DANIEL 9:16 - Bibəl ta Sar̄

¹⁶ Kɔ́ɔ̄ɓē, ún wōn̄g yāí kə́ ngá̰ý kɔ̄ɔ́ dɔ ɓē kə́ Jerusalem tə́ sɔɔ̄ń kəla rāāí gə̄ kə́ gōtə́, tɔdɔ̄ Jerusalem i ɓē yāí, i mbal̄ yāí kə́ táĺ. Tām̄ de gə̄ malang ń gīrə̄n̄ gidəjí tájə̄n̄ ɓē kə́ Jerusalem ō, gír deē yāí gə̄ ō i tām̄ yá̰á̰ kə́ majaĺ gə̄ ń jə-rāā tə́ ní ō, yá̰á̰ kə́ gōtə́ aĺ gə̄ ń kaají gə̄ rāān̄ tə́ ní ō.

Bible sar

¹⁶ Kɔ́ɔ̄ɓē, ún wōn̄g yāí kə́ ngá̰ý kɔ̄ɔ́ dɔ ɓē kə́ *Jerusalem tə́ sɔɔ̄ń kəla rāāí gə̄ kə́ gōtə́, tɔdɔ̄ *Jerusalem i ɓē yāí, i mbal̄ yāí kə́ *táĺ. Tām̄ de gə̄ malang ń gīrə̄n̄ gidəjí tájə̄n̄ ɓē kə́ *Jerusalem ō, gír deē yāí gə̄ ō i tām̄ yá̰á̰ kə́ majaĺ gə̄ ń jə-rāā tə́ ní ō, yá̰á̰ kə́ gōtə́ aĺ gə̄ ń kaají gə̄ rāān̄ tə́ ní ō.

DANIEL 9:16 Referans Kwoze

JAKARI 8:3

I tām̄ najə̄ ń toō tə́ n m̄-tél m̄-reē gogə́ dɔ mbal̄ Siyo̰ tə́ ní. A̰á̰ā̰, m̄-tél m̄-ndi kem ɓē kə́ Jerusalem tə́ gogə́ ɓáý to̰. A ɓārə́n̄ ɓē kə́ Jerusalem na i ɓē kə́ nge ra dɔ ndūn tə́ ō, a ɓārə́n̄ mbal̄ bo yā Kɔ́ɔ̄ɓē kə́ bo kə́ tɔ́gən i ngá̰ý na i mbal̄ bo kə́ táĺ ō.

DANIEL 9:20

m̄-na̰y kə̄ loo ndɔ̄ȳ tə́ ō, kə̄ loo kəda majaĺ yāḿ tə́ ō, yā ngán Israel gə̄ ń nin̄ i gír deē yāḿ gə̄ ní tə́ ō, kə̄ loo rāā Kɔ́ɔ̄ɓē Nə́ɓā yāḿ ɓɔ́ tə́ tām̄ yā mbal̄ yān kə́ táĺ tə́ ō.

PĀ GƏ̄ 31:1

Pā kə́ kem makətūbə̄ yā ngār yā gōsə̄ pā gə̄ tə́. I pā yā Dabid.

PĀ GƏ̄ 79:4

Madə̄ ɓējí gə̄ tájə̄n̄jí, de gə̄ ń ndin̄ kə gō gidəjí ní əgōn̄jí ō, mbóon̄ sejí ō.

PĀ GƏ̄ 71:2

Ā ī-gān̄g dɔḿ, ā ī-taām̄ jī de gə̄ tə́, sɔɔ̄ń hál kə́ gōtə́ yāí. Ī-nēl̄ mbīí kə̄ kōōḿ tə́, ájəm̄.

Teē Ngán Israel gə̄ 20:5

Ā ɔ́sə noí nang tə́ nodə́ tə́ aĺ ō, ā ī-rāā kəla ādə̄də́ aĺ ō. Tɔdɔ̄ mā i Kɔ́ɔ̄ɓē Nə́ɓā yāí ō, mā i Nə́ɓā kə́ nge rāā jang ō. Ré de kə́rēý mbātə́ najə̄ taḿ tə́ anī, m-ā m-ādə̄ yá̰á̰ kə́ tōr̄ a reē dɔ kɔ́ɔ̄ tə́ ō, dɔ ngánən gə̄ tə́ ō, dɔ ngán kaan gə̄ tə́ ō, dɔ ngán kaa gugūn gə̄ tə́ ō, dɔ ngán kaa dɔgən gə̄ tə́ ō.

