DANIEL 9:12 - Bibəl ta Sar̄

¹² Nə́ɓā rāā yā ń əda dɔjí tə́ ō dɔ ngé ko̰o̰ ɓē dɔjí tə́ gə̄ ō ní, ni-reē kə yá̰á̰ kə́ to kum kaȳ aĺ kə́ ngá̰ý dɔjí tə́ Jerusalem. Kum tō ndoō kə́ tītə̄ ń noō to loo kə́rēý tə́ dɔ nang tə́ aĺ ɓáý.

Bible sar

¹² Nə́ɓā rāā yā ń əda dɔjí tə́ ō dɔ ngé ko̰o̰ ɓē dɔjí tə́ gə̄ ō ní, ni-reē kə yá̰á̰ kə́ to kum kaȳ aĺ kə́ ngá̰ý dɔjí tə́ *Jerusalem. Kum tō ndoō kə́ tītə̄ ń noō to loo kə́rēý tə́ dɔ nang tə́ aĺ ɓáý.

DANIEL 9:12 Referans Kwoze

EJEKIEL 5:9

Yá̰á̰ kə́ majaĺ ngá̰ý gə̄ ń ī-rāāī ní, m-ā m-ə́ndásí najə̄n tə́ kənda kə́ jóo toó m-ə́ndásí beé aĺ ɓáý, m-ā m-ə́ndásí gogə́ tītə̄ ń noō to̰ aĺ ō.

NŌŌ RƆ̄ 1:12

Sḭḭ̄ malang ń ā ī-mānī kum róbə́ ń toō tə́ ní, yá̰á̰ kə́ beē rāāsí alé. Ə̄ndāī ma̰ȳ ō, á̰a̰ī ō, ké wur kɔl kə́ tītə̄ yāḿ ń toō i noó wa, kə́ tītə̄ nge ń tōr̄ rɔ̄ḿ ngá̰ý toō, adə̄ i nge ń Kɔ́ɔ̄ɓē rāā adə̄ m̄-ndi kum tə́ ndɔ̄ wōn̄g yān kə́ ngá̰ý tə́ ní.

IJAI 44:26

Banī najə̄ kɔr̄ ngé kəla yāḿ gə̄ ní, m̄-rāā adə̄ reē udə gírí ō, najə̄ ń ngé kaw̄ kəla yāḿ gə̄ ədan̄ kété ní, m̄-rāā adə̄ ojə yá̰á̰ kə́ majə ō. m̄-ɔ̄r̄ najə̄ kə́ dɔ Jerusalem tə́ m-ə́da na: De gə̄ a télən̄ yā ndi kemeé gogə́ ɓáý, ndogə̄ mbal̄ yān gə̄ ń nujən̄neé kɔ̄ɔ́ ní, a télən̄ yā kun dɔɔ́ gogə́. M-ɔ̄r̄ najə̄ kə́ dɔ ɓē gə̄ yā Juda tə́ m-ə́da na: A télən̄ yā rāā ɓē ní gogə́.

NŌŌ RƆ̄ 2:17

Kɔ́ɔ̄ɓē rāā yá̰á̰ ń núm̄ yā rāā ní. Ni-rāā yá̰á̰ ń əda najə̄n ní. Nujə kə looó sák sák kanjə̄ kadə̄ kumən o̰o̰n. Rāā adə̄ rɔ̄ madə̄ ba̰ā̰í nelə̄n dɔí tə́ ō, rāā adə̄ tɔ́gə́ ngé rɔ̄ɔ̄í gə̄ i ngá̰ý ō.

NŌŌ RƆ̄ 2:13

Jerusalem ngōmandə yāḿ, kə m-ə́daī na i rí ɓáý to̰? I náā n to tītīí ta kumḿ mā tə́ ní? ngōn̄ kə́ madə̄ yāḿ, ngōmandə kə́ Siyo̰, i rí n kə m̄-sɔlə̄ń kemií ní? Tɔdɔ̄ ī-nujə i nujə kə́ to ɓōĺ ngá̰ý tītə̄ man̄ bā bo ń i yá̰á̰ kə́ laa to ɓōĺ ngá̰ý ní beē. I náā n a ajiī ní?

