DANIEL 9:15 - Bibəl ta Sar̄

¹⁵ Kɔ́ɔ̄ɓē Nə́ɓā yājí, ī-teē kə gír deē yāí gēé kɔ̄ɔ́ kem ɓē kə́ Ejiptə tə́ ta kūl̄ jīí kə́ kə tɔ́gɔ́ ō, i -rāā ādə̄ rīí ɓār̄ tītə̄ ń a ɓārəń ɓōólaā ɓáý ní ō, ba ngɔlaā ní jḭḭ i ngé rāā majaĺ gə̄ ō, ngé kem ndul gə̄ ō.

Bible sar

¹⁵ Kɔ́ɔ̄ɓē Nə́ɓā yājí, ī-teē kə gír deē yāí gēé kɔ̄ɔ́ kem ɓē kə́ Ejiptə tə́ ta kūl̄ jīí kə́ kə tɔ́gɔ́ ō, i -rāā ādə̄ rīí ɓār̄ tītə̄ ń a ɓārəń ɓōólaā ɓáý ní ō, ba ngɔlaā ní jḭḭ i ngé rāā majaĺ gə̄ ō, ngé kem ndul gə̄ ō.

DANIEL 9:15 Referans Kwoze

NEHEMI 9:10

Ī-rāā yá̰a̰ gə̄ kə́ yā kɔjəń yá̰a̰ gə̄ ō, yá̰á̰ kə́ to kɔr kum gə̄ ō, dɔ Parao̰ tə́ ō, ngé rāā kəla yān gə̄ tə́ ō, de gə̄ malang kə́ kem ɓē yān tə́ gə̄ ō. Tɔdɔ̄ ī-ger̄ kɔjə ń de kə́ Ejiptə tə́ gə̄ ɔjən̄ rɔ̄də́ dɔ kaají gə̄ tə́ ní. Adə̄ rīí ɓār̄ ngá̰ý. Rī ɓār̄ yāí ní to ɓōólaā ɓáý.

DANIEL 9:5

jə-rāā yá̰á̰ kə́ gōtə́ aĺ gə̄, adə̄ j-əsō kɔ̄ɔ́ ō, jə-rāā kem ndul ō, jə-mbātə́ najə̄ ō, jə-tūr̄ gidəjí kɔ̄ɔ́ ta gō míndí gə̄ tə́ ō, ta yá̰a̰ gə̄ ń əda kadə̄ yā rāā tə́ ní ō.

NEHEMI 1:10

Kɔ́ɔ̄ɓē, jḭḭ i ngé kəla yāí gə̄, jḭḭ i gír deē yāí gə̄! I jḭḭ ń toō n ī-gān̄g dɔjí kə ta kūl̄ tɔ́gí kə́ ngá̰ý ō, kə ta kūl̄ tɔ́gə jīí ō ní.

Teē Ngán Israel gə̄ 32:11

Banī Moijə rāā Kɔ́ɔ̄ɓē Nə́ɓā yān ɓɔ́ kadə̄ wōn̄g yān kə tetə, ədan na ké gír de gə̄ ń noō i gír deē yān gə̄ ń nəkɔ́ na ɔydə́ teē sedə́ dɔ nang kə́ Ejiptə tə́ kɔ̄ɔ́ kə jīneé ō, kə tɔ́gən kə́ ngá̰ý ō ní aĺ wa.

Teē Ngán Israel gə̄ 14:18

Ré n-ɔsə gɔnən nəkɔ́ tītə̄ ń noō anī, de kə́ Ejiptə gə̄ na a gerə̄n̄ kadə̄ ni i Kɔ́ɔ̄ɓē.

Teē Ngán Israel gə̄ 6:1

Kɔ́ɔ̄ɓē tél əda Moijə na a a̰a̰ yá̰á̰ ń na n-a n-rāā kə Parao̰ó̰ ní ɓáý. Na n-a n-ɔjə tɔ́gən dɔn tə́ kadə̄ a əya̰ ngán Israel gə̄ kadə̄ a aw̄n̄ ō, kadə̄ a tə̄ɓādə́ dɔ nang yān tə́ kɔ̄ɔ́ ō.

2 KORḚNTƏ 1:10

I ni n ɔr̄jí ta yo kə́ tītə̄ ń noō tə́ ō, a ɔr̄jí ɓáý ō ní. A̰á̰ā̰, j-əndā kemjí dɔn tə́ kadə̄ a ajəjí ta yo tə́ ɓáý.

Najə̄ kə́ Majə yā Jeju ń Luk ndang ní 18:13

Nge taā lambóó ní ra dan gə̄lā sa̰y. Ni gḛy kun kumən kə̄ dɔɔ́ dɔ rā̰ tə́ sḛ́ý aĺ bátə́, ba a ənda nganjən ō, a əda tītə̄ ń toō beé ō na: Nə́ɓā, ī-mā̰ȳ rɔ̄í dɔḿ mā nge rāā majaĺ ń toō tə́!

