DANIEL 8:8 - Bibəl ta Sar̄

⁸ Bal bə̄yā̰ ní reē bo ngá̰ý. Ba dan ń tɔ́gən i ngá̰ý al̄ naā anī gajən kə́ bo ní gān̄g tetə dip ba kə́ rang kə́ bo gə̄ sɔ́ əɓan̄ gotoó, kumdə́ sɔɔ̄ gír ɓē ō, no ɓē ō, mbɔ́r ɓē kə́ geleé ō kə́ ko̰ó̰ ō.

Bible sar

⁸ Bal bə̄yā̰ ní reē bo ngá̰ý. Ba dan ń tɔ́gən i ngá̰ý al̄ naā anī gajən kə́ bo ní gān̄g tetə dip ba kə́ rang kə́ bo gə̄ sɔ́ əɓan̄ gotoó, kumdə́ sɔɔ̄ gír ɓē ō, no ɓē ō, mbɔ́r ɓē kə́ geleé ō kə́ ko̰ó̰ ō.

DANIEL 8:8 Referans Kwoze

DANIEL 7:2

kə gō ń nəkɔ́ ɔjəń gotə ní, əda na: Nī rāām̄ ndɔ̄ɔ́ adə̄ m-á̰a̰ kadə̄ nél ḭḭ dām̄ kə́ gír ɓē tə́ ō no ɓē tə́ ō dām̄ mbɔ́r ɓē kə́ ko̰ó̰ tə́ ō kə́ geleé tə́ ō, ba əla kə tɔ́gɔ́ dɔ bā bo tə́ adə̄ man̄ ḭḭ ngá̰ý.

JEJU TEĒ KUM JA̰A̰ 7:1

Gō yá̰á̰ noō tə́ anī, m-á̰á̰ de kə́ dɔ rā̰ tə́ gə̄ sɔ́ ran̄ kíl dɔ nang kə́ sɔ́ gə̄ tə́. Nin̄-əhɔn̄ néĺ kə́ sɔ́ gə̄ kə́ dɔ nang tə́ gotə kógə̄ḿ, yā kadə̄ nél əla dɔ nang tə́ aĺ ō, dɔ bā bo tə́ aĺ ō, dɔ kāgə̄ kógə̄ḿ tə́ aĺ ō.

DANIEL 8:22

Dan ń gajən tetə ní, kə́ rang kə́ sɔ́ gə̄ ń əɓan̄ gotoó ní, i ɓē ko̰o̰ kə́ sɔ́ gə̄ kə́ a ton̄ gotə nge kə́ kété tə́, banī tɔ́gə́də́ a to tītə̄ yā nge kə́ kété alé.

DANIEL 8:5

m̄-ndi m-ā gír̄ najə̄ dɔ tə́, anī bal bə̄yā̰ kógə̄ḿ ḭḭ dām̄ kə́ no ɓē tə́ a̰ȳ ngɔ̄də̄ dɔ nang tə́ kə́ taá malang kanjə̄ kadə̄ njan ɔdə nang. Bal bə̄yā̰ ní gajən kógə̄ḿ kə́ bo ra dan kumən gə̄ tə́.

DANIEL 5:20

Ba dan ń ɔjə rɔ̄n ō, gán̄g rɔ̄n ō anī, mbərenən̄ kɔ̄ɔ́ dɔ kōr̄ kāgə̄ mban̄g yān tə́ ō, ɔsən̄ gɔnən to̰ aĺ ō.

2 YÁ̰A̰ GƏ̄ 26:16

Banī tɔ́gə̄n ní rāān adə̄ ɔjə rɔ̄n, ba kɔjə rɔ̄ yān kə́ kemən tə́ ní aw̄ seneé bátə́ tḭ̄ḭ̄ tan. Ni-rāā háĺ kə́ sew aĺ kə Kɔ́ɔ̄ɓē Nə́ɓā yānneé, udə kem kújə yā Kɔ́ɔ̄ɓē tə́ yā róō kajaja dɔ loo róō ndujə̄ yá̰á̰ kə́ kotə majə tə́ yā kadə̄ Kɔ́ɔ̄ɓē.

MARK 13:27

Loo ń noō tə́ tā a, a əla de kə́ dɔ rā̰ tə́ gə̄ kíl dɔ nang kə́ sɔ́ gə̄ tə́ yā kán̄ ngé gə̄ ń Nə́ɓā gə̄rādə́ ní. A əlan̄ gír i ta ngóy dɔ nang kə́ dām̄ kə́rēý tə́ bátə́ ugə̄ń ta ngóyn kə́ dām̄ kə́ rang tə́.

MATIYE 24:31

Loo ń kōō bərúnjə́ kə́ bo a ɓār̄ anī, ni a əla deē yān kə́ dɔ rā̰ tə́ gə̄ kadə̄ aw̄ ɔyn̄ ngé gə̄ ń ni-gə̄rādə́ ní kíl dɔ nang kə́ sɔ́ gə̄ tə́. A əlan̄ gír i ta ngóy dɔ nang kə́ dām̄ kə́rēý tə́, bátə́ ugə̄n̄ ta ngóyn kə́ dām̄ kə́ rang tə́.