1 JA̰A̰ 1:9

Ré j-ɔrī gír majaĺ yājí anī, Nə́ɓā a mā̰ȳ rɔ̄n dɔ tə́ ō, a tə́go yá̰á̰ kə́ gō tə́ aĺ gə̄ malang kɔ̄ɔ́ rɔ̄jí tə́ ō. Tɔdɔ̄ ni i de kə́ nge ra dɔ ndūn tə́ ō, de kə́ súmūú ō.

2 TESALONIK 1:6

Ngé gə̄ ń rāān̄ adə̄ wur kɔl əsō dɔsí tə́ ní, i gōtə́ kadə̄ Nə́ɓā rāā adə̄ wur kɔl əsō dɔdə́ tə́ ō.

EJEKIEL 5:14

Nápar de gə̄ ń gīrə̄n̄ gidisí ní ō, de gə̄ malang ń a aw̄n̄ Jerusalem ní ō, a a̰a̰n̄ kadə̄ m̄-nujə ɓē kə́ Jerusalem sák sák ō, m-ə́la rɔ̄sɔl̄ dɔ tə́ ō.

JEREMI 32:32

najə̄ yá̰á̰ kə́ majaĺ gə̄ malang ń Israel gə̄ ō, Juda gə̄ ō rāān̄ tə́ ní. Nin̄ ō, mban̄g yādə́ gə̄ ō, de kə́ bo yādə́ gə̄ ō, ngé tun̄ yá̰a̰ yādə́ gə̄ ō, ngé koō ta yādə́ gə̄ ō, de kə́ Juda tə́ gə̄ ō, de gə̄ ń ndin̄ Jerusalem ō ní,

JEREMI 29:18

M-ā m̄-tə̄ɓā gōdə́ kə kaskaraá ō, kə ɓōó ō, kə mo̰y ngāl̄bɔ̄gīí ō. M-ā m̄-rāādə́ kadə̄ a télən̄ yá̰á̰ kə́ to ɓōĺ kə́ ɓē ko̰o̰ gə̄ malang kə́ dɔ nang tə́ a ndɔ̄lə́n̄ naā i kə rīneé ō, yá̰á̰ kə́ to kum ko̰o̰ kə́ de gə̄ a əgan̄ kɔŕ ɓōĺ dɔ tə́ ō, a tájə̄n̄ ō, kem ɓē yā nápar de gə̄ ń m̄-tə̄ndā m̄-tḭ̄ḭ̄də́ tū tə́ ní.

JEREMI 24:9

M-ā m-ūtə̄ kumḿ njárárá, ba m-ā m̄-rāādə́ kadə̄ télən̄ yá̰á̰ kə́ to ɓōĺ tām̄ yā ɓē ko̰o̰ gə̄ malang kə́ dɔ nang tə́ tə́. A ənīn̄ pā sedə́ ō, a lurən̄də́ ō, a tájə̄n̄də́ ō, a ndɔ̄lə́n̄də́ ō, kə gō loo gə̄ malang ń m̄-tə̄ndā m̄-tḭ̄ḭ̄də́ tū tə́ tə́ ní.

PĀ GƏ̄ 143:1

Pā yā Dabid. Kɔ́ɔ̄ɓē, ōō ndɔ̄ȳ yāḿ, ī-nēl̄ mbīí ōoń ndūḿ ń m̄-rāāīneé ɓɔ́ ní. Ḭ̄ i de kə́ nge ra dɔ ndūí tə́ ō, de kə́ gōtə́ ō ní ī-tūrə̄m̄ najə̄ tə́!

PĀ GƏ̄ 41:13

Ḭ̄ ə̄nī najə̄ gírə́ḿ tə́ i tām̄ najə̄ kə́ gətóo dɔḿ tə́ ō, ḭ̄ ī-rāā ādə̄ rɔ̄ḿ ngan̄g gogə́ ō, adə̄ m̄-ndi ta kumií tə́ ngándáńg.