Najə̄ kə́ Majə yā Jeju ń Luk ndang ní 15:21

Loo ń noō tə́ ngōn̄ ní əda bɔbə̄n na: Bɔbə́ḿ, m̄-rāā yá̰á̰ kə́ majaĺ kə Nə́ɓāá ō, seí ḭ̄ḭ́ ō. Adə̄ m̄-ndetə kadə̄ ā ī-ɓārə́m̄ ngōn̄ kemií to̰ alé.

JEREMI 32:10

m̄-ndang makətūbə̄ kə́ ɔjə dɔ loo ń m̄-mang ní, ba m-ə̄ndā tambō̰o̰ tū tə́, ta kum de gə̄ ń m̄-ɓāŕdə́ kadə̄ reēn̄ kum tə́ ní. m̄-mbɔ̄jə́ kɔȳ nar ní dɔ yá̰a̰ mbɔ̄jə́ kɔȳ yá̰á̰ tə́.

IJAI 55:13

Kāgə̄ sipəres a əɓa kum gotə túpə kōn̄ ō, kāgə̄ kə́ otə majə a to kum gotə mu kə́ kōn̄də́ tōr̄ ngá̰ý gə̄ ō. Yá̰a̰ gə̄ ń noō malang a rāān̄ yá̰a̰ i yā kadə̄ Kɔ́ɔ̄ɓē əngeń kɔr ta. Nge ń noō i yá̰á̰ kə́ yā kɔjəń yá̰á̰ kə́ a to nga̰ńdáńg ō, deē a nujəń kɔ̄ɔ́ aĺ bátə́ ō.

PĀ GƏ̄ 106:8

Ba ni ajədə́ tām̄ yā rīn tə́, ajədə́ i yā kɔjəń tɔ́gən.

1 MBAN̄G GƏ̄ 8:51

Tɔdɔ̄ nin̄ i gír deē yāí gə̄, yá̰a̰ halaí gə̄, nin̄ i de gə̄ ń ī-teē sedə́ kɔ̄ɔ́ kem ɓē kə́ Ejiptə tə́, kum hor kə́ təngā ngá̰ý kə́ yā nōoń gində̄ tə́ ní.

Teē Ngán Israel gə̄ 9:16

Banī n-əya̰ī ādə̄ ī-ndi kə kumií i yā kadə̄ n-ɔjiīń tɔ́gən ō, kadə̄ rīn ɓārəń dɔ nang tə́ laā malang ō.

Teē Ngán Israel gə̄ 6:6

Adə̄ m̄-mērī kədadə́ najə̄ ń toō: Mā i Kɔ́ɔ̄ɓē. M-ā m-ɔ̄r̄sí ta kəla ngámbá tə́ ō, ta kəla ɓəlo tə́ jī de kə́ Ejiptə gə̄ tə́ ō kɔ̄ɔ́. M-ā m-ə́ndádə́ kə tɔ́gə́ḿ ń yá̰á̰ kə́ dum̄ tan gətóó ní kadə̄ a ɓōlə́n̄ ō, m-ā m̄-taāsí jīdə́ tə́ yā kəya̰sí dɔɔ́ ō.

NDŪ NAJƏ̄ 5:15

Ɓəlo ń ī-rāā dɔ nang kə́ Ejiptə tə́ á Kɔ́ɔ̄ɓē Nə́ɓā yāí ɔrī kum tə́ kɔ̄ɔ́ kə tɔ́gə jīneé ō, kə jīn kə́ kəla kə̄ dɔɔ́ ō ní, ādə̄ dɔí ndígə̄nal alé. I tām̄ najə̄ ń noō tə́ n ni ədaīneé na kə ɔ̄r̄ koō ndɔ̄ sabat tə́ ní.

Teē Ngán Israel gə̄ 13:3

Moijə əda ngán Israel gə̄ na: Ādə̄ əga kemsí dɔ ndɔ̄ ń Kɔ́ɔ̄ɓē ɔrə̄ńsí ɓəloó kɔ̄ɔ́ dɔ nang kə́ Ejiptə tə́ ní, tɔdɔ̄ ni teē sesí i kə tɔ́gə jīneé. Deē a əsa mápá kə́ rāā kə kaa mápá alé.

Teē Ngán Israel gə̄ 13:9

Nāā ngeé ń noō ń ā ī-rāāī ní rāā rɔ̄n i yá̰á̰ kə́ yā kadə̄ əgań kemsí dɔ najə̄ tə́, rāā rɔ̄n i tə́ré yá̰á̰ kə́ ə̄ndāī jīsí tə́, aláa nɔtə nosí tə́. A ter̄ kemsí dɔ ndū najə̄ yā Kɔ́ɔ̄ɓē kə́ i gáŕ kadə̄ ɔ́jiī tə́, tɔdɔ̄ i ni n teē sesí kem ɓē kə́ Ejiptə tə́ kɔ̄ɔ́ kə ta kūl̄ tɔ́gən kə́ dum̄ ta yá̰a̰ malang ní.

