DANIEL 8:3 - Bibəl ta Sar̄

³ M-ɔ̄r̄ dɔḿ dɔɔ́ anī m-á̰a̰ bal batə̄ kógə̄ḿ ra ta man̄ tə́, gajən i jōó. Gajən gə̄ ní ngālə̄n̄ ngá̰ý, banī kógə̄ḿ ngāl̄ tɔȳ madə̄. Nge ń ngāl̄ tɔȳ madə̄ ní əɓa i gō gogə́.

Bible sar

³ M-ɔ̄r̄ dɔḿ dɔɔ́ anī m-á̰a̰ bal batə̄ kógə̄ḿ ra ta man̄ tə́, gajən i jōó. Gajən gə̄ ní ngālə̄n̄ ngá̰ý, banī kógə̄ḿ ngāl̄ tɔȳ madə̄. Nge ń ngāl̄ tɔȳ madə̄ ní əɓa i gō gogə́.

DANIEL 8:3 Referans Kwoze

DANIEL 8:20

Bal batə̄ ń á̰a̰ á gajən i jōó ní i mban̄g Medə gə̄ ō Persə gə̄ ō.

DANIEL 10:5

ba m-ɔ̄r̄ dɔḿ dɔɔ́ anī m-á̰a̰ deē kógə̄ḿ kə́ o̰ō̰ kūbə̄ lḛ́ḛ ō, əhɔ ɓōdə̄n kə kəlā kəhɔ ɓōdə̄ kə́ rāā kə lɔ́ŕ kə́ Upajə ō.

JAKARI 6:1

M-ún kumḿ kə̄ dɔɔ́ ɓáý to̰, anī m-á̰á̰ púsə rɔ̄ɔ̄ gə̄ sɔ́. Púsə rɔ̄ɔ̄ gə̄ ní njə̄rān̄ kumdə́ kə̄ kété, ba i dɔ dán mbal̄ bo gə̄ jōó tə́. Rāān̄ mbal̄ bo gə̄ ní i kə gində̄ nə̄ngá kasaá.

JAKARI 5:9

M-ún kumḿ kə̄ dɔɔ́ gōtə́ anī, m-á̰a̰ dəyá̰ gə̄ jōó teēn̄. Bɔ̄gə̄də́ to tītə̄ bɔ̄gə̄ yel̄ kóndə́la beé ō, nin̄ ḭḭn̄ bɔ̄gə̄ ō, tām̄ nél əla adə̄ undə́ aw̄ sedə́. Nin̄ unən̄ yá̰a̰ ɓōkə́ yá̰á̰ ní aw̄nəń ɓōdə̄ loo tə́ dɔɔ́, dɔ dán dɔ nang ō dɔ rā̰ ō tə́.

JAKARI 5:5

De kə́ dɔ rā̰ tə́ ń əndān̄ dɔn tə́ kadə̄ ɔr̄ najə̄ seḿ ní, ndɔ́tə̄ kə kété ba ədam̄ na: Ún kumií dɔɔ́ ba á̰á̰ yá̰á̰ ń teē noó.

JAKARI 5:1

M-ún kumḿ kə̄ dɔɔ́ ɓáý to̰ anī, m-á̰a̰ makətūbə̄ kə́ to tītə̄ ndāŕ kə́ ɓír̄ gidə naā tə́, kə́ nél un a dáyń ɓōdə̄ loo tə́.

JAKARI 2:1

M-ún kumḿ kə̄ dɔɔ́ anī, m-á̰a̰ gajə dā̰ gə̄ sɔ́.

DANIEL 7:5

Dā̰ kə́ nge ko̰ jōó to tītə̄ dā̰ úrsə. Ni-ɔr̄ tan dɔɔ́ sḛ́ý beē ō, əhɔ kə̄ngā nganjə yá̰a̰ gə̄ mətá tan tə́ kə ngāngəneé ō. Ədanən̄ na kə ḭḭ kə əsa dā̰ ngá̰ý!

DANIEL 6:28

Ni i nge gān̄g dɔ deē ō, nge kajə deē ō, nge rāā yá̰á̰ kə́ ɔr kum gə̄ ō yá̰á̰ kə́ yáā gə̄ ō, dɔ rā̰ tə́ ō dɔ nang tə́ ō, tɔdɔ̄ i ni n ajə Daniel ta ɓɔl gə̄ tə́ ní.

DANIEL 2:39

Ko̰o̰ ɓē kə́ rang kə́ tɔ́gən asə kə yāí alé a to gotií tə́. Gō tə́ anī ko̰o̰ ɓē kə́ nge ko̰ mətá a to, i nge ń gində̄ nə̄ngá kasə ɔsə kum gotə ní ko̰o̰ ɓē ní a ndi dɔ de gə̄ malang kə́ dɔ nang tə́ tə́.

JEREMI 51:11

Ɔ́liī ta kum gərā gə̄ ādī atə, Ɔ́yiī der gə̄ ō. Kɔ́ɔ̄ɓē ndól̄ ángal mban̄g gə̄ kə́ Medə tə́. A̰á̰ā̰, ni núm̄ rāā ń toō kə Babilon: I nujə seneé sák sák. I dal ba̰ā̰ yā Kɔ́ɔ̄ɓē, i dal ba̰ā̰ kə́ dɔ rā̰ tə́.

IJAI 44:28

M-ɔ̄r̄ najə̄ yā Sirus m-ə́da na: Ni i nge kɔr no gír deē yāḿ gə̄. Ni a rāā kadə̄ yá̰a̰ malang ń m̄-ndigə ní teē majə. Ni a adə̄ ndūn kadə̄ tél rāān̄ ɓē kə́ Jerusalem gogə́, kadə̄ tél rāān̄ kújə́ yā Kɔ́ɔ̄ɓē gogə́.