NEHEMI 9:8

Á̰a̰ā̰ kadə̄ ni i de kə́ ra dɔ ndūn tə́, adə̄ ə̄nī ndūí yā kadə̄n dɔ nang yā Kanaan gə̄ ō Het gə̄ ō Amor gə̄ ō Periji gə̄ ō Yebus gə̄ ō Girgas gə̄ ō, kadə̄ ngánən gə̄ ō ngán kaan gə̄ ō ndin̄ tū tə́. Ī-rāā yá̰á̰ ń ə̄nī ndūí yā rāā ní tɔdɔ̄ ḭ̄ i de kə́ súmūú.

1 SAMUEL 2:7

I Kɔ́ɔ̄ɓē n i nge rāā kadə̄ deē tél nge rɔ̄ tō ndoō ō, nge kənge yá̰a̰ ō ní. Ni i nge tél kə deé kə̄ nang tə́ ō, nge kɔsən kə̄ dɔɔ́ ō.

PĀ GƏ̄ 85:4

Ḭ̄ ə́ya̰ gō wōn̄g ń rāāī ngá̰ý ní kɔ̄ɔ́, ḭ̄ ī-lōō gír wōn̄g yāí kə́ ngá̰ý tə́.

IJAI 5:25

I tām̄ najə̄ ń toō tə́ n wōn̄g rāā Kɔ́ɔ̄ɓē ngá̰ý kə gír deē yān gēé ní. Ni ɓir̄ jīn ba un kə̄ dɔɔ́ əndańdə́. Mbal̄ bo gə̄ ndewn̄, nīń de gə̄ to kə̄ kum róbə kɔsə gə̄ tə́ tītə̄ loo gə̄ kə́ kánə̄n̄ yá̰á̰ kə́ yḛr gə̄ tū tə́ beē. Yá̰a̰ malang ń noō rāā yá̰á̰ ɓá tā, banī wōn̄g yā Kɔ́ɔ̄ɓē tetə alé. Ni əhɔ jīn kə́ ɓir̄ dɔɔ́.

JEREMI 32:31

Əla gír ndɔ̄ ń əndān̄əń ɓē ń toō tə́ bátə́ ɓōólaā ní, ɓē toō rāā i kəla kadə̄m̄ wōn̄g, i wōn̄g kə́ ngá̰ý. Ní, m-ā m-á̰a̰n ta kumḿ tə́ to̰ alé,

DANIEL 11:45

Kújə tandā gə̄ kə́ kem kújə mban̄g yān tə́ ní a ɔydə́ yā kudədə́ dɔ dán bā bo tə́ kə mbal̄ kə́ táĺ kə́ kem ɓē kə́ majə tɔȳ gotə ɓē gə̄ malang tə́ ō, ni a oy kanjə̄ kadə̄ deē rāā seneé ō.

PĀ GƏ̄ 89:51

Kɔ́ɔ̄ɓē, ī-gír̄ dɔ ngé kəla yāí gə̄ ń tájə̄n̄də́ ní tə́, ī-gír̄ dɔ gír de gə̄ malang ń toō ń ə́ládə́ gír jīḿ tə́ ní.

EJEKIEL 22:4

De gə̄ malang ń oyn̄ noó najə̄n i dɔí tə́. Ḭ̄ ī-tél ɓē kə́ yḛr sɔɔ̄ń yá̰a̰ gə̄ ń de kə́ ngé ndi kemií tə́ gə̄ a tɔ́sə̄n̄ ní, ḭ̄ ī-ndɔ́tə̄ kə ndɔ̄ koyií ī-reēń ngɔr rɔ̄í tə́ i kə ta kūl̄ yá̰á̰ ń noō. A nujən̄ seí ngɔr. I tām̄ najə̄ ń noō tə́ n m-ə́la rɔ̄sɔl̄ dɔí tə́ ta kum nápar de gə̄ tə́ ní. De gə̄ kə́ kem ɓē gə̄ tə́ malang a mbóōn̄ seí.