DANIEL 11:4

Dan ń ngəran a əhɔ nang majanī ɓē ko̰o̰ yān a nujə sák sák ō, a gāngə̄n̄ ɓē ko̰o̰ yān ní naā tə́ kə̄ loo gə̄ tə́ gír ɓē tə́ ō, no ɓē tə́ ō, dām̄ mbɔ̄r ɓē kə́ jōó gə̄ tə́ ō. De kə́ gír kaa yān tə́ a ndi gotən tə́ dɔ ɓē ko̰o̰ yān tə́ alé, a adə̄n̄ i de kə rang gə̄.

DANIEL 7:6

Gō tə́ anī m-á̰a̰ dā̰ kə́ rang kə́ to tītə̄ kagə beé ba bɔ̄gə̄ yel̄ gə̄ i sɔ́ dan gidən tə́. Dɔn i sɔ́ ō, adə̄nən̄ tɔ́gə kadə̄ o̰o̰ń ɓē ō.

DANIEL 4:31

Nabukodonosor əda na: Dan ń gír ɓāl̄ sīrí gə̄ gān̄g ní, mā Nabukodonosor m-ə̄nī kumḿ kə̄ dɔ rā̰ tə́ anī, kemḿ ger̄ najə̄ gogə́. m̄-rāā Nə́ɓā kə́ dɔɔ́ sa̰y ngá̰ý kə́ra. m̄-tɔ̄ȳ nge ndi kə kumneé ngándáńg ō, m-ɔ́sə gɔnən ō. Tām̄ tɔ́gə ko̰o̰ ɓē yān i tɔ́gə́ kə́ a to ngándáńg ō, ko̰o̰ ɓē yān a to ngándáńg ō,

EJEKIEL 28:9

Dan ń ā ī-ra no ngé tɔ̄līí gə̄ tə́ ní, ā ə́da na ḭ̄ na i nə́ɓā kógə̄ḿ ɓáý a? Dan ń ḭ̄ i kem jī ngé tɔ̄līí gə̄ tə́ ní, yá̰á̰ kógə̄ḿ kə́ ɔjə kadə̄ ḭ̄ i nə́ɓā ní gətóo.

EJEKIEL 16:7

m̄-rāāī adə̄ ī-tɔgə tītə̄ mu kə́ kem ndɔr̄ gə̄ tə́. Ḭ̄ ə́la gír tɔgə ō, ī-ngāl̄ ō, ī-majə ngá̰ý ō. Ə́ɓa mbā ō, ə́ɓa bḭḭ̄ ō. Banī kūbə̄ gətóo rɔ̄í tə́, rɔ̄í i karī.

JEREMI 5:27

Yá̰á̰ kə́ kɔy loo ɓogə tə́ taā kem kújə yādə́ gə̄, tītə̄ jáńg kə́ yel̄ gə̄ rosən̄ kem beé. I beé n nin̄ télən̄neé de kə́ ngan̄g ngá̰ý gə̄ ō, kə́ ngé kənge yá̰á̰ ngá̰ý gə̄ ō ní.

ESTER 9:4

Tɔdɔ̄ Mardose i de kə́ bo kə́ ndogó mbangāá ō, rīn ɓār̄ asə gō nang gə̄ malang ō, tɔ́gən reē dɔ madə̄ tə́ ō.

NDŪ NAJƏ̄ 31:20

Tɔdɔ̄ m-ā m-āw̄ sedə́ dɔ nang ń mba ō, yibə̄ tejə ō, i ngá̰ý tū tə́ á m-ə̄nī ndūḿ m-ādə̄ kaadə́ gə̄ ní tə́. A əsan̄ yá̰a̰ kadə̄ asədə́ ō, a ndin̄ majə ō. Gō tə́ anī a tūrə̄n̄ rɔ̄də́ kə̄ rɔ̄ ɓesə̄ gə̄ tə́ yā rāā kəla kadə̄də́. Ba a kídə̄mə̄n̄ ō, a gāngə̄n̄ madə̄ naā ń m-ə́hɔ sedə́ ní kɔ̄ɔ́ ō.

JEREMI 49:36

m̄-rāā adə̄ nél kə́ sɔ́ gə̄ teēn̄ kíl dɔ nang kə́ sɔ́ tə́ ba əlan̄ dɔ ɓē kə́ Elam tə́. M-ā m̄-tə̄ndā Elam gə̄ yā tḭ̄ḭ̄də́ kə̄ loo gə̄ tə́ yā kadə̄ nápar de gə̄ kə́ nin̄ aw̄ ugə̄n̄ dandə́ tə́ aĺ gətóo.

DANIEL 8:7

Reē ugə̄ rɔ̄n tə́ anī kɔ̄r̄ rāān dɔn tə́. Ni ɔsən anī gajə kə́ jōó gə̄ tetən̄ ō, bal batə̄ ní teē əsō ō, kə́ kadə̄ dumə̄nneé gətóo ō. Ni tə́ɓā bal batə̄ ní kə njaneé ō, de kə́ kadə̄ taān jīn tə́ gətóo ō.