DANIEL 8:27 - Bibəl ta Sar̄

²⁷ Kum mbang ń noō tə́ ɓáa mā Daniel tɔ́gə́ḿ ur̄ wak kɔ̄ɔ́ ō, gō tə́ anī m̄-rāā mo̰y ndɔ̄ ngá̰ý ō. Dan ń m-ḭ́ḭ dɔ mo̰y tə́ ɓáa m̄-rāā kəla yā mban̄g. Yá̰á̰ ń m-á̰a̰ā̰ ní rāām̄ kə ɓōló ngá̰ý ō, de kə́ ger̄ kum gətóo ō.

Bible sar

²⁷ Kum mbang ń noō tə́ ɓáa mā Daniel tɔ́gə́ḿ ur̄ wak kɔ̄ɔ́ ō, gō tə́ anī m̄-rāā mo̰y ndɔ̄ ngá̰ý ō. Dan ń m-ḭ́ḭ dɔ mo̰y tə́ ɓáa m̄-rāā kəla yā mban̄g. Yá̰á̰ ń m-á̰a̰ā̰ ní rāām̄ kə ɓōló ngá̰ý ō, de kə́ ger̄ kum gətóo ō.

DANIEL 8:27 Referans Kwoze

DANIEL 7:28

Gír najə̄ ní gān̄g i loo ń toō tə́. Mā Daniel tā anī gír̄ yāḿ gə̄ əlan̄ ɓōĺ kemḿ tə́ ngá̰ý. gír̄ gə̄ ní rāāmə̄n̄ adə̄ m̄-tetə ndaa ō, asəm̄ gír̄ yá̰a̰ dɔ tə́ aĺ ō.

HABAKUK 3:16

M-ōō kōō yá̰á̰ ń noō malang, adə̄ kemḿ nujə sák sák kɔ̄ɔ́. Ɓōĺ rāām̄ adə̄ taḿ ndew ō, rɔ̄ḿ sɔl̄ yélélé ō. Njaḿ əhɔ dɔ nang aĺ ō. m̄-ndi kə taḿ kə́ mbóó m̄-ngóoń ndɔ̄ wur kɔl, yā kadə̄ m-āw̄ m̄-rɔ̄ɔń gír de gə̄ ń ənīn̄jí rɔ̄ɔ̄ ní tə́.

DANIEL 10:16

Banī deē ní ɔdə ndāŕ taḿ. Anī m̄-tḛḛ̄ taḿ m-ɔ̄r̄ najə̄. M-ə́da deē ń ra noḿ tə́ ní na: Kɔ́ɔ̄ḿ, yá̰á̰ ń m-á̰a̰ā̰ ní rāā adə̄ ɓōĺ rāām̄ ngá̰ý ō, rāā adə̄ tɔ́gə́ḿ gətóó bátə́ ō.

DANIEL 10:8

Adə̄ i mə̄kɔ́ ngóy n m̄-rā kə kérə́ḿ m-ā m-á̰á̰ yá̰á̰ kə́ to kɔr kum ngá̰ý ń ndōbə̄m̄ ní. Tɔ́gə́ḿ sḛ́ý gə̄gē gətóó bátə́ ō, ta kumḿ tūr̄ kɔ̄ɔ́ ō, tetə ndaa ō, m̄-sɔl̄ yélélé ō.

DANIEL 8:7

Reē ugə̄ rɔ̄n tə́ anī kɔ̄r̄ rāān dɔn tə́. Ni ɔsən anī gajə kə́ jōó gə̄ tetən̄ ō, bal batə̄ ní teē əsō ō, kə́ kadə̄ dumə̄nneé gətóo ō. Ni tə́ɓā bal batə̄ ní kə njaneé ō, de kə́ kadə̄ taān jīn tə́ gətóo ō.

DANIEL 8:2

Yá̰á̰ ń m-á̰a̰ā̰ ní n toó: Nī rāām̄ adə̄ m̄-rā i Sujə ń i ɓē kə́ ngan̄g ngá̰ý kə́ gō nang kə́ Elam tə́ ní kadə man̄ Ulay.

DANIEL 5:14

Ədan̄ najə̄ yāí adə̄ m-ōō. Ədan̄ na ndíĺ nə́ɓā gə̄ na i kemií tə́ ō, teēn̄ dɔ tə́ kadə̄ ḭ̄ i de kə́ á̰á̰ yá̰á̰ ngá̰ý ō, de kə́ nge ger̄ kum yá̰a̰ gə̄ ō, āw̄ kə kum kedə̄ kə́ tayā ō.

1 SAMUEL 3:15

Samuel to nang tə́ bátə́ loo tīī. Gō tə́ anī ḭḭ aw̄ teē ta kújə yā Kɔ́ɔ̄ɓē. Ni ɓōĺ kaw̄ kɔjə Eli gotə yá̰á̰ ń a̰ā̰ ní.

DANIEL 4:19

kɔ́ɔ̄ ɓē gə̄, kāgə̄ ní i ḭ̄! Tɔdɔ̄ ī-tél de kə́ bo ō tɔ́gí to ō, ī-tɔgə bátə́ ɔ́də no rā̰ ō, ó̰o̰ ɓē bátə́ ta ngóy dɔ nang tə́ ō.

DANIEL 8:17

Gabəriyel reē ngɔr kadə loo ń m̄-rā tū tə́ ní tə́. Dan ń a reē ní ɓōĺ rāām̄ ngá̰ý adə̄ m-ə̄sō m̄-sébə kumḿ nang tə́ kɔ̄ɔ́. Ni ədam̄ na: Ngōn̄ deē, majə kadə̄ ī-ber̄ kadə̄ yá̰á̰ ń á̰a̰ā̰ ní i tām̄ yā ndɔ̄ gə̄ kə́ ta ngóy tə́.