DANIEL 9:11 - Bibəl ta Sar̄

¹¹ Israel gə̄ mānə̄n̄ dɔ ndū najə̄ yāí ō, tūrə̄n̄ gidədə́ kɔ̄ɔ́ taí tə́ kanjə̄ koō ndūí ō. Loo ń noō tə́ ndɔ̄ĺ ō kōnjə̄ ō ń ndangən̄ kem makətūbə̄ ndū najə̄ yā nge kəla yāí Moijə tə́ ní reē dɔjí tə́ sɔɔ̄n̄ mbātə́ najə̄ yājí.

Bible sar

¹¹ *Israel gə̄ mānə̄n̄ dɔ *ndū najə̄ yāí ō, tūrə̄n̄ gidədə́ kɔ̄ɔ́ taí tə́ kanjə̄ koō ndūí ō. Loo ń noō tə́ ndɔ̄ĺ ō kōnjə̄ ō ń ndangən̄ kem makətūbə̄ ndū najə̄ yā nge kəla yāí Moijə tə́ ní reē dɔjí tə́ sɔɔ̄n̄ mbātə́ najə̄ yājí.

DANIEL 9:11 Referans Kwoze

2 MBAN̄G 22:16

M-ā m̄-reē kə yá̰á̰ kə́ to kum kaȳ aĺ dɔ ɓē kə́ Jerusalem tə́ ō, dɔ de kə́ kemeé gə̄ tə́ ō, tītə̄ ń ndangən̄neé kem makətūbə̄ ń mban̄g kə́ Juda tə́dá tə́ ní.

IJAI 1:3

Man̄g ger̄ kɔ́ɔ̄n ō, kərō ger̄ loo ń kɔ́ɔn a adə̄n yá̰a̰ kəsa tū tə́ ní ō. Banī Israel ger̄ yá̰á̰ kógə̄ḿ alé, gír deē yāḿ gə̄ gerə̄n̄ najə̄ alé.

IJAI 43:28

Loo ń noō tə́ m̄-mbə́rē ngār gə̄ kə́ kem loo kə́ táĺ tə́ m̄-tə́nīdə́ kɔ̄ɔ́, m-ə́yá̰ gír de gə̄ yā Jakob adə̄ nujən̄ sedə́ kɔ̄ɔ́, m-ə́yá̰ Israel jī madə̄ ba̰ā̰n gə̄ kə́ ngé tájə̄n tə́.

JEREMI 2:29

I tām̄ rí tə́ á ī-rāāmī kə najá ní? Sḭḭ̄ malang ī-mbātə́mī kɔ̄ɔ́. Najə̄ ń Kɔ́ɔ̄ɓē əda ní n noó.

JEREMI 32:23

Nin̄ udən̄ kem ɓē ní tə́ ō, taān̄ kə́ yādə́ tə́ ō, banī mbātə́n̄ ndūí ō, mbātə́n̄ rāā yá̰á̰ ń ndū najə̄ yāí gə̄ ədan̄ ní ō. Nin̄ mbātə́n̄ rāā yá̰a̰ malang ń ə́dádə́ kadə̄ rāān̄ ní kɔ̄ɔ́. I tām̄ ń toō tə́ n ḭ̄ ī-rāā ādə̄ yá̰á̰ kə́ to kum kaȳ aĺ gə̄ malang ń toō rāādə́ ní.

JEREMI 40:3

Kɔ́ɔ̄ɓē rāā adə̄ yá̰á̰ ń əda najə̄n ní reē rāā yá̰a̰. Yá̰á̰ ní rāā yá̰a̰ i tɔdɔ̄ sḭḭ̄ ī-rāāī yá̰á̰ kə́ gōtə́ alé kə Kɔ́ɔ̄ɓēé ō, ōōī najə̄ yān aĺ ō.

