DANIEL 9:18 - Bibəl ta Sar̄

¹⁸ Ɓɔ́ Nə́ɓā yāḿ, ī-nēl̄ mbīí ōoń! Ī-teē kumií ba á̰a̰ loo yājí kə́ nujə sák sák gə̄ ō, á̰a̰ ɓē ń rīí ɓār̄ dɔ tə́ ní ō! tɔdɔ̄ jə-rāāī ɓɔ́ i kə ta kūl̄ yá̰a̰ rāājí kə́ gōtə́ gə̄ alé, ba i tām̄ kum ko̰ yāí kə́ ngá̰ý tə́.

Bible sar

¹⁸ Ɓɔ́ Nə́ɓā yāḿ, ī-nēl̄ mbīí ōoń! Ī-teē kumií ba á̰a̰ loo yājí kə́ nujə sák sák gə̄ ō, á̰a̰ ɓē ń rīí ɓār̄ dɔ tə́ ní ō! tɔdɔ̄ jə-rāāī ɓɔ́ i kə ta kūl̄ yá̰a̰ rāājí kə́ gōtə́ gə̄ alé, ba i tām̄ kum ko̰ yāí kə́ ngá̰ý tə́.

DANIEL 9:18 Referans Kwoze

IJAI 37:17

Kɔ́ɔ̄ɓē, ī-nēl̄ mbīí ōoń, á̰a̰ā̰ majə. Ōō ndū ń ngámbang kəla yā Senakerib gə̄ tájīn̄ ḭ̄ Nə́ɓā kə́ ī-ndi kə kumií ní!

JEREMI 36:7

Majanī ndɔ̄ȳ yādə́ a ugə̄ ta kum Kɔ́ɔ̄ɓē tə́ ō, nin̄ kógə̄ḿ kógə̄ḿ a tūrə̄n̄ yá̰a̰ rāādə́ kə́ majaĺ gə̄ ō, tɔdɔ̄ wōn̄g ō, wōn̄g kə́ ngá̰ý ō ń Kɔ́ɔ̄ɓē rāā kə gír de gə̄ ń toō ní to ɓōĺ ngá̰ý.

JEREMI 25:29

M-ā m-ə́la kə yá̰á̰ kə́ to kum kaȳ aĺ dɔ de gə̄ tə́. M-ə́la gír i dɔ ɓē ń rīḿ ɓār̄ dɔ tə́ ní sḭḭ̄ a ī-teēī kum tə́ karī a? Njaḿ gē ā ī-teēī kum tə́ alé. Tɔdɔ̄ m-ā m̄-rāā kadə̄ de kə́ dɔ nang tə́ gə̄ malang oyn̄ yo kaskar. Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n noó.

2 MBAN̄G 19:16

Kɔ́ɔ̄ɓē, ī-nēl̄ mbīí ōōń nduḿ, ī-teē kumií á̰a̰ loo! Ōō najə̄ gə̄ ń Senakerib əla de gə̄ adə̄ reē tájə̄n̄neé Nə́ɓā kə́ ndi kə kumneé ní!

EJEKIEL 36:32

Majə kadə̄ ī-gerī na m-ā m̄-rāā yá̰á̰ ní i najə̄ yāsí sḭḭ̄ tə́ alé. Mā Kɔ́ɔ̄ɓē Nə́ɓā m-ə́da najə̄ ń noō. Israel gə̄, majə kadə̄ rɔ̄sí sɔl̄sí ō, ī-ndə̄ngāī rɔ̄sí najə̄ háĺsí tə́ ō!

JEREMI 15:16

Najə̄ yāí gə̄ ń m̄-teē dɔ tə́ ní m-ə́sádə́ mak mak. Nelə̄n̄ taḿ páráng ō, adə̄mə̄n̄ rɔ̄nel̄ kə́ ngá̰ý ngarā̰ kemḿ tə́ ō. Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý, rīí ɓār̄ dɔḿ tə́.

JEREMI 14:7

Ré majaĺ yājí gə̄ ənīn̄ najə̄ dɔjí tə́ anī, ī-rāā yá̰á̰ ń sɔɔ̄ kadə̄ ī-rāā ní ādə̄ de gə̄ tɔ̄ȳn̄neé rīí. jə-mbātíī kə̄ nja naā tə́, adə̄ kə́ rɔ̄kum tə́ ní, jə-rāā yá̰á̰ kə́ gōtə́ aĺ seí.

1 KORḚNTƏ 1:2

əlan̄ kə makətūbə̄ ń toō adə̄n̄ Egəlijə yā Nə́ɓā ń ndin̄ kem ɓē kə́ Korḛntə tə́ ní. Nin̄-adə̄n̄ ngé gə̄ ń ɓārə́n̄də́ kadə̄ ndin̄ tām̄ yā Nə́ɓā tə́ á nin̄ i de gə̄ yā Nə́ɓā kə ta kūl̄ ɓoo naā yādə́ kə Jeju Kərist ní ō, adə̄n̄ de gə̄ malang ń ndin̄ kə̄ loo gə̄ tə́ malang ba a ɓārə́n̄ rī Kɔ́ɔ̄ɓē yājí Jeju Kərist ní ō, tām̄ ni i Kɔ́ɔ̄ɓē yādə́ ō, Kɔ́ɔ̄ɓē yājí ō mbak.