Makətūbə̄ yā Job 12:17

Ni-rāā ngé ger̄ yá̰á̰ ngá̰ý gə̄ adə̄ tāmə̄n̄ mbitə mbitə ō, rāā adə̄ kur̄ dɔ ngé gān̄g sarya gə̄ ndi majaĺ aĺ ō.

Makətūbə̄ ń Pol ndang adə̄ Rom gə̄ ní 15:8

Tɔdɔ̄ m-ə́dásí na, dan ń Kərist rāā rɔ̄n nge kəla yā Nə́ɓā tə́ tām̄ yā Jipə gə̄ tə́ ní, rāā i yā tɔ̄ləń ta kənī ń Nə́ɓā ənī míndən adə̄ kaají gə̄ ní. Ni-rāā beé i yā kɔjəń kadə̄ Nə́ɓā i de kə́ nge ra dɔ ndūn tə́.

Najə̄ kə́ Majə yā Jeju ń Luk ndang ní 21:22

Tɔdɔ̄ i ndɔ̄ dal ba̰ā̰ kə́ yā tɔ̄l̄ń ta yá̰a̰ malang ń i kə́ ndang kété ní.

MARK 13:19

Tɔdɔ̄ wur de gə̄ a ɔldə́ ngá̰ý, wur kɔl kə́ tītə̄ń noō gətóo ta kəla gír dɔ rā̰ ō dɔ nang ō, dan ń Nə́ɓā əlań gír kəndā yá̰a̰ gə̄ malang ní tə́, bátə́ ngɔlaā ń toō tə́ ō, a to gogə́ to̰ aĺ ō.

MATIYE 24:21

Tɔdɔ̄ kem ndɔ̄ gə̄ ngeé ń noō tə́ ní, wur de gə̄ a ɔldə́ ngá̰ý. Wur kɔl kə́ tītə̄ ń noō gətóo ta kəla gír tə́ bátə́ ngɔlaā ń toō tə́ ō, a to gogə́ to̰ aĺ bátə́ ō.

MATIYE 5:18

Ādə̄ m-ə́dásí najə̄ kə́ bo ngá̰ý, kété tá kadə̄ dɔ rā̰ ō dɔ nang ō a mānə̄n̄ ní, ngōn̄ yá̰á̰ kə́ sḛ́ý beē ngóý ń ndangən̄ ní, aláa kal ndə̄já makətūbə̄ ndū najə̄ gə̄ kə́ kógə̄ḿ a mān̄ alé bátə́ kadə̄ yá̰a̰ malang reē udəń gírí.

JAKARI 1:8

Ndɔ̄ɔ́ ndɔ̄ ngeé ń noō tə́ ní, m-á̰a̰ dəngam kógə̄ḿ ndi gidə sə́ndá kə́ kərē tə́. Ni-ra i dan ngán kāgə̄ mirtə gə̄ kə́ mbīdə́ to mbōl̄ tə́, kum wól loo tə́. Sə́ndá kə́rē gə̄ ō, kə́ kərē kasə gə̄ ō, kə́ ndaa gə̄ ō, ran̄ gidən tə́.

JAKARI 1:6

Ɓá tā banī najə̄ yāḿ gə̄ ō, yá̰a̰ gə̄ ń m-ə́dá ngé kəla yāḿ gə̄ ń i ngé koō ta gə̄ ní kadə̄ rāān̄ ní, ta tɔ̄l̄ ta anī, yá̰a̰ gə̄ ní rāān̄ kaasí gə̄. Loo ń noō tə́ nin̄ tūrə̄n̄ háĺdə́ adə̄ ədan̄ na: Kɔ́ɔ̄ɓē kə́ bo kə́ tɔ́gən i ngá̰ý gḛy rāā yá̰á̰ kógə̄ḿ sejí sɔɔ̄ ń háĺjí ō, yá̰a̰ rāājí gə̄ ō. Adə̄ i yá̰á̰ ń noō n ni-rāā ní.

AMOS 3:2

Dan gír kojə gə̄ malang kə́ dɔ nang tə́ ní, i sḭḭ̄ ngóy m-ə̄ndā kumḿ gíŕsí tə́ ní. I tām̄ najə̄ ń noō tə́ n m-ā m̄-rāāsí yá̰á̰ kógə̄ḿ, najə̄ yá̰a̰ rāāsí gə̄ malang kə́ majaĺ ngá̰ý tə́ ní.