JEREMI 44:23

I tɔdɔ̄ sḭḭ̄ ī-róōī yá̰a̰ ndējə̄ gə̄ ādī ɓesə̄ gə̄ ō, ī-rāāī majaĺ kə Kɔ́ɔ̄ɓē ō. Tɔdɔ̄ najə̄ ń ni-ɔr̄ sesí ní, sḭḭ̄ ōōī aĺ ō, úniī gō yá̰á̰ ndóō yān gə̄ aĺ ō, yá̰á̰ ń ni ədasí kadə̄ ī-rāāī ní, sḭḭ̄ ī-rāāī aĺ ō, yá̰á̰ ń ni-ra sesí ta rāā ní, sḭḭ̄ ī-rāāī aĺ ō. I tām̄ ń toō tə́ n yá̰á̰ kə́ to kum kaȳ aĺ ń toō rāańsí ní, yá̰á̰ ń rāā yá̰a̰ ngɔlaā ní n toó.

DANIEL 9:5

jə-rāā yá̰á̰ kə́ gōtə́ aĺ gə̄, adə̄ j-əsō kɔ̄ɔ́ ō, jə-rāā kem ndul ō, jə-mbātə́ najə̄ ō, jə-tūr̄ gidəjí kɔ̄ɔ́ ta gō míndí gə̄ tə́ ō, ta yá̰a̰ gə̄ ń əda kadə̄ yā rāā tə́ ní ō.

DANIEL 9:13

Yá̰á̰ kə́ to kum kaȳ aĺ ní reē dɔjí tə́ malang i tītə̄ ń ndangən̄neé kem makətūbə̄ ndū najə̄ yā Moijə tə́ ní. Banī jḭḭ jə-tūr̄ gidəjí kɔ̄ɔ́ ta yá̰a̰ rāājí kə́ gōtə́ aĺ gə̄ tə́ jə-sɔlə̄ń kem Kɔ́ɔ̄ɓē Nə́ɓā yājí aĺ ō, jə-nēl̄ mbījí j-oōń najə̄ kə́ rɔ̄kum yān jə-sɔlə̄ń kemən aĺ ō.

JAKARI 7:12

Nin̄ rāān̄ kemdə́ adə̄ ngan̄g tītə̄ mbal̄ diyamā̰a̰ beé. Yá̰á̰ ndóō gə̄ ō, najə̄ gə̄ ō, ń Kɔ́ɔ̄ɓē kə́ bo kə́ tɔ́gən i ngá̰ý ɔjədə́ kə ta kūl̄ ndílən, kə ta kūl̄ ngé koō ta gə̄ kété jóó ní, nin̄ mbātə́n̄ koō. Loo ń noō tə́ wōn̄g rāā Kɔ́ɔ̄ɓē kə́ bo kə́ tɔ́gən i ngá̰ý ngá̰ý

JAKARI 8:13

Ɓē ko̰o̰ gə̄ kə́ Juda tə́ ō, kə́ Israel tə́ ō, dan nápar de gə̄ tə́ ní, sḭḭ̄ i gír de gə̄ kə́ ndɔ̄lə́n̄də́ kadə̄ gotə gír de kə́ rang gə̄ a̰a̰n̄. Banī ngɔlaā ní, m-ájə́sí. Adə̄ ā ī-téliī i gír de gə̄ kə́ tɔ́rə̄n̄ tadə́ dɔdə́ tə́, kadə̄ gotə gír de kə́ rang gə̄ a̰a̰n̄. I beé ní, ī-ɓōlíī to̰ alé, banī ə́hɔī rɔ̄sí tɔgə!

NDŪ NAJƏ̄ 8:20

Rɔ̄kum, ré ōōī ta Kɔ́ɔ̄ɓē Nə́ɓā yāsí aĺ anī, ā ī-gətóoī kɔ̄ɔ́ tītə̄ yā nápar de gə̄ ń Kɔ́ɔ̄ɓē rāādə́ adə̄ gətóon̄ kɔ̄ɔ́ nosí tə́ ní.

