na: Daniel, ī-lōō ɓōĺ! Tɔdɔ̄ əla gír ndɔ̄ ń ī-gḛy gerə̄ń kum yá̰a̰ gə̄ ń rāān̄ yá̰a̰ ō, ī-gḛy sɔlə̄ń dɔí kə̄ kə̄ no Nə́ɓā yāí tə́ ō ní, Nə́ɓā oō ndɔ̄ȳ yāí adə̄ m̄-reē i tām̄ najə̄ kɔrīí tə́.

DANIEL 11:45

Kújə tandā gə̄ kə́ kem kújə mban̄g yān tə́ ní a ɔydə́ yā kudədə́ dɔ dán bā bo tə́ kə mbal̄ kə́ táĺ kə́ kem ɓē kə́ majə tɔȳ gotə ɓē gə̄ malang tə́ ō, ni a oy kanjə̄ kadə̄ deē rāā seneé ō.