JOEL 2:2

I ndɔ̄ kə́ ndul ndí ndí ō, risə til nding ō. I ndɔ̄ yā kil̄ man̄ gə̄ ō, yā kil̄ man̄ kə́ ndul kíndíńg kíndíńg ō. Gír de kə́ ngá̰ý gə̄ ō, ngangə̄n̄ ngá̰ý gə̄ ō, tə̄ndān̄ naā tḭ̄ḭ̄n̄ kə̄ dɔ mbal̄ gə̄ tə́, tītə̄ ta gír loo kə́ atə wororo beé. I gír de gə̄ kə́ deē a̰a̰də́ nja kógə̄ḿ aĺ ɓáý ō, kə́ deē a a̰a̰də́ gogə́ to̰ aĺ i kə́ bátə́ gə̄ tə́ ō, bátə́ ɓāl̄ yā gír kojə gə̄ kə́ ndɔ̄ń tə́ tə́.

EJEKIEL 13:6

Yá̰a̰ gə̄ ń a̰a̰n̄ ní i yá̰á̰ kə́ rɔ̄kum aĺ gə̄ ō, yá̰a̰ gə̄ ń nin̄ ədan̄ na a rāā yá̰á̰ ní, i yá̰á̰ kə́ rɔ̄kum aĺ gə̄ ō. Nin̄ ədan̄ na: Kɔ́ɔ̄ɓē əda na, banī mā Kɔ́ɔ̄ɓē m-ə́ládə́ alé. Nin̄ əndān̄ kemdə́ dɔ tə́ kadə̄ najə̄ yādə́ i rɔ̄kum.

NŌŌ RƆ̄ 4:6

Ngōmandə ń toō ń rāā rɔ̄n i gír deē yāḿ gə̄ tə́ ní, rāā yá̰á̰ kə́ majaĺ ngá̰ý tɔȳ yā Sodom ń rāā yá̰á̰ kə́ gōtə́ aĺ á nujən̄ seneé gidə kógə̄ḿ kanjə̄ kadə̄ jī deē ɔdən ní.

Gōsə̄ najə̄ gə̄ 8:16

Ngār gə̄ a ndin̄ dɔ de gə̄ tə́ i kə ta kūlə̄ḿ ō, de kə́ bo gə̄ malang a gāngə̄n̄ sarya kə gōó i kə ta kūlə̄ḿ ō.

PĀ GƏ̄ 148:11

mban̄g gə̄ kə́ dɔ nang tə́ ō, gír de gə̄ malang ō, de kə́ bo gə̄ ō, ngār gə̄ kə́ dɔ nang tə́ malang ō,

PĀ GƏ̄ 2:10

Ɓá anī sḭḭ̄ mban̄g gə̄, ɔ́jiī kadə̄ sḭḭ̄ i de kə́ ger̄ kum najə̄ gə̄! Ngé gān̄g sarya kə́ dɔ nang tə́ gə̄, ādə̄ ɔjə̄n̄sí!

1 MBAN̄G GƏ̄ 3:9

Ní Kɔ́ɔ̄ɓē, ādə̄m̄ kem kə́ ger̄ najə̄ ādə̄ m̄-ndiń dɔ gír deē yāí gə̄ tə́ ō, kadə̄ m̄-gerə̄ń kɔr̄ kam̄ yá̰á̰ kə́ majə ō, kə́ majaĺ ō naā tə́. Tɔdɔ̄ kanjə̄ nge ń noō anī, de kə́ asə ndi dɔ gír deē yāí gə̄ tə́ gətóo, tām̄ nin̄ i ngá̰ý.

JEREMI 30:7

I yá̰á̰ kə́ to kum kaȳ aĺ kə́ ba̰ý beē! Rɔ̄kum, ndɔ̄ ní i ndɔ̄ kə́ to ɓōĺ ngá̰ý, ndɔ̄ kə́ tītə̄n gətóo. I kum mbang wur kɔl kə́ to ɓōĺ ngá̰ý tām̄ yā Jakob tə́. Banī ni a teē kum tə́ karī.