Teē Ngán Israel gə̄ 13:14

Ré ndɔ̄n tə́ ngáńsí gə̄ a dəjen̄sí na ké ā ī-rāāī yá̰á̰ ń toō i tām̄ yā rí tə́ wa anī, ī-téĺ ə́daīdə́ na ɓē kə́ Ejiptə ń sḭḭ̄ i ɓəlo gə̄ kemeé ní Kɔ́ɔ̄ɓē na teē sesí kɔ̄ɔ́ kemeé i kə ta kūl̄ tɔ́gən kə́ dum̄ ta yá̰a̰ malang.

Teē Ngán Israel gə̄ 13:16

Yá̰a̰ ndējə̄ gə̄ ń noō rāān̄ rɔ̄də́ i tə́ré yá̰á̰ kə́ ə̄ndāī jīsí tə́ aláa nɔtə nosí tə́. A rāān̄ kadə̄ əga kemsí dɔ teē ń Kɔ́ɔ̄ɓē teē sejí kem ɓē kə́ Ejiptə tə́ kɔ̄ɔ́ kə ta kūl̄ tɔ́gən kə́ dum̄ ta yá̰a̰ malang ní.

2 MBAN̄G 21:15

M-ā m̄-rāā yá̰a̰ tītə̄ ń noō tɔdɔ̄ əla gír ndɔ̄ ń kaadə́ gə̄ teēn̄neé kɔ̄ɔ́ kem ɓē kə́ Ejiptə tə́ bátə́ ɓōólaā ní, asə deē yāḿ gə̄ rāā yá̰á̰ kə́ majaĺ ta kumḿ tə́ aĺ ō, asədə́ kadə̄m̄ wōn̄g aĺ ō.

2 YÁ̰A̰ GƏ̄ 6:37

ré ndin̄ kə̄ ɓē ɓəlo tə́ noō gírə̄n̄ yá̰a̰ ba ndə̄ngān̄ rɔ̄də́ ō, rāānī ɓɔ́ dɔ nang yā madə̄ ba̰ā̰də́ gə̄ tə́ ədan̄ na n-rāān̄ yá̰á̰ kə́ majaĺ gə̄ ō, kə́ gōtə́ aĺ gə̄ ō, adə̄ najə̄ na i dɔdə́ tə́,

NEHEMI 1:6

Ī-tūr̄ kumií kə̄ rɔ̄ḿ tə́ ba ī-nēl̄ mbīí ōoń ndɔ̄ȳ yāḿ mā nge kəla yāí. Ngɔlaā ní m̄-ndɔ̄yī ndɔ̄ɔ́ ō, kadaá ō, tām̄ yājí jḭḭ ngán Israel gə̄ ń i ngé kəla yāí gə̄ tə́ ní. m̄-dəjeī kadə̄ ī-mā̰ȳ rɔ̄í dɔ yá̰á̰ kə́ gōtə́ aĺ gə̄ ń jə-rāā tə́ ní. Rɔ̄kum, mā nəkɔ́ ō, kaaḿ gə̄ ō, jə-rāā yá̰a̰ majaĺ.

IJAI 64:4

Ngé gə̄ ń rāān̄ yá̰á̰ kə́ gōtə́ kə rɔ̄nelēé ní, ngé gə̄ ń əga kemdə́ dɔí tə́ kadə̄ unən̄ róbə yāí ní, ḭ̄ ī-tə́nī tadə́. Ḭ̄ ī-rāā wōn̄g najə̄ yá̰a̰ rāājí kə́ gōtə́ aĺ gə̄ tə́. Ba ré j-un róbə́ kə́ kété jóo gə̄ anī j-a j-ajə.

JEREMI 14:20

Kɔ́ɔ̄ɓē, jə-ger̄ majə kadə̄ jḭḭ i kə najá dɔjí tə́ ō, jə-ger̄ gō yá̰á̰ kə́ gōtə́ aĺ gə̄ ń kaají gə̄ rāān̄ ní ō.

NŌŌ RƆ̄ 3:42

Jḭḭ̄ i ngé mbātə́ najə̄ gə̄ ō, ngé dɔ ngan̄g gə̄ ō, adə̄ ḭ̄ ī-mā̰ȳ rɔ̄í dɔjí tə́ alé.

EJEKIEL 5:6

De kə́ kemeé gə̄ mbātə́n̄ rāā yá̰a̰ kə gō ń m-ɔ́jəńdə́ kadə̄ rāān̄ ní ō, mbātə́n̄ ndū najə̄ gə̄ ń m-ādə̄də́ ní ō. Nin̄ rāān̄ yá̰a̰ majaĺ tɔȳ yā nápar de kə́ rang gə̄ ń ndin̄ gīrə̄n̄ gidədə́ ní tə́. Tɔdɔ̄ nin̄ mbātə́n̄ rāā yá̰a̰ gə̄ kə gō ń m-ɔ́jəńdə́ ní ō, mbātə́n̄ ndū najə̄ yāḿ gə̄ ō.