IJAI 21:2

Kɔ́ɔ̄ɓē rāā adə̄ m-á̰á̰ yá̰á̰ kógə̄ḿ kə́ to ɓōĺ ngá̰ý: Nge ɓoo rɔ̄n tū yā madə̄n tə́ kə́ kété jóo, tél nge tél kɔ̄ɔ́ gō madə̄n tə́, nge nujə loo rāā kəla yān. Kɔ́ɔ̄ɓē əda na: Elam gə̄, ə̄nī rɔ̄ɔ̄! Sḭḭ̄ Medə gə̄, ī-gīrī gidə ɓē! M-ā m̄-rāā kadə̄ gír kɔjə rɔ̄ yān malang gān̄g.

IJAI 13:17

Kɔ́ɔ̄ɓē əda na: M-ā m-ə́la kə Medə gēé kadə̄ rɔ̄ɔ̄n̄də́. De gə̄ ń noō usədə́ kə naraá aĺ ō, nin̄ kídə̄n̄ lɔ́r ō.

ESDRAS 4:5

Adə̄ əla gír ɓāl̄ ko̰o̰ ɓē yā Sirus mban̄g kə́ Persə tə́ bátə́ ugə̄ń ɓāl̄ ko̰o̰ ɓē yā Darius mban̄g kə́ Persə tə́ ní, əndān̄ yá̰a̰ jī ngé kadə̄ kɔjə̄ kə́ ndogó mbangāá gə̄ tə́ kadə̄ rāān̄ adə̄ ta kəla ń Jipə gə̄ a sāān̄ rāā ní ta to kə to kɔ̄ɔ́.

ESDRAS 1:2

Sirus mban̄g kə́ Persə ɔr̄ najə̄ i beé, əda na: Kɔ́ɔ̄ɓē, Nə́ɓā kə́ dɔ rā̰ tə́, adə̄m̄ ɓē ko̰o̰ gə̄ malang kə́ dɔ nang tə́ ō, nəkɔ́ əndā kəla rāā kújə́ kógə̄ḿ dɔḿ tə́ kadə̄ m̄-rāā m-ādə̄n kem ɓē kə́ Jerusalem kə́ Juda tə́ ō.

1 YÁ̰A̰ GƏ̄ 21:16

Dabid ənī kumən kə̄ dɔɔ́ anī a̰a̰ de kə́ dɔ rā̰ tə́ yā Kɔ́ɔ̄ɓē ɓōdə̄ loo tə́, ra i dɔ dán dɔ rā̰ nin̄ kə dɔ nangaá tə́. Nge kəla ní ɔr̄ kaskar yān kem hɔ̄pə̄n tə́, ba əla kum kə̄ dɔ ɓē kə́ Jerusalem tə́. Dabid nin̄ kə kum kɔ̄ɔ́ gə̄ ń əlan̄ kūbə̄ kəhɔ ndoō rɔ̄də́ tə́ ní əsō sébən̄ kumdə́ nang tə́.

JOJUE 5:13

Ndɔ̄ kə́rēý tə́ Jojue i kadə ɓē kə́ Jeriko tə́ ngɔr ni-ɔr̄ dɔn dɔɔ́ anī, a̰a̰ deē kógə̄ḿ ra non tə́ kə kaskar kə́ kɔr̄ kɔ̄ɔ́ kem kɔ̄pən tə́ jīn tə́. Jojue aw̄ rɔ̄n tə́ ba dəjen najə̄ əda na: Ḭ̄ i de kə́ dām̄ yājí tə́ aké ḭ̄ i de kə́ dām̄ yā madə̄ ba̰ā̰jí gə̄ tə́?

TƏ́DA 24:2

Dan ń ni un kumən kə̄ dɔɔ́ á a̰a̰ ngán Israel gə̄ kə́ ndin̄ kem gérger yādə́ gə̄ tə́ kə gō gír ɓē yādə́ gēé ní anī, Ndíl yā Nə́ɓā reē dɔn tə́,

JEJU TEĒ KUM JA̰A̰ 5:6

Ba m-á̰a̰ Ngōn̄ batə̄ kógə̄ḿ ra kə njan kə́ dɔɔ́ dɔ kōr̄ kāgə̄ mbang ní tə́ danaá bang ō, dan yá̰á̰ kə́ kə kumuú kə́ sɔ́ gə̄ ní tə́ ō, dan kum kɔɔ̄ gə̄ ní tə́ ō. To tītə̄ kə́ əjan̄ míndən beé ō, gajən gə̄ i sīrí ō, kumən gə̄ i sīrí ō. Kumən kə́ sīrí gə̄ ní, i Ndíĺ kə́ sīrí gə̄ yā Nə́ɓā ń əlan̄də́ adə̄ aw̄n̄ kə̄ loo gə̄ tə́ malang dɔ nang tə́ ní.

JEJU TEĒ KUM JA̰A̰ 13:11

Anī m-á̰a̰ dā̰ kə́ rang teē gír nángāá. Gajən gə̄ i jōó ba gajən gə̄ ní ton̄ tītə̄ yā ngōn̄ batə̄ beé ō, ni-ɔr̄ najə̄ tītə̄ dā̰ kə́ to ɓōĺ ngá̰ý beē ō.

DANIEL 8:2

Yá̰á̰ ń m-á̰a̰ā̰ ní n toó: Nī rāām̄ adə̄ m̄-rā i Sujə ń i ɓē kə́ ngan̄g ngá̰ý kə́ gō nang kə́ Elam tə́ ní kadə man̄ Ulay.