JEREMI 32:23

Nin̄ udən̄ kem ɓē ní tə́ ō, taān̄ kə́ yādə́ tə́ ō, banī mbātə́n̄ ndūí ō, mbātə́n̄ rāā yá̰á̰ ń ndū najə̄ yāí gə̄ ədan̄ ní ō. Nin̄ mbātə́n̄ rāā yá̰a̰ malang ń ə́dádə́ kadə̄ rāān̄ ní kɔ̄ɔ́. I tām̄ ń toō tə́ n ḭ̄ ī-rāā ādə̄ yá̰á̰ kə́ to kum kaȳ aĺ gə̄ malang ń toō rāādə́ ní.

JEREMI 39:16

Āw̄ ɔ̄r̄ najə̄ kə Ebed Melek kə́ Kus ə́dan na: Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, əda ní n toó: M-ā m̄-rāā kadə̄ najə̄ yāḿ əsō dɔ ɓē ń toō tə́. I yá̰á̰ kə́ to kum kaȳ aĺ n m-ā m̄-rāā kadə̄ teē dɔn tə́ ní, ba i yá̰á̰ kə́ majə alé. Ndɔ̄n tə́ ní, yá̰á̰ ní a rāā yá̰a̰ i ta kumií tə́.

JEREMI 44:23

I tɔdɔ̄ sḭḭ̄ ī-róōī yá̰a̰ ndējə̄ gə̄ ādī ɓesə̄ gə̄ ō, ī-rāāī majaĺ kə Kɔ́ɔ̄ɓē ō. Tɔdɔ̄ najə̄ ń ni-ɔr̄ sesí ní, sḭḭ̄ ōōī aĺ ō, úniī gō yá̰á̰ ndóō yān gə̄ aĺ ō, yá̰á̰ ń ni ədasí kadə̄ ī-rāāī ní, sḭḭ̄ ī-rāāī aĺ ō, yá̰á̰ ń ni-ra sesí ta rāā ní, sḭḭ̄ ī-rāāī aĺ ō. I tām̄ ń toō tə́ n yá̰á̰ kə́ to kum kaȳ aĺ ń toō rāańsí ní, yá̰á̰ ń rāā yá̰a̰ ngɔlaā ní n toó.

DANIEL 12:1

Dan ngeé noō tə́ ní Misel i ngār yā de kə́ dɔ rā̰ tə́ gə̄ ō, i nge rɔ̄ɔ̄ dɔ gír deē yāí gə̄ tə́ ō ní, a teē hɔy. I dan kə́ deē a sōlə̄n̄ tə́. Ndɔ̄ ń nápar de gə̄ əlan̄neé gír ndi dɔ nang tə́, bátə́ ugə̄ń kum mbang ngeé ń noō tə́ ní, sōĺ kə́ tītə̄ ń noō gətóó ɓáý. Loo ń noō tə́ de gə̄ malang kə́ dan gír deē yāí gə̄ tə́ ń rīdə́ i kə́ ndang kem makətūbə̄ ndi kə kumuú tə́ ní a ajən̄.

JAKARI 7:12

Nin̄ rāān̄ kemdə́ adə̄ ngan̄g tītə̄ mbal̄ diyamā̰a̰ beé. Yá̰á̰ ndóō gə̄ ō, najə̄ gə̄ ō, ń Kɔ́ɔ̄ɓē kə́ bo kə́ tɔ́gən i ngá̰ý ɔjədə́ kə ta kūl̄ ndílən, kə ta kūl̄ ngé koō ta gə̄ kété jóó ní, nin̄ mbātə́n̄ koō. Loo ń noō tə́ wōn̄g rāā Kɔ́ɔ̄ɓē kə́ bo kə́ tɔ́gən i ngá̰ý ngá̰ý

2 MBAN̄G 22:16

M-ā m̄-reē kə yá̰á̰ kə́ to kum kaȳ aĺ dɔ ɓē kə́ Jerusalem tə́ ō, dɔ de kə́ kemeé gə̄ tə́ ō, tītə̄ ń ndangən̄neé kem makətūbə̄ ń mban̄g kə́ Juda tə́dá tə́ ní.

IJAI 43:28

Loo ń noō tə́ m̄-mbə́rē ngār gə̄ kə́ kem loo kə́ táĺ tə́ m̄-tə́nīdə́ kɔ̄ɔ́, m-ə́yá̰ gír de gə̄ yā Jakob adə̄ nujən̄ sedə́ kɔ̄ɔ́, m-ə́yá̰ Israel jī madə̄ ba̰ā̰n gə̄ kə́ ngé tájə̄n tə́.