DANIEL 8:22 - Bibəl ta Sar̄

²² Dan ń gajən tetə ní, kə́ rang kə́ sɔ́ gə̄ ń əɓan̄ gotoó ní, i ɓē ko̰o̰ kə́ sɔ́ gə̄ kə́ a ton̄ gotə nge kə́ kété tə́, banī tɔ́gə́də́ a to tītə̄ yā nge kə́ kété alé.

Bible sar

²² Dan ń gajən tetə ní, kə́ rang kə́ sɔ́ gə̄ ń əɓan̄ gotoó ní, i ɓē ko̰o̰ kə́ sɔ́ gə̄ kə́ a ton̄ gotə nge kə́ kété tə́, banī tɔ́gə́də́ a to tītə̄ yā nge kə́ kété alé.

DANIEL 8:22 Referans Kwoze

DANIEL 11:4

Dan ń ngəran a əhɔ nang majanī ɓē ko̰o̰ yān a nujə sák sák ō, a gāngə̄n̄ ɓē ko̰o̰ yān ní naā tə́ kə̄ loo gə̄ tə́ gír ɓē tə́ ō, no ɓē tə́ ō, dām̄ mbɔ̄r ɓē kə́ jōó gə̄ tə́ ō. De kə́ gír kaa yān tə́ a ndi gotən tə́ dɔ ɓē ko̰o̰ yān tə́ alé, a adə̄n̄ i de kə rang gə̄.

DANIEL 8:8

Bal bə̄yā̰ ní reē bo ngá̰ý. Ba dan ń tɔ́gən i ngá̰ý al̄ naā anī gajən kə́ bo ní gān̄g tetə dip ba kə́ rang kə́ bo gə̄ sɔ́ əɓan̄ gotoó, kumdə́ sɔɔ̄ gír ɓē ō, no ɓē ō, mbɔ́r ɓē kə́ geleé ō kə́ ko̰ó̰ ō.

DANIEL 8:3

M-ɔ̄r̄ dɔḿ dɔɔ́ anī m-á̰a̰ bal batə̄ kógə̄ḿ ra ta man̄ tə́, gajən i jōó. Gajən gə̄ ní ngālə̄n̄ ngá̰ý, banī kógə̄ḿ ngāl̄ tɔȳ madə̄. Nge ń ngāl̄ tɔȳ madə̄ ní əɓa i gō gogə́.

DANIEL 7:6

Gō tə́ anī m-á̰a̰ dā̰ kə́ rang kə́ to tītə̄ kagə beé ba bɔ̄gə̄ yel̄ gə̄ i sɔ́ dan gidən tə́. Dɔn i sɔ́ ō, adə̄nən̄ tɔ́gə kadə̄ o̰o̰ń ɓē ō.

DANIEL 8:21

Bal bə̄yā̰ i mban̄g Gərek. Gajən kə́ bo ń ra dɔ dán kumən gə̄ tə́ ní i mban̄g kə́ ta kəga dɔ.

DANIEL 8:23

Dan ń gír ko̰o̰ ɓē yādə́ gān̄g ō, ngé rāā majaĺ gə̄ rāān̄ yá̰a̰ majaĺ adə̄ al̄ naā ō anī, mban̄g kógə̄ḿ kə́ rāā nban̄g ngá̰ý ō ger̄ loo gól̄ de gə̄ ngá̰ý ō a ḭḭ yān dɔɔ́.

JAKARI 6:1

M-ún kumḿ kə̄ dɔɔ́ ɓáý to̰, anī m-á̰á̰ púsə rɔ̄ɔ̄ gə̄ sɔ́. Púsə rɔ̄ɔ̄ gə̄ ní njə̄rān̄ kumdə́ kə̄ kété, ba i dɔ dán mbal̄ bo gə̄ jōó tə́. Rāān̄ mbal̄ bo gə̄ ní i kə gində̄ nə̄ngá kasaá.

DANIEL 7:7

Yá̰a̰ gə̄ ń teēn̄ ta kumḿ tə́ ndɔ̄ɔ́ ní m̄-na̰y kə̄ loo ka̰a̰də́ tə́: Dā̰ kə́ nge ko̰ sɔ́ ń m-á̰a̰ā̰ ní i dā̰ kə́ to ɓōĺ ngá̰ý ō, i dā̰ kə́ a rāā deē kə ɓōló ngá̰ý ō, ngan̄g to ɓōĺ ngá̰ý ō, rāān̄də́ i kə gidí ō, ni əsań yá̰a̰ ō, gángəń yá̰a̰ naā tə́ ō, gotə yá̰á̰ ń na̰y ní ɓáa ni tə́ɓā kə njaneé ō. Dā̰ kə́ mətá gə̄ ń teēn̄ kété non tə́ ní to tītə̄də́ aĺ ō, gajən i kutə kógə̄ḿ ō.