DANIEL 8:7 - Bibəl ta Sar̄

⁷ Reē ugə̄ rɔ̄n tə́ anī kɔ̄r̄ rāān dɔn tə́. Ni ɔsən anī gajə kə́ jōó gə̄ tetən̄ ō, bal batə̄ ní teē əsō ō, kə́ kadə̄ dumə̄nneé gətóo ō. Ni tə́ɓā bal batə̄ ní kə njaneé ō, de kə́ kadə̄ taān jīn tə́ gətóo ō.

Bible sar

⁷ Reē ugə̄ rɔ̄n tə́ anī kɔ̄r̄ rāān dɔn tə́. Ni ɔsən anī gajə kə́ jōó gə̄ tetən̄ ō, bal batə̄ ní teē əsō ō, kə́ kadə̄ dumə̄nneé gətóo ō. Ni tə́ɓā bal batə̄ ní kə njaneé ō, de kə́ kadə̄ taān jīn tə́ gətóo ō.

DANIEL 8:7 Referans Kwoze

DANIEL 11:11

Wōn̄g a rāā mban̄g kə́ dām̄ mbɔ́r ɓē kə́ geleé tə́ ngá̰ý, adə̄ a teē yā kaw̄ rɔ̄n. Ni a rɔ̄ɔ̄ mban̄g kə́ dām̄ mbɔ́r ɓē kə́ ko̰ó̰ tə́. Mban̄g ní a ɔy de gə̄ ngá̰ý yā rɔ̄ɔń, banī a əsōn̄ kem jī madə̄ ba̰ā̰ gə̄ tə́.

DANIEL 7:7

Yá̰a̰ gə̄ ń teēn̄ ta kumḿ tə́ ndɔ̄ɔ́ ní m̄-na̰y kə̄ loo ka̰a̰də́ tə́: Dā̰ kə́ nge ko̰ sɔ́ ń m-á̰a̰ā̰ ní i dā̰ kə́ to ɓōĺ ngá̰ý ō, i dā̰ kə́ a rāā deē kə ɓōló ngá̰ý ō, ngan̄g to ɓōĺ ngá̰ý ō, rāān̄də́ i kə gidí ō, ni əsań yá̰a̰ ō, gángəń yá̰a̰ naā tə́ ō, gotə yá̰á̰ ń na̰y ní ɓáa ni tə́ɓā kə njaneé ō. Dā̰ kə́ mətá gə̄ ń teēn̄ kété non tə́ ní to tītə̄də́ aĺ ō, gajən i kutə kógə̄ḿ ō.

JOJUE 8:20

Dan ń de kə́ Ai gə̄ tūrə̄n̄ rɔ̄də́ a̰a̰n̄ loo kum kə̄ gogə́ anī, a̰a̰n̄ sa hor əɓa dɔ ɓē yādə́ tə́ kum kə̄ dɔɔ́ dɔɔ́. Loo kə́ kadə̄ a̰ȳnəń gətóo. Tɔdɔ̄ ngán Israel gə̄ ń a̰ȳn̄ naā kum kə̄ dəla loo tə́ ní, tél tūrə̄n̄ rɔ̄də́ kum kə̄ dɔdə́ tə́.

LEBI GƏ̄ 26:37

Nin̄ a tə́sōn̄ dɔ naā tə́ tītə̄ kə́ deē ngɔ̄də̄də́ i kə kaskaraá, tá deē ngɔ̄də̄də́ alé. Ā ásiī ra ta kum madə̄ ba̰ā̰sí gə̄ tə́ alé.

DANIEL 8:6

Bal bə̄yā̰ ní reē bátə́ ugə̄ rɔ̄ bal batə̄ kə́ gajən i jōó gə̄ ń m-á̰a̰n ra ta man̄ tə́ ní tə́, ba əla ngɔ̄də̄ dɔn tə́ kə tɔ́gən gēé malang.

DANIEL 8:8

Bal bə̄yā̰ ní reē bo ngá̰ý. Ba dan ń tɔ́gən i ngá̰ý al̄ naā anī gajən kə́ bo ní gān̄g tetə dip ba kə́ rang kə́ bo gə̄ sɔ́ əɓan̄ gotoó, kumdə́ sɔɔ̄ gír ɓē ō, no ɓē ō, mbɔ́r ɓē kə́ geleé ō kə́ ko̰ó̰ ō.

DANIEL 8:10

Bo bátə́ ugə̄ rɔ̄ de gə̄ kə́ dɔ rā̰ tə́ gə̄ tə́ ō. Ni-rāā adə̄ ngé kə́rēý gə̄ ngá̰ý dɔ dáńdə́ tə́ ō, tə́yō̰ gə̄ ngá̰ý ō, tə́sōn̄ nang tə́, ba ni tə́ɓādə́ kə njaneé.

DANIEL 7:12

Gotə dā̰ kə́ rang gə̄ ní ɔgə̄n̄də́ tɔ́gə́ ń a o̰o̰n̄neé ɓē ní kɔ̄ɔ́. Banī ənīn̄ ndɔ̄də́ ta madə̄ tə́ kadə̄ ndin̄ kə kumdə́ bátə́ ugə̄ ndɔ̄ ń ɔjən̄neé tə́ ní ō, kum mbang ń ɔjən̄neé tə́ ní ō.