2 MBAN̄G 18:12

Yá̰a̰ gə̄ ń noō malang rāān̄ yá̰a̰ i tɔdɔ̄ Israel gə̄ oōn̄ ndū Kɔ́ɔ̄ɓē Nə́ɓā yādə́ ní aĺ ō, ran̄ dɔ madə̄ naā yān tə́ aĺ ō. Ndū najə̄ gə̄ ń Moijə nge kəla yā Kɔ́ɔ̄ɓē adə̄də́ ní nin̄ nēlə̄n̄ mbidə́ oōnneé aĺ ō, rāān̄ yá̰a̰ gə̄ ń ndū najə̄ gə̄ ədan̄ ní aĺ ō.

JEREMI 6:19

Dɔ nang, ī-nēl̄ mbīí ōoń. Mā, m-ā m̄-rāā kadə̄ yá̰á̰ kə́ to kum kaȳ aĺ əsō dɔ gír de gə̄ ń toō tə́, i yá̰á̰ kə́ teē tū kəla rāādə́ gə̄ tə́. Nin̄ nēlə̄n̄ mbīdə́ oōnneé najə̄ kɔrə̄ḿ alé, kídə̄n̄ ndū najə̄ yāḿ gə̄.

JEREMI 16:11

ḭ̄ ā ī-tél yā kədádə́ na: I tɔdɔ̄ kaasí gə̄ mbātə́mə̄n̄ kɔ̄ɔ́, ba ngɔ̄də̄n̄ gō nə́ɓā yā tə̄rā gə̄ tə́ ō, ndɔ̄ȳn̄də́ ō, ɔsən̄ nodə́ nang tə́ nodə́ tə́ rɔȳn̄neédə́ ō. Nin̄ mbātə́mə̄n̄ kɔ̄ɔ́ ō, ngɔ̄mə̄n̄ ndū najə̄ yāḿ aĺ ō. Najə̄ ń Kɔ́ɔ̄ɓē əda ní n noó.

JEREMI 30:14

Dɔ ngé sāāí gə̄ malang ndigə̄nalií kɔ̄ɔ́. Gírə̄n̄ dɔí tə́ to̰ alé. M-ə́ndaī tītə̄ ń madə̄ ba̰ā̰í ḭ̄ deē a əndaīneé ní. I yá̰á̰ kə́ tōr̄ ngá̰ý n m̄-rāā seí ní, kadə̄ ī-gerə̄ń gō majaĺ yāí kə́ ngá̰ý gə̄ ō, yá̰á̰ kə́ gōtə́ aĺ yāí kə́ ngá̰ý gə̄ ō.

JEREMI 44:22

Kɔ́ɔ̄ɓē asə tə́gā tan dɔ kəla rāāsí kə́ kə kem nduluú gə̄ tə́ ō, dɔ yá̰á̰ kə́ majaĺ ngá̰ý gə̄ ń ī-rāāī tə́ ní ō. Adə̄ ɓē yāsí tél loo kə́ nujə sák sák kɔ̄ɔ́ ō, ndágə loo kə́ to kum ko̰ ō, yá̰á̰ kə́ ndɔ̄ĺ ō, ɓē kə́ de gə̄ gətóon̄ kemeé ō, yá̰á̰ ń rāā yá̰a̰ ngɔlaā ní n toó.

JAKARI 1:6

Ɓá tā banī najə̄ yāḿ gə̄ ō, yá̰a̰ gə̄ ń m-ə́dá ngé kəla yāḿ gə̄ ń i ngé koō ta gə̄ ní kadə̄ rāān̄ ní, ta tɔ̄l̄ ta anī, yá̰a̰ gə̄ ní rāān̄ kaasí gə̄. Loo ń noō tə́ nin̄ tūrə̄n̄ háĺdə́ adə̄ ədan̄ na: Kɔ́ɔ̄ɓē kə́ bo kə́ tɔ́gən i ngá̰ý gḛy rāā yá̰á̰ kógə̄ḿ sejí sɔɔ̄ ń háĺjí ō, yá̰a̰ rāājí gə̄ ō. Adə̄ i yá̰á̰ ń noō n ni-rāā ní.