JEREMI 37:20

Ngɔlaā ní, Kɔ́ɔ̄ḿ mban̄g ī-nēl̄ mbīí ōoń. m̄-rāāī ɓɔ́ ba ī-lōō tél kəlam̄ gogə́ kem kújə yā Yonatan nge ndang makətūbə̄ tə́ na m-ā m-óy loo ń noō tə́.

JEREMI 14:9

I tām̄ rí tə́ á ī-rāā rɔ̄í tītə̄ de kə́ ángalən gətóo beé ō, tītə̄ go̰ rɔ̄ɔ̄ kə́ asə taā dɔ deē to̰ aĺ ō ní? Banī Kɔ́ɔ̄ɓē, ḭ̄ i dɔ dáńjí tə́, rīí ɓār̄ dɔjí tə́ ō ní, ī-lōō kəya̰jí kɔ̄ɔ́.

IJAI 64:6

Deē ɓāríī to̰ alé, deē ndól̄ dɔ ɓīī tə́ yā tə́ya̰ gōí tə́ to̰ alé. Tām̄ ī-ndigə ka̰a̰jí to̰ aĺ ō, ə́yá̰jí kem jī yá̰a̰ rāājí kə́ gōtə́ aĺ gə̄ tə́ ō.

1 MBAN̄G GƏ̄ 8:29

Á̰á̰ kújə́ ń toō kə kumií kə́ majaá ndɔ̄ɔ́ ō, kadaá ō. Ādə̄ kumií i kə̄ dɔ loo ń ə́da na rīí na a ɓār̄ dɔ tə́ ní tə́. Ōō ndɔ̄ȳ ń nge kəla yāí a ndɔ̄yī loo ń toō tə́ laā ní.

Teē Ngán Israel gə̄ 3:7

Kɔ́ɔ̄ɓē tél əda na: M-á̰a̰ loo rāā ń rāān̄ kum gír deē yāḿ gə̄ ndoō tə́ dɔ nang kə́ Ejiptə tə́ ní. M-ōō nōō yādə́ dan ń ngé rāā kumdə́ ndoō tə́ gə̄ a tə̄ndān̄də́ ní. m̄-ger̄ tápə̄ yādə́.

PĀ GƏ̄ 116:1

m̄-táŕ Kɔ́ɔ̄ɓē, tām̄ ni oō ndūḿ loo rāān ɓɔ́ tə́.

DANIEL 9:7

Ɓōólaā Kɔ́ɔ̄ɓē najə̄ i yāí ba yājí i rɔ̄sɔl̄, i rɔ̄sɔl̄ yā Juda gə̄ ō, de kə́ Jerusalem gə̄ ō, Israel gə̄ malang kə́ ngɔr gə̄ ō kə́ sa̰y gə̄ ō, nin̄ ń ī-tə̄ndā ī-tḭ̄ḭ̄də́ kə̄ kem ɓē gə̄ tə́ malang najə̄ yā yá̰á̰ kə́ gōtə́ aĺ ngá̰ý ń nin̄ rāān̄ seí tə́ ní.

TƏ́DA 6:27

I beé n a ədanə̄ń rīḿ dɔ ngán Israel gə̄ tə́ kadə̄ m̄-rāań majə sedə́ ní.

PĀ GƏ̄ 25:6

Kɔ́ɔ̄ɓē, ādə̄ əga kemií na ḭ̄ i Nə́ɓā kə́ nge tár deē ō, nge kem majə ō, ngándáńg.

IJAI 43:7

De gə̄ malang ń rīḿ i dɔdə́ tə́ ní, de gə̄ malang ń m-ə̄ndādə́, m-ə̄ɓādə́, m̄-rāādə́ kadə̄ ɔsən̄ gɔnəḿ ní, ī-tél ī-reēī sedə́.

EJEKIEL 36:22

Tām̄ najə̄ ń noō tə́ ní, ə́da na: Najə̄ ń Kɔ́ɔ̄ɓē Nə́ɓā ɔr̄ ní n toó: Israel gə̄, yá̰á̰ ń m-ā m̄-rāā yā rāā ní, m-ā m̄-rāā i najə̄ yāsí sḭḭ̄ tə́ alé. M-ā m̄-rāā i yā kadə̄ de gə̄ ɓōĺnəń gidə rīḿ kə́ táĺ. A̰á̰ā̰, de gə̄ kídə̄n̄ rīḿ ɓē nápar de gə̄ ń sḭḭ̄ āwī tū tə́ ní i najə̄ yāsí sḭḭ̄ tə́.